+ Reply to Thread
Results 1 to 5 of 5

Thread: Pexirlik Tarix (1, 2, 3, 4)

  1. #1
    Erdem Guest

    Default Pexirlik Tarix (1, 2, 3, 4)

    Pexirlik Tarix (1)

    (Abduraxman Azat we Kurbanjan Hémitqa béghishlaymen)

    Salam millitimizning pexri, Ghururimizning tajisi, iradimizning jakachisi sheripige érishken tengdeshsiz qehrimanim Abduraxman we Qurbanjan!

    Halinglarni kördüm. Wilayetlik JX idarisining mexsus siyasiy mehbuslar qamilidighan qarangghu, zey kamirigha ayrim – ayrim qamilipsiler. Göristan ichidiki échinishliq, emma nurane hayatinglar wujudumni lerzige saldi.

    Halinglarni kördüm. Ikki putunglar hoshughunglardin chéqiwétilgen bolsimu, yene éghir kishen bilen chüshep qoyuluptu. Qollurunglar 4 – awghust künidiki weqe jeryanida we turma kamirigha tutup ekirilgendin kéyin, öch élish niyiti qutrap ketken qoralliq saqchilar teripidin sunduriwétilgen bolsimu, yene zenjirlik koyza bilen chirmiwétiliptu. Tayaq zerbidin kökürüp, ishship ketken chirayinglardin esli siyaqinglarni perq qilghili bolmaydu. Bedenliringlarning saq yéri qalmighan. Örülüp yétishqimu majalinglar yoq. Tamaq yégüdek halinglar bolmighach, tomurliringlardin neyche arqiliq ozuqluq süyi mangduriwétiptu. Bedenliringlardiki sunuqlarni her halda téngip qoyuptu. Qarighanda, Xitaylarning silerni derhal öltürüp qoyghusi yoq. Onminglarche uyghurni toplap, ochuq sot échip, xelqning aldidila étip öltürüsh arqiliq, öz heywisini yene bir qétim namayen qilish, milletning yürikini qattiq bir mujushni közlewatqan bolsa kérek xitaylar!

    Emma, bu némige kar qilsun? Bundaq sot qeshqerde qanche ming qétim échildighu? Silermu eyni chaghda, ene shu yüriki mujulghan xelqning ezasi édinglarghu? Mujulghan yüreklerning, sewri – taqiti tashqanda qandaq inkaslarni qayturidighanliqini xitaylar öz közi bilen kördighu?!

    Halinglarni kördüm. Turqunglardin ekis etken perishanliq, mejruhluq zarlirining eksiche, yürükinglarda bir büyük iptixar, qanaet, meghrurluq dewir sürmekte…

    Qelbim éytidu:

    Silerning iptixarlinishqa elwette heqqinglar bar. Chünki, misali tépilmaydighan ajayip güzel bir tarix yarattinglar! Nurghun kishiler bu tarixni aghzida, qelem bilen yaratqan bolsa, siler jasaritinglerge tayinip issiq qéninglar, eziz jéninglar bilen yarattinglar. Uyghurning heqiqi tarixini peqet silerge oxshash insanlarla eng chirayliq, eng ishenchilik eng netijilik yaritalaydu!

    Silerning qanaetlinishke heqqinglar bar. Janabi Allah aldidiki büyük bir perizni ada qildinglar. Millet aldidiki muqeddes bir mejburiyetni wayigha yetküzüp bija keltürdünglar. Insanliq burchunglarni aqlidinglar. Nurghun insan armansiz ölüshni arzu qilsimu, bu murat – meqsedke yételeydighanlar köp emes. Uyghur üchün düshmini xitayni yoqutushtin ulugh bir arman yoq. Allah silerge bu bu purset we bu iltipatni nisip qilish bilen, miradinglargha yetküzdi!

