PDA

View Full Version : hidayet name---Abdurehim ötkür



Unregistered
21-02-08, 23:39
"hidayet name."

Abdurehim ötkür

Ömürmenzilidin tinmay qidirdim men heqiqetni
tepekkur boldi bir hadi tépishta chin hidayetni
tilep her sözge bay mena yene janliq pasahetni
dilim isteyitti izharghe hemishe meqbul pursetni
Kiling ey dostlirim emdi xushal bashlayli söhbetni

Sözumning bashi bismillah bumöminlik wezipemdur
sanayu hemdiler éytsam tumen mingni yene kemdur
quruqtuzsiz ibadettin emel ewzel eqidemdur
budewayimgha burhanim mushu yazmish qesidemdur
Tileymen rebbim allahtin qulumgha kuch we quwwetni

Teejjup eylisher belkim birawler buqesidemdin
Ejeplenmes idi ichse eger bir qetre cheshmemdin
Éziqtim menmu bir chaghler nagah tewrep eqidemdin
shükrikim rehname tapti köngül sultani tewbemdin
Ilaha eyligil menggü manga bu bextu-ametni

Tughulghach ikki mömindin ötüp ellikte sekkiz yil
yekünlesh saiti yetti ömürni emdi estayidil
Nezer salsam bésip ötken yolumgha bolmayin ghapil
aqur köz yashlirim goya bulup éritish we yaki nil
Jahandachekmigey héchkim miningdek köp nadametni

Seherde hemdiler éytar uchar qushlarmu her demde
nimishqa bolmisun bir his tirik perzenti ademde
Wahalenki ada bolmay hisapsiz qeriz bu zimmemde
haman qaynaydu hesretlik pushaymanlar buqelbimde
ömurni zaye qilmanglar élip mendin bu ibretni

Bahar yamghurliri hertang yuyar hem yashnitar taghni
ériqlar birle kelgen sumu hetta gülliter baghni
Muyesser qilsa meqsidim muratqa yolni achmaqni
éritse héch ejepmeskim közümning yashliri daghni
Ata qilsa ilahim xezinesidin qetre rehmetni

Siratelmusteqim tapmaq egـ'erbolsa nesibemde
Nadamet daghliri qalmas idi mehzun bu sénemde
umidim bir béqip iqbal külüp teley pishanemde
Jaranglap ketse qelbimning sadasi bu qesidemde
Nisip eylep yaratqan zat manga bextu- saadetni

Xiyalim déngizi tinmay chayqilip hemishe qaynaq
kichiler az yumup közni we gahi tangghiche oyghaq
Qulum yetmeydighan shaxqa ésildim shunchilik mushtaq
ilahim özi yar bolghay umidimge yene köpraq
Asan eylep bu menzilde manga uchrar musheqqetni

Pikir deryasighe qanche tiren chümgensiri her tün
köngülning kirliri shunche yuyuldi tarqidi epsun
Hayatim gerche pushaymanliq dilimdur natiwan mehzun
we lékin jan kitabighe qushuldi tumen ming mezmun
Yéqin kelturme i rebbim köngülge emdi ghepletni

Tepekkur köz bilen baqsa kishi alemge bir merre
Emestur xali hikmettin we hettaki hesel here
Adimizat yuksilip gerche atomdin tapti mol zerre
we lékin bipayan sir déngizidin butéxi azghine qetre
Ilaha qil kerem köprek bileyli siru-hikmetni

Bilip yetkensiri insan xezineng sirini köprek
köngül rushenliship andin tonur öz zatini xopraq
Misal qarighu nichuk bilsun quyash qandaghu ay qandaq
bilur emma güdek hetta nichükdur gül nichük yapraq
Démekki meripettin jan tapur eqlu -parasetni

Tümen ming yil dawamida ötüp sansiz aqil -danish
hayat sirini bilmekni qilishti arzu hem xahish
Birawler qilsimu küchep xudasizliqni permayish
we lékin eksiri mutleq élip meydanda ezmayish
Axiri étirap qildi ulugh bir rohi qudretni

