PDA

View Full Version : Jasus Kim? -Musteqilliq Üchün Küresh-Roman



Ürümchi
19-02-08, 10:25
Roman -Jasus Kim?
Aptori: Izchimen.
http://jasuskim.blogspot.com/
Kitapning béshi asti terepte. Beshini tépish üchün ong terep munderijidiki Bab nomurinibésing.
----------Kitaptin Parche---------------------------
TötinchiBab.
Herbiy Halettiki Sheherde

-Dada, dada, bügün palani kochida yene bir xitayning béshini ...
-Aghzingni yum, bala tekkür!
-Bir ata-bala dialogidin.

Kamirdiki Qasim, soal-soraqsiz yatqinighimu xéli künler bolup qalghanidi. Bedinidiki jarahetler asta-asta qétiship, bélining üstidiki dakilarmu söküwétilgen, peqet béshigha téngilghan dakisi bilen putigha élin'ghan gipisla qalghanidi. Shunga Qasim kamér ichide sörülüp mangalighidek halgha kélip qalghan idi. U goya bu künlerde ölümni kütüsh üchün emes, belki eslimilirini bir qur köz aldidin ötküziwélish üchünla yashawatqandek qilatti. Qasimgha ötken künlirini esliwélish némishqa shunche zörür bolup qalghanliqini uning özimu bilmeytti. İsh qilip ötken künlirini esliwélish, uning üchün eng lezzetlik bir paaliyet bolup bilinmekte idi, xalas.

’Towa xudayim, eslimilerningmu ademge shunche lezzet béreleydighanlighini hergizmu oylimighan ikenmen‘ dep miyighida külüp qoydi u. Shu seweptin bolsa kérek, uning yéqindin buyanqi eslesh paaliyetliri heqiqetenmu beriketlik ötmekte idi.
Dawamini töwendiki bettin oqung.
http://jasuskim.blogspot.com/

Pikringiz bolsa yuquridiki bettiki xatirilerning axiridiki e-mail adresigha eweting.

Ürümchi
19-02-08, 10:31
Kitapning Beshi bu adresta:
http://jasuskim.blogspot.com/2008/02/jasus-kim.html
Jasus Kim?
---------Roman.
Bashqa Kitaplar Töwendiki Bette:
http://www.turkistanim.org/uyghurche/kitap.htm
Sherqiy Türkistan

Bireylen
19-02-08, 11:35
Bir chaghlarda bu kitapni ajayip yaqturup oquytuq.... bezide apturi axirini chaplimisa, apturni aldirtituq.... bek yaxshi kitap, qayta-qayta oqusa zerikmeydighan, ajayip qiziqarliq hem tesirlik, Uyghurlargha terbiyewi ehmiyiti yuqiri kitap.... wetendikiler oqup, yene mushundaq kitaplar bolsa iwetip bersenglar, dep ketken kitap....

Uyghurlarning hemmisi oqup chiqsa bolidighan kitap, qattiq tewsiye qilimen.

Turpan
20-02-08, 14:03
Jasus Kim?
Roman.
11-Bapqiche dawami:
http://jasuskim.blogspot.com/

(Eskertish:Bu romanni yürek késili barlar,Sherqiy Türkistan'gha éqip kelip yerlishiwalghan herxil namlardiki xitaylarni öltürüshke qet'i qarshi turidighanlar, u xitaylarni öltürüsh jinayet yaki gunah dep qaraydighanlar,xitay öltürüshke qarshi turush toghrisida yolyoruq tapshurup alghanlar, Uyghurche bilidighan xitaylar we xitaylar üchün ishleydighan Uyghurlar, xitay bilen toy qilghan yaki muhebbetleshkenler,xitay bilen dost-inaq ötüwatqanlarning oqushi men'i qilinidu, xitay tajawuzchiilirining kömichige chogh tartidighan ejnebiler, satqunlarning, tajawuzchi dölet we milletlerning oqushimu cheklinidu).

Eserdiki siyasiy we diniy qarashlar aptorgha tewe bolup kitapxanlar yaqturghan yérlirini oqushini, yaqturmighan yerlirini untup kétishini soraydu, aptor.

Hemmeylenning ténige salametlik, wetenige chongqur söygü, millitige chongqur söygü, xitaylargha qattiq ghezep-nepret tileymiz.
Qadir Allah, xitayni we xitayning gumashtilirini, yéqinlirini jazalighaysen!
************************************************** **
On Birinchi Bap.Gülbahar
"Zimistan Körmigen Bulbul,Baharning qedirini bilmes,
Japani chekmigen ashiq, wapaning qedrini bilmes".
-Uyghur xelq naxshisidin.
*********************
Bu heptide Qasimdin bashqilirini birlep-ikkilep élip chiqip, ularning ornigha yéngi tutulghanlardin on nechche uyghur-qazaqni kamérgha tiqishti. Bu qamalghanlarning yara izliri téxi yéngi ikenligige qarap, bu yashlarni téxi yéngi qolgha élin'ghanlar bolsa kérek dep perez qilishqa bolatti. Xitay jallatliri belki yéngilargha sür körsitish üchün bolsa kérek, qasimnimu her künisi dégidek hoshidin ketkiche urup pütün bedinini qipqizil qan'gha boyiship kamérgha sörep ekirip tashlaydighan boliwélishti. Xitaylar bu ay-bu künlerde uni sual-soraqqa tutqanlirida birer yéngiliq bolmighandek qilsimu, emma ularning jazalash quralliri aydin-aygha serxilliship barmaqta idi. Urulghan yerlerdin qan chipildap éqip, bedenlirini birdemdila qipqizil qan'gha boyap qorqunuchluq halgha keltüriwitetti. Kamérdiki balilar bunche éghir azaplinishlargha chidap kéliwatqan qasimning gheyritidin heyran qélishti. Keynidinla ularmu jazagha tartilip, beziliri toluq hoshini yoqatqan halda kamérgha keltürülüdighan boldi. Bu yash balilar kamérgha kirgendin kéyin beziler olturup tinmay yighlap chiqsa, yene beziler künlergiche tiwish chiqarmay qarangghu torusqa tikilginiche olturup kétetti.

Aridin bir qanche hepte ötkendin kéyin qasimning soraqqa élip chiqirilishi yene qaytidin aziyishqa bashlidi. Uning wujudidiki yarilar bu qétim yiringdashqa, keynidinla möldürlep qurtlashqa bashlidi. Qasim qizirip küptek ishship kétiwatatti. Adem qélipidin chiqqan bu xitay tajawuzchilirining esli qiyapiti we esli mexsidini ochuq körgen yashlar, xitay tajawuzchilirigha bolghan gheziwini yushuralmay qélishatti.
Shu halidimu qasim hoshigha kélip sel ongshiliwalghinidin kéyinla yene kona eslimiliri qaynimigha kirip kétetti. ...

Qasim, ’yéngi ay qoshuni‘ gha eza bolghinidin kéyin künlirini alahide xoshal ötküzidighan bolup qaldi. Endi uning ayallardin bolsimu bir teshkili, bir yétekchisi bar idi. İshlirimu özligidinla pilanliq we rawanliship kétiwatatti. Emeliy heriket qilmighan waqitlirida herxil teshwiqat waraqlirini yézish bilen waqit ötküzse, köpünche waqitlirini yéngi pistan, yéngi mina layihiliri bilen meshghul bolup ötküzetti.
Shundaq künlirining biride qasimning öyige héliqi aghiniliri yighilishti. Uyaqtin-buyaqtin sözliship, kochida peyda boliwatqan wehimilerdin, bashqa sheher-nahiyilerdiki tömüryol-tashyol boylirida bolghan weqelerdin yéngi xewerlerni bir-birige yetküzishetti.

