PDA

View Full Version : Uyghur Xelqimge Murajiet (Rabiye Qadir)



uaa_admin
10-07-08, 17:28
Uyghur Xelqimge Murajiet



Rabiye Qadir

Pütün dunyadiki Uyghur qérindashlirimgha:

Wetendikilerning ehwali kündin- kün’ge éghirlishiwatidu.
Uyghur xelqi 21- esirde tarixta misli körülmigen, héchqandaq millet téxi béshidin Kechürmigen azap oqubetni tartmaqta.

Tarixni waraqlisaq, Uyghur xelqi mustemlike bolghan künlerdin tartip, alayluq,
Monggollar istilasi dewri, Manjular, Militarist Xitaylar, Gomindang we Stalinning chomaqchiliri bésiwalghan waqitlardimu Uyghur xelqi mustemlikichilik derdini tartqan bolsimu emma oz teqdirini özi belgiligen idi, oz erkinliki, oz musteqilliqi üchün bir deqiqe toxtimay küresh qilip kelgen idi. Lékin 1949-yili Xitay hökümiti, atalmish Yalta yighinida, Stalin we Rossiyining yardimi bilen, 1944 - yili qurulghan dölitimiz Sherqiy Türkistanni soghuq urushlarning qurbani qilip, bésiwaldi. 1954- yili "Shinjiang Uyghur aptonum Rayoni " dégen nam bilen Uyghur xelqini aldidi. Shu waqitlarda Sherqiy Türkistanda 2% Xitay bar bolup, u bolsimu u yerdiki yerlik Xitaylar emes tajawuzchi eskerler we ularning aile - tawabatliri we yötkep kérilgen " Bingtuan" ning ademliridin ibaret. Xitaylar kopeytip xelq’aragha élan qilghinidimu Xitayning igiligen nisbiti 5% idi.
Hazirchu ? Sizning atalmish "Shinjiang Uyghur Aptonum Rayon" dégen rayoningiz qéni ?

Xitayning sizge bergen wediliri we siyasetliri qeni?! Bugünki künde Uyghur xelqi Xitayning qatmu- qat zulumi astida éghir tinishqimu imkaniyiti yoq azabliq ingrimaqta.
Xelq 60 yilliq tarixni eslenglar, yashlar ata- ananglardin soranglar. "Biz kim iduq eslide, hazir kim bolup qalduq ?!" "Qandaq tebietlik exlaqliq bir millet iduq?!" Hazir nariside balilirimizni türküm- türkumlep oghri qilip terbiyilep chiqti, yashlirimizni zeherlik chékimlik bilen weyran qildi ! Sansiz yashlar shuningda öldi. 1995- yilghiche héchqandaq eydiz mikrobi körülmigen Sherqi Türkistan bügünki künde eydiz késilide Zhonggoda 2- orunda turmaqta. Uyghurlarning özige xas bolghan medeniyet en- enisi exlaq qarishini rehimsizlik bilen boghup Uyghur xelqining medeniyet en- eniside üzülüsh hasil qildi !

Xitay kommunistliri awal Uyghur xelqining iqtisadiy menbiyini uzup tashlap iqtisat jehettin weyran qilish arqiliq bu xelqni ajiz mezlum halette qaldurdi, shuning bilen birlikte maariptin ayrip tashlidi. Oqughanlar maaripta heqiqi bilim yoq quruq gep bilen terbiyilendi, shuning bilen xelqning wetinimizge bösüp kiriwatqan ijtimaiy exlaqsizliqlargha taqabil turush iqtidarini yoqutup tashlidi.

Yer sharida urush boliwatqan, depsende boliwatqan diktatura astida yashawatqan herqandaq milletke selishturunglar ! U xelqler namayish qilalaydu, oz erkinliki üchün herqandaq paaliyetni qilalaydu, ular dunyagha awazini anglitalaydu, pütün axbarat organliri ulargha nezirini aghduridu. Bizchu ? Bizning sansiz ademlirimiz ün- tünsiz türmide ölüwatidu, qiynaqta ölüwatidu.