    Silerning meghrurlinishqa minglarche heqqinglar bar. Siler, özlirige ajayip temannalarni qoyup yashawatqan qoralliq düshmen jengchilirini sayning téshidek yer chishlettinglar. Yalghuz ikki jéninglargha, 70 düshmenge shir – arislandek hujum qilip, uyghurning kimlikini, jasaritini heqdadigha yetküzüp tonuttunglar. Nechche milyon kishilik zamaniwi armiyining heywisini yerge urdunglar. Özini qaltis qudretlik körsitiwatqan xitay dölitining shan – sheripini berbat qildinglar. Muhimi, ajizlarning yoli kelgende küchlükler üstidin ghelibe qazinidighanliqini, ghelibining axirqi hésapta yuqiri nopusqa, zamaniwi armiyige, küchlük iqtisadqa emes, belki tiz pükmes milliy rohqa, qorqumsiz jasaretke baghliq ikenlikini ispatliding. jasaritinglar dunyani titretti. Milyonlighan uyghurlarning yüreklirini lerzige saldi. Siler yene nimishqa qanaetlenmigüdeksiler? Birmu düshmenning burnini qanatmay turup, özini qaltis chaghlap yashaydighan qehrimanlar silerning aldinglarda nime?

    Shundaq, siler ölüp kétisiler. Lékin rohinglarning ölmeydighanliqini hemme bilidu. Kélichekte siler üchün tiklengen altun munar milyonlighan ewlatlarning közlirini qamashturup yashaydu. Sheninglargha heqiqi qehrimanliq dastanliri yézilidu. Tarix betide nurane naminglar chaqnap turidu. Uyghur ölmise, siler hergiz ölmeysiler!




    Pexirlik Tarix (2)

    (Bu __ bir köktatchi bilen taksichining jeng harpisidiki axirqi söhbéti).


    Silerning jasaritinglardin tesirlenmigen Uyghur __ Ölgen Uyghurdur!

    3 – awghust küni tün yérimida qilishqan söhbétinglar yadimdin kechti.

    Her oylisam Yüreklirim yayrap, qanlirim urghup, özümni qoyidighan yer tapalmaymen. “Uyghur rastinla oyghunuptu!” dep ichimde tentene qaynaydu. “ölgen ghururlirimiz térildi!” dep pütün alemge jakalighum kélidu. Ghururning térilishi, qulluqning ölüshi emesmidi!?

    Némilerni anglighanliqimni bashqilarghimu dep bérey. Meydiside erkek tüki barlar kérilip küliwalsun. ténichliq képenliri bilen hösün tüzeshke mestane bolup ketkenlerning yüreklirige dez ketsun!


    __ Bu wesiyettin, künlerning biride pütkül Uyghurning xewer tépishini Allah kerem nisip qilghay, _ dédi köktatchi Abduraxman, _ Ete Bamdat namizidin burun, ependimning qorasigha tashliwétip ötüp kétey. U adem buni göher saqlighandek saqlaydu.

    __ Déginingdek bolsun, _dédi taksichi Qurbanjan _ Séningche, emdi biz oylishidighan yene nime ish qaldi?

    __ Bashqa ishqu yoq, emdishu… bir nerse kallamdin taza ötmeywatidu.

    __ Könglüngdiki gepni qil. Nimiler kallangdin ötmeywatidu? – soridi Qurbanjan.

    __ Bir aydin buyanqi küzitishlirimizge qarighanda, Etigenlik herbiy meshiqqe qatnishidighan chégra mudapiye saqchi etriti arisida üch Uyghur balisi barken, _ dédi Abduraxman ikkilinip, _ Atqan bombimizda shu üch uyghurmu ölüp ketse, xeq qopup “özining qérindashlirinimu öltürüptu” dep, kéyin arqimizdin lenet oqupmu qalarmu?

    __ Toghra deysen. Ularning tomurida éqiwatqinimu uyghurning qéni. Ular jan béqish üchün charisiz düshmen sépige qoshulup ketkenler, – dédi Qurbanjan sepdéshining könglidikini chüshinip, _ Biz olimpik mesh`ili qeshqerge kelgende qol sélishni pilanlighan éduq. Bu herikettin etraptiki bugunah kishilerning ziyangha uchrishidin ensirep waz kechmiduqmu? Lékin bügün biz chish – tirniqi bilen millitimizge qarshi qorallanghan düshmen bazisigha hujum qilmaqchi boliwatimiz. U yerde bigunah uyghur mewjud emes. Düshmen qoshunida azatliq kürishimizge qarshi qoral kötürüp yashawatqanlar, birdek halda milletning xaini bolidu. ular öz üstige düshmen armiyisining formisini keygen kündin étibaren, uyghurluqidin ayrilghan hésaplinidu. Eslide, xitaylar eshu uyghurlarning yardimisiz wetinimizni bir künmu idare qilip turalmaydu. Eshu uyghurlarning qoli arqiliq millitimizge yétiwatqan ziyan, xitayning biwaste ziyanliridin ming barawer artuq boliwatidu. Shunga, xitaygha qarshi küreshte ularmu yoqutush nishani hésaplinidu. Uyghur üchün xizmet qilmighan uyghurnig xitaydin nime perqi?

