X U Q Birliki
09-11-07, 05:27
Küresh Küsen Wapatining Bir Yilliqini Xatirleymiz
Uyghur xelqining munewwer oghli, ataqliq kompozitor, ot yürek sha'ir,wetenperwer inqilapchi we közge körün'gen jama'et erbabi merhum Köresh Küsen ependining arimizdin waqitsiz ayrilghanliqigha mana hesh-pesh dégüche bir yil boldi. Emma merhumning bizge qaldurup ketken meniwi bayliqliri millitimizning rohiyitide barghanseri julalinip turuptu. Merhumning meshhur naxshisi «Köresh ölmeydu» da eks etken milliy irade qelbimizning chongqur qatlamlirida urghup turmaqta. Shundaq, Köresh ölmeydu, küreshning menggülüklikini bizge bildürgen we keyinkilerge namayen qilghan ustazning rohi ölmeydu. U qarangghuluqta, mungluq sükütte we kelgüsimizni bar küchimiz bilen izdeshtürgende, bizge ilham we jasaret ata qilidu.
Merhum hayat chéghida her minut-sékuntini milletning hörliki üchün serp etkenidi. Uning her bir tiniqidin milletning mung-zari we otluq telpünüshliri tökülüp turatti, uning qelimidin tamghan her bir herpte tarixning seltenetlik gewdisi qed kötürüp turatti, uning her bir oy hiyali milletning kelgusige atalghan idi. U addiy yashighan, emma qelbige ulugh arzu- armanlarni pükken we shuning üchün harmay-talmay köreshken adem idi. Uning kichik pé'il lékin düshminige neshterdek tikilgen közliri; uning éghir meniwi emgektin harghan, lekin her waqit ümid nuridin parlighan chéhri; uning azab tarqan, emma wetinige bolghan söygüdin ot bolup yan'ghan wujudi hélihem xatirimizda shu péti turuptu. Uning teripligüsiz peziletliri, jarangliq naxshiliri , millitige bolghan cheksiz muhebbiti balqip turidighan eserliri qelbimizde yoqalmas simagha aylandi.
Merhum hayatining axirqi mezgilliride Xelq'ara Uyghur Qelemkeshler Birlikining qurulushi üchün kécheyu kündüz japaliq ishligenidi. Uning ümidi bu birlikni Uyghur ediblirining oy topining gewdisi qilip qurup chiqish idi. U wetinide xitay mustemlikichiliri teripidin erkin yézish we erkin pikir qilish hoquqidin mehrum qaldurulghan sanaqsiz Uyghur we bashqa qérindash millet ediblirining échinishliq ehwalini Xelq'ara Qelemkeshler Jem'iyitidin ibaret bu xelq'araliq sehne arqiliq dunyagha hem erksizlikke qarshi turidighan kishilerge bildürmekchi bolghanidi. U sen'et bilen insan erkinlikining bir birige chemberches baghlan'ghan jeryan ikenlikige chin pütkechke, sen'etning erkinliki bilen sen'et derijisige yükselgen erkinlik üchün izden'genidi. Uning hayati sen'et üchün béghishlan'ghandek körün'gini bilen, uning hayatining özi tégi-tektidin alghanda bir sen'et—erkinlik üchün béghishlan'ghan nadir sen'et idi.
Merhum ketti, lékin u bizge özining arzu-armanlirini tewerrük qilip ketti. Uning nurghun armanliri hélihem bizning ortaq arminimiz süpitide aldimizda tashlinip turuptu. Xelq'ara Uyghur Qelemkeshler birlikining qurulushi we pa'aliyet élip bérishqa bashlishi uning arzuliridin birining ré'alliqqa aylinishi, xalas. Helihem uning nurghun güzel arzu-ghayiliri bizni kütüp turmaqta.
Shundaq, «köresh ölmeydu», köreshke özini atighan ademmu hem ölmeydu. Shuning bilen bir waqitta, Köresh Kösenning küreshchan rohi bizning köreshlirimizde hergiz ölmeydu. Merhumning yatqan yeri jennette bolghay.
Axirida, Xelq'ara Uyghur Qelemkeshler Birliki merhum Köresh Küsenning a'ile tawabatlirigha—merhumning ayali Bextigül xanimgha, oghli Kewser we qizi Qut'aylargha janabi allahtin sebir-taqet, chidam we gheyret tileymiz.
