PDA

View Full Version : Qurban Heytinglargha Mubarek Bolsun!



uaa_admin
19-12-07, 21:16
Hormetlik Wetendashlar,


Qurban Heytinglargha mubarek bolsun! Hudayim bu ulugh heyt-bayram kunlerde duynaning her qaysi jaylirida yashawatqan Uyghurlargha, bolupmu wetinimiz Sherqiy Turkistandiki eziz helqimizge, salametlik, uzun omur we beht-saadet ata qilsun.


Qurban Heyt Uyghurlarning en’eniwi heyt-bayrimi. Uyghurlar bu bayramda uruq-tuqqanliri bilen birge jem bolushidu, hoshna-hulumliri we dost-broderlirining oyige berip ularni yoqlishidu we oz-ara heytlishidu. Bu Heytta kichikler chonglarni hormetleydu, chonglar kichiklerni izzetleydu, we heytliq pul beridu. Bir-biri bilen munasiwi yahshi bolmighanlar bir-birini kechuridu. We baylar kembeghellerge yardem qolini sunidu.


Uyghurlar Qurban Heytta cheksiz hoshalliqqa chomidu. Ularning hemmisi bashqilargha yardem qilish we ghemhorluq qilishni oylaydu. Ular yene weten-helqining ghemini yep wetenning azadliqi we helqining horliki uchun nime qilishni oylaydu. Chunki wetenimiz yenila Hitayning qolida, helqimiz yenila Hitayning zulumi astida.


Bugunki Uyghurlar oz tarihidiki eng qarangghu dewride yashimaqta. Chunki Hitay kucheygenseri Uyghurlarni bir millet supitide yoqutush uchun kuresh qilmaqta. Netijide, Uyghurlarning weziyiti kundin-kunge nacharlashmaqta. Shunga el-soyer helq-soyer her qandaq bir Uyghur ozining bir kishilik burchini ada qilishi we barliqini berishi kerek. Wetinini we millitini soymigen Uyghur Uyghur emes. Ozining wetinining azadliqi we Uyghurning horliki uchun ozining bir kishilik hessisini qoshushtin bash tartip Hitayning sizghan siziqi bilen mangghan Uyghur Uyghur emes.


Bugunki kunde, eqli bar Uyghurlar eqlini, meli barlar melini, we puli barlar pulini wetinimizning azadliqi we millitimizning horliki uchun beghishlishishi kerek. Ademning qedri alghan unwani, diplomisi, tapqan puli, ishligen orni, oyining chong-kichikliki we haydighan mashinisining qimmetliki bilen bolmaydu. Ademning qedri peqet ozining azad doliti ichide erkin yashiyalighandila bolidu. Chunki bashqa nersilerning hemmisi nisbiy. Uni hokumiran hakimiyet halighan waqtida tartiwalalaydu we inkar qilalaydu. Wetini yoq insan bu dunyadiki bir yitim balidin ibaret. U hemme yerde urulidu we soqilidu. Bizning bugunki pajierimiz eqlimizning, melimizning, pulimizning, unwanimizning yaki diplomimizning yoqliqida emes, peqetla ozimizning dolitimizning yoqliqidin ibaret.


Men shu seweptin her biringlarning Uyghur bolush supitinglar bilen bu ulugh Qurban Heytta wetininglarning azadliqi we helqinglarning horliki uchun Uyghur Bedel Pulini tolishinglarni we oz dolitinglardiki Uyghur teshkilatlargha bolghan bedel pulunglarni tolishinglarni umid qilimen. Silerning uzundin beri bizning herketlirimizni meniwiy we maddiy jehetlerdin qollap kelgininglargha kop rehmet.


Ohshash bolmighan dolettiki Uyghurlar bu tor bettiki banka hisawat nomurigha asasen pul ewetsenglar bolidu.

http://www.uyghurcongress.org/Uy/news.asp?ItemID=-2062139485 (http://www.uyghurcongress.org/Uy/news.asp?ItemID=-2062139485)


Hormet bilen,


Rabiye Qadir


(Amerikidiki Uyghurlarning yilliq UAA ezaliq bedel puli $60 (yalghuz) we $120 (aile). Siler ezaliq bedel pulini bu adresqa ewetip bersenglar bolidu. Uyghur American Association, 1700 Pennsylvania Avenue, NW, Suite 400, Washington, DC 20006)