Reuters,Wien. Reuters xewer agentliqining tönügün Wiyenadin bergen xewiride, 2 neper xitay diplomati köl seylisidin yenip öylirige qaytish yolida özlirining mashinisi ichide namelum kishiler teripidin pichaqlap öltürülgen. Bu ikkeylen xitayning Austiriyede turushluq bash elchixanisining 1-derijilik sekritari Wang En Lai bilen terjimani Qu Xu De lar iken. Ularning shu küni köl seylisidin yenip, park yerige toxtutulghan mercedes markiliq mashinisigha olturup qaytmaqchi bolghinida, namelum kishiler teripidin pichaqlap öltürülgenliki ilgiri sürülmekte.

Yene bir xewerde eytilishiche, Reuters xewer agentliqi bügün "Qisas oti teshkilati" namida bir parche e-mail tapshuriwalghan bolup, xette bu 2 xitayning mezkur teshkilat teripidin öltürülgenliki iqrar qilin'ghan. Xette mundaq yezilidu:" Biz bigunah insanlarning öltürülüshige qet'iy qarshi, emma fashist xitay hökümiti öz armiyisi, saqchiliri we xitay xelqini qozghap, bigunah xelqimizni qanliq qirghin qildi, bichare millitimizge hichkim ige chiqmidi. Bu ehwal bizni xitaylar uzun yillardin xelqimizge izchil qollunup keliwatqan zorawanliq yoli arqiliq xitaygha zerbe berish yoligha qistidi. Xitay bilip qalsunki, biz hergiz boynumizni egip ölümge teyyarla turidighan yuwash qozilardin emes. Senlerning aq köngül xelqimizni qirghin qilishing toxtimaydiken, bizmu özimiz talliwalghan yolda senlerge zerbe berishni adaqqiche dawam qilimiz!".

Austiriye saqchi terep bu deloni jiddi tekshuriwatqanliqini bildürdi. Xitay tashqi ishlar ministirliki bayanatchisi Qin Gang bügünki sözide xitay hökümitining Austiriye tereptin bu deloni tezdin eniqlap, jinayet sadir qilghuchilarni tezdin tepip chiqishini jiddiy telep qilidighanliqini bildürdi.