Barin inqilabini esleng, 1997- yildiki namayishni esleng, bu yil 3- aydiki Xoten xanim- qizlirining namayishliri, hemmisi qanliq basturush bilen ayaqlashti ! Minglighan onminglighan Uyghurlar türmide insanlar üchün eng eqelli bolghan, hoquqliridin mehrum qilinipla qalmastin belki turme emeldarlirining qattiq qiyin qistaqliri, dehshetlik jaza lirida insan chidighusiz azablargha duchar bolmaqta, xitay kommunistlirining kushkurtushi bilen ular yene turmidiki ijtimai jinayetchilerning urup oynaydighan ermikige ayalandi ! Ularning nariside baliliri yéterlik iqtisadi bolmighini üchün mektepte oquyalmay yitimliq kochisida adem etkeschilirining qolida yem boliwatidu.

Xitay bizning étnik kimlikimizni yer sharidin pütün millet süpitide yoq qilish üchün dunyani aldiyalaydighan nahayiti chirayliq isimlar bilen türlük wastilerni qollanmaqta.
Ular "Pilanliq tughut" siyasitide "az sanliq milletlerge etiwar qilduq 2 ni tughsa bolidu" dégen sep- setiler bilen bowaqlarni anilarning qosighidila olturuwatidu.

" Eshinche emgek kuchlirige xizmet tépip bérish" bahanisi arqiliq Uyghur dihqanlirining yérini tartiwelip ularni segerdan qilmaqta. Addisi dihqanlirimizning déhqanchiliq bilen ozining milli medeniyiti we jénini béqishta alqinida qalghan eshu kichikkine bir parche yérini, (ozenglar bilisiler ularning eslidiki yerliri " bingtuan eskerlirige tartip bérilgen, qolidikisi azghina bir parche yer ) eshu alqandek yernimu tartiwélish üchün mana bügünki künde " Ichkiride xizmet tépip bérimiz " dégen bana bilen dihqanlirimizni eshu yerliridinmu ayriwetti. Ularning ornigha xitay kochmenlirini türkum- türkumlep Sherqi Türkistan zéminigha köchürüp kelmekte. Bugünki künde xitay kochmenliri su we munbet yer bilen teminlinip bay bolidighan, Uyghurlar bolsa yerliridin ana makanliridin ayrilip xitay ölkiliride erzan bahaliq qul bolidighan siyasetning qurbani boliwatidu.

Bu nimu? ! Mana bu Sherqiy Türkistanda Xitay yurguzuwatqan adem ékisport - import siyasiti. Ular ichkiri ölkilerdin oz ana yurti, tughulup ösken mehellisige kelgende nim bolidu? "Qara Nopus" oz öyining orninimu tapalmaydighan xitaylarning "Sen kim? Nedin kelding ?" dégen soallirigha jawap tapalmay ishikining aldidin aqqan ériqtin, bir ochum su ichelmey sergerdan bolup chiqip kétidu. Mana bu XitayningUyghurni ismi chirayliq bolghan "Tinchliq bilen qirghin qilish" siyasiti.

" Étnik tazilash siyasiti" ning yene birichu? " Qizlarni ichkiri ölkilerde ishqa orunlashturush " dégen niqap astidiki emgek idarisining chirayliq chaqiriqi bilen 2006- yili bir yil ichidila 240 000 qizimizni Sherqi Türkistandin Xitay ölkilerge yötkep ketti. Uni adem qétimi dep atidi Emma qaysi qizlirimiz salamet qaytip Kélelidi?! Yash cheklimisini "16 din 26 yashqiche toy qilmighan bolushi kérék " dédi, buninggha 3 xil usul ishletti aldash, zorlash, tehdit sélish, bermigenlerni "Milli Bölgünchiler" dep qalpaq keydürüp türmige tashlash, ish ornidin qoghliwétish, yerliridin we su menbeliridin ayriwetish. Ular deslepte her bir ailidin bir qiz aldi, kéyinki künlerde dehqanlirimizning 2-3 qiz bolsa unimu bérishke mejburlidi, emdi hazir 7- 8- sinipta oquwatqan qizlarnimu ata -aniliridin mejburi élip ketti, bizge : "3- qizimnimu eketti ! Qutquzup qelinglar. " dep téléfon qilghan ata- anilar boldi. Bular téxi emdila 13- 14 ning qarisini alghan ösmür qizlar idi.

Xitay hökümiti "Pilanliq tughut" dep, toy qilghanlarning balisini qosughidila yoqatqan bolsa "Toy qilish yeshidiki qizlarni ghunche halitidila nabut qilmaqta. Bu qandaq qirghinchiliq ?! Bu aptomatta urush arqiliq adem qirghandinmu bek éghir qirghinchiliq, emma buni dunyaning qelipigha chushurmek tolimu tes !Mana bu künlerde Uyghur xelqi Xitayning eshu besimliri astida awazini chiqirip yighlash erkinlikidinmu mehrum qélip ichide yum- yum yighlimaqta.

