PDA

View Full Version : Xitayning Rabiye Xanimgha Qaratqan Yengi Stiratigiyesi



Perhat Muhemmidi
04-11-07, 05:02
Xitayning Rabiye Xanimgha Qaratqan Yengi Stiratigiyesi

( RFA, 18.10,07, Perhat Muhemmidi )

Sherqiy Türkistan milliy herikitining rehbiri, Uyghurlarning meniwiy anisi we Dunya Uyghur Qurultiyining reyisi Rabiye Qadir xanimning Xelqara siyasi sehnilerdiki tesirining kündin . künge eship berishi, kommunist Xitay hakimiyitini qattiq sarasimige salmaqta we yeqinqi mezgillerdin buyan Rabiye xanimgha qaratqan hujum stiratigiyesini özgertip, ichki we tashqi teshwiqatlirida Rabiye xanimning iqtisadi mesililirini nuxtuluq orungha qoyup, unungha, “ iqtisadi jinayetchi „ digen qalpaqni keydürüsh arqiliq, özlirining bigunah insanlargha ziyankeshlik qilishtiki eng asasliq wastilirining biri hisaplanghan “ sesitip yoqutush „ taktikisini qollunup kelmekte.
Emma shu bir emiliyetki, Xitay hakimiyiti Rabiye xanimni sesitimen digensiri, özi sesip, dunya jama’etchiliki aldida özlirining namertlikini yene bir qetim ashkarilap bermekte.
Mesilen, yeqinqi bir – ikki heptidin buyan Xitay bixeterlik tarmaqliri, internet dunyasidiki eng zor sinalghu filimlirini tarqitish merkezlirining bir hisaplanghan “ YouTube „ tor betide, Rabiye xanimni iqtisadi jehettin qarilashni asasi mezmon qilghan köpligen sinalghu filimlirini arqa – arqidin elan qilmaqta.
Bu filimlerde, Xitay hakimiyiti teripidin meqsetlik halda orunlashturulghan we tegi – tekti namelum bolghan bezi ghurorsiz Uyghur shexisler, özlirini qandaqtur Rabiye xanimning aldimigha uchrap iqtisadi jehettin weyran bolghanlar qilip körsütüp, Rabiye xanimning köpligen kishilerdin alghan qerzini tölimey Amerikigha qechiwalghanliqini, hetta Rabiye xanim teripidin eyni chaghda qurulghan we pütün Sherqiy Türkistan xelqining alqishigha sazawer bolghan “ ming ana shrkiti „ nimu bashqilardin pül ündürüwelish meqsidide qurghanliqini ilgiri sürüshmekte.
Yirginishlik yeri shuki, Xitay hakimiyiti bu qetim bashlighan qarilash kampaniyesige Ürümqi Sanshixangza Tunggan mesjitining imaminimu qoshuwalghan bolup, bu imamning bayan qilishiche, Rabiye xanim Tunggan mesjidining birqanche eghiz öyini özining soda sariyigha qoshuwelip pülini qayturmighanmish we bu mesjid hazir su hem tok pulini töliyelmey nahayiti qiyin ehwalda qalghanmish !
Xitay hakimiyiti yuqarqi sinalghu filimlirini chetellerde bashqilarning körmey qelishidin ensirep, bu filimlirining aldigha qilche monus qilmay, Germaniyediki “ Sherqiy Türkistan Uchur merkizi „ teripidin tesis qilinghan “ uygur.tv „ ning bashlinish qismini kirishtüriwalghan.
Xitay hakimiyitining internette bashlighan bu qarilash kampaniyesige mas halda, Sherqiy Türkistandiki Xitay metbu’atliridimu Rabiye xanimning döwletke we Shexsilerge köpligen qerzining barliqi teshwiq qilinmaqta.
Emiliyette bolsa Rabiye xanim özining Ürümqidiki soda sariyini astigha chaq bekitip Amerikigha sörep elip ketkini yoq, yaki mal – mülüklirini setip, milyonlighan dollarni öshnisige artip elip ketkini yoq, Rabiye xanim Amerikigha yoshurun qechip kelgen emes, belki 6 yilliq mehbusluq hayatida Xitay hakimiyiti teripidin unung pütün mal – mülki bulang – talang qilinip qurutulghandin keyin, bir ayrupilan beliti we bir qur kiyim bilenla chiqip ketishige yol qoyulghan idi.
Xitay bixeterlik tarmaqliri bu qetimqi “ YouTube „ tor betide bashlighan qarilash herikitide yene, Rabiye xanimning türmidiki mezgilide eghir besim we tehdit ichide bildürgen “ milliy bölgünchiler „ ge qarshi turidighanliqi heqqidiki ipadilirigimu alahide yer bergen.
Emiliyette bolsa bunung hech bir heyran qalghudek teripi yoq, chünki Sherqiy Türkistanning sharayiti hemmimizge ayan, meshhur Uyghur alimlirimizmu eghizida özlirining atalmish “ milliy bölgünchilik „ ke qarshi turidighanliqini bolushigha tekitligen, emiliyette bolsa özlirining nadir eserliri we emiliy ish – izliri arqiliq uyghur xelqining milliy rohini urghutup, ularni mustemlikidin xali halda hör, erkin we azat yashashqa dalalet qilghan idi, Rabiye xanimningmu bu yolda töligen bedili pütün Uyghur xelqighe besh qoldek ayan.
