+ Reply to Thread
Results 1 to 7 of 7

Thread: Rabiye Qadir : Sherqiy Türkistan Xelqining Mubarek Ramazan Eyi Qutluq Bolsun !

  1. #1
    Rabiye Qadir Guest

    Default Rabiye Qadir : Sherqiy Türkistan Xelqining Mubarek Ramazan Eyi Qutluq Bolsun !

    Rabiye Qadir : Sherqiy Türkistan Xelqining Mubarek Ramazan Eyi Qutluq Bolsun !

    Essalamu eleykum Sherqiy türkistanliq eziz qerindashlirim, mana biz pütün dunya musulmanliri cheksiz hayajan we teshnaliq ichide 11 ayning sultani mubarek ramazan eyigha sherep bilen qedem bastuq, mushundaq xasiyetlik bir ayning yetip kelishi munasiwiti bilen, weten ichi we sirtidiki pütün xelqimning ushbu ramazan eyini yürektin qutluqlaymen, allah ibaditinglarni, dualiringlarni qobul qilghay, uluq Rozining xasiyiti bilen hemmimizge hidayet ata qilghay !

    Eziz qérindashlar, hemminglargha melumki, nöwette sherqiy türkistan zéminini yüksek derijidiki mustebit we fashist tüsni alghan dölet térrori qaplidi, qanliq köz yash ichidiki uyghur xelqining dat – peryadliri pütün Sherqiy türkistan zéminini lerzige saldi, bir pütün uyghur milliti kommunist Xitay hakimiyiti teripidin " düshmen millet" dep qarilip, pütün Xitay miqyasi boyiche Xitay saqchi – eskerlirining we hetta Xitay puqralirining xalighanche bozek qilishigha, xorlishigha, tutqun qilishigha, qiynishigha we öltürülüshige yol quyup berildi, yene shundaqla Xitay hakimiyiti atalmish "dini radikalliqqa qarshi turush" dégen saxta sho’ar astida uyghur xelqining diniy we milliy mewjutluqini yoqitish üchün omumiy yüzlük jeng élan qildi, ushbu mubarek Ramizan eyi yeqinlishiwatqan künlerde mustebit xitay hakimiyitining zorawanliqi, telwiliki we nijisliqi shu derijige berip yettiki, hetta Sherqiy türkistan xelqining mosulmanche isim qoyushimu cheklendi, mesjitlerde oqulidighan ezanni, xutbini, ayetlerni we hetta namazdin keyin qilinidighan dualarnimu xalighanche özgertip, xelqimizni mushtumzorluq bilen mustebit kommunistik xitay hakimiyetke medhiye oqughuli saldi …

    Qisqisi, zorawan xitay hakimiyitining Sherqiy türkistan xelqighe seliwatqan chekidin ashqan zulumlirini we muqeddes islam dinimizgha qiliwatqan haqaretlirini sanap tügitish mumkin emes !

    Eziz qerindashlirim, her qetim pütün dunya musulmanlirini shatliqqa chömdürgen mana mushundaq xasiyetlik ay – künler yetip kelginide, weten ichide Xitay zulmi astida azap chekiwatqan milyonlighan xelqimiz, Xitayning weh’shi zindanlirida jan talishiwatqan sansizlighan bigunah qerindashlirimiz, Xitayning ichki ölkiliride sersan – gergerdan bolup xorluq ichide ingrap yürgen bichare oghul – qizlirimiz, mustebit we zalim xitayning chekidin ashqan zulmidin qurtulush üchün eziz wetinini terik etip qechip chiqip chetel türmiliride yoruqluq we erkinlikke teshna bolup azap chekip yatqan bigunah musapirlirimiz, yene shundaqla wetensizlik derdidin körüsh imkaniyitimiz bolmighan wetendiki ata – ana, uruq – tuqqan we dost - yarenlirimiz köz aldimizda namayen bolidu we bunungdin cheksiz azaplinimiz !