Xitayning sheherlerdiki Uyghurlargha qaratqan siyasitichu? Qep - qalghanliri sheherleshken yaki az tola xizmetke ériship balilirini ali mektepte oqutalighanlar we ularning ali mektepni püttürgen balilirichu? " Uyghurlarni ishqa almaymiz!" dégen haqaret astida türkum- türkumlep ishsizliqtin, ümidsizliktin, ular qara derwazigha yüzlenmekte, ulargha ish orni emes "Qara derwaza" ishikini echiwatidu. Ularning özining erkinliki üchün, özining izzet - nepsi üchün élip barghan tinchliq narazilighi " Turmilerge tashlinip muddetlik, muddetsiz qamaq jazasi hetta ölüm jazasigha hokum qilinish bilen ayaqlishiwatidu.


Emdichu? Balilardin bashlap "Xitaylashturush " siyasitini qolliniwatidu. Sizning 7 yashtin 16 yashqiche bolghan baliliringizni ichkirige apirip " Shinjiang sinipliri" ge orunlashturush üchün minglap onminglap ekitiwatidu, sirtqi dunyagha bolsa "bu balilar xoshal! ata- anilar oz ixtiyarlighi bilen balilarni beriwatidu, ular bizdin cheksiz minnetdar" dep teshwiq qiliwatidu, buning üchün ular shundaq neyrengwazliq qiliwatidu. Ular xelqni aldap: "1. Bu balilarning oqush puli bikar qilinidu. 2. Ali mektepni tügetküche hökümet özi ige bolidu. 3. Mektep püttürgen zaman xizmet bérilidu !" dégen bahaniler bilen ularni élip kétidu.

Namratliq aghamchisigha boghulghan Uyghur, ishsizliqtin bizar bolghan Uyghurlar, baliliri üchün bir hayatliq yolini tépishni 1- orun’gha qoyidu.

Xitay Uyghurlarni " pilanliq tughutta olturush ", " balaghetke yetken qizlarni yötkep kétish, " " dihqanlarni ichkirige ékisport qilip, ularning yérini tartiwelish " qatarliq usullar bilen Uyghurlarni yoqutush meqsidige yétipla qalmastin belki eqil yeshige kirgen balilarnimu qoyuwetmeydu, ularni xitaylashturush meqsidige yétidu. Ata- anilarni ilajisizliqtin oz perzentlirini oz qoli bilen tapshurup berishke mejburlimaqta.

Emdi xalayiq oylap béqinglar. Shu "Xinjiang Sinipi" ni nime üchün Uyghur balilirigha oz ziminida échip bermeydu ?Yardemni nime üchün Sherqi Türkistanning özide qilmay ularni ichkirige apiridu ? Uyghurlar peqet Xitaygha ozgergendila " insanlar erishidighan" bext " ke erishelemdu?

Buning bilenla Xitay diktatoriliri Uyghurlarni yoqutush siyasitini axirlashturdi dep oylamsiz? Yaq, Yaq!! Xitay téxi meqsidige yételmidi ! Az sanliq Uyghurlar shundaq bolsimu kop sanliq Uyghur xelqi özining milli kimlikini, diniy etiqadini, en- eniwiy exlaqini, qumdek tokuliwatqan xitay kochmenliri astida ingrawatqan zimini üstige dessep turup jan tikip qoghdawatidu !

Bugünki künde yuqurdiki qebih usullar bilenmu tugutup bolghili bolmaydighanlighigha kozi yetken hitay Siyasetchiliri Uyghur xelqini étnik tazilashning yéngi bir endizisi " Qosh tilliq Maarip" dégen siyasetni kötürüp chiqti, eger heqiqeten "Qosh tilliq maarip" bolsa Uyghur xelqi "Qosh tilliq maarip" la emes " 3 tilliq maaripqimu qoshulidu.
Buning bilen Xitay hökümiti qilche tep tartmastin özi chiqarghan " XinjiangUyghur Aptonum rayonida milli til ishlitish kérek ! " dégen qanunigha xilap halda Uyghurlarning ana til- yeziqini maariptin qoghlap chiqardi. Xitay tilida ders otelmeydighan Oqutquchi prafessorlirimizni "pensiyege chiqisen" dep ders munbiridin qoghlap chiqirip, qalghanlirini ishik supuridighan, derwaza baqidighan qilip qoydi. Hetta yeslilergiche Xitay tilida ders otushni kirguzdi. Uyghurlarning tilini yoqutush arqiliq Uyghur millitini yoqutushni qarar qildi, hetta Nur bekri nomus qilmastin "Uyghurlar Uyghur tili ugenmise nime bolidu? Tunganlarmu bir milletqu? UlarXitay tilida sozleydu ", degen shermende sozlerni qildi. Emdi "Til assimilyatsiyesi bilen Uyghur xelqini yoq qilimen ?" digen Xitay mustemlikichiliri, bugunki kunde "Olimpik" we "Terorist" degen bahaniler bilen Uyghurlarni keng kolemde basturup turmilerge selishqa bashlidi, Sherqi Türkistan usti ochuq turmige aylandi.