Uyghur xelqining munewwer oghli, ataqliq kompozitor, ot yürek sha'ir,wetenperwer inqilapchi we közge körün'gen jama'et erbabi merhum Köresh Küsen ependining arimizdin waqitsiz ayrilghanliqigha mana hesh-pesh dégüche bir yil boldi. Emma merhumning bizge qaldurup ketken meniwi bayliqliri millitimizning rohiyitide barghanseri julalinip turuptu. Merhumning meshhur naxshisi «Köresh ölmeydu» da eks etken milliy irade qelbimizning chongqur qatlamlirida urghup turmaqta. Shundaq, Köresh ölmeydu, küreshning menggülüklikini bizge bildürgen we keyinkilerge namayen qilghan ustazning rohi ölmeydu. U qarangghuluqta, mungluq sükütte we kelgüsimizni bar küchimiz bilen izdeshtürgende, bizge ilham we jasaret ata qilidu.
Merhum hayat chéghida her minut-sékuntini milletning hörliki üchün serp etkenidi. Uning her bir tiniqidin milletning mung-zari we otluq telpünüshliri tökülüp turatti, uning qelimidin tamghan her bir herpte tarixning seltenetlik gewdisi qed kötürüp turatti, uning her bir oy hiyali milletning kelgusige atalghan idi. U addiy yashighan, emma qelbige ulugh arzu- armanlarni pükken we shuning üchün harmay-talmay köreshken adem idi. Uning kichik pé'il lékin düshminige neshterdek tikilgen közliri; uning éghir meniwi emgektin harghan, lekin her waqit ümid nuridin parlighan chéhri; uning azab tarqan, emma wetinige bolghan söygüdin ot bolup yan'ghan wujudi hélihem xatirimizda shu péti turuptu. Uning teripligüsiz peziletliri, jarangliq naxshiliri , millitige bolghan cheksiz muhebbiti balqip turidighan eserliri qelbimizde yoqalmas simagha aylandi.
Merhum hayatining axirqi mezgilliride Xelq'ara Uyghur Qelemkeshler Birlikining qurulushi üchün kécheyu kündüz japaliq ishligenidi. Uning ümidi bu birlikni Uyghur ediblirining oy topining gewdisi qilip qurup chiqish idi. U wetinide xitay mustemlikichiliri teripidin erkin yézish we erkin pikir qilish hoquqidin mehrum qaldurulghan sanaqsiz Uyghur we bashqa qérindash millet ediblirining échinishliq ehwalini Xelq'ara Qelemkeshler Jem'iyitidin ibaret bu xelq'araliq sehne arqiliq dunyagha hem erksizlikke qarshi turidighan kishilerge bildürmekchi bolghanidi. U sen'et bilen insan erkinlikining bir birige chemberches baghlan'ghan jeryan ikenlikige chin pütkechke, sen'etning erkinliki bilen sen'et derijisige yükselgen erkinlik üchün izden'genidi. Uning hayati sen'et üchün béghishlan'ghandek körün'gini bilen, uning hayatining özi tégi-tektidin alghanda bir sen'et—erkinlik üchün béghishlan'ghan nadir sen'et idi.
Merhum ketti, lékin u bizge özining arzu-armanlirini tewerrük qilip ketti. Uning nurghun armanliri hélihem bizning ortaq arminimiz süpitide aldimizda tashlinip turuptu. Xelq'ara Uyghur Qelemkeshler birlikining qurulushi we pa'aliyet élip bérishqa bashlishi uning arzuliridin birining ré'alliqqa aylinishi, xalas. Helihem uning nurghun güzel arzu-ghayiliri bizni kütüp turmaqta.
Shundaq, «köresh ölmeydu», köreshke özini atighan ademmu hem ölmeydu. Shuning bilen bir waqitta, Köresh Kösenning küreshchan rohi bizning köreshlirimizde hergiz ölmeydu. Merhumning yatqan yeri jennette bolghay.
Axirida, Xelq'ara Uyghur Qelemkeshler Birliki merhum Köresh Küsenning a'ile tawabatlirigha—merhumning ayali Bextigül xanimgha, oghli Kewser we qizi Qut'aylargha janabi allahtin sebir-taqet, chidam we gheyret tileymiz.