Mirzat Alimning ölümi we türmidikilerning ehwali

wetinim tori xewiri

Naxshichi,sen'etkar Mirzat Alim ning "tar kocha "naxshisini anglimighan Uyghur yoq bölishi mumkin.

Merhum 2009-yili 8-ayning 2-küni (yekshenbe)öyidin sirtqa chiqqan. jesiti 4.chésla merhumning öyige yéqin bir kochida toxtitip qoyulghan mashinida tépilghan.tépilghan waqtida jeset sésishqa bashlighan. béshigha qara xalta keygüzülgen halda tashlap qoyulghan bolup,bir közi chachrap chiqip ketken.bedinide zerbe izliri qalghan. merhum Mirzat Alimning ayali we achisi jesetni edliye doxturlirigha tekshürtken.hökümetning edliye doxturliri,"yürek késili bilen ölgen"dégen xulasini yézip bergen.

Mirzat alimning ailisi ölüm sewebi ashkara bolmisa, méyitni yerlikide qoymaydighanliqini bildürüp jesetni 3 kün saqlighan bolsimu,Saqchilarning tehdit we bésimi bilen 8.Ayning 7.küni (jüme) Yen'en yolidiki üzümzarning udulidiki jigdilik meschitide jüme namizidin kéyin jinaza namizi oquldi.jinaza namizigha qatnashqan Uyghurlarning sani 4-5 minggha yétidu.

Jinazini meschittin élip chiqiwatqan waqitta bir qanche saqchi mashinisi meschitning aldigha kélip toxtighan we mashinining ichidin qollirigha koyza sélin’ghan 2 Uyghur balini heydep chiqip jamaetning aldida tok kaltiki bilen qattiq orghan.ularni hoshidin ketküche urghandin kéyin, yene mashinigha tashlap élip ketken.10 din artuq saqchi mashinisidiki qoralliq saqchi we eskerler pilimotlarni jamaetke qaritip toxtap turghan.

Merhum sen’etkar Mirzat Alimning jinaza namizi mana shundaq dölet térrori we bésimi astida yerlikide qoyuldi.

Ürümchide melum bir idarining bölüm bashliqi derijilik bir kadirning 2 neper oghlini 7-ayning 6-küni tutup ketken bolup bir balisini saq qoyuwetken,bir balisining jesitini bergen.biraq dada,hazirghiche jesetni qoligha almidi."qatillar tépilmighuche jesetni almaymen"dep qarshiliq bildürüp kelmekte.
Ismining chet’ellerde ashkarilinishini xalimighanliqi üchün ashkarilimiduq.

Ürümchi,Sanji,Shixenze türmiliride Oghul balilarni itqa talitish,tirnaqlirini söküsh,jan yérige qil tiqip qiynash,qiz,ayallarning ishtinidin müshük qoyuwétip,ishtanni puchqaqlirini boghup qoyup,jan yérini müshükke tirmilatquzush,kompiyoturluq "yalghanni tépish"üskünilirige baghlap,yéngi téxnologiyini sinaq qilish,hoshsizlandurghuchi gazlarni ularning wujudida sinaq qilish.... dawamlishiwatqanliqi ipadilenmekte.

yene bir tereptin putigha ishkel, qoligha koyza sélin’ghan Uyghur balilirini 20-30 qoralliq saqchi Ürümchi kochilirida sörep yürüp "jinayet" qilghan yerde qilghan ishlirini tekrarlashqa mejburlimaqta.körgenlerning éytishigha qarighanda,saqchilar her qétim qol shiltighanda,balilarning chüchüp türüshidin köp qiyin-qistaqqa élin’ghanliqi melum bolup turidu.

"7.5"weqeside tutulghan Uyghurlarni türmidin türmige yötkesh,soraq qilish ishliri ichkiri ölkilerdin kelgen mexsus terbiyilen’gen eskerlerning igidarchiliqida bolghachqa. tutqunlarning tepsiliy ehwalidin xewer élish intayin müshkül.

Oqughuchi,ziyaliylarning köpinchisi qoyuwétilgen bolsimu,beyge meydani étirapidin tutup kétilgen,jenub we shimaldin kélip ürümchide ishlemchilik qilip jan béqiwatqan,weqedin kéyin tutup kétilgen Uyghurlar eng éghir jazagha uchrimaqta.

Yéngi melumatlargha érishsek yene tordashlar bilen ortaqlishimiz.

2009.08.24

http://www.wetinim.org/forum/viewthread.php?tid=2811