Ularning dégenliridin qarighandimu, wehime peyda qilish heriketliri bu künlerde pütün memliket dairisige kéngiyip resmiliship qéliwatqandek körünetti. Gerche xitaydin yéngi kélidighan xitay tajawuzchi köchmenliri asasen toxtighandek qilsimu, xitaygha qachidighanlarning sani körünerlik aziyip kétiwatatti. Shunga, xitay tajawuzchilirigha wehime térish heriketlirimu adettikidek qarghularche partlitishlardin asta-asta wetinimiz tewesige téximu ichkirlep kétiwatqan xitay aptomobil, poyiz we aptowuzlargha tehdit salidighan heriketlerge, tipik jallatlirining bashlirini, put-qol we qulaqlirini üziwélip xitay mehellilirige tashliwétish, üchey-baghrilirini töküp etirapqa chuwiwétish qataridiki qorqunuchluq hadisilerni peyda qilishlargha yüzlenmekte idi. Bolupmu xitay tajawuzchi qatil köchmenliri olturushluq aililik binalargha ot qoyiwétish, partlitiwétish, oghurluqche öylirige kirip boghuzlap, ichi-baghrini töküwétip chiqish weqeliri alahide köpeymekte idi.

Tömüryol, tashyol üstiliridimu noqul quralsiz xitay qatil tajawuzchilirighila zerbe bérilidighan heriketlerge qoshulup herbi wagonlar, herbi aptomobillar, quralliq saqchi mashiniliri, minbinglar, xitay emeldar aililiri, bingtwen jallatliri, bénzin toshuydighan aptomobillarghimu zerbe bérish heriketliri pilanliq qanat yaydurulush dewrige kirmekte idi. Xuddi shuningdek, ötken heptide tolimu heddidin éship ketken bir uyghur saqchi emeldarining ailisi bala-chaqiliri bilen qoshulup köyüp ketken. Yene bir idarining xitaygha yalaqchiliq qilishta bekla xudini bilmey qalghan bir uyghur naziri öyidila boghuzliwétilgen bolup, neq meydanda uning béshi tépilmay, bashqa bir milliy kadirlar qorasining exletxanisidin tépilghan. Yene bir enchwenting idarisining uyghur bashqarma bashliq derijilik qorchaq emeldarining qizi yol boyidiki derexqe ésip öltürülgen bolup, xainlargha jaza yürüsh qilish dolqunimu heqiqi menisi bilen körülüshke bashlighanidi. Nurghun meschitlerning teslimchi imamlirimu qattiq agahlandurush xéti tapshurup élishqan bolup, qorqunchaq madarichi mollilar meschitlirige chiqishtinmu qorqup, öyliridin talagha chiqalmas bolup ketken. Nurghunlighan tipik xitay jallatliri bilen wijdansiz xitay yalaqchilirining adrisliri, bala-chaqa, newre-kélin we küyoghullirining tepsili adrisliri, köp baridighan yerlirining adrisliri tepsili tonushturulup yoshurun tarqitiwétilgen bolup, yoshurun qoshun ezalirining jaza yürishi qilish heriketliri üchün bekla ungayliq yaritilmaqta idi.

-Dawami:
http://jasuskim.blogspot.com/

Gulbahar
25-02-08, 09:20
Roman: Jasus Kim?
http://jasuskim.blogspot.com/
On Altinchi Bab. Yéngi Ishlar
”Weten söyüsh - imanning jümlisidindur.“
-Hedislerdin.
Bügün ’yéngi ay qoshuni‘ dékiler ’yanchuqchi‘ ning teyyarlighan bir yoshurun öyide yighilishti.

”Yighinimiz ochuq,-dédi Gülbahar, aldidiki küldan'gha tamakisining külini qéqip turup, _ biz bu üch heptidin béri yighilalmiduq. Bu jeryanda qoshunimiz töt qétimliq yoshurun wehime herikitini peyda qildi. Yeni, éniqraq désem ötken heptide sanaet uniwérsititining qoghdash bashqarma xitay bashliqi ailisining üch neper adimi bilen birge öyide partlap titma-titma bolup öldi. Uningdin qalsa, ötken yili birmunche sodigerlirimizning nechche milyon som pulini aldap éliwalghan dangliq aldamchilar shirkitining mudiri wang kongbaw yatqan öyide ikki pahishe bilen birge boghuzlap öltürüldi. Uningdin bashqa, bir aliy téxnikomdiki oqughuchilirimizdin guman qilip péyigha chüshken bixeterlik nazaritining jasusliridin jang xuluning öyi köydüriwétildi. Uning yardemchisi bolghan milliy munapiq adilning üch yashliq qizi qachurulup hazirghiche yoshurun bir yerde göröde tutiliwatidu. Shuningdek yene gyologiye nazaritining aliy énjinéri ailisige xet kirgüzüp yüz tal aptomatik pistan teyyarlap bérishi we yéngi partlatquch dorisi teyyarlashning xam'eshyalirini tépip bérishi telep qilindi. Buning téxi jawabi yoq. Yene birmezgil saqlap baqimiz. Eger yenila bir jawap alalmisaq, eng yaxshisi, unimu ujuqturiwétishimiz kérek. Xitay ziyaliylirigha bir ibret bolsun bu ölüm. Shuningdek yene besh parche teshwiqat wariqi tarqitildi. _ Gülbahar tamakisining qaldughini aldidiki küldan'gha ézip turup gépini dawam qildi, _ emma ötken ayda bigunah yigirme neper yash ishchimizni qolgha élishqa alahide küch chiqarghan saqchi féng lin dégen bilen uninggha yardemliship bergen munapiq saqchi abdiriyim niyaz ailisini partlitiwétish pilanimizni toluq ijra qilalmiduq. Buninggha men özem sewebchi boldum. Eslide bu munapiqning ayali téxi bir ay awalla tughuttin qopup öyige yénip kelgen bolghachqa, bu ishqa herqanche gheyret qilsammu qolum barmidi. Bolmisa, qolgha élin'ghan shu yashlarning birnechchisi qilche kirimi bolmighan bala-chaqiliri öyide ige-chaqisiz qalghan idi. Hetta ularning birsining öyide ishsiz ayali bilen ikki ayliq bowighi ach-yalingachliqta qalghaniken. ... Men bir ayal kishi bolghinim üchünmu bilmidim. Yenila u munapiqning ailisini partlitiwétishqa könglüm chidimay turidu. ... Peqet bolmighanda, ... Bolmisa bu weqeni tepsili tonushturup xelqimiz arisigha tarqitiwitermiz. Uni qandaq qilish ishini bashqilar qarar qilishsunmikin deymen. Hazirqi mesile, milliy munapiq adil dégenning üch yashliq qizini tutup turghan öyde bu qiz zérikip yighlap aware qilghili turdi. Qarighanda adil dégenmu jasusluq bölümidiki wezipisidin istipa bérish ghémida yürgen oxshaydu. İshenchilik bezi yéqinlirining déyishiche, qizini saq-salamet qayturup élish hésawigha enchwentingning yéqinqi heriket pilanliridin birqismini oghurlap bérishni oylishiwatqanmish. Shundaqtimu, bu türdiki adem qachurush ishi bekla awarichiliq we xeterlik bir ish iken. ... Qarighanda biz hazirche bundaq ishlargha teyyar emestek qilimiz. ...“
Gülbahar yene birqanche nahiyede yüz bergen wehime peyda qilish weqeliridin birqanchisini tunushturup ötti. Kochilarda qazaqistandin, xitaydin kelgen birqisim yéngiche addi mina layihiliri bilen partlitish dora rétsipliri yoshurun tarqilip yüretti. Bulardin ikkisini ’yanchuqchi‘ qolgha chüshürüp kelgeniken. Uni Qasimgha uzatti. Xasiyetmu xitayda tonushup qalghan bir xitay kompyutér aliy énjinéridin alghan yoshurun betlerge kirish progiramma yumshaq déskisini berdi.
Gülbahar bezi qiyin mesililerning hel qilinish chariliri üstide bir az muzakire qilishqandin kéyin, kaniwért ichige sélin'ghan bir ayliq wezipilerni birdin- birdin tarqitip berdi:
”oqup bolupla derhal meshke sélip köydüriwétinglar.“
Qasim koniwértni échip qariwidi, bu qétim uninggha aq qeghez chiqqanidi. Yeni, uninggha bu ayliq üchün yéngi wezipe bérilmigenidi.
Bu arida, binaning pelempeyliridin güldürligen ayaq tawushliri, ishiklerni urup xitayche warqirashqan awazlar kélishke bashlidi. Keyni-keynidin ghichirlap échiliwatqan ishiklerning awazimu kelmekte idi.
”bu yerdimu barikende bu öy axturidighanlar! _ dédi Gülbahar ittik ornidin turup, _ derhal yirtidighanni yirtip meshke tashlanglar! _ hélimu yaxshi, ’yanchuqchi‘ öydiki par yaxshi isitalmidi dep nériqi öyge bir mesh qoyup etigendin béri ot yéqighliq turghaniken. Bayitidin béri bu meshte ot güldürlep yénip turatti. Meshke sélin'ghan qeghez parchiliri gürüldep köyüp birdemdila izinimu qoymidi. Hemme birdek romkilarni qoligha élip haraq bilen éghizlirini chayqashti. Bu arida Gülbahar aghzidiki haraqni yene yutiwaldi, _ hesta, bu ishni zadila ögünelmidimghu tang. Qéni emise, hemminglar birer romkidin quyup derhal uchanglargha chandurmay pürkiwélinglar, derhal, chaqqan!“
ayaq tawushliri bu ishikkimu yétip keldi. Güldürlep urulghan ishikni ’yanchuqchi‘ bérip achti. İshik échilishi haman öyge alti-yette xitay we bir uyghur bilen bir nechche saqchi-jasuslar kirip kélishti. ...
Qasim bilen Xasiyet qarangghu chüshkiche birmunche tekshürüsh noqtiliridin ötüp mingbir balalarda aran öyige kéliwélishti. Dégendek, ular yéqinda öyi sheher sirtidiraq bir yerde turidighan, Xasiyetning dadisi bilen bir türmide yatqan bir imamgha nika qilduriwélip kelgenidi. Shunga, ular bu yéqindin béri birge turiwatqanidi. Binadikilerning hemmisila dégidek ular ikkisini tonighachqa, ulargha bek diqqet qilip ketmes bolup qalghanidi.
Ular öyge kiripla tamballirining ichige yushurup qoyghan chértyoj-rétsiplarni chiqiriship oqushqa kirishti:

