PDA

View Full Version : Amerika we Norwigiyide Xitayning Qirghinchiliqigha qarshi namayish



uaa_admin
15-07-08, 14:52
Washingtondiki xitay elchixanisi aldida naraziliq namayishi élip bérildi

RFA
2008-07-14

13 - Iyul yekshenbe küni, amérika paytexti washingtongha jaylashqan xitay elchixanisi aldida, xitayning ürümchide besh uyghur yashni étip tashlighanliqi hemde qeshqerde besh uyghurgha ölüm jazasi bergenlikige qarshi naraziliq bildürüsh namayishi élip bérildi.

Namayish shu jay waqti chüshtin kiyin saet birde bashlandi. Namayishqa washington kolombiye rayoni etrapigha jaylashqan shtat we sheherlerdin kelgen 150 etrapida uyghur ammisi qatnashti.


Melum bolushiche, namayish dunya uyghur qurultiyining teshebbusi hemde amérika uyghur jemiyitining teshkillishi asasida orunlashturulghan bolup, namayishqa dunya uyghur qurultiyi reisi, uyghur milliy herikitining yétekchisi rabiye qadir xanim yétekchilik qildi.
Qadir xanim : "bügün biz uyghurni qirip tügitimen dégen xitaygha mewjutluqimizni bildürgili kelduq"

Rabiye qadir xanim namayishning béshida soz qilip, bu nöwet qeshqerde besh uyghurning ölümge höküm qilinishi dunya miqyasidiki barliq uyghurgha bérilgen ölüm jazasi ikenlikini otturigha qoydi.

Rabiye qadir xanim sözining dawamida, namayishqa qatnashqan barliq qérindashlarning bügünki namayish arqiliq, ashu ölümge höküm qilinghan uyghurlargha matem tutqili kelgenlikini bildürdi.

Rabiye qadir xanim bügünki bu namayishning élip bérilish meqsiti heqqide toxtilip: "bügün biz uyghurni qirip tügitimen dégen xitaygha mewjutluqimizni bildürgili kelduq" dédi.

Bügüni namayishta alahide közge chéliqidighan bir terep bolsa, namayish qatnashquchiliri asasen qara kiyingenliki bolup, namayish qatnashquchilirining bildürüshiche, buningdin asasliq meqset ürümchide xitay saqchiliri teripidin étip tashlanghan besh neper uyghur yashqa hemde qeshqerde ölümge höküm qilinghan besh neper yashqa matem tutush üchün iken.
Qadir xanim: " xitay hergizmu bizni qirip tügitelmeydu"

Yekshenbe küni xitay elchixanisi aldida élip bérilghan naraziliq namayishi xitay elchixanisi aldida bir yérim saet etrapida dawam qilghandin kiyin, namayish ikkinchi qedemde washington kochilirigha yötkeldi hemde washington shehiridiki eng awat aylanma Dupont Circle yeni dupan aylanmisidiki kichik baghchigha élip kélindi. Namayishchilar qoshuni dupan sirkolda her xil shekildiki naraziliq shuarlirini towlashni dawamlashturdi.

Dupan aylanmisida rabiye qadir xanim yene bu nöwetlik namayish heqqide toxtaldi we: " xitay hergizmu bizni qirip tügitelmeydu" dédi. Xanimning bayanlirini dunya uyghur qurultiyi ijraiye komitéti reisi alim séyitof ingliz tiligha terjime qildi.
Namayishqa zor türkümde yashlar qatnashqan

Kochidiki namayish jeryanida namayishchilar dawamliq xitay olimpikige, xitaydiki kishilik hoquq depsendichilikige, asasliqi xitay saqchilirining ürümchide besh neper uyghurni étip tashlighanliqigha, hemde qeshqerde ochuq sot échip besh neper uyghurgha ölüm jazasi bergenlikige qarshi naraziliq awazlirini yangratti.

Yekshenbe künidiki namayishqa amérikida uzundin buyan yashap kéliwatqan yashnighan we ottura yash uyghurlardin bashqa yene, zor türkümde yashlar we bir qisim ösmürlermu qatnashqan.

Bu yashlarning köpinchisi chetellerde tughulghan ikkinchi ewlad uyghur yashliri bolup, bu menzire kishini tolimu hayajangha salatti. Rabiye qadir xanim bu yashlarning gheyritige apirin oqidi.

Namayishqa bu yashlarmu pütünley qara kiyinip kelgen bolup, hazir wirjiniye shitatida yashaydighan bir uyghur qizi bügünki bu namayishqa qatnishish meqsiti we uyghur élide azab chékiwatqan qérindashlirigha bolghan köngül sözlirini izhar qildi.
Namayishchi yashlar xitay elchixanisi binasigha tuxum bilen hujum qildi

Namayish dupan sirkul aylanmisidiki baghchisida bir mehel dawamlashturulghandin kéyin, namayishchilar yene xitay elchixanisigha qarap yürüsh qildi.

