PDA

View Full Version : Turkiyidiki namayishtin korunushler



uaa_admin
04-04-08, 20:40
Istanbulning sultan exmet meydanida olimpik meshilige qarshi namayish

RFA
2008.04.03

Béyjing 2008 ‏ - Yilliq olimpik meshili afina, béyjing we almatadin kéyin 4 - Békiti bolghan istanbulgha yétip keldi. Meshel istanbul sultan exmet meydanida élip bérilghan murasim bilen türk tenterbiyechilirige bérildi.
80 Türk tenterbiyichi we tonulghan senetchiler teripidin kötürülgen meshelni qarshi élish murasimigha qarshi d u q ning yolyoruqigha binaen türkiyide paaliyet élip bériwatqan sherqiy türkistan ammiwi teshkilatliri ortaqliship olimpik tenterbiye musabiqisining xitayda élip bérilishigha naraziliq bildürüsh üchün namayish ötküzdi.

Istanbulning sultan exmet meydanida yighilghan uyghur we qazaqlardin terkip tapqan namayishchilar qollirida ay yultuzluq kök bayraq, tibet bayriqi, türk bayriqi we lozunkilarni kötürgen halda namayish ötküzdi. Bu namayishta hemme birdek "olimpik meshili bigunah insanlarni köydürüwatidu, olimpik tenterbiye musabiqisini xitaygha bergenler xitaylar ötküzüwatqan jinayetke ortaq bolghanlar, xitaylar sherqiy türkistandin we tibettin chiqip ket, uyghurlargha we tibetlerge erkinlik" dégenge oxshash shoarlarni towlashti.

Ular qollirida kötürgen luzunkilarda yene "tibetlerge musteqilliq, sherqiy türkistanliqlargha musteqilliq uyghurlargha musteqilliq, kommunist xitaylar sherqiy türkistanliqlargha we tibetlerge qiliwatqan zulumni toxtat, uyghurlargha erkinlik, sherqiy türkistan uyghur tupriqidur, olimpik meshili bigunah insanlarni köydürüwatidu, xitayda ötküzilidighan olimpikke qarshi turimiz" dégenge oxshash shuarlar yézilghan.

Bu qétimqi namayishni dunya uyghur qurultiyi, qeyseride paaliyet élip bériwatqan sherqiy türkistan medeniyet we hemkarliq jemiyiti, istanbulda paaliyet élip bériwatqan sherqiy türkistan maarip we hemkarliq jemiyiti, sherqiy türkistan yashliri we hemkarliq jemiyiti, türk dunyasi insan heqliri jemiyiti, ortaqliship élip barghan bolup, namayishqa qatnishish üchün qeyseridin mexsus aptobus bilen 100 kishi kelgen.

Bu qétimqi namayishqa enqere, istanbul we qeyseridin kelgen uyghur we türklerdin bolup 1000din artuq kishi qatnashti. Kishilerning diqqitini tartqan nerse bu namayishqa 4 - 5 Yashliq balilardin 85 yashtiki boway momaylarghiche köp sanda kishining qatnashqanliqidur. Istanbulda élip bérilghan olimpik meshilini qarshi élish murasimini türk saqchiliri asmanda tik uchar ayropilan, yerde köp sanda saqchilar bilen qoghdashqa tirishqan bolsimu bezi uyghur yashliri bilen türkler murasim meydanida sherqiy türkistanning ay yultuzluq kök bayriqini échip, sherqiy türkistangha erkinlik dep shuar towlash bilen teng türk saqchiliri tutuwélip ularni murasim meydanidin uzaqlashturdi.

Uyghurlar élip barghan bu namayish sultan exmet meydanidiki murasim meydanigha yéqin bir yerde ötküzüldi, türk saqchiliri hemme terepni qorshiwélip murasim meydanigha barghili qoymighan idi. Namayishchilar axirida türk saqchilirining tosushigha qarimastin, sultan exmet meydanida shuar towlap méngip, naraziliqini bildürüp namayishni axirlashturdi.

http://www.rfa.org/uyghur/xewerler/tepsili_xewer/2008/04/03/istnbul-olimpik-meshel/index.html?simple=1


http://uyghuramerican.org/content_images/olimpik/1.jpg
http://uyghuramerican.org/content_images/olimpik/10.jpg
http://uyghuramerican.org/content_images/olimpik/11.jpg
http://uyghuramerican.org/content_images/olimpik/12.jpg
http://uyghuramerican.org/content_images/olimpik/13.jpg
http://uyghuramerican.org/content_images/olimpik/14.jpg
http://uyghuramerican.org/content_images/olimpik/15.jpg
http://uyghuramerican.org/content_images/olimpik/16.jpg
http://uyghuramerican.org/content_images/olimpik/17.jpg
http://uyghuramerican.org/content_images/olimpik/18.jpg

uaa_admin
04-04-08, 20:41
http://uyghuramerican.org/content_images/olimpik/19.jpg
http://uyghuramerican.org/content_images/olimpik/2.jpg
http://uyghuramerican.org/content_images/olimpik/20.jpg
http://uyghuramerican.org/content_images/olimpik/3.jpg
http://uyghuramerican.org/content_images/olimpik/4.jpg
http://uyghuramerican.org/content_images/olimpik/5.jpg
http://uyghuramerican.org/content_images/olimpik/6.jpg
http://uyghuramerican.org/content_images/olimpik/7.jpg
http://uyghuramerican.org/content_images/olimpik/8.jpg
http://uyghuramerican.org/content_images/olimpik/9.jpg

Uyghur News
04-04-08, 20:48
http://www.foreignpolicy.com/images/oly_journey_80499509.jpg

Chinese security guards and Turkish police arrest an Uighur Muslim protestor during the Olympic torch ceremony, on April 03, 2008. A group of some 200 Uighur Muslims demonstrated against China before the Olympic torch ceremony near one of Turkey's most famous touristic destinations. Turkish police kept demonstrators away from the site where athletes planned to begin running with the torch through the city.

http://blog.foreignpolicy.com/node/8576