Mihban hanim :
ozliri ikki adem , ikki isimni almashturup koydilimu nime ? elshat kim mirshatchu ?? !
kozlirige hemme adem Elshat korunemdu ya!!!!

......
Kaliforniye we gollandiyidiki uyghurlar '5 - Iyul ürümchi weqesi' heqqide teshwiqat paaliyiti élip barmaqta
Muxbirimiz mihriban
2009-07-26


25 - Iyul shenbe küni amérikining kaliforniye shtatidiki los - Angilés shehiridiki uyghurlar dangliq déngiz sahili santi monika dégen sayahet rayonida, dunyaning herqaysi jayliridin kelgen sayahetchilerge xitayning "5 - Iyul ürümchi weqesi"de uyghurlarni qanliq basturghanliqi, hem xitayning sherqiy türkistan zéminini bésiwalghan 60 yil jeryanida uyghur xelqi ustidin élip barghan türlük basturush siyasitini sayahetchilerge tonushturush paaliyitini élip bardi.

Kaliforniye shtatida bu paaliyetni teshkilligüchiliridin erkin sidiq ependi we ***élshat... ependiler ziyaritimizni qobul qilip,bu qétimliq paaliyetni tonushturup ötti.Erkin sidiq ependi bu paaliyetni kaliforniyidiki uyghur yashliri özlükidin teshkillep, "5 - Iyul ürümchi weqesi"ni dunyagha anglitish uchun tirishiwatqanliqini bayan qildi.

***Mérshat ependi paaliyetning meqsitini tonushturup, kaliforniye uyghurlirining bu paaliyetni élip bérish arqiliq, dunyaning herqaysi jayliridin kelgen sayahetchilerge bolupmu xitaydin kelgen xitay sayahetchilirige "5 - Iyul ürümchi weqesi"de xitay hökümitining uyghurlar ustidin élip barghan qanliq basturushining heqiqiy ehwalini uyghurlarning aghzi arqiliq biwasite yetküzüsh, shundaqla xitay hökümitining bu 60 yil jeryanida uyghurlar ustidin yürgüzüwatqan basturush siyasitini ulargha anglitish ikenlikini bayan qildi.

***Mérshat ependi sözining axirida,kaliforniyidiki uyghurlarning bu paaliyitini bundin kéyinmu her shenbe küni üzlüksiz dawamlashturidighanliqini,chünki dunya xelqining hazir uyghurlargha qiziqiwatqanliqini bu xil teshwiqat sayahetchilerge qarita élip bérilsa buning ünümi téximu yaxshi bolidighanliqini bayan qildi.


Qisqisi "5 - Iyul ürümchi weqesi" uyghur xelqini dunyagha tonutti, xitayning bu yillarda uyghurlar ustidin élip bériwatqan türlük basturush siyasitini dunya xelqige anglatti. Dunyaning herqaysi jayliridiki uyghurlar türlük paaliyetler arqiliq, uyghurlarning awazini we derdini dunyagha anglatmaqta.