    __ Bughu, rast.

    __ Bu mesilide, biz üchün emdi ikkilinidighangha waqitmu qalmidi. Uning üstige, Urush bezide xatalarghimu yol qoyidu. Xitaylar hazirgha qeder “mingi xata öltürülse meyliki, birsimu tordin chüshüp qalmisun” dégen siyasetni yürgüzüp keldi. Minglighan bigunah qérindashlirimizni jénidin ayridi. Bizningmu, yürükini düshmenning changgila tapshurup yashawatqan u mel`unlarni ayash mejburiyitimiz yoq. Ular bizge qarshi aldinqi septe xizmet qiliwatidu. Manga qoyup bersighu, aldi bilen eshu naehlilerni bashta öltürgen bolattim. Ularning yoqalghan küni, xitaylarning put tirep turidighan asasidin, tüwrikidin ayrilghan küni hésaplinidu. Buning chüshenmigüdek yéri barmu?

    __ Boldi, boldi, buni chüshendim, _ dédi Abduraxman __ yene bir ish xiyalimgha kiriwaldi. Bizghu beribir ölüp kétimiz. Emmaze… xitaylar qeshqerde öymu – öy axturup, adem tutup, bigunah qérindashlirmizni qetliam qilmisila bolattighu? Ularning uwaligha qalmaylik deymina?

    __ Déginingdek, belkim shundaq bolidu. Bizning heriketlirimiz bahanisida tutqun qilishlar bolidu. Öltürüshlermu bolidu. Lékin, bu tutqun, qetliamlar buningsizmu bolghan we boliwatidu. Her söygüning bir bedili bar. Bu bedelsiz weten azat bolmaydu. Xelq ichidin „tuxumni tashqa urghan ashu ikki axmaq bizni bügünki balalargha tiqip qoydi“ dep arqimizdin ghajaydighanlarmu chiqidu. Sewep: Xelqimizde öz qehrimanlirigha ige chiqidighan, öz inqilawini chüshinidighan angning téxi toluq shekillenmigenlikide. Yene heqqimiz üchün dua qilidighanlar, yürektin esleydighan, medhiyileydighanlar chiqidu. Mana bu bizning saghlam xelqimiz. Xelq ichidiki pikir perqini öz heriketlirini ölcheydighan taraza qiliwalghan adem bu yolgha qedem basalmaydu. Elwettiki, Sen bilen méning qolumdin wetenni azat qilish kelmeydu. Kélidighini, millitinimizning haqaretlerge, bésimlargha, zulumlargha könüp qéliwatqan ölümtük ghururlirini térildürüsh. Biz mushuninggha yarisaq, milletning heqqini ada qilghan bolimiz.

    __ Axirqi bir gep, _ dédi Abduraxman _ Jeng meydanida shéhid bolsaqqu… bextimiz. Eger térik qolgha chüshüp qalsaq….

    __ Eger térik qolgha chüshüp qalsaq, körmigen künni körimiz. Xitaylar qolidin kelgen pütün wehshi wastiler bilen qiynaydu. Rohi jehette buninggha teyyarliqimiz bolishi kérek, _ dédi Qurbanjan, _ qolimizda bari: aran ikki dane Giranat bilen bir tal tapancha. Mashinigha téngilghan doriningmu partlash küchi cheklik. Düshmen san jehettin köp. Hemmini pakiz öltürüshke qurbimiz yetmesliki mümkin. Lékin Axirqi nepsimizgiche élishimiz. Pichaq, qingraq bilen qoghlap yürüp chanaymiz, ich – qarnini chuwup tashlaymiz. Ölsek shéhid, qalsaq ghazi!

    __ Allah jeng meydanida qedemlirimizni mustehkem qilghay! _ dédi Abduraxman, duagha qol kötürüp.

    __ Bügün mushu yerde qonup qal ukam. Tang atqilimu az qaldi. Pakiz ghusli – taharet élip, axirqi kéchimizni ibadet bilen ötküzeyli. Méning hich uyqum kélidighandek emes.

    __ Shundaq qilaymu ya? Ata – Anam bilen Qérindashlirimning didarini axirqi qétim bir köriwalay dégentim _ dédi Abduraxman.

