PDA

View Full Version : Ökündüm



uaa_admin
01-07-08, 10:16
Ökündüm
Apturi: Enwer Turdi

Ötti künler shunche téz, hayatimdin Ökündüm.
Qiriq yilliq nishansiz , musapemdin Ökündüm.

Terbiylidim ewladni , bash egmidim müshkülge.
Biraq emdi purset yoq, iqbalimdin ökündüm.

Gheyri tilda sözlimek, omumluqni közlimek,
Moda boldi bilmidim, ghururumdin ökündum.

Yukseklikke ündigen, sözler qaldi sinipta,
Güller ünmey izimgha , armanimdin ökündum.

Méwe birip ijadim, shungqarlansa perwazim,
Turdum yene sükutte, irademdin ökündum.

Keshpiyatim qesiri , neqishlendi chirayliq,
Biraq dilim zidighu , eqidemdin ökündum.

Sun'ghan hékmet jamini, ejdatlargha nime dey?.
Qud sharabi chiqmighan , piyalemdin ökündum.

Gulshenlirim yashnimay , bulbul ketti sayrimay,
Wésal tapmay changqighan, teqdirimdin ökündum.

Shijaitim nedidur,? Erkinlikim nedidur?!
Pushaymanda ming sual, kelgüsümdin ökündum.

2008 – yili 26-may ürümchi