Dunya Uyghur Qurultiyi bügün öz tor bétide bayanat élan qilip, 2010 – yilliq nobél tinchliq mukapati Xitay öktichi zat lyu shawbogha bérilgenliki üchün, hem öktichi zat lyu shawboni, hem nobél komitétini tebrikleydighanliqini bildürdi.

bayanatta, lyu shawboning Xitay diktator hakimiyitige qarshi bash egmey küresh qilghanliqi seweblik bu mukapatni qazinishqa heqliq ikenliki bildürüldi. bayanatta yene nobél komitétining yéqinqi heptilerdin bériqi Xitayning bésimlirigha qarimay, nobél namzatlirini bahalashta musteqil qarar chiqarghanliqigha apirin oquldi.

bayanatta, Dunya Uyghur Qurultiyi re’isi rabiye xanim, bu mukapatning yalghuz Xitay kishilik hoquq paaliyetchilirigila emes, Xitay hakimiyiti astida yashawatqan Uyghur we tibet Qatarliq milletlerning kishilik hoquq paaliyetchilirigimu ilham béridighanliqini, Xitay türmisidiki uzun yillardin béri azab chékiwatqan nurMuhemmet yasin’gha oxshash siyasiy mehbuslarghimu bir ümid béghishlaydighanliqini bildürdi.