PDA

View Full Version : ULY ni Omumlashturush Toghrisida Teshebbusname



Erkin Sidick
25-04-05, 13:08
Salam wetendashlar,

Men bu xetni yezish-yazmasliq toghrisida nechche kun oylandim. Axirida, bugun UAA ning mumbiridin towendiki yazmini korgendin keyin, bu xetni yezish qararigha keldim:

"Uyghur" ning yazmisidin neqil (http://uyghuramerican.org/phorum/read.php?3,3149):

"way hudayim ozeng bar bu amirkiga kandak ademler berip kalgandu.sileni terbiligen kandak atanidu u seler ozenglerni qong tutixtin baxka yana nimini bilersile he dunyadin hijil bulixmamsile"

Yoqurqi sozlerning men bu yerde teshebbus qilmaqchi bolghinim bilen anche munasiwiti yoq. Lekin, Amerikidiki Uyghurlar arisida yeqinqi bir yil ichide korulgen hadise we weqelerge asasen, hazir wetendiki bashqa chet ellerdiki Uyghurlar bir yengi atalghu shekillendurushke bashlidi: "Amerikidiki Uyghur pitnixorlar". Uyghur Latin yezighi mesilisidimu Amerikidiki Uyghurlar arisida eghir mesile mewjut bolup turiwatidu. Yeqinda dostimiz "Atawulla" bu jehettiki mesilini bir az tepsili xulasilap otturigha qoydi. Men Biliwal.com bilen bolghan sohbetning yeqinqi bir bolimidimu bu mesile ustide bir az toxtaldim. Men wetendiki Uyghur xelqige we dunyaning yengi yuzlinishige masliship, Uyghurning xelqaradiki obrazini toghra turghuzushqa kuch chiqarmaydighan kishilerning "weten", "millet" digen geplirige anche ishenmeymen. Wetendashlarning bir az diqqitini qozghash uchun, Biliwal.com ning men bilen elip barghan Sohbetning 8-bolumide yazghanlirim bilen, wetendiki bir qisim til we ilim-pen mutexesisliri hemde milletperwer yashlar elip barghan Uyghur Latin Yezighi (ULY) ni birlikke kelturush toghrisidiki ishlirining xatirsini bu yerge chaplap qoydum. Her bir wetendashning estayidil oylinip beqishini, hemde UYL toghrisidiki qalaymiqanchiliqlarni tugitish yolida bir kishilik tohpe qoshushini omit qilimen.

Hormet bilen,

Erkin Sidick

Erkin Sidick
25-04-05, 13:09
Menbesi: http://www.biliwal.com/modules.php?name=Content&pa=showpage&pid=11

