PDA

View Full Version : Rabiye Qadir Xanim Awustraliyediki paaliyitini bashliweti



DUQ xewiri
20-02-08, 07:39
Rabiye Qadir Xanim Awustraliyediki paaliyitini bashliweti

Sherqiy Turkistan Milli Herkitining Rehbiri, Dunya Uyghur Qurultiyi ning reisi Rabiye xanim 2008-yili 2-ayning 19-küni Awustraliye waxti etige saat 9.30 da, Dunya Uyghur Qurultiyi bash meslehetchisi Sidik Haji Rozi ependi we Ijrahiye komititi reisi Alim Seytoff ependilerning hemralighida Sidney shehrige yitip keldi.

Rabiye xanim Sidney Aydurumida Dunya Uyghur Qurultiyi bash katibi Dolqun Eysa (Dolqun Eysa, 18-febral Sidneyge yitip kelgen idi), Awustraliye Uyghur Jemiyitining reisi Husen Hesen ependi bilen birge Sidneydiki Sherqiy Turkistanliqlar teripidin qizghin kutwelindi. Rabiye xanim we hamraliri ayrupilandin chushup, kutwelish zaligha kirip kelgende, qollirida Sherqiy Turkistan bayrighi, güldestiler we „Dunya Uyghurlirining rehbiri Rabiye ana Awustraliyege xosh keldingiz „digen lozinkilar kotergen Sherqiy Turkistanliqlarning „Rabiye ana xosh kelding“ digen jarangliq shuarliri, guldiras chawakliri Sidney aydurumida intayin hayajanliq keypiyat peyda qildi.

Rabiye xanim riyasetchiligidiki Dunya Uyghur Qurultiyi wekiller ömigi, Awustraliyege yitip kilipla paaliyetlirini jiddi bashliwetti. Rabiye xanim qarshi elishqa chiqan wetendashlar bilen semimi sohbet otkuzup, ulardin hal sorighandin kiyin, hemraliri bilen birge Hotelge yitip keldi. Hotelge yitip kelgende Awustraliyening eng chong TV qanalliridin biri bolghan SBS TV qanilining muxpirliri Rabiye xanimni saqlap turghan idi. Rabiye xanim muxpir Jenny Lavelle xanimning bir saatin artuq ziyaritini qobul qilip, uning Sherqiy Turkistanning umumi weziyiti, Beijing Olimpik we uzining bu qetimqi Awustraliye ziyaritining mexsetliri heqide suallargha jawap berdi.

Rabiye xanim chushtin kiyin saat 5.00 de, Awustraliyediki Türk metbuatini asas qilghan halda muxpirlarni kütwelish yighini ötküzdi. Awustraliyede chiqidighan Weten geziti, Zaman geziti, SBS radiosi we Turkiyening eng chong TV qanaliridin birsi TRT qatarliq metbuatlarning muxpirlirining suallirigha jawap berdi.

Kech saat 18.00 de, Sidney shehridiki Anatolia resturantida, Awustraliye Uyghur Jemiyiti teripidin Rabiye xanim riyasetchiligidiki Dunya Uyghur Qurultiyi wekiliri sheripige kutwelish murasimi otküzildi. Bu murasimgha Sidneyde yashwatqan Sherqiy Turkistanliqlar, Awustraliyelik Uyghur dostliri we Turk Teshkilatlarning rehberliri, metbuat xadiimliri bulup 150 din artuq kishi qatnashti.

Bu murasimda Awustraliye Uyghur Jemiyitining reisi Husen Hesen ependi, echilish nutqi sözlep Rabiye xanim bashchilighidiki Dunya Uyghur Qurultiyi wekiller ömigini qizghin qarshi alidighanliqini bildurdi. Rabiye xanim wetendashlargha nutuq sozlep, ozining bu qetimqi Awustraliye ziyaritining mexsiti we Sherqiy Turkistan Milli Dawasining yolinishi, tereqiyat ehwali heqide toxtaldi. Rabiye xanimning sözi pütün yighin ehlide intayin küchlik hayajan qozghidi. Unidin kiyin Dolqun Eysa ependi söz qilip, Dunya Uyghur Qurultiyi ning 2007-yilliq paaliyetliri we qolgha kelturgen netinjiliri heqide qisqiche melumat berdi. Axirda Alim Seytoff ependi, Milli dawayimizning Amerikadiki tereqiyat ehwali we Milli dawayimizni Awustraliyede teximu kuchlendurushning zoruryiti heqqide söz qildi.

Nutuqlardin kiyin her xil mizilik Uyghur milli taamliri mihmanlargha sunuldi. Ziyapetning axirida Awustraliyediki Uyghurlarlar Rabiye xanim bilen ayrim-ayrim we koliktip halda xatire resimlerge chushushti.

Rabiye xanim riyasetchiligidiki Dunya Uyghur Qurultiyi wekiller ömigi Awustraliye ziyariti jeryanida, Awustraliye hökümet, parlament emeldarliri, xelqara teshkilatlarning mesulliri, metbuat xadimliri we Adlaid qatarliq sheherlerdiki Sherqiy Turkistanliq qerindashlar bilen uchrushush ötküzidu.



Dunya Uyghur Qurultiyi neshiryat-teshwiqat merkizi

2008-yili 2-ayning 19-küni