PDA

View Full Version : Uyghur teshkilatliri Qeshqerde ölümge höküm qilinghan Uyghurlar heqqide bayanat élan



Unregistered
15-11-07, 11:42
Uyghur teshkilatliri Qeshqerde ölümge höküm qilinghan Uyghurlar heqqide bayanat élan qildi

Bu yil 8 ‏- Noyabir küni, Xitay soti Qeshqerde höküm élan qilip, Pamir téghida xitay saqchi dairiliri bilen étiship qolgha élinghan, 6 neper Uyghur musteqilliq jengchisini ölümge buyrighan idi. Bu munasiwet bilen cheteldiki uyghur teshkilatliri bayanat élan qilip, xitay hökümitini qattiq eyiblidi.

Dunya Uyghur Qurultiyining bayanatchisi Dilshat Réshit, : hökümnamide, mehkumlar bölgünchilik jinayiti bilen eyiblengen, démek,Xitay olimpikning harpisidimu, öktichi siyasiy küchlerni qattiq basturiwatidu؛ ularning oxshimighan siyasiy küz qarashtikilerge ölüm jazasi bérishi xelqara qanunlargha tamamen xilap dep eyiblidi.

ETIC : " Ular erkinlik jengchiliri"
Gérmaniyide paaliyet élip bériwatqan Sherqi türkistan axbarat merkizi, xitay sotining 6 Uyghur üstidiki hökümini xitayning uyghurlar ustidin élip bériwatqan dölet térrorining bir qismi dep körsetti. Mezkur teshkilatning bayanatida mundaq déyilgen :

Xitay soti mehkumlarning, Sherqi turkistan musteqilliqi uchun teshkillinishini, bölgünchilik dep eyibligen, biz uni,xelqara qanunlarda belgilengen uyghurlarning oz teqdirini özi belgilesh hoquqini qolgha keltürüsh uchun küresh qilish dep qaraymiz.

Sherqi turkistan musteqilliq herikitini ténchliq yoli bilen élip bérish pütün Sherqi turkistan xelqining arzusi ؛ emma, xitay hökümiti, oz hakimiyiti astidiki milletlerning héch birige, erkin pikir qilish we teshkilatlargha oyushush erkinlikini bergini yoq؛ shunga bir qisim Uyghur paaliyetchilirining qoralliq küresh yoligha méngishida mesuliyetni xitay terepte dep qaraymiz.

Tuyghunjan Abduwéli: " ular bizning pexrimiz"
Kanadada yashawatqan Uyghur siyasiy paaliyetchiliridin Tuyghunjan Abduwéli ölümge buyrulghan 6 neper uyghur yash üstide toxtilip, ularning ölümini Uyghur xelqining musteqilliq kürishi yolida töligen bedellirining biri dep qaraydighanliqini bildürdi we u yene, nöwette uyghur élida xroin ziyankeshlikige uchrap, eydiz késilige yoluqup ölüwatqan onminglarche uyghur yashlirining ölümige sélishturup, shereplik ölüm dep qaraydighanliqini bildürdi. Tuyghunjan ependi sözining axirida, shéhid aililirige alahide hörmitini ipadilidi.

Xitay axbaratining melumatigha qarighanda, bu yil 1 ‏- Ayning béshida, Pamir téghida herbiy meshiq élip bériwatqan bir yer asti Sherqi turkistan teshkilati bilen Xitay saqchi qisimliri arisida toqunush yuz bergen, toqunushta, xitay tereptin bir kishi ölgen we bir kishi yaridar bolghan, yer asti teshkilat ezaliridin 18 kishi ölgen we 17 kishi qolgha élinghan. Emma bezi toluqsiz melumatlar, xitayning özi tereptin ölgüchiler sanini yoshurup az körsetkenlikini bildürmekte. Shinxua axbarat agéntliqning 8 ‏- Noyabirdiki xewiride, toqunushni 25 ‏-Dékabir weqesi dep tilgha alghan emma mehkumlarning qolgha élinghan künini 1 ‏- Ayning 5 ‏- Küni dep körsetken, bu melumat ikki terep arisiki toqunushning az dégende 11 kün dawam qilghanliqini körsitidu, bu ehwal xitay terepning öz teripidin ölgüchiler sanini yoshurghanliqi heqqidiki toluqsiz melumatlarning asassiz emeslikini körsetmekte.

Uyghur teshkilatliri Uyghur xelqining serxil oghlanliri dep baha bergen alte kishi: Abduwéli Imin, Muxter Sétiwaldi, Qurban Mamut, Exmet Raxman, Imin Méhman, Perhat Yaqup qatarliqlardur. (Shöhret hoshur)

http://www.rfa.org/uyghur/xewerler/tepsili_xewer/2007/11/12/shihitler-olum/?simple=1