2. Hazir Uyghur tor béketliride ishlitiliwatqan Uyghur Latin yéziqi (ULY) ning türliri intayin köp. Uning Shinjang, Amérika, Yawropa, Türkiye we ottura Asiya qatarliq döletlerge qarap oxshimighan shekli bolupla qalmastin, her bir dölettimu yene bir qanche kichik tiptiki oxshimighan türliri mewjut bolup turmaqta. Eger hazir Uyghur emes, emma Uyghurchini bilidighan bir adem pütün Uyghur tor béketliri we intérnét munberliri üstide tekshürüsh qilidighan bolsa, Uyghurni «sawadi yaxshi chiqmighan, tayini yoq, intayin chechilangghu bir millet iken»,dégen xulasige kélishi mumkin. Bu bir intayin échinishliq ehwal bolup, u her bir Uyghurning diqqitini qozghishi kérek. Uyghur tor békitining köpinchisi Uyghur xelqige xizmet qilish üchün qurulghan. Shundaq bolghan iken, ular köp sanliq Uyghurlarning menpe'itini közde tutup, yéziq jehettiki birlikni qoghdishi kérek. Men yuqirida tilgha élip ötüp ketkendek, yurtimizdiki bir qisim til mutexesisliri we ot yürek yashlar 4-5 yil ilmiy munazire, muzakire yürgüzüsh we izdinish arqiliq, ULY yéziqini birlikke keltürüsh meqsitide ULY ni barliqqa keltürüptu. Hemde yurtimizdiki bir qisim tor béketliri mushu yéziqni qolliniwétiptu. Bu toghrisidiki tepsili melumatni http://www.ukij.org/uly/modules.php?name=Content&pa=showpage&pid=4 yaki http://www.biliwal.com/modules.php?name=Forums&file=viewtopic&t=141 tor béketliridin körüwélish mumkin. Men bu ULY toghrisida kem dégende mundaq 2 alahidilik barliqini hés qildim: 1) Uni In'gliz tilida sözlisheleydighan hemme milletler shu pétiche oquyalaydiken (mesilen, «Qimen’gül» bilen «Cimen’gül» ni In'gliz tilidikiler toghra oquyalmaydu, emma «Chimen’gül» ni oquyalaydu), hemde téz yézishqa toghra kelgende, chet eldiki ölchemlik kompyutérning hemmiside chékitsiz herpler bilen téz sür'ette yazghili bolidiken. 2) Bir qisim ot yürek Uyghur yashliri xalis ishlesh arqiliq, bir xildiki yumshaq détalni ishlep chiqqan bolup, shuni ishlitish arqiliq bir ULY we UEY diki höjjetlerni öz ara aylandurghili bolidiken (Men bu yashlargha hemde özining puli, waqti we küchi bilen her xil intérnét tor béketlirini yasawatqan hemde ularni bashquruwatqan yurtdashlargha chin könglümdin minnetdarliqimni bildürimen. Heqiqiy milletperwerlik dégen mana mushundaq bolushi kérek). Emdi bu yéziq toghrisida Amérika, Yawropa, Türkiye, Ottura Asiya qatarliq jaylar öz aldigha ayrim-ayrim munazire we muzakire qilip, öz aldigha birdin ULY ni tüzüp chiqishining héch qandaq hajiti yoq. Undaq qilish bir uchigha chiqqan nadanliq bolup, Uyghur millitini dunyagha bir tayini bar millet süpitide tonutushqa intayin ziyanliq. Shunga men chet elde oqughan, Uyghur tilshunasliqida bilimi bar, emma yurtimizda ULY toghrisida qarar élish jeryanigha qatnishalmighan Uyghur ziyaliylirining hazirche ULY qararigha boy sunushini, öz aldigha ayrim ULY tüzüp chiqip ishletmeslikini tewsiye qilimen. Undaq qilmaydikenmiz biz Uyghur ishlirini ilgiri sürgüchi emes, uni buzghuchi bolup qalimiz. Biz bash qaturmisaq bolmaydighan, köngül bölmisek bolmaydighan, izdenmisek bolmaydighan nurghun muhim we jiddiy ishlar bar. Uyghur bilim igilirining öz bilimini ishliteleydighan we ishlitishke tégishlik ishlar we sorunlar intayin köp. Emma, méningche yéngi bir ULY ni otturigha chiqirish uning biri bolmasliqi kérek. Bir qétim qarar qilinip bolghan ishni yene qayta muzakire we qarar qilishning zörüriyiti yoq. Bir ish toghrisida axiri üzülmeydighan munazire we muzakire qilish biz Uyghurlar üchün intayin paydisiz. Shunga men hemme ademning Uyghurning tüp menpe'itini közde tutup, yéngi yéziqta tüzülgen tor béketliride bir tutash ULY ni ishlitishni teshebbus qilimen. Men bashlan’ghuch 1-siniptin tartip aliy mektepni püttürgiche Uyghur yéngi yéziqida oqughan. Lékin, bashlan’ghuchtila UEY bilen Uyghur Silawyan yéziqini öginiwalghan bolup, shuningdin kéyin özümning turmushi bilen oqushida UEY nimu izchil türde qoshumche qilip qollinip keldim. Eyni waqitta Uyghurlar ichide mushundaq qilghanlar intayin köp idi. Men www.uyghurscholars.org tor bétini deslepte yasighanda, ULY din toluq xewirim bolmighachqa, biz burun oqughan ULY ni qollan’ghanidim. Yéqindin buyan ULY ni ishlitishke bashlidim. Hazir Biliwal.com üchün bériwatqan söhbetning jawablirini tügetkendin kéyin, choqum waqit chiqirip, www.uyghurscholars.org ning yéziqini pütünley ULY ge özgertish pilanim bar. Millet üchün yaxshi ish qilip bérishni isteydighan her bir adem üchün, hemde kelgüside chongraq ishlarni qilishni nishanlighan her bir yash üchün ULY dek 32 herplik yéziqni öginiwélish héchqanche ish emes. U bir kishining qolgha keltürgen chong netijisi bolupmu hésablanmaydu. Belki, hazirqi zamanda Uyghur tili, UEY we ULY ni puxta bilish, hemde ularni toghra ishlitish, özini milletperwer hésablaydighan her bir Uyghurning qilishqa tégishlik mejburiyitidur.

