PDA

View Full Version : Sherqiy Türkistan Radio Téléviziyisi(STRT)Tesis Qilindi



Turkistanim Grp
10-10-07, 01:25
Sherqiy Türkistan (Intérnét) Radio Téléviziyisi Tesis Qilindi

Essalamu Eleykum!

Hörmetlik, Eziz Sherqiy Türkistanliq Qérindashlar:
Sherqiy Türkistan Islam Jumhuriyiti we Sherqiy Türkistan Jumhuriyiti qurulghanliqining xatirisige béghishlap Sherqiy Türkistan Radio Téléviziyisi tesis qilindi we sinaq teriqiside tarqitishqa bashlidi. Radio Téléviziye tor bet adresi töwendikidek:
http://tv.turkistanim.org
http://www.turkistanim.org/strt

Sherqiy Türkistan Radio-Téléviziyisi Sherqiy Türkistanliq qérindashlar we Sherqiy Türkistan xelqige, medeniyitige, tarixigha, musteqilliq dawasigha köngül bölidighanlar üchün intérnét arqiliq mulazimet qilidu.

Sherqiy Türkistan Radio Téléviziyisi erkin halda Sherqiy Türkistan tarixi, Islam dini, Sherqiy Türkistan xelqining medeniyiti, sen’iti, örp-adetliri, Sherqiy Türkistanning jughrapiyisi, burunqi we hazirqi ehwali, xitay tajawuzchilirini qoghlap chiqirip Sherqiy Türkistanning musteqilliqini qolgha keltürüsh yolida élip barghan küresliri, tejribe-sawaqlar we bu heqte élip bérilghan izdinish, tetqiqat netijiliri, xewer, obzor, ilmiy maqala, shé’ir qatarliqlarni radio we internet téléviziye ékrani arqiliq hozurunglargha sunidu.

Sherqiy Türkistan Radio- Téléviziyisi aldi bilen mubarek dinimizgha uyghun ish qilidu, Sherqiy Türkistan Asasiy Qanunini ölchem qilidu. Undin bashqa herqandaq dölet, teshkilat yaki shexsning cheklimisige uchrimaydu. Xitay jahan’girlirining weten ichi we xelq’arada bizge qarshi élip bériwatqan düshmenlikliri, dölet térrorluqliri, déplomatik térrorliqlirigha qarshi qet'i küresh qilidu.

Sherqiy Türkistan Radio Téléviziyisi (qisqartip STRT-dep atiduq) biterep Radio-Téléviziye emes, u Sherqiy Türkistan jumhuriyiti we Sherqiy Türkistan xelqi terep bolup, her zaman xitay tajawuzchilirini qoghlap chiqirish, Sherqiy Türkistanning musteqilliq kürishi üchün, Sherqiy Türkistan döliti we millitining barliq menpe’etlirini qoghdash, jümlidin tupraq,zémin pütünliki, mal-mülk, dini étiqad, til-yéziq, medeniyet, exlaq, izzet-ékramini qoghdash üchün xizmet qilidu.

Sherqiy Türkistanliq qérindashlarning herxil xewer, sin’alghu filim, ilmiy maqala, kitap, teqdir we medeniyitimizge a’it yazma, awazliq yaki sin matiriyallirini ewertip bérishini qarshi alimiz. Eserning xaraktérige qarap radio yaki télévizorda(tekistini qoshup) élan qilimiz. Radio anglighuchi yaki télévizor körgüchilerning herqandaq soal, pikir yaki teklipliri bolsa strt@turkistanim.org arqiliq bizge ewetip bérishini semimi qarshi alimiz we jawap qayturimiz.

Ulugh Ramizan künliride Sherqiy Türkistanliq qerindashlarning ténige salametlik, turmushigha xatirjemlik, öginish we xizmetlirige utuq tileymiz.

Allah hemmimizning müshkülini asan, yolini ochuq qilsun, Amin!

Hörmet bilen:
Sherqiy Türkistan Radio Téléviziyisi
Turkistanim Guruppisi
2007-Yili 10-Ayning 10-Küni
http://www.turkistanim.org/uyghurce/xewer/20071010.htm

STRT ning qoshumche we univérsal béti-Sherqiy Türkistan Intérnét Kinoxanisi
http://www.turkistanim.org/video
sizni qarshi alidu.