(rétsip orni)
”... ... ... ... ... ... ...“

Qasimning xiyali bu rétsipta yézilghan dora matériyallirini qandaq tépishta qalghanidi. ...
-dawami:
http://jasuskim.blogspot.com/
**********************
Bashqa Kitaplar:
Ya Musteqilliq Ya Ölüm!
http://www.turkistanim.org/uyghurche/kitap/musteqilliq.htm
Bash Bet:
http://www.turkistanim.org/

Gulbahar
25-02-08, 09:51
Yigirme Birinchi Bab. 7995- Milliy Qisimda
...
Ishikke taqashqidekla égiz boyluq polk komandiri ershidin turpan, toxsun we pichan tereplerge 'solchilarni qollash' bahanisida tarqilip ketken eskerlirini biryerge yighip bolalmay, ichi tit-tit bolupla yüretti. Buni az dégendek, polkning mejburi köchürtiwitilgen kona orni bolghan ürümchining jenobiy tagh étigidiki ornidimu birmunche polk malliri chirip yatatti. Bu yerdiki ehwalmu uningdin perqi yoq bolup, polk binaliri téxi toluq suwalmighan, nerse-kérekler her terepte chéchilip yatqan, bu besh-on yildin buyan eskerlirige tüzügirek herbi telim-terbiye bérish pursitimu bolmaywatatti.
”néme bolup kétiwatidu bu ishlargha, ... Ya shu seypidin ezizmu bizning bu polkimiz bilen chatighi yoqla bolup kétiwatidu. Bolmisa bularning bashqiche gherezliri barmu-ya?“
polk komandiri dérizidin sirtqa qarap oygha pétip turup qaldi.

Bu künlerde ayaliningmu zadila xoshlughi yoq idi. Özichila chéchilip qalidighan, bir bulunggha tikilip uzun'ghiche jimip olturup kétidighan boliwalghanidi.
”shu bicharighimu néme künler bu. Méning keynimdin palaxship taghmu-tagh aylinip yürgini yürgen, birer turmushning issighini körmey mushu yashqa keldi-de, isit u bicharigha!“
shunche yerlerni aylinip ming teste ürümchining jenobiy tagh étigidin yer élip jayliship, körmigen müshkülatlarni tartip, dölettin tüzügirekmu pul alalmay jengchilerning küchige tayinipla dégidek ming teste qurulush séliwatqinida, medeniyet inqilabi dégen ishni chiqiriship, bir tal xishnimu tapqili bolmaydighan qiliwetti. Axiri bolmay jengchiler özliri xumdan sélip xish quyup pushurup yürüp dégendek polkni téxi emdila bir chirayliq halgha keltürginidi. Bichare jengchiler köktattin tartip ashliqqiche özliri térip yétishturiwatqan, hetta göshnimu özi qoy béqip teyyarlawatqan, undaq qilmisa qehetchilik yilliridikidek aylarghiche ashliq bermeydighan ehwal körüliwatqan, ... Bundaq bir herbi qisimni eng yaxshisi déhqanchiliq-qurulush etriti dégenla durus! Mana endi hemme nersini tel qilip, jengchilerni yéngi polk binalirida turghuzush, bashqa xitay qisimliridikidek yéngi qurallar bilen qurallandurup meshiq qildurush waqti kelginide, yene nedin peyda qildi shu 'armiye solchilarni qollash xizmiti' dégenni! Bu herbilerge ong-sol siyasetning néme ishidiki? Ular teshwiq qilish dégen bahane bilen yézilargha tarqilip ketkinide, tuyuqsizla polk shitawini pukanggha yötkenglar dégen boyruq keldi.
U yerge xitaydin keltürgen qismlarni jaylashturghili turdi. Bu bizning qanchinchi qétimliq yötkilishimiz idi? Tötinchisimu yaki beshinchisidi? Jengchiler mana yene qaqasliqta qurulush qilishqa kiriship ketti. Shundaqtimu eskerlerning köp qismi yézilardiki teshwiqat wezipisidin qayturulup kélinmigen, yük-taqilarni toshush, yéngi qurulush bashlash dégenlerge adem kérek-te. Mana uni dep, buni dep yürüp bu yerdiki qurulushnimu püttüriwalghidek qilghinimizda, dölettin zadila pul kelmes bolup ketti. Bolupmu shu long shujén déginining bekla peyli buzuq körünidu. Shuningdin qarighanda, bu milliy polkimizning pukangda turalishimu uzun'gha barmisa kérek?“
polkownik, dérizisidin yiraqta qet kötürüp körünüp turghan boghda choqqisigha qarap bir haza turup ketti.

