Dunya Uyghur Qurultiyi Amerika Sot Mehkimisining qararini qizghin qarshi alidu!

Dunya Uyghur Qurultiyi, Guantanamo Turmisidiki 17 neper Uyghurning Amérika sotida erkinlikke érishish qararigha muyesser bolghanliqini qizghin tebrikleydu we ularning azatliqi üchün ejir serip qilghan barliq Xelqara Kishlik Hoquq Teshkilatliri, ularning adwukatliri, Sherqiy Türkistan teshkilatliri hem wetenperwer shexislerge rehmet éytidu!

Amérika sotining bu qétimqi adil hökmi, Sherqiy Turkistan xelqini Amérikining adalitige bolghan gumanliridin bir qedem yiraqlashturdi. Uyghur xelqining Amerikagha, jümlidin Amérika adalitige bolghan ishenchi we hörmitini ashurdi.

Amérika höküméti zor térishchanliq körsitip, 2005-yili, Sherqiy Türkistan Milli Herikitining rehbiri, Dunya Uyghur Qurultiyi ning reisi Rabiye Qadir xanimni Xitay turmisidin erkinlikke érishturgen, Amérika Kongirisi Uyghurlar heqqide mexsus qarar maqullighan, Amérika prisdénti W. Bush ependi Rabiye Qadir xanimni keyni-keynidin ikki qétim qobul qilghan idi. Bu qétimqi Amérika sot mehkimisining tarixi qarari, Amérika dairilirining Sherqiy Türkistan xelqining heqliq dawasini himaye qilish yolida körsetken yene bir qétimliq zor weqe we zor jasarettur.

Amérikining xitayning bésimlirigha perwa qilmay, Guantanamodiki Uyghur mehbuslarni xitaygha qayturup bermeyla qalmay, yene ulargha Erkinlik hem Amérikida yashash heqqi bergenlikidin söyünmeydighan Uyghur yoq.

Guantanamodiki Uyghur mehbuslar toghrisida chiqirilghan Amérika sotining bu hökmi, adaletning haman ghelibe qilidighanliqini we xitaygha oxshash mustebit döletlerning bigunah xelqlerni töhmet bilen basturush siyasitining mutleq meghlup bolidighanliqining janliq delili.

Biz Dunya Uyghur Qurultiyi namidin, bu ghelibe üchün barliq uyghurlarning tentene qilidighanliqini izhar qilimiz we erkinlikke érishish aldidiki qérindashlirimizni baghrimizgha basidighanliqimizni jakalaymiz.


Hörmet bilen:

Dunya Uyghur Qurultiyi


2008-yili 10-ayning 8-kuni


http://www.uyghurcongress.org/Uy/New...mID=1223499152