Erkin Sidick
25-04-05, 13:09
Uyghur Latin Yéziqi (ULY) Heqqide

Bu Matériyal Uyghur Kompyutér Ilmi Jem'iyiti tor békiti(www.ukij.org)din élindi


Uyghur Latin Yéziqi (Ilgiri Uyghur kompyutér yéziqi déyilgen) kompyutér saheside we bashqa munasiwetlik sahelerde kona yéziqqa yandash qilip ishlitilidighan, Latin herpliridin tüzülgen yéziq bolup, 2001- yilning aldinqi yérimida Ibrahim Mutii, Mirsultan Osman, Muhebbet Qasim, Imin Tursun, Abliz Yaqup, Xemit Zakir, Arslan Abdulla, Hoshur Islam, Türgün Ibrahim .. qatarliq alim, tilshunas, doktor we proféssorlarning qatnishishi bilen 5 qétimliq ilmiy muhakime yighini arqiliq 2000-yilighiche ishlitilgen 15 xildin artuq oxshash bolmighan layihini estayidil muzakire qilish arqiliq 2001-Yil 3-iyul küni birlikke keltürülgen. Shuning bilen bir waqitta, birlikke keltürülgen layihe Shinjang Uniwérsitéti teripidin aptonom rayonluq xelq hökümitige we til-yéziq komitétigha yollan'ghan. Aptonom rayonluq xelq hökümiti sabiq reis Ablet Abduréshitning teshkillishi bilen shu yili baharda "Uyghur isim - famililiri we ULY toghrisida mexsus pikir anglash yighini" chaqirip, deslepki qedemde Uyghur isim - famililirini qéliplashturush, shundaqla ULY ning ammiwiy asasini puxtilash, undin kéyin sharait piship yétilgende qayta muzakire qilish qararigha kelgen.

Ilmiy muhakime yighinlarda "Uyghur Uyghur Latin Yéziqini ishlitish yéziq özgertish bolmastin belki kona yéziqqa qoshumche qilip ishlitilidu..." dep éniq körsitilgen hem tekitlen'gen.

ULY ning birlikke kélishi mushu bette saqit qilin'ghan nurghun mutexessis we tordashlarning ilmiy munaziriliri arqiliq barliqqa kelgen ortaq netije bolup, u melum bir shexs yaki tor békitining ijadiyiti emes. UKY élipbesi nöwette nurghun tor béketliri, kündilik alaqe we ilmiy tetqiqat hem bashqa saheside keng kölemde ishlitilmekte. UKY(ULY) Élipbesi Jedwili Töwendikiche:


Eskertish:
“Éé Öö Üü” herplirini chiqarghili bolmighanda, ularning ornigha munasip halda “Ee Oo Uu” larni ishlitishke bolidu.
---------------------------------------------------------------------------------------------------------------------------

TESHEKKÃœRLER

ULY ning birlikke kélishini töwendiki orun we shexislerning yighin'gha qatnishishi yaki pikir bérish arqiliq qilghan yardimidin ayrip qarighili bolmaydu:

Ablet Abduréshit (Shinjang Uyghur Aptonum Rayoni sabiq reisi): Hökümet namidin ULY toghrisida mexsus pikir anglash yighini uyushturghanliqigha rehmet

Tursun Ershidin (Sh.U.A.R xelq qurultiyi): ULY ni birlikke keltürüshke tenqidiy pikirlerni bérip, chüshenchilerni aydinglashturushqa yardem qilghanliqigha rehmet.

