PDA

View Full Version : ETIC ning Tibet weqesi heqqidiki bayanati



Abdujelil Qaraqash
16-03-08, 07:54
http://www.uygur.org/uygurche.htm

www.uygur.org
www.uygur.tv

Unregistered
16-03-08, 08:42
http://www.uygur.org/uygurche.htm

www.uygur.org
www.uygur.tv

http://www.uygur.org/uygurche/uchur/2008/03_16.htm

bu bek yaxshi bayanat boluptu..

Unregistered
16-03-08, 17:50
http://www.uygur.org/uygurche.htm

www.uygur.org
www.uygur.tv

2008 - yili 3 - ayning 16 - küni

ETIC bayanati :
Xitay Hakimiyitining Tibet Qérindashlirimizgha Yürgüziwatqan Qanliq Basturush Herikitini Qattiq Eyipleymiz

Dunya jamaetchilikige melum bolghinidek, Kommunist Xitay hakimiyiti, Tibet qérindashlirimizning özlirining insani heq – hoqoqlirini, hörlük we erkinlikini telep qilip 3 – ayning 14 – künidin etibaren Tibet miqyasida élip bériwatqan tenichliq sheklidiki naraziliq heriketlirini fashistlarche qanliq basturup kelmekte.

Xitay hakimiyitining bu yawuz qilmishi, Dunya tenichliqining, insanlar otturisidiki dostluq we qérindashliqning simowuli hisaplanghan Olimpik yighinining Xitaydek bir mustebit, dektator döwlette ötküzülishining insaniyet dunyasi üchün neqeder zor haqaret we tiradigiye ikenlikini xelqara jamaetchilik aldida yene bir qetim toluq ispatlap berdi.

Biz Sherqiy Türkistanliqlar, Tibet xelqi bilen teqdirdah xelqmiz, yillardin buyan Tibetlik qérindashlirimiz bilen birge Kommunist Xitay hakimiyitining zulum we mustemlikichilik siyasitige qarshi mörini mörige tirep küresh qilip kéliwatimiz, bu munasiwet bilen, Xitay hakimiyitining Tibetlik qérindashlirimizgha qaratqan rehimsizlerche basturush herikitini qattiq eyiplesh bilen birge, Tibetlik qérindashlirimizning erkinlik we hörlük üchün élip bériwatqan heqqani küreshlirini adaqqiche qollap – quwetleydighanliqimizni pütün dunya xelqighe yene bir qetim ochuq jakalaymiz !

Demokratiye we kishilik hoqoq pirinsipliri pütün dunya xelqining ortaq qimmet qarishigha aylanghan, dunyadiki mustebit hakimiyetler bir – birlep aghdurulup, asaret astidiki ezilgen milletler bir – birlep özlirining hörlükige érishiwatqan bügünki künde, Sherqiy Türkistan we Tibet xelqliri mustebit Kommunist Xitay hakimiyitining fashistik siyasiti tüpeylidin özlirining milliy kimlikini yoqutup qoyush xewipige dush kelmekte, özlirining heq – hoqoqlirini telep qilghan Uyghur we Tibetlikler rehimsizlerche qanliq basturulmaqta, bu qetim Tibette yüz bériwatqan hadisiler bunung janliq örnikidin ibaret !

Kommunist Xitay hakimiyiti, 1990 – yili 4 – ayning 5 – küni Sherqiy Türkistanning Barin yezisidiki Uyghur dehqanlirining naraziliq heriketlirini qanliq basturup, minglighan Uyghur dehqanlirining echinishliq halda qirilip ketishige sewepchi bolghan.

Yene 1997 – yili 2 – ayning 5 – küni Sherqiy Türkistanning Ghulja shehride Uyghur yashliri teripidin élip bérilghan tenichliq sheklidiki naraziliq namayishini muntizim eskerliri bilen qanliq basturup, özlirining heqqani teleplirini ottuigha qoyghan we qolida tömürning suniqimu bolmighan minglighan biguna Uyghurlarni qirip tashlighan idi.

Xitay hakimiyiti özining Sherqiy Türkistan xelqighe qaritip kéliwatqan rehimsizlerche qanliq basturush qilmishlirini pedezlesh üchün, Uyghur xelqining mosulman bir millet ikenlikini süyistimal qilip, dunya siyasi sehniliride Uyghurlarning heqqani milliy heriketlirini < teroristik heriket > dep qarilap, bu arqiliq dunya jamaetchilikining közini buyashqa tiriship keldi, mana emdilikte Tibet xelqining élip bériwatqan naraziliq heriketliri üchünmu yengi siyasi töhmetlerni toqup chiqip, özlirining Lasa shehride élip barghan qirghinchiliq herikitini aqlashqa urunup kelmekte, Dunya jamaetchiliki Xitay hakimiyitining buxil neyrengwazliqini we epti – beshirisini alliqachan tonup yetti, Xitay hakimiyiti bu siyasi süyqestige menggü yetelmeydu !

Shununggha ishenchimiz kamilki, kündin – künge dunya jamaetchilikining hesdashliqigha we küchlük qollishigha érishiwatqan Sherqiy Türkistan we Tibet xelqlirining heqqani milliy heriketliri haman bir küni choqum öz meqsidige érishidu, ularmu choqum erkin dunya xelqlirige oxshash hör we musteqil yashash mohitigha érishidu !

Abdujélil Qaraqash

< Sherqiy Türkistan Informatsiyon Merkizi > ning reyisi