    __ Könglüng buzulidu shu. Ayrilishqa közüng qiymaydu. Rohinggha tesir yétip qalarmikin deymina?

    __ Ughu bagep. Boldila, barmayla qoyay. Bu Kéchini qanghidek bir mungdushup ötküzeyli, bolmisa.

    **********************

    Pidakar Ezimetlirim, silerning bu kéche yene nimilerni déyishkenlikinglarni qérindashlirimgha sözlep bérimen.





    Pexirlik Tarix (3)

    Qurbanjan bilen Abduraxman __ Millitimizning bu ikki tengdashsiz qehrimani nepli namazlirini oqup, ibadetlirini axirlashturghandin kéyin, bamdat namizigha qeder hal – mungda bolushti. Allahning izni bilen Qelbini yüksek bir eminlik qaplighan Qurbanjan söz bashlidi:

    __ Men bu jengde, sendek bir qorqumsiz hemragha érishkenlikim üchün Allahqa ming qetri rehmet éytimen. Özüngni qandaqraq hés qiliwatisen? Qorquwatmaydighansen?

    __ Rast gepni qilsam, waqit az qalghansiri ichimni qorqunush chirmiwalghan idi. Hazir ongshulup qaldim, _ dédi Abduraxman.

    __ Sen bir köktatchi, men bolsam bir kirakesh. Ornimiz jemiyetning töwen qatlimigha mensup kishiler. Yeni, her ikkimiz tolimu addiy Uyghurlardin. Lékin, millitimizge nisip bolghan hayatliq pursetlirige nispeten, sen – bizning turmushimiz téxi nurghun Uyghurlarning turmushidin köp yaxshi édi, _ dédi Qurbanjan _ Ejrimizge yarisha, qollirimiz pul kördi. Bashqa nurghun qérindashlirimizdek qorsaqning ghémige baghlinip qalmiduq. Shundaq turuqluq, jénimizni alqangha élip, bir xeterge tewekkul qilishqa bel baghliduq. Özimizni ölümge atiduq. Nimishqa zadi? Nimishqa sen we men?

    __ Bumu Allahning iradisi bolsa kérek, _ dédi Abduraxman.

    __ 90 – yillargha qeder, Dadamning qaznaq öyge kiriwélip, oghurluqche sowétning radiosini anglaydighan aditi barti. Oylap baqsam, bichare Dadam shunche uzun yil “sowétning yardimi bilen wetinimiz azat bolidu” dégen ümidte yashap keptu. Sowét parchilinip, qérindishimiz qazaq, qirghiz, özbékler musteqil bolup, biz yene esli halimizda qalghandin kéyin, Dadam emdi Amérikining radiosini anglaydighan boldi, _ dep sözini dawam qildi Taksichi, _ bir küni, ependimning öyige bardim. “zadi biz musteqil bolalamduq yoq?” dep sorudum. “bolimiz” dep jawap berdi. “qandaq qilip?” désem, “küresh qilip” dédi. “Kimler qilidu bu küreshni?” dep sorisam, “Sen we Men” dédi. “ependim, qolimizda tömürning suniqi bolmisa?” dédim. “Öyüngde Gösh toghraydighan pichaqqu bardu?” dédi. “düshmen küchlük tursa?” désem, “sen – biz qet`I niyetke kélip, ornumizdin des turghanda, düshmenning qudriti bizning iradimiz aldida hich nersige yarimaydu” dédi. “chet`eldin yardem qilidighanlar chiqmasmu” dep sorudum. “chiqidu, lékin hazir emes. Peqetla düshminimiz xitay bu yerde put tirep turalmaydighan halgha kelgende, bu wetenni tashlap chiqip kétishke mejbur bolghan waqitta” dep jawap berdi. Andin sewrichanliq bilen bir bashtin chüshendürüshke bashlidi. Ependimning nimilerni dégenlikini men sanga jiq sözlep berdim. Hayatimiz bedilige milletning iradisini alemge jakalash ghayisi bizni bir arigha keltürdi. Shundaq qilip, urushni kinodin körgen, tapancha dégen nersini qolighimu élip baqmighan, bir künmu herbiy terbiye körmigen sen bilen men bu yolni talliduq. Her kim özidin bashlishi kérek. Özide yoq jasaretni bashqilardin kütüsh exmeqliq. “kalining münggüzige ursa, tuwiqi siqiraydu” dégen gep bar. Biz bügünki bu jengni özimizning ölümi bedilige azraq netijige érishtürelisek, düshmenning yürikige dez kétidu. Aghzida sheher alidighan, qolidin poq kelmeydighan nochilar ders alidu. Wetenni xam tama bilen, quruq gep bilen azat qilish xiyalida yashawatqanlar qaytidin oylinishqa mejbur bolidu. Xelq oyghunidu.

