http://www.rfa.org/uyghur/xewerler/t...encoding=latin


Uyghur, mongghul, tibet we xitay kéngishi yighin chaqirdi
Ixtiyariy muxbirimiz pidaiy
2012-06-04
Gollandiyining harlim shehiride «uyghur, mongghul, tibet we xitay kéngishi» teshkilati teripidin uyushturulghan hemkarliq yighini paaliyitige ötküzüldi.


RFA/Pida’iy

Gollandiyining harlim shehiride «uyghur, mongghul, tibet we xitay kéngishi» teshkilati teripidin uyushturulghan hemkarliq yighinidin körünüsh. 2012-Yili 2-Iyun.
2012‏-Yili 6‏-Ayning 2‏-Küni gollandiyining harlim shehiride uyghur, tibet, mongghul we xitay aktipliridin teshkillengen teshkilat we shexslerdin bolup, 20 din artuq kishi bir yerge jem bolup, «uyghur, mongghul, tibet we xitay kéngishi» teshkilati teripidin uyushturulghan hemkarliq yighini paaliyitige qatnashti. Paaliyetke dunya uyghur qurultiyining siyasiy we tashqi ishlar muawin mesuli esqerjanmu közetküchilik salahiyiti bilen qatnashti.

Paaliyet shu yer waqti chüshtin kéyin saet 3 din, kech saet 8 ge qeder dawam qildi. Yighinda uyghur, mongghul we xitay aktipliri bes-Munazire qilip, nöwette hel qilishqa tégishlik ishlar we kelgüsidiki istiqballiri téma qilinghan mezmunlarda pikir bayan qildi.

Yighinda otturigha qoyulghan ortaq nuqta xitay kommunist hakimiyitini aghdurup tashlash we hemme millet öz teqdirini, özi belgileshtin ibaret ikki nuqtigha merkezleshti. Söhbet ariliqida insanperwerlik témiliri asas qilinghan ijadiy naxshiliri bilen dunyadiki ézilgüchi milletlerge hésdashliq qilip kéliwatqan gollandiyilik xelq naxshichisi harriy ependi xitayning chektin ashqan zulumliri tenqid qilinghan bir naxshisini oqup berdi.

Kechlik ghizadin kéyin, dunya uyghur qurultiyining yaponiyidiki paaliyetliri tonushturulghan qisqa filimler körsitilip, erkin témilarda munaziriler bolundi. Dunya uyghur qurultiyining tashqi we siyasiy ishlar muawin mesuli esqerjan ependi ziyaritimizni qobul qilip, bu yéghingha qatnishishtiki meqsetler we bu paaliyetlerge ishtirak qilghuchi uyghurlarning ijabiy-Selbiy terepliride diqqet qilidighan nuqtiliri heqqide toxtaldi.

«Uyghur, mongghul, tibet we xitay kéngishi» teshkilati ötken yili qurulghan bolup, teshkilatqa mongghul paaliyetchisi témtshiltu ependi reis, bextiyar nasir ependi muawin reis bolup, paaliyet qilip kelmekte.

Copyright © 1998-2011 Radio Free Asia. All rights reserved.