Mirsultan Osman (Tilshunas): 2001-Yil 20-Iyul qismen herplerni békitishte we ULY imlasi toghrisida mexsus ziyaritimizni qobul qilip qimmetlik pikirlerni berginige alahide rehmet.

Hoshur Islam, Waris A. Janbaz (Shinjang Uniw.): Her qétimliq ULY ilmiy muhakime yighinigha deslepki layihe teklipi tüzüp teshkillesh we teshwiqat xizmiti ishliginige rehmet.

Abduréhim, M.Erdem: ULY ni birlikke keltürüsh we uni tor béketliride ishlitish arqiliq toghra teshwiq qilish yolida 4 yildin buyan tewrenmey izdinip, tordashlarning soallirigha estayidil jawab bérip körsetken ejrige köp rehmet.

Tilshunaslar Ibrahim Mutii, Muhebbet Qasim, Mirsultan Osman, Imin Tursun, Abliz Yaqup, Xemit Zakir, Razaq Metniyaz, Tahir Abduweli, Enwer Exmet, Jamile Sattar, Arsilan Abdulla qatarliq Alim, Doktur, Proféssor we tetqiqatchilarning qimmetlik pikirlirige rehmet.

Kompyutér Mutexessisliri Hushur Islam, Türgün Ibrahim, Mirshat Létip, Alim Ehed, Yasin Imin, Waris Abdukérim Janbaz, Perhat Muhemmed, Mijit Ablimit, Erkin Imir qatarliq Proféssor, Dotsént we tetqiqatchilarning qimmetlik pikirlirige rehmet.

Shinjang Uniw. Rehberliri Tashpolat Téyip (Doktur), Arsilan Abdulla(Dotsént), Türgün Ibrahim(dotsént) yighinni qollighanliqigha we teshkillesh jehette qimmetlik pikirlerni bergenlikige rehmet.

Shinjang Uniw. Oqutquchiliri Mijit Xudaberdi (Proféssor), Yasin Ghopur, Memtimin Ghéni (doktur), Razaq Metniyaz (Proféssor), Abdukerim Raxman (proféssor), Qeyser Qadir, Ayqiz Qadir, Raxmanjanlarning qimmetlik pikirlirige rehmet.

Shinjang Uniw. Kutupxanisi; Shinjang Uniw. 863 Tetqiqat Guruppisi Abdurusul Kichikaxun, Hoshur Islam, Yasinjan Memet, Mutellip Mamut larning matériyal, yighin orni teminligenlikige we qimmetlik pikirlerni bergenlikige rehmet.

Jem'iyet erbabliri Nijat, Nejmidin(Qarluq.com), Muhemmed Erdem Latin yéziqining jem'iyette qollinilishi we bashqa jehetlerde qimmetlik pikirlerni bergenlikige rehmet.

Metbuat we Teshwiqat Orunliri Shinjang Téléwiziye Istansisi, Ürümchi Kéchlik Géziti (muxbir: Niyaz), Shinjang Géziti, Shinjang Ishchilar Waqit Géziti, Shinjang Uniwérsitéti Géziti, merhum "Makanim" tor békiti, Misran tor békiti, Oyghan tor békiti qatarliq orunlarning ULY ni TOGHRA teshwiq qilighinigha rehmet.

Bashqilar ULY ni birlikke keltürüsh yolida ilmiy yosunda selbiy pikirlerni bérip, meqsetni aydinglashturushqa yardem qilghan hem munazire mezmunini béyitqan kishilerge rehmet. ULY ni ishlitip tor békiti yasap toghra teshwiqat élip barghan, we ULY gha ait yumshaq détallarni yasighanlargha rehmet.


---------------------------------------------------------------------------------------------------------------------------
Uyghur Latin Yéziqi Imla Qaidisi

Uyghur Latin Yéziqi (Uyghur Kompyutér Yéziqi--UKY) bilen xet yazghanda töwendiki qaidiler boyiche yézish kérek.