60 yildin beri xatirjemlikke erishelmigen Uyghur xelqi erkinlik we tinchliq izdep, xatirjemlik izdep putun dunyagha tarqaqlishishqa bashlidi. Ular bir erkin nepes, horlukni, adaletni izdep oz makanliridin sergerdan boliwatidu. Xitay hokumiti buningghimu chidimidi.

2007- yili 5- ayning 1- kunidin bashlap Uyghur xelqining pasportliri yighiwelinip dunyaning her yerlirige ketish hoquqliridin mehrum qilindi. Bichare Uyghur "qamap yoqutush" oz ziminida qorshap yoqutush " wehimisige duch keldi. Lékin yene buning bilenmu tohtimidi, qéchip chiqip ketiwatqan Uyghurlarning teqdiri nime boldi? bilemsiz.
Xitay kommunist diktatorliri atalmish "Shanghey hemkarliq teshkilati" ni qurup chiqish arqiliq, " Hemkarliship terorizimgha qarshi turush" dégen bahane bilen "tigh uchini putun ottura asiya we ottura sherq derwazisidiki Uyghurlargha qaratti.

Chunki Ottura asiyada bizning 1 yérim milyon Uyghur qerindishimiz bar. Xitay bu teshkilat arqiliq etraptiki diktator döletler bilen hemkarliship, shu etraptiki panalanghan barliq Uyghur xelqini qoghlap yurup basturup yoqutushni meqset qildi. Ottura Asiya doletliri Uyghurlar uchun tolimu xeterlik bir zimingha aylandi.

Ottura Asiyadiki diktatura doletler we Rosiye teweligidiki hem qerindash millet doletler teweligidiki Uyghur qerindashlirimiz Xitay diktatorulighidiki kommunist hakimiyitige tutup berildi, qayturup berildi, ularning aldigha olum jazasi keynige muddetsiz- muddetlik qamaq jazasi berildi. Mesilen, Ozbekstan Husenjan Jelilni tutup berip, uni xitay hokumitining muddetsiz qamaq jazasigha hokum qilishigha tapshurup berdi. Uyghur xelqighe wetenning ichi we teshida tinchliq bolmidi, peqet Gherp dunyasila Uyghurlarni qoghdap qaldi.

Nowette Amerika, Türkiye, Awstiraliye, Yaponiye Yawropa doletliridin Germaniye, Shiwetsiye, Norwegiye qatarliq doletlerge nurghunlighan Uyghur qerindashlirimiz kelip yerleshmekte. Wetende xitayning qatmu-qat iskenjisi astida qalghan éghir zulum astida oz erkinliki uchun sozleshla emes belki erkin tinish imkaniyitigimu ige bolalmighan Uyghurlar heqiqi demokratiyidin behrimen bolup erkin nepes almaqta,. Lekin her bir Uyghurning yürüki yenila ozi terk etken ana makan "Sherqiy Türkistan" dep soqudu, xitayning zulmidin qechip demokratik ellerde yerleshken Uyghurlar hich qachan oz ana wetini Sherqi Türkustanni u yerdiki qan- qerindashlirini, ularning tartiwatqan azaplirini untup qalghini yoq, hijran azabi ularning yurugini ezse, seghinish yashliri her bir Uyghurning mengzini yumaqta.