Turkistanim Grp
10-10-07, 01:32
Esslamu Eleykum,Hörmetlik qérindashlar,dostlar :
Sherqiy Türkistan Radio Téléviziye(STRT) tor béti- Sherqiy Türkistan xelqining meniwi éhtiyajini qandurush,yash-ösmürlerni imanliq, exlaqliq, yaramliq ewladlardin qilip terbiyilesh, Sherqiy Türkistan puqralirini yéngi uchurlar bilen teminlesh, xitay tajawuzchilirining ghaljirlashqan buzghunchiliq, düshmenliklirige we tetür teshwiqatlirigha qarshi qet'i küresh qilishni meqset qilidu.
Tor Bétimizni Ishlitish Heqqide
Tor bétimiz Flash CS3 programmisi we PHP, MySQL téxnikiliri bilen yasalghan bolup, betke kirgendin kéyin oxshash adres(http://tv.turkistanim.org) da turup barliq radio we téléviziye programmilirini angliyalaysiz we köreleysiz.
Betke kirsingizla téléviziye bash béti échilidu. Soldin Bash Bet, xewerler, islam dini, tarix-jughrapiye, medeniyet we sen'et munderijilirini tallap bésish arqiliq siz xalighan mexmundiki programmini köreleysiz. Téléviziye bölümidin radio bölümige ötüsh üchün betning üstidiki Radio digen xetni bésing. Radio bölümige ötkendin kéyinmu oxshashla "Bash Bet", "Xewerler","Islam dini","Tarix-Jughrapiye","Medeniyet" we "Sen'et" tin ibaret konupkilarni körisiz. Siz xalighan konupkini bésip shu mezmundiki radio programmisini anglisingiz bolidu.
Melum radio programmisini tallap anglimaqchi bolsingiz yip uchi bolghuchi achquch sözning bir qismi yaki hemmisini izdesh qutisigha yézip izdeng.Eger radio bétide bolsila köz aldingizda namayen bolidu. Téléviziye bölümidimu oxshashla izdisingiz bolidu.
Tor bétimizning mulazimet süpitini yaxshilash we ziyaretchilerning arzu-teleplirini qandurush üchün ezaliq tüzümini yolgha qoyduq. Tor bétimizning ong tereo üstidiki "Eza bolimen" digen konupkini bésip isim yaki texellusingizni, e-mail adrésingizni we siz xalighan 4 xaniliqtin yuquri parolni toldurup eza bolsingiz bolidu.Eza bolghandin kéyin "Kirish" konupkisini bésip ezaliq bétingizge kirisiz. Eger parolingizni untup qalghan bolsingiz "Parolni unuttum"-digen konupkini bésip köz aldingizgha chiqqan köznekke ezaliq iltimasingizda toldurghan e-mail adresingizni toghra yézip eweting, e-mail adrésingizgha parolingiz 3 sékunt ichide aptomatik ewetip bérilidu.
Ezaliq bétige kirgendin kéyin STRT din sizge uqturush, yéngi xewerler ewetip bérilidu. Radio programmisi (.mp3) yaki téléviziye programmisi (.flv) ni öz kompiyutéringizgha chüshürüwélish hoquqigha érishisiz. "Yaqturghanlirim" tizimlikige siz yaqturghan radio yaki téléviziye programmisini saqlap qoyup kéyin qayta köridighan chaghda betning ong terep üstidiki "Yaqturghanlirim" konupkisini bésipla derhal tapalaysiz. Eger eza bolmisingiz yuquridiki hoquqlardin mehrum qalisiz.
Téléviziye programmilirini körgendin kéyin eger baha bérishni xalisingiz 5 dane yultuzdin birni tallap cheksingiz bolidu. Yultuzlarning üstige nur belgisi yéqinlashqanda u wekillik qilidighan söz üstide peyda bolidu.
Yuqurida éytip ötkinimizdek radio we téléviziye oxshash adrés ta échilidighan bolghachqa, melum bir programmini saqliwalmaqchi yaki dostliringizgha ewetip bermekchi bolghanda "Bu Programmining Tor Adrési" digen xetning astidiki adrésni kopiye qilip saqliwalsingiz yaki ewetip bersingiz bolidu, u adrésni inténét bet körsetküch(mesilen intenet explorer)ning adres qutisigha chaplap shu programmini biwaste achsingiz bolidu.Mesilen radio bölümidiki "Süre Fatihe" ni anglash üchün adrés qutisigha http://tv.turkistanim.org/?rd=1933114 ni chaplisingiz bolidu.
Téléviziyemu oxshash pirinsipqa boysunidu.Mesilen: Sherqiy Türkistan maarip we hemkarliq jemiyitining yazliq kursigha qatnashqan ösmürlerning déklimatsiye programmisini körüsh üchün http://tv.turkistanim.org/?tv=19332 ni bassingiz bolidu.
Yene bir misal, Bulbullar digen naxshini anglash üchün
http://tv.turkistanim.org/?rd=1933115
ni bassingiz bolidu....