Tengri téghining eng söyümlük choqqisi bolghan boghda choqqisi, goya özige ige chiqalmaywatqan bu yurtning insanliridin renjigendek bulut bilen özini perde qilip tosiwalghandek xireliship körünmekte idi.
”hernéme dégen bilen jengchilerning mutleq köp qismi yighilip boldi. Endi qish kirgiche shu tashqi suwaqlarni bolsimu püttüriwalalighan bolsaq, ...“
polk komandiri taza xiyalgha pétip turghinida, ishikige bir xewerchi yügürüp yétip kélip polkownikige ikki ilik kilidighan bir parche qeghezni uzatti. Ershidin uning qolidin qeghezni élip oqup chöchüp ketti:

_ shahadet, chaqqan bol, kiyimlirimni teyyarla, kona qumandanim kélip qaldi! _ u sel heyran bolghandek qildi: ”némishqa bundaq, aldin xewer bermeyla kelgendu? Yaki shu medeniyet inqilabining aldidikidek birer ish bolghanmudu-ya?“
medeniyet inqilabining aldidiki yilliri, seypidin eziz, partikom yaki hökümet teweside birer shexsi tosalghugha uchrighan yaki öz menpetige zit birer qarar élishqa mejborlinip qalghinida derhal mashinisigha olturup ghipla qilip milliy polkqa kélip yétiwalatti. Ershidinmu buni bahane qilip pütün qisimni ichki jehette ikkinchi derijilik, sirtqa qarita birinchi derijilik urush halitige ötküzüp tutiwalatti-de, bu milliy polkqa héchkim yéqin yoliyalmaytti. Birqanche kün ötmeyla, aptonom rayonluq hökümet-partikomlardin elchiler kélip kechürüm sorushup, seypidinning dégini boyiche qarar chiqirilghanlighi, bundin kéyin bu türdiki uqushmasliqlarning bolmaydighanliqigha kapaletler bériship hiligerlik bilen hijiyiship kétishetti.

”yaq, yaq, bu ay-bu künlerde seypidinde unchilik jasaret qalmidi“ dep oylighan ershidin, qoligha shitapning mexsus téléfonini aldi. Qolidiki qeghezge yene bir köz yügürüp chiqti: ”pütün jengchiler quralsiz kélip chong zalgha yighilsun, ulargha qilidighan pewqul'adde muhim bir uxturush bar. S. Ezizi“ dégendekler yézilghanidi. Ershidin heyranliq ichide qolidiki bu ikki ilik qeghezge qaraytti. Quralsiz yighilsun, ... Muhim uxturush, ... Méning bilenmu udul zalgha bérip körshmekchi, ... Yene kélip bu yéqinlarda seypidinning tömür dawam'et bilen bolghan jidilimu uni ensiretmey qoymaytti. Herqanche yaratmighini bilen, beribir ershidinmu tömürning bir yurtlighi-de!

Kütiwélish yighini bolghachqa, jengchilerning hemmisila zalgha quralsiz yighilishqanidi. Peqet zalning kirish ishikigila resmiyet üchün ikki neper quralliq pos qoyulghan bolup, seypidinning élip kelgen xitay muhapizetchiliri bu ikkisini az kördi etimalim, derhal aptomatliq sekkiz xitay eskirimu qatargha kirip posqa turdi. Mana emdila bir herbi qisim yérige oxshighanidi. Hemme milliy jengchiler yighin zaligha kirip bolup, zal ichi jimjit bolghinidin kéyin, ishik tüwidiki héliqi sekkiz neper xitay eskiridin ikkisi bérip zalning ishikini sirttin taqiwetti. Qalghan alti xitay eskiri derhal töt qedem keynige chékinip turup aldidiki ikki uyghur jengchisige qorallirini betlep warqirashti:
_ boyruq! Siler ikkinglar derhal quralinglarni tapshurunglar!

Néme weqe bolup ketkenliginimu angqiralmay xiraman turushqan ikki uyghur jengchisi, etirapidiki binalardin kötürülüp chiqqan pilimot, minamiyot, tankaatarlarning qatar uchini körüshti. Asta-asta qurallirining tasmilirini boyniliridin chiqirip eslidinla oqi yoq qorallirini aldigha tashlashti. Bu arida yan kochilardin nechche yüzligen toluq qurallan'ghan xitay eskerliri zalning sirtini qorshashqa bashlidi. Yene birmunchiliri iskilat, ashxana, yataq binaliri etirapigha chépip kétishti. Yighin zalining etirapi resmiy herbiy halet tüsini alghan bolup, midir qilghanni étishqa teyyar halgha kelgenidi. ...
Yighin zalining ichidikiler sirtta boliwatqanlardin pütünley xewersiz, jengchiler öz jaylirigha olturup jim-jit bolup saqlawatqan, munberning otturisida olturghan seypidin eziz téxichila ornigha epliship jaylishiwélish, andin chéchini hewes bilen aldirimay tariwélish, aldidiki chéyidin bir-ikkini otliwélish bilen meshghul idi. Andin asta yan'gha égilip polk komandiri ershidin'ge qisqila qilip birnémilerni pichirlidi. Ershidin sel turup qaldi. Chüchigendek etirapigha birqur köz yügürtüp chiqip, mikrafonni qopalliq bilen qolighila aldi:

_ komandir-jengchiler diqqet! Rehbirimiz seypidin bügün silerge intayin muhim bir boyruqni élan qilidu. _ depla mikrafonni seypidin ezizning aldigha sel hörmetsizlik bilen doqqide qilip qoyup ornigha bérip olturiwaldi.
Endi mikrafon, ikkinchi qétimliq milliy jumhuriyitimizning diwiziye-diwiziye qoshunliridin eng axirida saqlinip qalghan bu birdin-bir milliy armiye polkining aldida olturghan seypidin eziziyning aldigha kelgenidi.

Özini alahide yaxshi kütüshni bilidighanlighi mana men depla bilinip turidighan bu olturghan aq yüzlük, inchike qangsharliq adem, aldidiki milliy qoshunning qimmitini hemmidin bek yaxshi bilidighan sabiq ikkinchi jumhuriyitimiz ménistirliridin birsi, hetta exmetjan Qasim qataridiki muhim rehberlirimizdin ayrilip qalghan kündin étiwaren, bu jumhuriyitimizning bash miraschisi, eyni waqtida bizning qan bilen kelgen jumhuriyitimizning pütün hoquqlirini qilche temtirimey xitay kommunist tajawuzchilar qoshunigha ikki qollap sunup bergen bash jinayetchi, aldidiki qara somkisidin birwaraq qeghezni aldirimay chiqirip oqushqa kirishti:

_ yoldashlar! Men silerge merkezi herbi kommutitning bash qomandani yoldash lin biyaw testiqlap tarqatqan boyrughini élan qilimen. _ zal ichi timtas bolup ketti. Uning chirayidinmu qilche özgirish körünmeytti. _ 'boyruq! Bügündin étiwaren ... Yettiming toqquz yüz toqsen beshinchi qisim endin öchürülüp tarqitiwétildi. ... Eger ...
Zal ichide sékontluq bir téngirqash höküm sürginidin kéyin, bir yerlerdin hönggirigen yigha awazi bashlinishi bilen teng, pütün zaldiki mingdek milliy esker zalni kötüriwetkidek qattiq gürüldep warqirashqa bashlidi:
_ yaq! Yaq! Undaq ish yoq! ...