Misal bir qetredin adem bina bolghanni oylapbaq
ana qarnida bujan'gha hawa bolghanni oylap baq
Tughulmaq saiti yetse ana bolghanni oylap baq
bu müshkülge ne qanun pana bolghanni oylap baq
Shu chaghda tapqusi qelbing birer mentiqi-pikretni

Bügün pen yuksilip shunche qilur perwazini erkin
we hetta ay we yultuzda yer oghli yatqusi yalqin
Bunga ewladi adimizat uqur ming medhiye- tehsin
lékin adem bina qilmaq bu ademge nichük mumkin
Yaratqan tengridin bashqa kishi tapmas bu qudretni

Nimishqa ayagh ikkiköz ikki éghiz birdur
yene közlergeqash kirpik bina qilghan qaysi tehrirdur
Nimishqa ming kishi chihri yene ming xilda teswirdur
qéni éytingchu?busirgha nichük söz toghra tebir dur
Tepekkur achqusi keng yol chüshenmekke busüretni

Ölümni oylisa her kim bilur öz zatini andin
tughulmaq söngre ölmeglik ayandur hemmige aydin
Lékin nede qachanqandaq ölüshni kim bilur aldin
échilmas sir bulup keldi bu mawzu dewri -dewrandin
Hemishe yighsimu dunya bu sirgha hemme diqqetni

Ölümge bir dewa izlep jahandin ketti köp dena
we lékin tapmidi héchkim bu ishtin zerriche mena
Aristo yaki loqmandek hekimlermu bimustesna
diyishti axiri mutleq ulugh qudretke amenna
Démek mumkin emes buzmaq bu qanuniy zörüretni

Quyashu ay we yultuzlar samada seyir itip her kün
mueyyen yol we tertipte xatasiz dewr iter her kün
Bunga hakim iken mutleq ejep bir muntezim qanun
bu cheksiz kainat tapmish eshu xilda tola mezmun
Yurup nurlan'ghusi qelbing chüshen'genche buhaletni

We belki beziler éytar tüzelmeklik tebiettur
wehalenki tebiet hem ejep bir xilda hey'ettur
Bu alem sirliri bizge honuz bir yaxshi ibirettur
shéghil tash her zaman tashtur zumretler -zumrettur
Tepekkur tashqini yütsun köreng batil -jahaltni

Misal pen -hüner esiri qurup hikmet dukanini
yaratti iptixarliq bu möjizatlar zamanini
Yene hem ashqusii köplep büyük himmet dawanini
lékin adem tügül hetta uning bir qetre qanini
yasalmas her nichük alim qilip teqlid bu qudretni

Hayatliq sirigha tekrar tuxumni keltürey burhan
tuxusiz alur her kim tuxumdin chüjini asan
Egerche yene ming hesse tereqqi qilsimu dewran
tuxumning özini lékin yasalmas belki bu insan
Dimek mexluq haman mexluq bilur xaliqla xelqetni

Nezer salsaq eger bughday we yaki bashqa bir dan'gha
térip östürmise dihqan husul tolmaydu xaman'gha
Egerche dan yasash mumkin bulup qalsidi insan'gha
zawutlarda yasap her kün puli toxtaytti erzan'gha
Dimek mexluq emes qadir yaratmaqqa tebietni

Hayatliq sir liri shundaq ajayip kengri dunyadur
bilip yetkenimiz tamche eger u behri deryadur
Kimki mewjudat zaten ulugh hikmetler ehyadur
ki tupraq bolmidi kéméya meger bolsa u xulyadur
Hayat qanuni herdemde qilur tekrar bu ibiretni

Misalni yene yüz-yüzlep tépish müshkül emes her an
we lékin hemmidin ela ulugh möjize dur qur'an
Xususen bolsa tepsiri <süre errehman>
kupaye qilmisa kashki ashunche < ma tükezziban>
Qulupluq bolmisa qelbing qubul eyler bu dewetni

Tuluq on töt esir ötti neishler bolmidi sadir
nimiki dise qur'anda bügün dunyada shu zahir
Buningdek möjize ishige nichük mexluq bolur qadir
uning teripige sözni tapur qaydin edip shair
Nisip qilmaydiken tengri egertilgha balaghetni