Sizge xatirjemlik we utuq tilep:

Sherqiy Türkistan Radio Téléviziyisi
strt@turkistanim.org
Turkistanim Guruppisi

Turkistanim Grp
10-10-07, 10:04
Esslamu Eleykum,Hörmetlik qérindashlar,dostlar :

Tor bétimizning mulazimet süpitini yaxshilash we ziyaretchilerning arzu-teleplirini qandurush üchün ezaliq tüzümini yolgha qoyduq. Tor bétimizning ong terep üstidiki "Eza bolimen" digen konupkini bésip isim yaki texellusingizni, e-mail adrésingizni we siz xalighan 4 xaniliqtin yuquri parolni toldurup eza bolsingiz bolidu.Ezaliq heqsiz. Ismingiz yaki texellusingiz sizdin kéyin birsi eza bolghiche bash betning eng astidiki istatistika qismida we uqturushning ichidiki istatistika qismida körünüp turidu, yéngi eza kirgendin kéyin ismingiz yaki texellusingiz körünmeydu(yéngi ezaning ismi chiqidu), emma e-mail adrésingiz mexpi tutilidu, héchkimge ashkarilanmaydu.Bashqa ezalarghimu mexpi tutilidu.

Ezaliq bétige kirgendin kéyin STRT din sizge uqturush, yéngi xewerler ewetip bérilidu. Radio programmisi (.mp3) yaki téléviziye programmisi (.flv) ni öz kompiyutéringizgha chüshürüwélish hoquqigha érishisiz. TV höjjitini yénik qilish, körgüchilerni saqlatmasliq üchün télévizor filimini flv (Flash Video) shekli bilen hazirliduq, uni kompiyutéringizgha chüshüriwélip kéyin Off Line da körüsh üchün FLV Player (Flash Video Player) qoyghuch kérek bolidu, u programma heqsiz bolup, yumshaq détal bétimizdiki FLV Player 2007
http://www.turkistanim.org/uyghurche/soft/?sID=1871185
yaki BirComet FLV Player
http://www.turkistanim.org/uyghurche/soft/?sID=1871184
ni echip programmini chüshürüp qachiliwalsingiz bolidu.

"Yaqturghanlirim" tizimlikige siz yaqturghan radio yaki téléviziye programmisini saqlap qoyup kéyin qayta köridighan chaghda betning ong terep üstidiki "Yaqturghanlirim" konupkisini bésipla derhal tapalaysiz.Radio TV programmisi köpeygenséri siz qayta anglaqchi yaki körmekchi bolghan programmingizni tapmiqingiz teske toxtaydu, shunga bu iqtidarni qoshup qoyduq. Eger eza bolmisingiz yuquridiki imtiyaz-hoquqlardin mehrum qalisiz.

Téléviziye programmilirini körgendin kéyin eger baha bérishni xalisingiz 5 dane yultuzdin birni tallap cheksingiz bolidu. Yultuzlarning üstige nur belgisi yéqinlashqanda u wekillik qilidighan söz üstide peyda bolidu.

Yuqurida éytip ötkinimizdek radio we téléviziye oxshash adrés ta échilidighan bolghachqa, melum bir programmini saqliwalmaqchi yaki dostliringizgha ewetip bermekchi bolghanda "Bu Programmining Tor Adrési" digen xetning astidiki adrésni kopiye qilip saqliwalsingiz yaki ewetip bersingiz bolidu, u adrésni inténét bet körsetküch(mesilen intenet explorer)ning adres qutisigha chaplap shu programmini biwaste achsingiz bolidu.Mesilen radio bölümidiki "Süre Fatihe" ning Erepchisini anglash üchün adrés qutisigha
http://tv.turkistanim.org/?rd=1933114
ni chaplisingiz bolidu.Süre Fatihening Türkche terjimisini anglash üchün
http://tv.turkistanim.org/?rd=1933154
ni besip angliyalaysiz.

Qur'ani Kerimning Uyghurche terjimisi*awaz téxi hazir bolmighachqa tarqitalmiduq, Allah nésip qilsa yéqinda u xizmetnimu Allah rizaliqi üchün hozuringlargha sunimiz. Hazirche Erepche eslisi bilen Türkche terjimisini Radioda élan qiduq. Anglap behr élishingizni semimi ötünimiz.

