+ Reply to Thread
Results 1 to 2 of 2

Thread: Yene Bir Qétimliq Keng Kölemlik Namayishqa Jiddiy Chaqiriq

  1. #1

    Exclamation Yene Bir Qétimliq Keng Kölemlik Namayishqa Jiddiy Chaqiriq


    Yene Bir Qétimliq Keng Kölemlik Namayishqa Jiddiy Chaqiriq

    Aptori: banu sutuq
    Qedirlik qérindashlar, namayishqa jiddiy chaqiriq. Sewebi töwendikidek:

    8-ayning 6 - kündin buyan, xelq'ara metbuatlar girmaniyining panaliq tiligen bir uyghurni ishxana memuriy ishliridiki sewenlik tüpeyli bu yil 4 - ayda xitaygha qayturwetkenliki, uning adwokati liyo borgmenning (Leo Borgmann) shundin béri uningdin hich xewer alalmighanliqi we uning xitayda qolgha élin'ghan bolushidin ensireydighanliqini arqa- arqidin xewer qildi(sol tereptiki ékran süritide körsitilgendek).
    Panaliq tiligen u uyghur qérindishimiz 2013 - yili yaniwarda xitaydin chiqqan bolup, türkiye arqiliq miyunxén'gha kelgen hem féwralda panahliq tiligen. U bu yil 4- ayning 3 - küni girmaniyining bawariyidin xitaygha qayturulghan. Shu küni u eslide miyunxindiki bir köchmenler ishliri ishxanisigha bérip, panahliq iltimasidin guwahliqtin ötüshi lazim iken. Bu guwahliqtin ötüsh toghrisida köchmen we panaliq ishliri fédral ishxanisi (BamF) yerliktiki alaqidar ishxanigha fakis ewetken, amma fakis tapshurup élinmighan. Köchmen we panaliq ishliri fédral ishxanisi bu toghrisida izahat bérishni ret qilghan, emma chigridin qoghlap chiqirilghan bu xil ehwalni "qobul qilishqa bolmaydu" digen. Xewerde yene, dunya uyghur qurultiyining pilan bashqurghuchisi (project manager: peter Irwin) pitir arwin "uning qayta terbiylesh merkizige solan'ghanliqi éhtimalgha tolimu yéqin" digen.
    Awazimizni dunyagha anglitimiz dep tiriship kéliwatimiz, sewep tépip namayishlar qiliwatimiz. Panaliq tiligen qérindishimizning sewenliktin xitaygha qayturulghanliqi namayish qilishimizgha tolimu muwapiq bahane bolalaydu. Bu namayishning biz dewayimizda düch kéliwatqan tosalghularni ajizlitishta pewqul'adde muhim roli bar. Mesilen, xitay hazir uyghurlar üstidin yürgüziwatqan zulumini yoshurupla qalmastin, nami özgertilgen türmiliri (terbiyilesh merkizi)ning barliqinimu étirap qilmaywatidu. Hetta birleshken döletler teshkilati barliq érqiy kemsitishlerni tügitish komitéti jenwede 8- ayning 6-künidin 30 -künigiche achmaqchi bolghan 96 - nöwetlik yighinigha özini maxtap, érqiy kemsitishke qarshi qolghan keltürgen "netijiliri"din doklat bermekchi boliwatidu. Uning bu xildiki köz boyamchiliqliri terbiyilesh türmiliri ashkara bolghanda, zulumlar pash bolghanda berbat bolidu. Emma terbiyilesh türmiliri we zulum toghrisidiki uchurlar bekmu yitersiz. Muxbirlar özliri bérip birinchi qol uchurlargha ige bolushi yaki xelq'aradin bir tekshürüsh guruppisining ewetilishimu hazirche mümkin emes. Wetendin chiqiwatqan uchurlar shunche muhim bolushigha qarimay, "menbesi éniq emes" digen sewep bilen xelq'araning toluq étirap qilishigha érishelmeywatidu.
    Girmaniye özi ötküzgen sewenlik tüpeyli, shu qérindishimizning iz-dérikini qilish mes'uliyiti bar. Eger u heqte uchur alalisa, u uchurlar köp yaki az bolushidin qet'inezer uni xelq'ara étirap qilidu, uyghurlarning béshigha kéliwatqan zulumning ispati bolalaydu. Salih xudayar qérindishimiz bashchiliqidiki namayish qatarliq dewa ishlirimizgha paydiliq. Uchur alalmighan teqdirdimu, eng bolmighanda tayland we malaysiyide tutup turuliwatqan, bashqa döletlerde panahliq tilewatqan qérindashlirimizning xitaygha qayturulmasliqigha sewep bolup qélishi mümkin. Uchur alalmasliqning özimu bir heqiqetni chüshendüridu, yeni uyghurlargha séliniwatqan zulum heqiqeten éghir, shuning üchün xitay hichqandaq uchur bérishni xalimaydu, heqiqetni yoshuridu. Mana mushu netijini közde tutup namayishqa chaqiriq qilindi.
