Biliwal.com 5-féwral xewiri. Süriyediki étiraz bildürgüchiler Daniye we Norwégiyening Demeshqtiki elchixanilirigha ot qoyup, Muhemmed peyghemberning hejwiy resimini sizish weqesige étiraz bildürdi.
Ghezeblen’gen nechche ming Süriyelik Daniye bilen Norwégiyening Demeshqtiki elchixanisigha hujum qildi.

Buningdin ilgiri, Daniye öz puxralirining süriyedin ayrilishini telep qilghanidi.
Buningdin bashqa, Pakistan Diplomatiye ministirliki 9 Yawropa dölitining Pakistandiki bash elchisini chaqirtip, hejwiy resim weqesige étiraz bildürgenidi.
Daniyede chiqidighan «Yilland Pochtisi» (Jyllands-Posten) géziti 2005-yili 9-ayda Muhemmed peyghember hejwiyleshtürülgen resimdin 12 parchini élan qilghan. Shuningdin kéyin Norwégiye, Fransiye, Gérmaniye qatarliq Yawropa döletliridiki axbarat wasitiliri bu hejwiy resimlerni köchürüp basqan. Buning ichidiki bir resimde Muhemmed peyghember «adembomba» qilip sizilghan. Islam dinida Muhemmed peyghemberning resimini sizish men’iy qilinidu. Bu weqe Islam dunyasida étiraz bildürüsh dolqunigha seweb boldi.

Sürette Iraqtiki Namayishchilar

menbe: www.biliwal.com