1. Jümlining birinchi sözining bash herpi chong herp bilen yézilidu.

2. Adem we nersilerning isimliri, dölet namliri, milletlerning namliri we yer-jay isimlirining bash herpi chong yézilidu.
Mesilen: Mehmud Qeshqeri, Uyghur, Amérika, Ürümchi

3. Xas isimlarning bash herpi chong herp bilen yézilidu. Chettin kirgen xas isimlar Uyghur tiligha boy sundurup yézilidu, esli shu tilda yézilishini tirnaq ichige élip qoysimu bolidu.
Mesilen: Qeshqer, Yüsüp Xas Hajip, Niyu York (New York), Béyjing (Beijing), Arman

4. Qisqartilghan isimlar chong herp bilen yézilidu.
Mesilen: AQSh, BDT, ULY

5. Xelq'ara birlikler, qisqartilma sözler we tawar namliri öz péti yézilidu.
MTV, VCD, DVD, m, cm, volt, Microsoft

6. Qisqartilghan sözlüklerning ichide qoshma herp bolsa shu herpning birinchi herpi chong yézilip ikkinchi herpi kichik yézilidu.

A.Q.Sh (Amérika Qoshma Shitatliri), B.D.T.(Birleshken Döletler Teshkilati), Sh.U.A.R. (Shinjang Uyghur Aptonom Rayoni)

7. Memuriy orunlarning namlirining bash herpi chong herp bilen yézilidu.
Mesilen: Shinjang Uyghur Aptonom Rayoni

8. Yuqirikilerdin bashqa ehwallarda herpler birdek kichik yézilidu.

9. Melum sözde bir boghum uzuk tawush bilen axirlashsa shu boghumning arqidin kelgen yene bir boghum sozuq tawush bilen bashlansa, bu ikki boghum apostrof (') bilen ayrip yézilidu.
Mesilen: sen'et, chet'el, qet'iy, jem'iyet

10. Melum sözde bir boghum sozuq tawush bilen axirlashsa shu boghumning arqidin kelgen yene bir boghum sozuq tawush bilen bashlansa, bu ikki boghum apostrof (') bilen ayrip yézilmaydu. Chünki, Uyghur gramatikisi boyiche yeni Uyghur tilida her bir boghumda bir sozuq tawush bolidu, ikki sozuq tawushning arqimu-arqa kélishinig özila boghum ayrishning bisharitidur.
Mesilen: maarip, daire, radio, mueyyen, tebiiy, paaliyet

11. Perqlendürüp oqushqa asan bolush üchün s'h, n'gh, n'g, ng'h arisighimu apostrof qoshup qoyilidu.
Is'haq, Özbékistan'gha, Hin'gan, Cheklen'gen, Wete'n'ge, Bashlan’ghuch
_________________
Bilginingni eldin ayima

Mushtiri
25-04-05, 16:16
Hörmetlik Erkin Sidick Ependim!
ULY ni Omumlashturush Toghrisidiki Teshebbusingizni qizghin qollaymen we buning üchün sizge alahide rexmet éytimen.

_____Bolupmu www.uyghurscholars.org ________tor bétini deslepte yasighanda, ULY din toluq xewirim bolmighachqa, biz burun oqughan ULY ni qollan’ghanidim. Yéqindin buyan ULY ni ishlitishke bashlidim. Hazir Biliwal.com üchün bériwatqan söhbetning jawablirini tügetkendin kéyin, choqum waqit chiqirip, www.uyghurscholars.org ning yéziqini pütünley ULY ge özgertish pilanim bar.
_______________________ dégen sözingiz méni tolimu xushal qildi.

Méningchimu siz nöwettiki biz jiddi duch kéliwatqan intayin achquchluq meslini otturigha qoyupsiz. Wetendiki dostlirimiz éytip tügetküsiz qiyinchliqlarni yéngip shunche utuqlarni qolgha keltürüptu. Chet'ellerdiki Uyghurlarmu buninggha zich masliship birinchi qedemde ULY ni birlikke keltürüp, yéziq jehettiki oqushmasliqlargha xatime bérishi , ikkinchi qedemde millitimizning nöwettiki duch kéliwatqan mesililerni qandaq bir terep qilish üchün ilmiy munazirilerge yürüsh qilishi intayin zörür, dep qaraymen.

Shundaq qilghandila bu yerlerge kirip öz'ara adem tillaydighan, birbirini haqaretlep bashqilarning (yat milletlerning) aldida Uyghurlarning inawitini töküdighan illetler asta-asta yoqulishi mumkin.