    Emma bu namayish hergizmu girmaniye dölitini eyiblesh yaki uningdin narazi bolush niyiti üstige pilanlansa bolmaydu, bolmisa sitratégiyilik xataliq kélip chiqidu. Hetta uyghur dewasigha selbiy tesir, ornini tolduriwalghili bolmaydighan ziyan élip kélidu. Dunya uyghur qurultiyi girmaniyining miyunxén shehride mewjut bolup turmaqta. Girmaniye döliti köpligen uyghurlargha panahliq bérip ulargha ige chiqqan hem chiqiwatidu. Biz uyghurlar yaxshiliqni tonuydighan xelq. Biz namayishta girmaniyining hazirghiche uyghurlargha qilip bergen yaxshiliqlirigha rehmet éytish bilen birge girmaniyining shu qérindishimizning iz-dérikini qilip bérishni yolluq telep qilishimiz kérek. Biz chet'eldiki uyghurlar shu qérindishimizning atisi, anisi, akisi, hedisi, inisi we sngilliri, shuning üchün bizning uning iz-dérikini qilish heqqimiz bar, xuddi shawgüende öltürülgen qérindashlirimizgha adalet telep qilghandek.
    Qedirlik qérindashlar, shu qérindishimiz nelerde qiyliniwatidighandu, xorliniwatidighandu, hayatmidu, tirikmidu ... Erkinlikning bosughusidin élip kétildi. Ötmüshni özgertkili bolmaydu, hazirgha we kelgüsige mensup bir emeliy ish qilayli. Xuddi 27-april namayishidek, dunyaning her qaysi jaylirida teshkillinip, özimiz turiwatqan jaydiki girmaniye konsulxanisining aldida ténch we yolluq halda shu qérindishimizning iz-dérikini qilip bérishni, hayat bolsa erkin dunyagha qayturup kélishni telep qilayli.
    Namayishni ikki basquchqa bölüp qilishni oyliship béqishqa bolidu: birinchi basquch, bir künlük namayish, yeni 27 - aprél namayishidek her qaysi döletlerde oxshash künde namayish qilish. Ikkinchi basquch, taki girmaniye dölitidin shu qérindishimiz toghrisida xewer bolghan'gha qeder, shu jaydiki uyghur nopusigha qarap, ismina tüzüp, öchret boyiche her küni bir yaki bir nechche kishi namayish qilishni dawamlashturush. Bu namayish qanche baldur bashlansa ünümi shunche yuqiri bolidu. Bu namayishni aldinqi qétimdikidek dunya uyghur qurultiyi teshkillise muwapiq bolidu. Dunya uyghur qurultiyining 8-ayning 10-küni jenwediki birleshken döletler teshkilati binasi aldidiki chong meydanda ötküzmekchi bolghan namayish bilen birleshtürüp pilanlansa hem shu asasta dawamlashturulsimu muwapiq bolidu. Eger melum sewepler tüpeyli bu shekilde orunlashturalmisa, qéni bashqa teshkilatlirimiz, xelqni teshkillenglar. Awstiraliye, amérika, yawropa, türkiye, yaponiye we ottura asiyadiki barliq uyghurlargha xewer qilip we qozghitip, yene bir qétim zor kölemlik namayish orunlashturunglar.
    Hazir xelq'ara sewenliktin qayturuwétilgen bu qérindishimizning hazirqi ehwaligha, girmaniyining buninggha qarita qandaq ish tutidighanliqigha, xitayning qandaq inkas qayturidighanliqigha diqqet qilmaqta. Bu bekmu yaxshi purset. Pursetni ching tutayli qérindashlar. Chet'eldikiler tutulup ketken qérindashlirimizni muxbirlargha yüreklik dep bérelmeywatqan, muxbirlar bizning aghzimizgha qarap gep alalmaywatqan yaki özliri neq meydanni ziyaret qilishqa muyesser bolalmaywatqan, uyghur xelqi eng yardemge muhtaj boluwatqan mana mushundaq hel qilghuch waqitlarda, qazaq qérindashlirimizning sayragül üchün erkinlik telep qilighinini örnek qilip, hemmimiz qozghilayli qérindashlar. Chonglirimiz tömürni qiziqida soq dep toghra éyitqan. Teshkilatlar, rehberler, qérindashlar, pursetni qoldin bermeyli !

    2018-yili 8-ayning 8-küni

  2. #2
    Unregistered Guest

    Default

    He merhemet, siz uzingiz chiqip namayish qiliwiring ruxset alghan bolsingiz.

+ Reply to Thread

Posting Permissions

  • You may post new threads
  • You may post replies
  • You may not post attachments
  • You may not edit your posts
  •