    __ Méni ikkiliniwatidu yaki iradisi tewrep qaptu, dep oylap qalmighin, _ dédi köktatchi ulugh kichik tinip, _ Men bu jengge jénimni atap boldum. peqetshu, öydikiler xiyalimdin néri ketmeywatidu. Xitaylar ularni bek parakende qiliwétidu.

    __ ailimiz xaniweyran bolidu, _ dédi Taksichi xursinip, _ heqiqetenmu, bu merez xitaylar rehimsiz bolupla qalmay, bek rezil. Bir adem qarshi chiqsa, bir aile, bir jemetni soriwétidu. Hetta bir yurt xelqini aware qilidu. Biz Büyük aile üchün, öz ailimizni weyran qilishqa mejbur qalduq. Ularning ghémini Allahqa tapshurmay ilajimiz yoq. Nurghun qérindashlirimiz sen – mendek iradige ige bolsimu, Ata – Ana, uruq – tuqqan, bala – chaqining méhridin kéchelmey, ulargha yetküsi eziyetlerni xatirisidin kötüriwételmey, milliy eqidini ailiwi eqidining üstige qoyushqa qadir bolalmay, bu küreshke atlinalmaydu. Ependim dégendek, Milliy irade, Milliy eqide dégenler Aile boyunturiqidin, xususi qandashliqning méhri - muhebbet kishenliridin qutulmay turup, heqiqi qimmitini namayen qilalmaydu we milliy xaraktér derijisige kötürilelmeydu. Bizning öz ailimizni weyran qilishimiz, chong ailimiz __ weten azatliqidin ibaret ulugh bir meqsed üchün. Buning bedili éghir, azawi téximu qattiq. Lékin jandin kechmey, janangha yetkili bolmaydu.

    __ Sen – Bizdek oylaydighanlar, Sen – Bizdek iradige kelgenler az emestu– he? _ dédi Abduraxman.

    __ Pichaq söngekke yetti. Xelq aran turidu, _ dédi Qurbanjan _ Qara, xitaylar olimpikning bixeterlini qoghdaymiz dep, özining sayisidin özi hürküp, ziminimizgha esker dégenni töküwetti. Kéche – kündiz charlash élip bériwatidu. Jasusliri mehellimu mehelle, öymu öy timisqilap yürüydu. Azraqla gumanda qalghan uyghurni tutup solawatidu. Xelqimizning ghezep – nepretlirining chékige yetkenlikini xitaylar bek obdan bilidu. Bizning del mushundaq alahide jiddiy weziyette heriket qilishimiz, biz bash kötergende xitayning herqanche küchlük bixeterlik tedbirliriningmu kargha kelmeydighanliqini ispatlash. Bizning asan nuqtini tallimay, del xitay chigra mudapie qisimlirigha zerbe bérishimiz, xitayning unchilik küchlük emeslikini delillesh we xitay hakimiyitige qattiq bir agahlandurush bérish. Millitimizning jasaritini tonutup qoyush! Allah xalisa, Sen – Bizdek Uyghurlar pat arida wetinimizning hemme yéride peyda bolidu.

    *******************

    Qehriman Oghlanlirim, Silerning jenggahqa atlinish aldidiki eng axirqi merdane sözünglarni qérindashlirimgha éytip bérimen.



    Pexirlik Tarix (4)

    __ Jan hemme adem üchün tatliq. Sen – bizning jénimiz hergizmu bashqilarning jénidin erzan emes. Bizningmu tapqan pullirimizning döliti körüsh heqqimiz bar. Shehermu sheher sayahet qilish, ésil réstoranlarda bezmiler uyushturup köngül échish, güzel qizlardin hozurlinish, peyzi öy, peyzi mashinilarda olturup rahet körüsh … qolimizdin kélidu. Peqet bolmisa, bu wetenni terk étip, pulning küchige tayinip Amérika, Yawrupa dégendek yerlerge bériwélip, zey salmay po étip, bir kishilik turmushning quligha aylinip hayat köchürüsh qolimizdin kélidu. Belkim bashqilardin rahetrek yasharmiz. Lékin, bizning qolimizdin kelmigen bir nerse bar, U bolsimu; wijdan, iman we ghururning soriqigha taqabil turush! __ dédi taksichi Qurbanjan, jeng aldidiki axirqi deqiqide.