Axirida siz ilgiri sürüwatqan bu teshebbusning burunraq emelge éshishni chin dilimdin arzu qilip

Mushtiri


_________________
El qozghalsa, text qozghilar.

Dilmurat Barat
25-04-05, 16:21
Mining kesipim til shunasliq yaki edibiyat we tarih qatarliq ijtimai pede bolmisimu hazirqi bizdiki ULYning birlikke kelmigenligi toghrisida uzundin béri kalla qaturup pikirlerge aktip qatiniship kelgenlerning birisi bolush süputim bilen bu yerde haziraq bu toghurluq pikir bérishni layiq kordim.
ULY yezighi toghurluq Erkin Sidiq ependimning bergen pikirige tamamen qoshulumen. Chunki bu yeziq Uyghur tilidiki 32 heripni toluq ipadilep qalmastin hazirqi internet torida Uyghurlarning oz-ara alaqe qilip birlikte tereqqi qilishigha we shunungdek ilim pen saesidiki tehnikiliq maqalilarni Uyghur tilida yezishqa intayin qolayliq yéziq dep qaraymen.
Mining ésimde qelishiche men Yaponyede uquwatqan wahtimda 1993 –yilliridin bashlap biz chet’ellerde turuwatqan Uyghurlarning ichide ULYni birlikke kelturush toghurluq nurghunlighan qétim talash tartishlar bolup keldi,menmu bu talash tartishlargha aktip qatiniship oz kozqarashlirimni ottirigha qoyghan we bezi bir qerindashlirimizning Uyghur Yengi Yezighini ishlitish toghrisidiki pikirige qetti qarshi turup, helqaraliq ahanggha yéqin kilidighan mesilen KH ning ornigha Q ni, X ning ornigha SHni , Q ning ornigha CH ni ishlitishni qetti qollighan idim. Bügünki künde ULYning mukemmel bir yéziq supitide dunyagha kilishi wetinimizdiki we shunungdek chet’ellerde turuwatqan Uyghur qerindashlirimizning ortaq küch chiqirishining netijisidur.Bu yéziqni bizning eneniwi yézighimiz bolgha Uyghur Erep Yézighi bilen bille ishletsek bizning yézighimiz téhimu mukkemmellishidu, hazir bu ULY yezighi bilen UEYni oz ara almashturghili bolidighan yumshaq detallar meydangha keptu,bundaq bolghanda ishlitish téhimu qolayliq bolidu digen gep.Bezi bir qerindashlirimiz bir millette ikki hil yeziq bolsa qandaq bolidu? Bu bizning mediniyitimizge tesir bolmamdu? dep endishe qilishi mumkun, Yaponye dunyada shundaq tereqqi qilghan dolet bolsimu ular 4 hil yéziqni ishlitidu, unung ustige bir nerse yazmaqchi bolsa mushu 4 hil yeziqni arlashturup yazidu.Biz ikki hil yeziq ishletken bilen uni ayirim ayirim ishlitimiz shunglashqa héshqandaq tesiri bolmaydu.
Hazir bu ULY ni ishlitishta qolaysiz boliwatqini Ü,Ö,É heriplirini bir herip kinopkisi bilen chiqirishqa bolmaywatqan mesiledur, hazir biz ikki yaki üch herip kinopkisini bésish arqiliq bu üch heripni chiqirip ishlitiwatimiz, eger bu ULY resmiy umumlashqandin kéyin Micirosoftqa dep bu chiqirish tes bolghan üch heripni Windowsqa kirgizip qoysila ish putidighan gep.Mesilen hazirqi windowsning ichidiki German tilini windowsning hérip taqtisigha tallap qoysingiz chikit pesh(;) kinopkisini bassingiz (Ü) ni qosh pesh (“) kinopkisini bassingiz (Ö) ni , tenglik kinopkisi (=) bilen (E) kinopkisini bassingiz É ni chiqarghili bolidiken biraq (Z) bilen (Y) ning orni almiship qalidiken.Hazir türuk milletliridin Ezerbeyjan bilen Özbekstan ikki hil yéziq ishlitiwitiptu birsi Slawiyenche herip yana birsi Latin heripi iken, windowsning til tahtisigha her ikkisini kirgüzip qoyuptu.