Buni bilmekchi bolsingiz Kuresh Kusenning nahshilirini anglang. Kuresh kusen qandaq arzular bilen ketti. Seirlrining her buir misrasi qandaq chiqti, Bundaq Kuresh Kusenler azmu? Xuddi Kuresh Kusen oz eytqinidek " kuresh olmeydu !" Yürüki Uyghurum dep soqudighan her bir Uyghur oz hayatini Uyghurning erkinligi uchun atimaqta ! Mesilen Bawudun Niyaz Wetenning ichide turup " Dunyada Hemmidin Uyghur Bolmaq Tes " digen sheirini yézip, Uyghurning bugünki tartiwatqan kulpetlik azaplirini, arzu- armanlirini ipadilep ketti. Qazaqstandiki merhum shair Dolqun Yasinmu shundaq, Turghun almas, Otkur ependim, Zordun Sabir lerchu.... Ulargha ohshash nurghunlighan buyuk ademlirimiz oz arzulirini bizge qaldurup ketti. Bizchu biz emdi kimge qoyup ketimiz ?! Bizmu ewlatlirimizgha, bashqilargha qoyup ketimizmu ?


Yaq, yaq ! Biz emdi waysash, qahshashni tohtutup,, bashqilar ustidin " Qildi, qilmidi.. " dep kunimizni otkuzmey, talash- tartishlarni yoqutup, Her birimiz ozimizge " Men nime qilishim kerek ? Men nime qiliwatimen ?" dep ishni ozimizdin, oz ailimizdin bashlayli. Ene shundila biz wetinimiz Sherqi Türkiustanni, azap ichide ingrawatqan Xelqimizni bu azaptin qutulduralaymiz. Uyghurlirim, Sherqiy Türkistanliq qerindashlirim, azraq bedel toleshke ozimizni chiniqturayli, shundila oz teqdirimizni qolimizgha alalaymiz.

Shundaq biz Erkinlik uchun, horluk uchun wetendin ayrilduq, bizde " Weten uchun wetenni terk ettuq !" deydighan hikmet bar, emiliyette biz wetenimizni soygunimiz uchun, xelqimiz tartiwatqan bu zulumgha chek qoyush uchun, Uyghurning erkinliki uchun, xitay mustemlikichiliri ayighida cheyliniwatqan ana tupraq uchun, wetendin ayrilip ozge ellerde musapirchiliq tartip turuptimiz. Biz mushundaq hesret nadamet ichide yighlapla kun otkizimizmu? Yighlighinimizgha hesret chekkinimizge weten azat bolamdu? Uyghur xelqi xitayning bu zulmidin qutulup qalalamdu ? Yaki xitayning mehri - shepqiti kelip Uyghurgha erkinlik demokratiyeni ozi tutquzup qoyarmu ? Uyghurgha seliwatqan bu zulumni shundaqla tohtitip qoyarmu ? Yaq- yaq... Xitayning esli meqsiti bu ziminning heqiqi igisi bolghan Uyghur xelqinioz heqiqi dawasini qilalmaydighan haletke kelturup qoyush uchun, aldi bilen Uyghurni putun millet supitide yer sharidin tamam yoqutushtin ibaret !

Xitayning bu rezil pilanini emelge ashurmasliq uchun dunyaning herqaysi jayliridiki Uyghurlar aktipliq bilen Dunya Uyghur qurultiyining etrapigha uyushup herqaysi doletlerdiki Uyghur teshkilatlirining yetekchilikide Xitayning bu rezilligini dunya jamaetchilikige ashkarilimaqta, tinch yol bilen oz erkinliki uchun, oz teqdiri uchun kureshmekte. Hazir dunyaning neziri Uyghurgha Uyghurning teqdirige aghduruldi. Bizning herqaysi doletlerde Xitay elchixaniliri aldida ularning bu shepqetsiz qirghinchilighigha zulmigha qarshi elip beriwatqan naraziliq namayishlirimiz dunya metbuatliridin orun almaqta, dunya jamaetchilikining diqqitini tartmaqta. Hazir Uyghur mesilisi, " Tibet Mesilisi" ge ohshashla xelqarashlinishqa yuzlendi. Xitayning Uyghurgha seliwatqan zulmini, rezil pilanini putun dunya korup yetti. We buninggha nispeten tedbir qollinish heqqide gherp elliridiki herqaysi dolet xelqliri oz hokumetlirige besim ishletmekte. Xitaygha bolghan xelqaradiki besimmu barghanche kucheymekte. Mana mushundaq peytte Xitay teximu ghaljirlashmaqta.
Bolupmu Xitay bu nowetlik Olimpikni otkuzush sheripige ige boliwalghandin keyin, dunya jamaetchilikige bergen wediliridin yeniwelip ozining kishilik hoquq siyasitidiki diktatura mahiyitini ashkarilidi.. Xitay kommunist hakimiyitining Uyghur xelqi we Tibet xelqige seliwatqan zulumliridin bashqa oz xelqige seliwatqan zulumlirimu dunyagha ashkarilanmaqta.

