PDA

View Full Version : hizmitinglargha utuklar tilep kuqurup koyghiqidin



Unregistered
01-01-08, 09:45
2008 - yili 1 - ayning 1 - küni

Yéngi Yil Béghishlimisi

Qedirlik wetendashlar, <Sherqiy Türkistan Informatsiyon Merkizi> 2007 - yilning ayaqliship, 2008- yilning yitip kélishi munasiviti bilen hemmingizlarni chin qelbidin tebrikleydu.

Ötken bir yilda Merkizimiz wetendiki we chet ellerdiki Uyghur ammisining zor küch bilen qollishi netijiside, az bolmighan ilgirleshlerge érishti. Bolupmu xelqning menivi ihtiyajini nezerge élip yolgha qoyulghan Uyghur internet téléviziyési chet ellerde yashawatqan Uyghur xelqining ijtimai, siyasi pa'aliyetlirini, <Dunya Uyghur Qurultiyi> terkividiki her qaysi teshkilatlarning hemde xelqimizning menivi anisi, Uyghur milliy herkitining rehbiri Rabiye Qadir xanimning pa'aliyetlirini ekis etturushte körinerlik netijilerge érishti.

Merkizimiz yene özning tor betiarqiliq wetinimiz Sherqiy Türkistanda yuz bériwatqan zor siyasi weqelerni oz waqtida dunya jamaetchilikige tonushturush,Xitay mustemlikichiliri Uyghur xelqige qarita yürgüziwatqan Uyghur maaripni Xitaylashturush,Uyghur qizlirini türkumlep Xitaygha yotkesh, xelqning dini erkinlikini boghush, insan hoqoqini depsende qilish qatarliq rezil qilmishliridin del waqtida dunya jamaetchilikini hewerdar qilip turush qatarliq jehetlerde aktip paaliyetlerni élip bérip, Xitay mustebit hakimiyitining yurikige qadalghan henjer bolup qaldi.shunglashqa Xitay hakimiyiti <Sherqiy Türkistan Informatsiyon Merkizi>ni yoqutush meqsitide, arigha bolgunchilik sélish, böhtan chaplash, <Sherqiy Türkistan Informatsiyon Merkizi>ni térorchi teshkilat dep davrang sélish qatarliq xilmu-xil shumluqlarni ishqa sélip bizning awazimizni üchürüshke urunghan bolsimu, wetendiki we chet'ellerdiki keng xelq ammisining qollishi, dunyadiki dimukiratik küchlerning hésdashliq qilishi netijiside <merkez>ning abroyi kündin-künge ösüp, musteqilliq körishimizdiki gholluq teshkilatlarning biri bolup qaldi.

Qedirlik wetendashlar, <Sherqiy Türkistan Informatsiyon Merkizi> qurulghandin tartip taki bügünki küngiche héchqandaq chet'el küchlirige béqinmighan, Uyghur xelqining musteqilliq körishi emeliyitige mas kelgen halda pa'aliyet élip bériwatqan bir teshkilat. Bizning körishimiz elbette dunyadiki démukiratik döletler we teshkilatlarning hésdashliq qilishgha hemde qollishigha muhtaj bolidu. Biraq musteqilliq körishining tizgini choqum xelqimizning qolida bolushi kérek. Chünki bu bizning Xitay mustemlikichilirige qarshi élip bériwatqan muqeddes körishimizning teqdirige munasiwetlik zor pirinsipal mesile.<Sherqiy Türkistan Informatsiyon Merkizi> buningdin kéyinmu bu pirinsipqa qet'i emel qilghan halda pa'aliyet élip baridu. Nöwette xelq'ara sehnidiki bezibir siyasi küchler Uyghur xelqining milli musteqilliq körishini Xitay hakimiyiti bilen sodilishishtiki "kozur" gha aylanduriwilishni közlewatidu. Xelqimiz tarixta chong döletler siyasitining qurbani bolup kelgen bir millet. Biz tariximizdiki qanliq sawaqlarni estin chiqarmasliqimiz, bolupmu 1944 -1949 - yillardiki Sherqiy Türkistan inqilabining rehberlik hoqoqini öz qolimizda tutalmighanliqimiz sewebidin Rusiye impériyesining Uyghur xelqining inqilap miwilirini qandaq qilip Xitay basqunchilirigha sétiwerkenlikidin ibaret qanliq pakitlarni hergiz untup qalmasliqimiz, bügünki künde élip bériwatqan musteqilliq körishimizning rehberlik hoqoqining choqum özimizning qolida bolushigha kapaletlik qilishimiz lazim.

Qedirlik wetendashlar, ötken bir yilda biz gerche nahayiti köp pa'aliyetlerni élip barghan bolsaqmu, merkizimizde kespi xadimlarning yitishmesliki sewebidin bezibir yétersizlikler körüldi. 2008-yili biz Xitay mustemlikichilirige qarshi milliy musteqilliq körishimizning xelq'arada téximu zor tesir peyda qilishini qolgha keltürüsh, xelqimizning meniwi anisi Rabiye Qadir xanimning 2008 -yilliq nobil ténichliq mukapatigha érishishi üchün hemmimizning bir niyet-bir meqsette tirishchanliq körsutishimizni, yazghuchilirimiz, ziyalilirimiz, siyasi obzorchilirimiz we axbarat xadimlirimizning <Sherqiy Türkistan Informatsiyon Merkizi>ning xizmetlirini pa'al qollap bérishini semimi umid qilimiz .

Axirida hemmingizlarning yéngi bir yilda yéngidin-yéngi yéngishlerge érishishingizlargha tilekdashliq bildurimiz !

Hörmet bilen: Sherqiy Türkistan Informatsiyon Merkizi..