Ötüp bir mingda töt yüz yil hawadisiler bilen bir-bir
birer ish qalmidi sheklen we menen bolmighay teghyir
Birawlarqesit bilen qur'an bétini qilsimu tehrir
lékin özgermidi bir heriipwe hetta bir zeber we ya zir
Chüshenmek nemüshküldur bu möjize - karametni

Pütün ömride ya mektep ya ustaz körmigen bir zat
uqup birkün ‹iqreؿbismi rebbikellezi›nؿheyhat
tépip quddusi qudretning ulugh enwaridin irshat
nebuwet esirining shanliq tughini eylise bunyad
Nichükmu itirap qilmas eqil mundaq heqiqetni

Uqup körsek butarixni ejep bir esri hikmettur
mubarek terjimehali tamami pezli -xislettur
Reqipler itirapimu bunga elwette höjjettur
bu zatning smi sheripi resul ekrem muhemmeddur
Yaratti menggü ölmes bir ulugh esri saadetni

Nebuwet tangi atmasta erepniing halini esleng
jahalet destidin elning ayanich ehwalini esleng
Zalalet hem rezillikning yawuz émasini esleng
misal bir qiz tughulsa ger zebun iqbalini esleng
Yimirdi nebuwwetla ereptin barche zulmetni

Wehini beziler ilham diyishti bir zaman hökmen
wehalenki ulugh qur'an emestur qisse ya roman
Uni ilham bilen ijad qilishqa bolsa ger imkan
nimishqa yazmidi bir kim yene ikkinji bir qur'an
Nichükmu itirap qilmas kishi mundaq heqiqetni

Birawlar qildiler dewa nebilik üstide hetta
tépip ming héle -neyrengler özini körsitip teqwa
Yézip ayetke teqlidlerwe hetta qilsimu ghewgha
jahandin kettler likin bolup alemge ming reswa
Tapalmas chünki batilliqheqiqi shanu-shöhretni

Bularning hemmisi janliq ulugh möjize elwette
yene qandaq delil lazim bayan qilmaqqa bu heqte
Eqil sahipliri jandin öter testiq qanaette
egerche yaq dise bezi muxaliplar jahalette
Özige rehname qilsun edil merdane pikretni

Xatime

Bayan qilghanlirim gerche déngizdin tamchidur emma
namayendur qoyash eksi bir tamche sudimu hetta
Qesidem elge yetküzse hédayettin birer mena
mukapat shu idi menchün emesmen özgige teshna
Köchetni tikküchi meyli körelmey ötse rahetni

Eqidem heqqe baghlan'ghan bu yolda etimadim bar
shükrikimheq ata qilghan iradeétiqadim bar
Eqide sahibi bolghach dilimda pexru -yadim bar
dimeymen munche gustahliqqilishqa nime heddim bar
Pisenit qilmas köngül chünki quruq tene -malametni

Jahan baqi emes loqman chéghida tapmidi derman
misaldur romi iskender we hetta wehshi chinggizxan
Kélip -ketmek bilen meshghul , jahan'gha bihésap karwan
öter dunya, kécher dunya, peqet heqla sürer dewran
Ömür menzilide taptim nihayet shu heqiqetni



Menbe diyarim munbiri

Musulman
22-02-08, 00:07
Hidayet-insannin we her iki dunyadiki makanini bextke erishturidighan mukapat.
Towendiki betke qarang.
http://www.turkistanim.org/uyghurche/sheirlar/hidayetname.htm
Uyghur Erepche-kona yeziqche nusxisi:
http://www.turkistanim.org/uyghurce/sheirlar/hidayetname.htm
Iman eyting, perzlerni bija kelturush-hemme insaning burchi idi.Emma sheytanning arqisigha kirgenler uningdin mehrum qalduruldi...

Kunde 5 wax namaz oqumasliq Allahni inkar qilishtin keyinla turidighan chong gunahtur.
Namaz oqumay alghan nepes haram.
Kapir we mushriklar nijaset(poq-süydük)tur, deydu Allah.

Musulmanliq -shereptur.Jennetliktur.