    Xuddi silergimu melum bolghinidek, wetinimiz Sherqiy türkistan Kommunist Xitayning tajawuzigha uchrighandin buyan, weten ichidiki Xelqimizning birer künimu xatirjemlik we shatliq ichide ötüp baqqini yoq, Xelqimizning her bir küni qanliq yash töküsh we musibet ichide hesretlinish bilen ötti, adaletsizlikke qarshi heqni sözligenning tili kesildi, chidighusiz zulumgha qarshi isyan bayriqi kötürüp chiqqanning beshi kesildi, özining musulmanliq mejburiyetlirini ada qilish üchün namaz qilish we roza tutush uyaqta tursun, hetta < men musulman > digüchilermu Xitay jallatlirining aldida bir gunahkargha aylinip qaldi !

    Dinsiz, shepqetsiz, zalim kommunist xitay hakimiyiti xelqimizning her qetimliq mubarek ramazan eyini azap – oqubet we zulumgha tolghan jehennem eyigha aylandurdi !

    Dimek, heqiqet shuni ispatlidiki, eger biz jasaret we küresh bilen öz erkinlikimizni we öz teqdirimizni özimiz belgilesh hoqoqimizni qolimizgha almaydikenmiz, bizge ebediyen tenichliq, xatirjemlik we bexit – saadet yoq ! yene shundaqla allah aldidiki musulmanliq mejburiyetlirimizni azadilik ichide ada qilishtinmu menggü söz achalmaymiz !

    Shunga eziz qerindashlirim, mana bu uluq ay we uluq künlerde, her bir ibaditimizde allahtin wetinimiz Sherqiy türkistangha azatliq we Xelqimizge hörlük tileyli !

    Öz xelqining hörlüki we erkinliki yolida qurban bolghan eziz shehidlirimizning rohigha fatihe oquyli, ularning söyümlük ata – ana we uruq tuqqanlirigha sebir tileyli, her qetimliq iptarimizda we tirawil namazlirimizda janabi allahtin xitayning zindanlirida azap – oqubet chekiwatqan sansizlighan batur ezimetlirimizning azabini yenggillitishni tilep dua qilayli, köz yashlirimiz her zaman weten ichidiki mehriban xelqimizning qanliq köz yashliri bilen birge bolsun !

    Mana bu mubarek ayni xuddi allahning buyrughinidek heyri – saxawet, diyanet, ehsan, shepqet, birlik, ittipaqliq, dosluq, hemkarliq we söygü eyigha aylandurayli !
    Ushbu mubarek künlerde, Taylant we bashqa ellerning türmiliride we lagirlirida azap – oqubet chekiwatqan, shundaqla özlirining erkinlik we hörlükke bolghan teshnaliqini izhar qilish üchün achliq elan qilip yatqan jesur qerindashlirimizgha allahtin küch – quwet we nusret tileyli, ulargha yardem qolumizni sunushni bir insaniy, milly, dinniy we wijdani burchimiz dep bileyli !

    Hemmimiz ilgiriki özara adawet, ziddiyet we ixtilaplarni tamamen kallimizdin saqit qilip, weten ichide zulum ichide jan talishiwatqan Xelqimizning hörlüki we azatliqi üchün milliy küresh yolimizda birlikte ilgirleyli !

    Muhajirette yashawatqan pütün qerindashlirimiz bu mubarek ay – künlerde her zaman weten ichidiki Xelqimiz bilen bir ten, bir wujut we bir nepes bolup, ularning qayghusigha ortaq bolayli, chetelning rahet – paraghetlik turmushigha berilip ketishtin saqlinip, weten ichide ach – yalingachliq ichide ingrewatqan Xelqimizge yardem qolimizni sunushni sherep we mejburiyet dep bileyli !

    Shunung‘gha ishenchim kamilki, hemmige qadir allahim biz Sherqiy türkistan Xelqimighimu haman bir küni erkinlik, hörlük we bexit – saadet ichide yashaydighan xasiyetlik künlerni nesip qilghusi !
    Pütün Xelqimning Ramazan eyigha mubarek bolsun !

    ehtiram bilen:

    Rabiye Qadir ( Dunya Uyghur Qurultiyining reyisi )