Gerche namayishni yéqindin közitip turghan saqchi xadimlar uyghur yashlarni agahlandurghan bolsimu, ghezipini basalmighan namayishchi yashlar xitay elchixanisi binasigha we elchixana aldigha ésilghan xitay bayriqigha tuxum bilen hujum qildi. Netijide xitay elchixana tamliri uyghur yashliri atqan tuxum daghlirigha boyaldi.

Namayish axirida dunya uyghur qurultiyi reisi we uyghur milliy herikitining rehbiri rabiye qadir xanim xulase sözi qildi we dunyaning herqaysi jaylirida herxil shekilde naraziliq namayishlar uyushturghan barliq uyghur qérindashlargha rehmet éytidighanliqini bildürdi.

Yekshenbe küni hawa intayin issiq bolup, pizhghirim issiqqa chidighili bolmaytti, emma namayish qatnashquchilirining rohiy intayin kötürenggü bolup, namayish kechqurun saet töt yérimlarghiche dawam qildi.



http://uyghuramerican.org/images/namayish/dc071308-2.jpg

http://uyghuramerican.org/images/namayish/dc071308-1.jpg
http://uyghuramerican.org/images/namayish/dc071308-3.jpg
http://uyghuramerican.org/images/namayish/dc071308-4.jpg

Norwigiyide 8 - Iyul qirghinchiliqigha qarshi namayish ötküzüldi

RFA 2008-07-14

Dunya uyghur qurultiyi, xitay hökümitining 7 - Ayning 8 - Küni ürümchide 5 neper uyghur yashlirini wehshilerche étip öltürgenliki we yene shu küni qeshqerde 20 neper uyghur üstidin ochuq sot échip 5 neper uyghurgha ölüm jazasi bergenlikidin ibaret jinayi qirghinchiliqigha naraziliq bildürüsh üchün dunyadiki her qaysi uyghur teshkilatlirigha namayish uqturushi qilghan idi.
http://www.rfa.org/uyghur/xewerler/tepsili_xewer/norwigiye-osloda-namayish-07152008011827.html/norwigiyede-namayish-071308-305 RFA Photo / Aygul Yusup
Tünügün, 13 - Chésla yekshenbe küni norwigiyining paytexti oslo shehiride élip bérilghan namayishtin bir körünüsh.

Mushu munasiwet bilen norwégiye uyghur komitétimu bigunah ketken shéhitlargha bolghan qayghusini bildürüsh,olimpikning bixeterlikini bahane qilip gunahsiz uyghurlar üstidin toxtimay qirghinchiliq élip bériwatqan, olimpik tenheriket yighinini ötküzüsh salahiyitige ige bolmighan xitay hökümitining heqiqiy rezil qiyapitini xelqaragha körsitip qoyush meqsitide, tünügün yeni 13 - Chésla yekshenbe küni norwigiyining paytexti oslo shehiride yene bir qétim chong tiptiki namayish paaliyiti élip bardi.

Paytext oslo we norwigiyining bashqa sheherliridin kelgen uyghurlar shundaqla yazliq aram uchun norwégiyige kelgen bir qisim gollandiyilik uyghur qérindashlarmu namayishqa ishtirak qildi.

Merkizi poyiz békiti aldidin yürüsh qilghan namayishchilar qoshuni türlük plakat we lozunkilarni kötirip xitay hökümiti fashist,xitay hökümiti térrorchi, ölüm jazasini toxtat, jinayetchilerni qiynashni toxtat, sherqiy türkistangha musteqilliq,uyghurlargha erkinlik dégendek shuarlarni toxtimay towlap kocha aylinip, eng axirida sayahet merkizi hésablinidighan déngiz boyigha jaylashqan erkinlik binasining aldidiki chong meydanda toxtidi. Kichik dostlar 8 - Iyul qirghinchiliqi bayan qilinghan teshwiqat wereqisini tarqitip namayish körgüchiler sorighan soalgha intayin rawan norwégche bilen jawab bérip mangdi.

Namayishchilar erkinlik binasining aldidiki chong meydanda yene dawamliq shuar towlap,teshwiqat wereqisini tarqatti. Norwégiye uyghur komitétining rehberliri etrapta namayish körüp turghanlargha bu qétimqi namayishning meqsidi we 8 - Iyul weqesi heqqide notuq sözlidi.

Bügünki namayishqa qatnashqa kichik dostlar we qizlarmu özlirining ghezep ‏ - Nepritini ipade qilip ötti. Chüsh saet 2 de bashlanghan namayish chüshtin kéyin saet 4 te ghelibilik axirlashti.
http://uyghuramerican.org/images/namayish/nor071308-1.jpg
http://uyghuramerican.org/images/namayish/nor071308-2.jpg
http://uyghuramerican.org/images/namayish/nor071308-3.jpg