Dimek, özini dunyadiki tötning biri dep atap kelgen Xitay hakimiyitining yuqarqidek iqtisadi töhmet we yasalma usollar bilen Rabiye xanimning shexsiyitige hujum qozghashtek intayin chüpey, namert we bichare halgha chüshüp qalghanliqi, bu hakimiyetning dunya miqyasida Rabiye xanimgha qaritip kelgen siyasi jehettiki hujum stiratigiyesining üzül – kesil meghlubiyette uchrighanliqini we desmayisi ghaltekke chiqip, yengi neyrengler üstide bash qaturushqa mejbur boluwatqanliqini körsütüp turmaqta.
Köpchilikke melum bolghinidek, Rabiye xanim hech bir zaman iqtisadi jehettin qanuniy jawapkarliqqa tartilghan emes, 90 – yillarning otturlirida Xitay hökümiti omomiy yüzlük tekshürüsh elip berish arqiliq Rabiye xanimni , “ memliket boyiche 10 chong bayning ichide 7 orunda turidu „ dep xelqi – alemge elan qilghan, unung omomiy meblighining 50 milyon dollargha yetkenlikimu Xitayning hökümet metbu’atlirida resmiy elan qilinghan, yene kelip Rabiye xanim Xitay hakimiyiti teripidin, “ halal emgikige tayinip beyighuchilarning ülgisi „ dep jakalanghan, öz xelqi ichidimu “ teqwadar, saxawetchi ayal „ dep nami chiqqan.
Rabiye xanim taki 1999 – yili 8 – ayda Xitay soti teripidin, “ döwlet mexpiyetlikini ashkarilighan „ digen jinayet artilip 8 yilliq qamaqqa höküm qilinghangha qeder, iqtisadi jehette Uyghurlar ichidiki eng chong baylarning biri idi. Siyasi jehette Xitay hakimiyitining ziyankeshlikige uchrighan birining, iqtisadi jehettinmu tamamen weyran qilinidighanliqi hemmige ayan. Dimek, Rabiye xanim öz millitining hörliki we erkinliki üchün pütün maddi bayliqliridin qilche ikkilenmey waz kechken, buxil maddi bayliqtin, öz xelqining menpe’eti üchün Xitayning zindanlirida yetishni ewzel körgen idi.
2005 – yili Rabiye xanim chetelge chiqip siyasi pa’aliyetlirini resmiy bashlighandin buyan, Xitay hakimiyitining ununggha qaritip keliwatqan siyasi töhmetlirini hemmimiz bilimiz, xelqara siyasi sehnilerde uni “ bölgünchi „ depbaqti, “ terorist „ depbaqti, hech biri bazar tapalmidi, eksiche Rabiye xanimning hem Uyghurlar ichidiki, hem xelqaradiki inawiti kündin – künge yüqüri kötürüldi, unung uda 3 yilghiche Nobel tenichlik mukapatining eng asasliq namzatliri qataridin orun alghanliqi, unung, “ dunya uyghur qurultiyi „ ning reyisi bolup saylanghanliqi, unung Amerika pirezidenti Bush we xanimi bilen körüshkenliki, unung hayiti teswirlengen romanning Germaniyediki eng nopozluq neshriyatlarning birige zor tiraj bilen neshir qilinip tarqitilishi, unung türtkisi netijiside Amerika döwlet mesliside Uyghurlar heqqide mexsus qarar elinghanliqi we unung türtkiside dunya siyasi sehniliride uyghurlar heqqide barliqqa kelgen bir qatar ijabi hadisiler bunung janliq örnekliri idi.
Siyasi töhmet arqiliq hech bir ünümge erishelmigen Xitay hakimiyiti, mafia we teroristlargha xas bolghan uslupni qollunup, unung weten ichidiki perzentlirige bir – birlep ziyankeshlik qilishqa bashlidi, Rabiye xanim Dunya Uyghur Qurultiyining reyisi bolup saylanghan küni wetendiki perzentlirining qolgha elinghanliqi, yne shundaqla buyil 4 – ayda Xitay söt mehkimilirining Rabiye xanimning 3 - oghli Ablikim Abdurehimni, “ döwletni parchilashqa urunghan „ digen töhmet bilen 9 yilliq qamaq jazasigha höküm qilghanliqi, Xitay hakimiyitining öz meqsidige yetish üchün herqandaq rezil wastilarni qollunushtin bash tartmaydighanliqining roshen ipadisi idi.
Emma bügünki künde Xitay hakimiyitining buxil tebiyitini dunya jama’etchilikimu xelila obdan tonup yetti, Xitayning Uyghur xelqi ichide Rabiye xanimning obrazini xunükleshtürüsh üchün elip beriwatqan yuqarqidek qilmishliri bolsa, xuddi altunni exletke kömüp sesitqili bolmighinidek bihude awarichiliqtinla ibaret, xalas !

Abdurehimjan
04-11-07, 07:04
Hormetlik Perhat epend,bizning nowettiki eng muhim wezipimizning biri Rabiye Qadir hanimni teshwiqatlashturutin ibarettur. yurguzgen tehlilingiz bek etrapliq bolup, taza waqtida , hitayning neyrenglirini sugha cilaydighan , hitayning jan tumurigha tigidighan ejellik oq boluptu. hizmitingizni qollap, sizge utuq tilep:
Abdurehimjan

Unregistered
04-11-07, 07:58
Rabiye animizning, jumlidin Uyghurlarning cheteldiki obrazini teximu yuqiri koturush uchun, her bir Uyghur iqtisadiy jehettin yardemde bolsa UAA, DUQ larning tarmiqi bar her bir dolette birdin chet'ellik muxbir teklip qilip BBC, Aljazeera, CNN qatarliq uchur tarqatquchilar bilen munasiwetni qoyuqlashturush kirek idi... hazir sharait yar biremdu bilmidim.

Nemila bolmisun, nowettiki weziyet burunqidin kop yaxshi.