Boyruqning axirini héchkim angliyalmidi. Töwende ghezeptin chachlirini yuliwatqanlar, ghulashlap meydisige mushlawatqanlar, chapanlirini yirtip meydisini échip 'méni étiwitinglar! Polkim qalsun! Méni at, méni! Polkim saqlinip qalsun!' dégen sadalar, ...
Yighin zalining üstidiki penjirilerni alliqachan igilep bolghan xitay herbiliri bu milletning eng axirqi quralliq qorchaq polkining weyran qilin'ghanliq menzirisini körüp hinggang chishlirini chiqirip yirginishlik külishetti, emma bu qoshunni qachandin béri özlirige dos dep hésaplap kéliwatqanlighinimu zadila eslirige alalmidi-de, derhal qolliridiki pilimotlirigha ching chaplishishti.
Bezilerning déyishiche, seypidin bu boyruqni oquwétip turup, közidin bir tamche yash tökkenmish! Her néme bolsa, shunche zor tarixiy xatime üchün birer tamche yash tökidighan wijdani bolsimu qalghaniken! ...

Ershidinning ayali bu pajielik xewerni anglighandin kéyin berdashliq bérelmey derhal hoshidin kétip qalidu. Hoshigha kelgendin kéyinmu, bu ayal, milliy polkining pütün qararliq eskerlirige intayin mihribanliq bilen aniliq qilip yétiship kelgen bu ayal, bir ömürini milliy eskerlerge köyünüsh bilen ötküzgen bu 'shepqetlik polk anisi', eng axirqi milliy armiyesining yoqutulishigha berdashliq bérelmey, bir mezgil shundaq jimghurliship kettiki, kündin kün'ge rohi yimirilip, axiri eqlini özining étikapigha qamap, qalghan ömürini özining yarilan'ghan rohiy dunyasigha béghishlidi _ bu heqiqi esker ana eqlini zadila qayturup kélelmidi yaki qayturup kélishni zadila xalimisa kérek? Bu milliy polkning sabiq polk komandiri qumul, korla we sanji qatarliq jaylardiki tarmaq herbi rayonlarda besh-on yil sörülüp yürginidin kéyin, ömürining axirini qaysi bir herbi rayonining ataqtiki pinsiyige chiqqan muawin bash qomandani bolup tamamlighan boldi. ...
İsit bizning erlirimizge! Qéni, shu ayalchilikmu bolsa bolaliduqmu?!

Bizning qorchaq bolsimu qalghan eng axirqi milliy polkimiz _ yettiming toqquzyüz toqsen beshinchi qisim tarqitiwétilip yérim yil ötkenidi.
Polkta jenopning yiraq bir nahiyisidin kelgen bir esker bar idi. İntayin namirat bir yézida atmishinchi yillardiki sun'iy acharchiliq yillirida ata-anisi balisigha eng axirqi nan uwaqlirinimu yidürüp bolup özliri achliqtin ölüp ketken, ulardin yétim qalghan bu bala milliy polkqa esker bolup kelginige téxi emdila birer yil bolghinida söyümlük polkidin ayrilip qalghandin kéyin, shixodiki bir xitay diwiziyisining melum qismigha tarqitiwétilgen idi. U, milliy polkqa kelgendin kéyin, bulung-puchqaqlarda bolidighan shiwing-shiwing geplerni anglap yürüp, az-tula közi échilishqa bashlighan, qisimdikilermu uning wijik turqigha qarap ich aghritiship, uni polk ashxanisigha teqsim qilip qoyghaniken. Kéyin xitay déwiziyisige tarqitilghandin kéyinmu yenila milliy woziwot halida saqlinip qalghanlar üchün échilghan polkning milliy ashxanisida kona ishini dawam qilduriwergeniken. Bu yigit, bekla jimghur, héchkimge bir téniq gepmu qilmaytti. İshini bekla sadaqet bilen ishleytti.
U, heqiqetenmu ’li féng, wang jyé‘ che jengchi idi.
Bu yéngi qisimda her heptining axirida chong zalda kino qoyup béretti. Adette eskerler kinogha retlik tizilip kirip, kino tügigende zal aldida tizilip qisim komandirlirining yoqlimisidin ötüp bolup andin peyler boyiche retlik tizilip chong yol boylap yataqqa aylinip kirip kétishetti. Bu arida yataq yénidiki hajetxanigha kirip chiqidighanlarmu köp bolatti.

U künisi uyghur jengchiler toy munasiwiti bilen shixogha kirip ketken bolup, qisimda uyghur eskerlerdin yalghuz héliqi balila qalghanidi. U yigit shu künisi 'qizil chiraq' dégen yangbenshi qoyulidighanlighidin xewer tépip, xitayche opirani chüshinelmeydighanlighini bahane qilip, ashxanini tazilaymen dep kinogha kirmey yataqta yalghuz qalidu.

Hemme xitay jengchiler kinogha kirip ketkinidin kéyin, bu uyghur jengchi quyundek yügürginiche rotisining qural tizilghan zaligha qarap chapidu. U yerdin bir taghargha giranat-minalardin birmunche qachilaydu. Qoltuqighimu birqanche yenggil putluq pilimot we aptomatlarni qisturup hesirep- hamüdiginiche klobning udulidiki chong yol boyigha kélidu. U, yanchuqidin inchike taridek yiplarni chiqirip mina-bombilarning piliklirige baghlashqa bashlaydu. Andin partlatquch-minalarni yol boyidiki quruq otlarning arisigha yushurup chiqip, piliklerge baghlan'ghan yiplarni yolgha tartip baghliwétidu. Andin kéyin, qalghan birnechche partlatquch bilen qurallarni élip hajetxanigha kélidu. U yerde birmunche hepiliship yürüp, pilimotlarning tepkilirini yip bilen baghlap ishikke chétip chiqidu. Awaylap ishikni yépip tepke yiplirini ishikke tengshep ching baghlaydu. ...

Weziyet bekla wehimilik idi: yoldin qarangghuda meshke dessep kéliwatqanlar yiplargha putlushup ikki tereptiki minalarni partlitip titma-titma bolup kétishi, yol boyidiki hajetxanigha kirgenlermu ishikni achar-achmayla pilimot oqida titilip kétishi mumkin idi. Qisqisi, bu kéche eng kamida birer rota xitay eskiri jehennemge yollinishi turghanla gep idi.

Bir waqitlarda kino tügep klobning ékran sehnisige bir bataliyon komandiri chiqip eskerlerni yoqlima qildurmayla ixtiyari tarqitiwétidu. Eslide, bügün qisim emeldarliri bash qomandanliq shitawigha yighin'gha ketkeniken. Eskerler yataqlirigha chong yoldin aylinip méngish ornigha, udul étizliqtin yügürüshüp yataqlirigha tarqilishqan. Hetta hajetxanighimu kirishmey, yol boyigha qoyiwétipla kétishken.

Dijjörnilik qilidighan bir esker qural tizilghan yerdiki qurallarning yoqap ketkenlikini bayqishi bilen, jiddi ségnal chélinip tekshürüshke kirishken. ...
Bu arida yataq tereptin bughuq bir diska aptomat oqining awazi kélidu. Derhal tekshürgüchiler yétip bérip qarisa, yotqan ichide bir uyghur eskiri qarnigha bir diska oqni siriwélip qan ichide yatqidek.