  2. #2
    Unregistered Guest

    Default

    Alladin chet'ellerdiki wetendashlarning ozliri hatirjemlikke irshiwalghandin kiyin wetendikilerni "jihat"qa kushkurtmesligini, kishilik hoquq qalpighini kiyiwelip turupmu ohshimighan pikirlerdikilerni "munapiq" dep tillashtin tohtap qelishini, wetenge tiliphunliri arqiliq we sayahetke barghanlirida "teblih" qilip yashlarni turmilerge tutup bermesligini, bashqa milletler we bash dindikiler bilen ep otup ularni "kapir" dep tillimaslighini, imamlirimizning "jenet biliti" bilen yashlarni radicallashturup tuyuq yolgha bashlap qoymaslighinighi, "siyasiyun"lirimiz we ularning "chaparmen"lirning ozige yeqinlashmighan we ohshimighan koz qarashtikilerni sesitish we yitim qaldurushtek osal haratirliridin yenishini, pul uchun aq qarini astun ustun qiliwetmesligi, ozliri turiwatqan ozlirige panaliq birip beqiwatqanlarning qanun we qimmet qarashlirigha hormet qilidighan bolishini, bizning weten bilen bolghan alaqimizni ewlatmu ewlat dawamlashturalishimizni...tilep dua qiayli. Wetendikilerge 12 milyun helqimiz wetende turmilerde azap tartiwatqan yuz minglighan biguna yashlar uchun ularni mushundaq kunge qoyuwatqan communist we wahabi telwilining yoqolushigha dawamliq dua qilidu. Dua ming yildin biri dawamliship kelmekte, wetenni kunkin kunge nes basmaqta…

  3. #3
    Unregistered Guest

    Default

    Yashlarni aldap Erep telwiligining qurbani qiliwitiwatqan, Suriyege adem we pul mal yolgha seliwatqan, shundaq qilip Hitayning Uyghurgha radical we tirorchiliq qalpighni chaplap qiriwitishige yol hazirlap, dunyaning sukut qilishini kelturup chiqiriwatqan, yuz minglighan yashlirimizning eghinishliq kunge qelishigha sewep boliwatqan, Uyghurni ahiri yoq yengilidghan "jengge" kushkurtiwatqan, buning bedilige ozliri heshemetlik turmush kechuriwatqan "diniy alim, ziyali we siyasiyun..."lirimizning insawini tileyli.

    Erepleshken tor tiliwizorlirida "jihat" teshwiqati qilip sansizlighan biguna yashlirimizni yalghan umutke kushkurtup ularning hayatini nabut qiliwatqan wurrachilargha insap tileyli.

  4. #4
    Unregistered Guest

    Default

    Yillerdin beri Yawrpadiki doletlerning biheterlik organlirigha ismi quxken Uyghurlarning kunsayin kupuyixi kixini oylandurmay koymaydu.

  5. #5
    Unregistered Guest

    Default

    Quote Originally Posted by Unregistered View Post
    Yillerdin beri Yawrpadiki doletlerning biheterlik organlirigha ismi quxken Uyghurlarning kunsayin kupuyixi kixini oylandurmay koymaydu.
    Netijisini koruwatimiz😡😡

  6. #6
    Unregistered Guest

    Default

    Quote Originally Posted by Unregistered View Post
    Netijisini koruwatimiz😡😡
    Rast deysiz, aldirmay kurusiz tehi, keyningizge sanqighanda netijisini tehimu enik kurusiz. Sizning kimligingingizni perez kilix anqe tes emes, dikket kiling, ayalingizni sahta Turuk mollam jaylap koymisun yene.

  7. #7
    Unregistered Guest

    Default

    Hormetlik Rabiye ana, milletimizning, dolitimizning anisi, mehterem rehbirimiz , sizmu bu qutluq ayda xelqimizning arzusi boyiche bizge bashlamchi bolghaysiz , axirghiche bashlamchiliq yolidin qaytmighaysiz, tarixta otken herqandaq ulugh rehberlermu , ushshaq chiwinlarning parakende selishigha uchrap turghan, biraq asasliy xelq ammisi menggu sizni qollaydu, arqingizda turidu, millitimiz burunqidek kop oylanmayla ish qilip , Kim bashlisa kitiweridighan dewrdin alliqachan otup ketti, qeddingizni tik tutup teximu zeper quchqaysiz!

+ Reply to Thread

Posting Permissions

  • You may post new threads
  • You may post replies
  • You may not post attachments
  • You may not edit your posts
  •