PDA

View Full Version : Germaniyede Namayish



Unregistered
06-04-08, 08:51
http://www.uyghurcongress.org/Uy/news.asp?ItemID=1207484763


Germaniyede Barin Inqilabini Xatirilesh We Xitayning Hotendiki Basturush Herikitige Naraziliq Bildürüsh Üchün Namayish ötküzüldi

Bügün, yeni 4 – ayning 5 – küni Germaniyening München shehride, 1990 – yili yüzbergen Barin inqilawining 18 – yilliqini tatirilesh, Xitay hakimiyitining 3 – ayning 22 – 23 - künliri Xotende yüzbergen Uyghur ayalliri herikitini rehimsizlerche basturghanliqigha naraziliq bildürüsh, shundaqla omilpik yighinining Xitayda ötküzülishige qarshi turush yüzisidin keng kölemlik namayish élip bérildi.

< Dunya Uyghur Qurultiyi > ning merkizi orgini we qurultay qarmighidiki < Yawropa Sherqiy Türkistan Birliki > teshkilati uyushturghan bu qétimqi namayishqa, Germaniyede yashawatqan uyghurlar, Germaniyediki kishilik hoqoq teshkilatlirining wekilliri, Uyghurlargha hesdashliq qiliwatqan German, Türk we Géritsiyelik dostlardin bolup birqanche yüz kishi qatnashti.


Sherqiy türkistanning ay – yultuzluq kök bayriqini we Xitaygha qarshi türlük sho’arlar yezilghan lozunkilarni kötergen Namayishchilar qoshuni Germaniye waqti sa’et 13 : 00 da aldi bilen München shehridiki dunyagha meshhur < Odeonsplatz meydani > gha toplandi, meydanda Uyghur namayishchilargha qiziqip qarap turghan yerlikler we chetellik sayahetchiler köp bolup, Germaniye saqchiliri meydandiki amanliq tedbirlirini alahide kücheytken idi.

Namayishning beshida, < Dunya Uyghur Qurultiyi > ning mu’awin reyisi Esqerjan ependi etraptiki yerlik ammigha xitaben Germanche qilghan nutqida, 1990 – yili 4 – ayning 5 – küni yüzbergen Barin inqilawi we bu inqilapning qanliq basturulghanliqi heqqide, shundaqla 2008 – yili 3 – ayning 22 – 23 – künliri Xotenda Uyghur ayallirining Xitay hakimiyitige qarshi élip barghan naraziliq herikiti we bu heriketning rehimsizlerche basturulup, 500 ge yéqin bigunah ayalning qolgha élinghanliqi heqqide qisqiche melumat bérdi.

Esqerjan yene, Uyghur xelqining, dunya tenichliqining simowuli hisaplanghan olimpik yighinining Xitaydek bir dektator we zalim döwlette ötküzülishige qarshi ikenlikini alahide eskerti.

Namayish jeryanida etraptiki ammigha, Barin inqilawi we bu qétimqi Xoten weqesining tepsilati bayan qilinghan Germanche teshwiqat waraqliri tarqitildi.

Namayishta yene, Germaniyediki < kishilik hoqoq teshkilati > ning mesuli Yurgen Tirakmu söz qilip, Xitay hakimiyitining Uyghur we Tibet xeliqlirige yürgüzüp kéliwatqan besim, zulum we qanliq basturush siyasitini qattiq eyiplidi we Germaniye xelqini Uyghur we Tibetliklerning heqqani milliy heriketlirini qollap – quwetleshke we ulargha hesdashliq qilishgha chaqirdi.

Namayish bashlinip bir sa’ettin keyin namayishchilar qoshuni saqchilarning yol bashlishi bilen < Odeonsplatz meydani > din, München shehrining yene bir merkizi meydani hisaplanghan < Sendlingertor meydani > gha qarap piyade yürüsh qildi.

Bügün shenbe küni bolghini üchün, kochilarda adem köp idi, namayishchilar yol boyi, < uyghurlargha erkinlik >, < Uyghurlargha azatliq >, < Barin shehidliri ölmeydu >, < Xitaylar wetinimizdin chiqip ketsun > digendek sho’arlarni jarangliq halda toxtimay towlap mengip, etraptiki yerlik ammining alahide qiziqishini qozghidi.

Namayishchilar qoshuni texminen 2 – 3 kilométir yol yürüp, < Sendlingertor meydani > gha kélip toxtidi we jarangliq sho’arlirini buyerdimu dawam qildi.
Uyghurlargha hesdashliq qilish we qollash yüzisidin namayishqa kelgen Géritsiyelik bir meyip kishi söz qilip, olimpik dunyagha kelgen bir döwletning gerejdani bolush süpiti bilen, olimpikning Bei jingda ötküzülishige qarshi ikenlikini, chünki Xitay hakimiyitining bigunah Uyghur we Tibet xelqlirini rehimsizlerche qattiq basturiwatqanliqini, Xitayning buxil gheyri insani qilmishigha dunya jama’etchilikining süküt qilip turmasliqini bayan qildi.

Namayishchilar qoshini München shehrining eng asasliq kochisidin ötkini üchün, bu yollarda qatnash toxtutuldi we namayishchilar qoshunini aldi – keyni tereptin köpligen saqchi mashiniliri qoghdap mangdi.



Bu qétimqi namayish belgilengen muddet ichide nahayiti retlik we tertiplik ayaqlashti.

Dunya Uyghur Qurultiyi Neshiryat Teshwiqat Merkizi



2008.04.05

Unregistered
06-04-08, 15:05
Germaniyediki uygurlarning qiliwatqan ishliringlar uchun allah sawabini bersun!

Unregistered
06-04-08, 16:27
Girmaniyadiki vatandaxla hor,itim barghansiri exip mingiwatidu,Germaniyada haqiqatan vatan soyar vatandaxla yighilghankan!!!!!
Hudayim germaniyadiki hamma vatandaxlaning hamma ixlirga hudadin amat tilap

Bir uyghur vatandaxtin