Hemmeylenge salametlik tilep addi salam bilen:

Dilmurat Barat

mam
27-04-05, 02:27
hay mum

Ãœmit Agahi
27-04-05, 04:38
Hörmetlik Erkin Sidiq efendim we Dilmurat efendim, sizlerge cheksiz hörmitim bilen rehmet eytimen, we tebrikleymen.bir uyghur blush suepitim bilen menmu hel qilalmay nahayiti tit-tit boliwatqan mesilining birsi ,asasen hel bolush girdawigha kelip qaptu, bolupmu Erkin Sidiq efendim millitimiz uechuen qiliwatqan shreplik oechmes toehpiliringiz menggue yurtimiz we helqimiz ichide yashaydu, sizge koeplep minnetdarlighimni bilduerimen!

mening bir soalim bar idi, men taza eniq bilelmeyqaldim: yeni Ö,Ü we E (Germanche kunupta yoq bolup qaldi, "Ehmet" diki E ni demekhcimen ). bu heriplerni yezishta qandaq qilidighan bolduq hsuni eniq bilelmey qaldim, kechürisiz bir qisqa izahat beriwetken bolsingiz. hursen bolattim.
Zadiche paydilinish üchün qisturup qoymaqchimen, Germanlar men sorawatqan Ehmettiki E üchen Ä( A üstide qosh chekit,mesilen; ähmet,ämäliyät, ämdi..)
Ördektiki Ö üchün Oe( O qoshulghan e , mesilen; oerdek. oernek,oelmek..)
üzümdiki Ü üchün ue( U qoshulghan e, mesilen, uezuem, uezuende,uemmmet..)
dimekchi bolghunum, bularningmu ejeba hezir yaki kelgueside bir paydinilish muenkinchiligi bolup qalarmu demekhcimen,bularni yawropada qollunush nahayiti qolayliq.bu peqet bir mesalihet. men ULY ni qollap quwetleymen ,alimlirimizdin bashqa bir tüzitish we yengiliqkörsütülmigiche ULY qollinimen. sizlerge chongqur rehmitim we hörmitim bilen teninglargha salametlik tileymen.

ULY
27-04-05, 09:52
Salam Ãœmid efendim,

TÖwendiki jedwelge qarang:

http://www.biliwal.com/uly/UKYJedwili.jpg

Siz jedwelde kÖrgendek, Ö, Ãœ herpliri Germanche (nemische) gha oxshash élinidu. "Ehmet"tiki "E" bolsa, shu E boyiche elinidu. Lekin, "Éyiq"tiki "ې" bolsa, "é"bilen yezilidu.

Yuqarqi Ö, Ü we é herplirini sharait bolmighanda O, U we e bilen yezishqimu bolidu.

Salamlar,

-ULY

Erkin Sidick
27-04-05, 11:27
Salam Umit ependi,

Qerindishimiz "ULY" soalingizgha nahayiti obdan jawap beriptu. Men shuninggha putunley qoshulimen. Ö, Ü we é din ibaret 3 heriplerni gherip elliridiki kompyuterde chiqirish bir az qolaysiz. Meningche hazirche oz-ara e-mail alaqisi qilghanda chikiti yoq O, U we E lerni yoqaruqi 3 heripning ornida ishlitip, resmi maqale we UEY gha ozgertilidighan hojjetlerni teyyarlighanda Ö, Ü we é ni ishletsek bolidu.


"ULY" we Dilmurat Barat ependimler:

Silerning bu teshebbusni qollap korsetken tirishchanliqinglargha kop rexmet.

Hormet bilen,

Erkin Sidick

Agahi
27-04-05, 18:36
Hörmetlik qerindashlirim "ULY" we Erkin efendim sizlerge köptin-köp rehmet,men bu yezish uslubini bu yerdiki wetendashlargha chamim yetishiche uqturup qoyimen, sizlerning küch chiqirishimglar bilen birlikke kelgen ULY meydangha keliwatidu, bu bir nahayiti ghelibidur, hemminglarning hizmitinglargha utughluq, teninglargha saghliq tileymen.
cheksiz hörmet-ehtiram bilen,
Ãœmit Agahi