Mana mushundaq sharaitta biz Uyghurlar zadi nime qilishimiz kerek ?
Toghra biz tohtap qalmiduq, herqaysi ellerde ohshimighan usullar bilen Uyghurning tartiwatqan azaplirini dunyagha anglitiwatimiz, xitayning rezil niqabini echip tashlawatimiz.

Lekin bula biz uchun yeterlik bolmisa kerek.

Aldimizdiki dushmen, Xitay tolimu kuchluk. Xitay shunchilik rezil ikenki u herqandaq wastilar bilen Uyghur Xelqining oz erkinliki uchun elip beriwatqan kureshlirini boghushqa, Uyghurlarning iradisini boshashturush uchun, aldash, qorqutush, tehdit selish wastilirini ishqa selip ularmu ishlimigende Uyghurlar arisigha ittipaqsizliq uruqlirini chechip Uyghurlarni ichki jehettin parchilashqa urunmaqta.

Qerindashlirim, bizde " Bolungenni Bore yer, Ayrilghanni Eyiq yer !" digen hikmetlik maqal bar. Uyghurning beshigha eghir kulpet keliwatqan mushundaq bir sharaitta, biz teximu hushyar bolushimiz, herqandaq ishni qilghan cheghimizda hisyat bilen emes, belki soghuqqanliq bilen elip berishqa tirishishimiz kerek. Biz 3 waq tamaqni wetendimu yiyeleytuq, turmidiki mehpuslarmu yewatidu, biz baqqan it- mushuklirimizmu yeydu. Turmidishim Shemshinurning gepi bilen elip eytqanda " Ademlikimiz bizni qayta adem qilip tughush kerek!". Abduxaliq Uyghurning gepi bilen eytqanda :

" Ey peqir Uyghur oyghan uyqung yeter,
Sende mal yoq, emdi ketse jan keter.
Bu uyqudin ozungni oyghatmisang,
Ah sening haling xeter haling xeter !"

Eziz wetinimiz Sherqiy Türkistan, 200 yildin beri zulumgha hamile boldi.
Biz emdi tughulduq, emdi yighini animiz anglighudek yighlishimiz kerek. Uyghurlarda " Bala yighlimisa Ana emchek salmaydu!" digen gep mana mushu.
Biz xelqimizni tugep ketishtin qandaq usul bilen qutquzalaymiz? mushu esirning "Pirewini" bolghan kommunistlarning zulmidin qandaq qutquzalaymiz? Bu toghruluq yahshi pilanlarnio otturigha qoyushimiz we dunya boyuche birlikke kelishimiz kerek.
Putun dunyadiki ziyalilar, hazirche qattiq oylunup, her birsi ozining pilanlirini "Dunya Uyghur qurultiyi"gha yollash kerek, siyasetchilirimiz, tetqiqatchilirimiz, sodigerlirimiz, qehrimanlirimiz aldinqi septe turuwatqanlar, biz silerge sunghan pikir sanduqining ichige oz eqlinglarni ewetip berishinglarni umit qilimiz. Biz bu pikirlerde ayallar we balilarningmu choqum bizning septe turup pikrini ewetip berishini umit qilimiz. Ozini men sherqi Türkistanliq diqguchi her bir kishining bu pikir sanduqining ichide pikrini korushni, awazini anglash ni xalaymiz.

Men silerge yetekchi bolup chiqtim. Siler meni bu dawada ozunglargha qomandan qildinglar, Silerning qollushunglar we yardiminglar bolghini uchunla, mening yurugum toq, ozumni Uyghur dawasi uchun beghishliyalidim. Hemmimiz bir septe turup oz erkinlikimiz uchun muruni- murige tirep erkinligimiz uchun kurusheyli. Men silerni yetekleymen, silermu meni yeteklenglar. Weten dep yurugi soqqan her bir Sherqi Türkistanliq" ning mening mengem, kozum, qol- putum bolushinglarni umit qilimen. Men silerning yuruginglar bolup soqay !


(Rabiye Qadir xanimning tapshuruqi bilen wakaliten chaplandi)