+ Reply to Thread
Results 1 to 5 of 5

Thread: Ürümqidiki namayishta 7 kishi öldi, mingdin artuq kishi tutqun qilindi

  1. #1
    ETIC hewiri Guest

    Default Ürümqidiki namayishta 7 kishi öldi, mingdin artuq kishi tutqun qilindi

    Ürümqide Keng Kölemlik Namayish Yüzberdi, Minglighan Namayishchilar Tutqun Qilindi, hazirgha qeder 7 namayishchi etip öltürüldi

    ETIC xewiri :

    Merkizimiz wetendin biwaste igelligen deslepki melumatlargha asaslanghanda, bügün, yeni 7 – ayning 5 – küni, Shaogüande Sherqiy türkistandin mejburi yötkep kelingen uyghur ishchilarning Fashist Xitaylarning qanliq hujumigha uchrighanliqigha naraziliq bildürüsh meqsidide ürümqide Uyghur ali mektep oqughuchilirini asas qilghan 10 minglighan kishi keng kölemlik namayish elip barghan.
    Bügün ürümqi waqti saet 14:30 etrapida
    Herqaysi Ali mekteplerdin kelgen Namayishchilar aldi bilen Ürümqidiki < xelq meydani > gha toplanghan bolup, keyin ularning sepige jemiyettiki köp sandiki kishimu kelip qoshulghan we qisqighina waqit ichide namayishchilarning sani texminen 20 mingdin eship ketken.
    Namayishchilar shoar towlushup Xitay hakimiyitidin Shaogüande uyghurlarni wehshilerche öltürgen qatil Xitaylarni jinayi jawapkarliqqa tartishni we Uyghurlarni ichki ölkilerge mejburi ishlemchilikke iwetish siyasitini derhal toxtutushni telep qilishqan.
    Namayish bashlinishi bilenla minglighan saqchi we esker kelip namayishchilarni qorshuwalghan we merkizimiz bu xewerge erishkenge qeder texminen mingdin artuq namayishchi tutqun qilinghan.
    Namayishchilarmu saqchilarning tutqun qilishigha qattiq tirkeshken we ikki saqchi mashinisini köydürüp tashlighan, kelgen uchurlardin melum bolushiche hazirgha qeder 7 neper Uyghur namayishchi saqchilar teripidin etip öltürülgen, ölgenlerning biri 50 yashlar etrapida. yene yüzligen namayishchilar yarilanghan.
    Eslide Namayishchilarning merqsidi < xelq meydani > din yolgha chiqip Döngköwrükke yürüsh qilip buyerdiki Uyghur ammisini namayish sepige qoshush bolup, lekin yollar saqchi – eskerler teripidin qattiq qamal qilinghini üchün namayishchilar < xelq meydani > etrapigha qapsilip qalghan, emma yene bezi namayishchilar qamalni bösüp ötüp Dongköwrükke yetip barghan.

    Hazir Ürümqidiki < xelq meydani > etrapida namayishchilar bilen saqchi – eskerler otturisida kocha toqunushi dawal qilmaqta.

    Namayishqa shahid bolghanlarning inkas qilishiche, namayishchilar qoshuni ichide köp sanda ayal we balilarmu bar bolup, yarilanghanlarning köpünchisi yashanghanlar, ayallar we balilar iken.
    Namayish bashlinishi bilen Xitay saqchiliri herqaysi ali mekteplerni qamal qiliwelip, mekteplerde qepqalghan Uyghur oqughuchilarni yataqliridin sirtqa chiqarmighan.
    Bu peqetla deslepki uchur bolup, bu heqte sizlerni dawamliq yengi melumatlar bilen teminlep turushqa tirishimiz !

    ( namayish heqqidiki bezi körünüshlerni birazdin keyin www.uygur.org din köreleysiz )

    < Sherqiy türkistan informatsiyon merkizi >

    2009 – yili 7 – ayning 5 – küni
    ( germaniye waqti 15:00 )

  2. #2
    Unregistered Guest

    Default

    hey ulug allah, uyghur kirindaxlirmizning yatkan yiri jennet bolsun

  3. #3
    Unregistered Guest

    Default

    Hazir weten'ge tel qildim. Namayishchilar qoshuni xinhua nanlu kochisidin otuwetiptu. German waqti saet 16:00

  4. #4
    ETIC hewiri Guest

    Default

    Ürümqidiki namayish heqqide deslepki körünüshler :

    http://www.uygur.org/uygurche/uchur/2009/07_05a.htm

  5. #5
    Unregistered Guest

    Default urumqidiki kirghinqilik

    RFA NIMA IX KILIWATISILER? DALA SEYLISI KILIWATAMSILER?

    UYGHURLAR KIRILIWATIDU/
    http://www.wetinim.org/forum/viewthread.php?tid=1731

+ Reply to Thread

Posting Permissions

  • You may post new threads
  • You may post replies
  • You may not post attachments
  • You may not edit your posts
  •