    __ Xitaydek chüprende bir milletning qolida qalghinimizning özi, kötürüp qopqusiz haqaret idi. Bu haqaretning üstige nurghun zulumlar qoshuldi. bügün qizlirimiz türküm – türkümlep xitaylargha pahishe ornida tutup bérilidighan, erkeklirimiz kelgündilerge malay ornida xizmet qilidighan haqaretler qoshuldi. Yigitlirimiz arisida yaqilirini yirtip peryat uridighan, bu naheqchiliqlar, bu xorluqlargha chidimay pighan chékidighan ezimetler köp bolsimu, meyde kérip otturigha chiqidighanlar, Uyghur dégen bu milletning erlik zerdini, tiz pükmes jasaritini namayen qilidighanlar köp bolmidi. Bu haqaretni qan bilen yuyushtin bashqa yol hem qalmidi. Qan bilen yuyushtin bashqa yol zadi qalmidi!__ dédi köktatchi Abduraxman hayajanlinip.

    __ Elwette, Weten hergizmu birla jeng bilen azat bolmaydu. Sen – mendek erkekler tatliq janliridin kéchip, kéyinkilerning hayati üchün özini qurban qilishqa razi bolghanda, bu yolgha xalis niyet bilen qoshulidighanlarning sani artqanda, diniy we milliy mejburiyetlirini éghizdiki quruq gep bilen yaki kimlerningdur yardimi bilen emes, belki yaratqan igisining rehmiti hem özining jasariti bilen emelge ashurushqa heqiqi ishengende, andin azat bolidu, __ dédi Qurbanjan.

    __ Allah jeng meydanida qedemlirimizni mustehkem qilsun! _ dep yene bir qétim duagha qol uzatti köktatchi.

    __ Biz ölgende, bizning wesiyetnamimiz bu milletning erkinlik desturigha aylinip qalidu. Koltékinning wesiyitini untup ketkenler, bizning wesiyitimizdin es – hushini tapidu. Biz bu jeng arqiliq shundaq bir ülge yaritaylikki, esirlik qan qisasning qudritini düshminimiz xitay tonupla qalmay, düshminimizning qudritidin chöchüp yashawatqanlar, kélichekke bolghan ishenchidin mehrum bolghanlar, shexsi hayatning quligha aylinip, ar – nomuslirini pul ornida xejlewatqanlarmu tonup yetsun!
    ** ** ** **

    Bu jasaretlik bahadirlar jeng üchün öyining bosughisidin atlighanda, seher saet 5:00 bolghan idi. Bir kéche kirpik qaqmay qilishqan merdane sözliri biz üchün bir abide. Bu xitaplar, bizning qulaq perdilirimizge yene ulishidu. Ularning wesiyetnamisida nimilerning zikri qilinghanliqinimu anglash pursitige érishimiz.

    Emdi biz, jeng meydanidiki menzirige nezer salayli!

  2. #2
    Unregistered Guest

    Thumbs up Umit

    Allah sizdin razi bolsun baturlarni bir minutmu estin chikirish, munapikliktur rehmet sizghe

  3. #3
    Unregistered Guest

    Default

    Guantanamodiki uyghurlarning "térrorist" ikenlikidin qorqup ige chiqalmighan teshkilat rehberliri emdi qanchilik nomus qiliwatqandu - he?

  4. #4
    Unregistered Guest

    Default

    Waqit eng yaxshi qazidur.

  5. #5
    Unregistered Guest

    Default

    Quote Originally Posted by Unregistered View Post
    Guantanamodiki uyghurlarning "térrorist" ikenlikidin qorqup ige chiqalmighan teshkilat rehberliri emdi qanchilik nomus qiliwatqandu - he?
    hazir u rehberler ozliri balilarni qutuldurghan bir mesaj beriwatidighu?

+ Reply to Thread

Posting Permissions

  • You may post new threads
  • You may post replies
  • You may not post attachments
  • You may not edit your posts
  •