Kéyn melum bolishiche, bichare bala pilanining emelge ashmighanlighini sézip derhal özini öltüriwalghaniken.
Bu weqe, hemmini heyran qaldurghan halda, eng axirqi milliy polikning tarqitiwétilishige bir ashpez eskerdin kelgen naraziliq sadasi bolup shu yerdila tinjip qaldi. ...
-Dawami bar..
izchimen@gmail.com
-dawami:
http://jasuskim.blogspot.com/
**********************
Bashqa Kitaplar:
Ya Musteqilliq Ya Ölüm!
http://www.turkistanim.org/uyghurche/kitap/musteqilliq.htm
Bash Bet:
http://www.turkistanim.org/[/QUOTE]

Abdurehim
25-02-08, 10:14
Yigirme Tötinchi Bab. Abduréhimgha Sözlesh Nöwiti Kelgende
......
--Aghiniler, méningmu bir gépimge qulaq sélip baqmamsiler. Andin néme désenglar denglar. _ u qolidiki chinisidin bir yutum chay otliwélip etirapidikilerge bir köz yügürtüp chiqip sözge kirishti. _ herbiy küchimizdin mutleq éghiz échishqa bolmaydighan bu sharaitta, wetinimiz xelqini xitay tajawuzchiliridin qutuldurush herkitige yitekleymen deydikenmiz, méning dégenlirimnimu choqum oylanmisanglar bolmaydu. Hetta mendin sorisanglar, buni teshkilatimizning nöwettiki tüpki heriket sitiratigiyisi qilishimiz shert dep qaraymen. Yeni, bizning birinchi qedemdiki wezipimiz wetinimiz tewesidiki xitay tajawuzchilirining nopus sanining köpüyishini chekliyeleydighan heriketlerni pilanlashta ortaq pikirge kelgen bolalisaq, mutleq türde töwendikiche taktika belgilishimiz shert bolidu:

-Bu taktiklarni belgüleshtin awal shularni bir izahlishimgha ruxset qilinglar: biz bu yerde milliy musteqilliq jéngi toghrisida sözlishiwatqanikenmiz, jeng dégennimu éniq bilishimiz lazim.

Burunlarda urushlar biwaste düshmen bilen septe uchurushush arqiliq meydan'gha kéletti. Bolupmu bizning wetinimizdiki urushlar asasen shuxil shekildiki urushlar bilen dégidekla yigirminchi esirge kirip kelgenidi. Bügünki urushlarning uchurushush arilighi shunchilik yiraqliship kettiki, nurghun urushlar top-zembirek, urush öyropilanliri bilenla pütüp kétip, eskerler düshmenni zadila körmey turup ya ölüp bolidu, ya ghelibe qilishidu. Bu yerde yene shundaq bir mesilimu otturigha chiqidu:

urushta düshmenni öltürüp tügütüsh ghaye qilinamdu yaki düshmenni boy sundurush ghaye qilinamdu? Rushenki, eslide boysundurush, küchsizleshtürüsh, teslim qildurush, agahlandurush, chékindürüsh, qorqutush, parakende qilish, namaqul qilish, chiqimini tölitiwélish dégendeklerdin bir yaki birqanchisini mexset qilidighanlighi muqerrer. Biz üchün éytqanda, düshmenni wetinimiz tewesidin qoghlap chiqirish eng axirqi mexsidimiz bolishi, bu nuqtigha keltürüsh üchün awal qorqutush, parakende qilish, andin küchini xoritish, shu jeryanda biz özimizmu küchimizni asirash, küchlinish we birqeder muqim azad rayonlargha érishiwélishni qolgha keltürüsh bolishi lazim. Adette sep tartip tighmu-tigh jeng qilishta her ikkila sepning eskerliri herxil bashqurush yaki körünüshlerdin tesirlinip jenggwarlishish yaki ümitsizlinish haletlirige chüshüp qélishi mumkin.

Emma yushurun heriketlerde köpünche hallarda teshebbuskarliq yushurun paaliyet qilghan terepte bolidighanliqi, ashkare turghan terep köpünche hallarda psixologiyilik parakendichilik ichige pétip qalidighanliqi, bu xil parakendichiliktin kélip chiqidighan qorqush ashkare turghan shexsilerge bir nechche ayghiche chpliship qalidighanliqi ispatlan'ghan. Undaqta biz qurqutup parakende qilish üchün némilerni qilish imkanigha igimiz? Töwende méning asasliq toxtilidighinim ene shu mesililerdur.

-Biz awal wetinimizdiki xitay tajawuzchilirini ortaq qorqutush weziyitini yaritishqa tirishishimiz lazim. Yeni mundaq éytqanda, wetinimizning eng muhim yerliride xitaylar arisida ortaq qorqutush weziyitini yaritishimiz kérek. Bundaq qorqutush mexpi herikitining ashkare düshmen terepke körsitidighan rohi tesiri adette üch aygha yéqin özligidin saqlinip qalidighan tebiy alahidilikke asaslan'ghinimizda, bundaq mexpi qorqutush paaliyetlirini izchil türde kamida üch ayda bir dawamlashturup turushimizgha toghra kélidu. Eger bu ariliq bir aygha, bir heptige hetta her küni bir heriket peyda qilishqiche qisqartilghinida, ashkare düshmenning parakendichilikini kündilik adetke aylanduralishimiz mumkin. Emma, bundaq ortaq xitay tajawuzchilirining qorqushini yaritalaydighan obiktiplardin birinchi orunda turidighan intayin puxta qoghdunup turiwatqan aptonom rayon derijilik hökümet, qurultay, partiye, armiye we qanun organliridiki muhim kishilerge tehdit yaritish sharaitige ige emesmiz. Bundaq sharaitqa igimiz déyilgen teghdirdimu, peqetla izchilliqigha kapaletlik qilghili bolmaydighan qisqa waqitliq chong qorqutush bilenla cheklinip qalimiz.

Belkim, shu birinchi qétimliqidin kéyin bundaq sharaitqa zadila érishelmey ötüp kétishimizmu mumkin. Undin qalsa zerbe bérip qorqutush peyda qilghili bolidighan ikkinchi orundiki obiktiplirimizdin nazir-wali derijilik partiye, hökümet, armiye we qanun organliridiki obiktiplarni talliwélishimizmu eng köp bolghanda yiligha birer qétimliq bilenla cheklinip qélishi, hetta uzun ötmeyla menggü ishqa ashurghili bolmaydighan halet shekillinip qélishimu turghanla gep. Undin kéyinki hakim-bashqarma bashliqi derijilik yuquriqidek töt xil terkiptiki obiktiwlargha bérilidighan zerbiler asasen alghanda memlikitimiz xaraktéridiki qorqush yaritalaydighan obiktiwlardin emes. Xuddi shuningdek, bu türdiki obiktiwlarmu köpünche sahelerde yéqinlashqili bolmaydighan mudapiyilinish halitige atiwalalishi mumkin. Bolupmu herbi, qanun we nahiye hakimliri yenila asan yéqinlashqili bolidighan obiktiwlardin emes. Axirqi bir obiktiw bolghan bölüm bashliqi derijilik xitay tajawuzchiliri bolup, bu türdikilerning yimirilmes mudapiyige ötiwalalishi bekla teske toxtaydu.

Bolupmu chongiraq sheherlirimizdiki butürdiki obiktiwlarning küni téximu tes. Peqetla herbi we qanun orunliridiki quralgha yéqin turidighan bu türge mensüp obiktiwlar buningdin mustesna bolishi éhtimal. Emma eng muhim mesile, bundaq obiktiwlargha birla yerde zerbe bérish arqiliq omumiy yüzlük xitay qorqush weziyitini yaritalishimiz intayin kam körülishi mumkin. Shuning üchün, bundaq obiktiwlargha biwaste tehdit qilish sanini alahide üstün tutushqa mejborlinimiz. Bumu undaqlarning mudapiyige ötiwélish éhtimalini ashuriwétishi turghanla gep. Hernéme déginimiz bilen, yuquriqidek töt türlük obékitlarning birinchilirige teleyge qarap zerbe bérish sharaitini qolgha keltürüsh, ikkinchi türdikilerge herdaim paylap yürüp, alahide pilan tüzüp aldin teyyarliq qilip zerbe bérish pursetliri qolgha kelgen haman hergizmu qoldin bermeslik, üchünchi türdiki obiktiwlarni tallap péyige chüshüp zerbe bérishni her waqit unutmay, pursetni qolgha keltürüsh, tötinchi türdikilerge mexsus qoghlap yürüp zerbe bérishke tirishish pursitige igimiz. Shundaqtimu, bu türdiki zerbe bérish heriketlirini yenila alahide tejribilik, pishqan mexsus pidailirimizgha tayinipla andin qanat yayduralishimiz mumkin.

Bu nuqtidin alghandimu, heriketning omumilashturulishida bu türdiki obéktiwlargha zerbe bérishtin ishni bashlash yenila nurghun cheklimilerge sewep bolishi, herikitimizning izchillighi bekla dolqunsimanliqqa ige bolup qélishi turghanla gep. Emma bu yerde shundaqmu bir éhtimalliq barlighini unutmaslighimiz kérek: biz düshmenning qorqush dairisining imkanqeder kengirek yéyilishini qolgha keltüreyli deydikenmiz, zerbe bérilidighan obiktiwlirimiz imkaniyetning bériche birinchi derijilik obiktiwlargha biwaste chétilidighan ikkinchi, üchünchi we tötinchi obiktiwlar arisidin tallashqa ehmiyet bérishimizge bolidu. Eng bolmighanda, bashtiki obiktiwlarning bala-chaqiliri, ata-aniliri, newre-chewriliri, kélin- küy'oghulliri, yéqin tughqanliri, biwaste xizmetdashliri, yéqin dos-yarenliri, yéqin yurtluq we sawaghdashliri qatarliqlar arisigha éghir wehime yaritish arqiliqmu wastiliq omumiy yüzlük wehime yaritish weziyitini peyda qilalishimiz mumkin. Bundaq yoshurun zerbe bérish paaliyitini kéyinki obiktiplar üchün, tipik jallatliri üchün, tipik raziwitchikliri üchün, tipik munapiq, jasus we xainlar üchünmu biwaste yaki wastiliq zerbe bérishlergiche kéngeytish arqiliq sheher-nahiye derijidiki alahide jiddi weziyet yaritalishimiz tebii.

-Biz shunimu hergiz unutmaslighimiz kérekki, düshminini körmey turup jengge atlinish, mutleq türde uchuqchiliqta turghanlarning iradisini éghir derijide sunduridighan bir psixologiyilik qanuniyet.

Bu nuqtidin alghanda, biz ulargha qarighanda sel teleyligirek déyishimiz mumkin. Emma jeng qilish démek, yuqurida déginimdek, düshminini biwaste tonup, hetta biwaste körüp turup öltürüsh démektur. Biwaste tonimighan, yaki biwaste körmigen düshminige qarshi jengge atlinish, herqandaq bir insanni eqlidin azdurghidek bir psixologiyilik zerbige uchurtiwétidu. Bundaq zulumgha berdashliq béreleydighanlar bekla az körülidu. Berdashliq bérelidi dégenlirimu, pütünley telwe haligha chüshüp, eqliy küchidin asasen mehrum bolup qalidu. Bundaqlar eng wehshi térrorchilargha aylinip, xelqni wehshilerche qaraquyuqla zorlash, tehdit sélish, qiyin-qistaqlargha élish, bigunah öltürüsh qataridiki qaramliq bilen qorqutush wastilirigha tayinip, wastiliq yollar bilen biwaste tonumaydighan obiktiwlarni toniwélishqa urunushidu. Bundaq tajawuzchilar pütünley adimiligini yoqatqan wehshi haywanlar bolup, bundaq haywanlar pütün insaniyetning ortaq düshmenliri, ularni qilche rehim qilmay, hetta zörür tépilghanda özini qurban qilish charisini ishqa sélip bolsimu qet'iy taziliwétishqa gheyret qilinishi shert. Mana bu türdiki qawanlarnimu biwaste yoqutush pursitige érishelmiginimizde yuquriqidek wastiliq charilar bilen zerbe bérishni unutmaslighimiz kérek.

-Bizge shu nersimu melum bolishi kérekki, herqandaq bir esker, ular özlirini meyli néme dep atiwalsa atiwalsun, ular beribir adem öltürüsh üchünla yétishtürülgenligi mutleq bir emiliyet. Xuddi shuningdek, herqandaq bir urush quralliridin paydilinishni ögen'güchimu mutleq türde adem öltürüshni birdin-bir mexset qilghan bolidu. Shuning üchün, herqandaq bir atish meydanida, uduligha qandaqtur bir tashni, qoyni, yaki bashqa bir mexluqni tiklep yaki resimini chaplap qarigha étish meshiqi qilmaydu. Xuddi shuningdek, herqandaq bir atish meshiqide qarigha alidighan nishan taxtisi mutleq türde ademning neq ölidighan jan yérining simowulini mutleq obiktiw qilip teyyarlan'ghan bolidu. Undaq bolmisa idi, birer ishitning, birer qoyning yaki birer adem put-qolining resimigila qara élip meshiq qilghan bolar idi. Yardar qilish üchün yaki nakar qilish üchün dep qural tuttum dégichülerning herqandighi ras gep qilidighanlardin emes. Eslidinla bundaq geplerni asanliqche anglighili bolmaydu we undaq geplermu axmaqliq dep qarilidu.

Biz yene shunimu unutmaslighimiz kérekki, bizning wetinimizdiki xitay tajawuzchilirining qolida ene shundaq adem öltürüshnila tüpki mexset qilip kötürüp yürgen herxil urush quralliridin nechche milyon téli bar. Ular meyli özlirini dölet mudapie armiyisi dewalsun, yaki quralliq saqchi-esker dewalsun, weyaki bingtwen, minbing, qatnash saqchisi, amanliqni saqlighuchi, ... Déyishken bolsun, bundaqlarning qolidiki qurallirining hemmisila uchini herxil bahanilarni toqup chiqiship bolsimu biz quralsiz yerliklerge eng köp qaritishmaqta yaki biz xeqtin eng köp öltürüshmekte! Mana bu wetinimizdiki xitay tajawuzchilirining qolidiki herxil urush qurallirining tüpki ishlitish mexsidi. Derweqe, xitay tajawuzchiliri bizxeqni toluq qirip tügitiwétishni menggü ishqa ashuralmaydu.

Emma, bizni qorqutalaydu, mejborliyalaydu, bash egdüreleydu we waqti-waqtida basturup turalaydu. Mana bu, düshmen, tajawuzchi ikenlikining tipik belgisi. Halbuki, herqandaq bir insanning eng chong yoqatqan nersilirimu ene shu türdiki ana wetinide bu weten'ge tewe bolmighan yat quralliq küchlerni, tajawuzchi hökümetlerni, bu tajawuzchi hökümetke tewe yerliklerni bozek qilghuchi yat köchmen zorawanlirini körüsh, bu türdiki tajawuzchilar teripidin qorqutulushi, mejborlinishi, bash egdürülishi we qanliq basturulishidur! Aghinilar, bezi tuyghular barki, u tuyghular üchün jan bérishke erziydu. Chet'el tajawuzchiliridin qutulush, qorqatquchidin qutulush, mejborlighuchidin qutulush, bash egdürishi we qanliq basturushliridin qutulush, weten qehrimanlirini jazalighuchilardin qutulush, eng muhimi yat tajawuzchi küchlerning hükmiranliqidin qutulush arzuliri _ ene shundaq jan bérishke erziydighan tuyghulardindur! Biz xelqimizge ene shundaq uqumni chüshendürishimiz, bundaq baladin qutulush jasaritini teshwiq qilishimiz, bundaq tـajawüzchidin qutulush yollirini körsitishni meqset qilidighan heriket pilanlirini tüzüp paaliyet qilishimiz lazim!
Hemme doslar uni tebrikliship chawak chéliwétishti. Shundaq qilip, bu sorunning asasi éqimi bolup kéliwatqan 'ténch paaliyet pirinsipi' gha dagh chüshiwatqandekmu körünmekte idi.
... ...
Eskertish: "méning nésiwem qéni?" dégen bu romanning bashqa bölümliri nöwettiki weziyitimiz we bu romanimiz bilen munasiwiti bolmighachqa, qisqartiwétildi.

Roman Tügidi.
izchimen@gmail.com
Axirghiche oqughanliqingiz üchün rexmet éytimiz.
---------------------------------------------
"Ya Musteqilliq Ya Ölüm" we "Musteqilliqimizdin Ümid Barmu?" namliq eserni

http://www.turkistanim.org/uyghurche/kitap/musteqilliq.htm
http://www.turkistanim.org/uyghurche/kitap/umid_bar.htm

din oqughaysiz.
************************************************
Xatime:
Qop! dédim, béshing köter, uyqungni ach!
Xitayning béshini kes, qanini chach!
Köz échip etrapqa obdan baqmisang,
Ölisen armanda, bir kün yoq ilaj.

Unregistered
25-02-08, 10:36
Abdurehim disingiz, men Germaniyediki Abdurehimjan Buradirimiz shunche qehriman iken dep oylighan edim, xetni oqusam emesken..

Gulbahar
25-02-08, 10:52
Abdurehim disingiz, men Germaniyediki Abdurehimjan Buradirimiz shunche qehriman iken dep oylighan edim, xetni oqusam emesken..

Germaniyediki Abdurehim ependi undaq xeterlik ishlar we sözler bar yerge barmaydu,dep oylimidingizmu?
Tenchliq mukapati heqqide uzun eser we terjimilerni yazghan bir yazghuchi bundaq ishlargha petinmaydu.Towa deng.

Unregistered
25-02-08, 15:33
Germaniyediki Abdurehim ependi undaq xeterlik ishlar we sözler bar yerge barmaydu,dep oylimidingizmu?
Tenchliq mukapati heqqide uzun eser we terjimilerni yazghan bir yazghuchi bundaq ishlargha petinmaydu.Towa deng.

Undaqmu dep ketmenglar, Abdurehimjan Buradirimiz Xudayim buyrisa xeli janliq, paaliyetchan adem. eger teshkilatlardiki xitayperess ademlerdin bolap qalsa qandaq qilattuq? Xudagha ming shukiri deyli jamaet, towe denglar. Men Abdurehimjanni 15 yildin beri tuniymen, Abdurehimjan yaxshi adem.... Aldurehimjan weten uchun urush bolsa, urushqa chiqalaydu, dep qaraymen. likin yoghan qalpaq kiyiwalghan nurghun ademlerge hazir ishenmes bolap qeliwatimen, xitaygha qarshi urushqa chiqalmaydu. adettiki namayishqa chiqalmighan adem, urushqa chiqalamda?

Unregistered
25-02-08, 17:56
hazir emaillarda Izchi_Men_we_Jasus_Kim.doc deydighan attachment virus kiliwatidu. emiliyette apturning kitapni virus qilip iwetmigenliki ras. shunga tordashlar waqip bolup qalghanysiler.

Xasiyet
26-02-08, 06:34
hazir emaillarda Izchi_Men_we_Jasus_Kim.doc deydighan attachment virus kiliwatidu. emiliyette apturning kitapni virus qilip iwetmigenliki ras. shunga tordashlar waqip bolup qalghanysiler.

Qoshumche höjjetni buzghunchi ewetken,u köp kishilerge ewetilgendek qilidu.
Uni achmay yuyiweting. Kitapni töwendiki bettin biwaste oqusingiz bolidu,xatirjem.
http://jasuskim.blogspot.com/
Qop! dédim, béshing köter, uyqungni ach!
Xitayning béshini kes, qanini chach!
Köz échip etrapqa obdan baqmisang,
Ölisen armanda, bir kün yoq ilaj.
1921-Yil,Turpan.Abduxaliq Uyghur (Allah Rehmet Eylisun, Amin!)
Xitaylar Ezeldin Terrorchidur.
http://xitayterrorchilar.blogspot.com/

Erkinlik
28-02-08, 07:30
Essalamu Eleykum!
Nurmuhemmet Yasin Örkishi "Yawa Kepter" namliq esiride mundaq deydu:

-Men sanga erkinlik élip kélimen balam. Sen yenila méning batur balam bolisen. Sen hergizmu qullarche emes, baturlarche ölüshüng kérek, -Anam shundaq depla boghuzidiki danlarni yandurdi,-Bu zeherlik böljürgen, sen buni yisengla ularning qulluqidin azad bolisen. Shundaqla jemetimizning abroyinimu saqlap qalisen. Ésingde bolsun erkinlikni menggü hésdashliq arqiliq qolgha keltürgili bolmaydu. Uning üchün qan aqquzush kérek. Qéni, tumshuqungni yéqin ekel.

Men anamning qet'iylik chaqnap turghan közlirige axirqi qétim tikildim. U shunchilik xatirjem, shunchilik qeyser idi.
Béshi we axiri:
http://www.turkistanim.org/video/?film=348
Erkinlikni ténchliq usulliri we hésdashliq bilen qolgha keltürgili bolmaydu. Berheq. Shunga Allah Quranda éniq qilip yurtung bir ghérich tajawuzgha uchrisa qilche ikkilenmey jihad qil,dep keskin buyruq bergen.

Sherqiy Türkistan Radiosi


Qoshumche höjjetni buzghunchi ewetken,u köp kishilerge ewetilgendek qilidu.
Uni achmay yuyiweting. Kitapni töwendiki bettin biwaste oqusingiz bolidu,xatirjem.
http://jasuskim.blogspot.com/
Qop! dédim, béshing köter, uyqungni ach!
Xitayning béshini kes, qanini chach!
Köz échip etrapqa obdan baqmisang,
Ölisen armanda, bir kün yoq ilaj.
1921-Yil,Turpan.Abduxaliq Uyghur (Allah Rehmet Eylisun, Amin!)
Xitaylar Ezeldin Terrorchidur.
http://xitayterrorchilar.blogspot.com/

Unregistered
28-02-08, 18:41
bu hikaye ajayip yahshi yizilgan ha

Essalamu Eleykum!
Nurmuhemmet Yasin Örkishi "Yawa Kepter" namliq esiride mundaq deydu:

-Men sanga erkinlik élip kélimen balam. Sen yenila méning batur balam bolisen. Sen hergizmu qullarche emes, baturlarche ölüshüng kérek, -Anam shundaq depla boghuzidiki danlarni yandurdi,-Bu zeherlik böljürgen, sen buni yisengla ularning qulluqidin azad bolisen. Shundaqla jemetimizning abroyinimu saqlap qalisen. Ésingde bolsun erkinlikni menggü hésdashliq arqiliq qolgha keltürgili bolmaydu. Uning üchün qan aqquzush kérek. Qéni, tumshuqungni yéqin ekel.

Men anamning qet'iylik chaqnap turghan közlirige axirqi qétim tikildim. U shunchilik xatirjem, shunchilik qeyser idi.
Béshi we axiri:
http://www.turkistanim.org/video/?film=348
Erkinlikni ténchliq usulliri we hésdashliq bilen qolgha keltürgili bolmaydu. Berheq. Shunga Allah Quranda éniq qilip yurtung bir ghérich tajawuzgha uchrisa qilche ikkilenmey jihad qil,dep keskin buyruq bergen.

Sherqiy Türkistan Radiosi

Unregistered
02-05-08, 15:27
buning axiri toxtap qaldimu?