Téléviziyemu oxshash pirinsipqa boysunidu.Mesilen: Sherqiy Türkistan maarip we hemkarliq jemiyitige munasiwetlik xewer programmisini körüsh üchün http://tv.turkistanim.org/?tv=19332 ni bassingiz bolidu.Yaki maarip dep yézip izdisingiz hemmisini tapalaysiz.
Yene bir misal, Dilber Yunusning orunlishidiki "Bulbullar"- digen naxshini anglash üchün
http://tv.turkistanim.org/?rd=1933115
ni bassingiz bolidu....bashqa naxsha-muzikilarni anglash üchün Radiodiki Sen'et digenni bésing.STRT bétining izdesh iqtidari alahide yaxshi bolup imlani toghra yézip izdetsingiz sizge derhal munasiwetlik programmilarni tépip béridu.Mesilen TV qismidin Hesen Mexsum yaki Hesen we yaki Mexsum dep yézip izdisingiz derhal munasiwetlik programmini tépip béridu.Almixan-dep yézip izdisingiz uni tapalaysiz.Radiodin bulbullar -dep yézip izdisingiz uni tapalaysiz. Chong-kichik herp perq qilmaydu, ensirimeng.
STRT-1 dölet tili bolghan Uyghurche qanal bolup, kéyinche Allah nésip qilsa bashqa tillardiki programmilarnimu köpeytip tarqitimiz. Mesilen Türkche STRT-2,Qazaqche STRT-3,
Yaponche STRT-5 ..digendek.Bu herqaqysilirining qollishigha baghliq ishlar.

Silerge xatirjemlik we utuq tilep:

Sherqiy Türkistan Radio Téléviziyisi
strt@turkistanim.org
Turkistanim Guruppisi

Sehraliq
10-10-07, 16:55
Essalamu Eleykum Hörmetlik Sherqiy Türkistanliq Qérindashlar:
Germaniyining Frakfurt shehride élip bérilghan anti xitay namayishining UTV diki xewirini köchürüp we bir terep qilip STRT ning qoshumche bétide élan qilduq.
http://www.turkistanim.org/video/?film=310
Waqip bolghaysiler.

Namayishqa qatnashqanlargha Allah ejrini bersun.

Sherqiy Türkistan Radio Téléviziyisi
http://tv.turkistanim.org

2007.10.10

Iptar Duasi
11-10-07, 10:45
Iptarning Duasi:
http://tv.turkistanim.org/?tv=193344
STRT din anglang.
Namazsham ezani we Erepche-Turkche dua.

STRT-1
12-10-07, 02:26
Qeshqerde Roza Heyt namizi.
http://tv.turkistanim.org/?tv=193345
STRT-1

Unregistered
12-10-07, 06:27
hormetlik radio-TV hadimi nime uqun ekran yerim qikidu ?

STRT-1
12-10-07, 16:03
hormetlik radio-TV hadimi nime uqun ekran yerim qikidu ?

Qaysi programmini körgende ékran yérim chiqidiken? Programmining "Tor adresi" ni bu yerge chaplap qoyghan bolsingiz.Pikir yazghiningiz üchün sizge rehmet.
Mausning otturisidiki ghaltek bilen ekranni yuquri töwen qilghili bolidu. Eger kompiyutér ékranini chongaytip lörmekchi bolsingiz konupka taxtisining üsti tereptiki F11 digen tügmini bassingiz torbet körsetküch pütün ékran'gha özgiridu. Eslige qayturmaqchi bolsingiz F11 ni yene bir qétim bassingiz kupaye.
TV ékranining chongluqi heqqide pikir bergen bolsingiz bu betni lahiyileshte biz filim razmérini
400x300 pixel (piksél) qilip formatlap hazirliduq. Buningdiki meqset TV ning tézrek, asanraq qoyulushqa bashlinishigha kapaletlik qilish. Bolupmu intérnét sür'iti bir qeder asta bolghan tamashibinlar üchün qolayliq yaritip bérishtin ibaret. Undin bashqa sin'alghu filimni Flash Video-flv format qilishimizdiki meqsetmu höjjetni yenggil qilip körgüchilerning sebrini tashurmasliqtin ibaret idi. U-TV ning sin'alghu höjjiti windiws media video-wmv bolup, bir qeder éghir, siz körmekchi bolup basqanda kompiyutéringizgha chüshüriwélishni telep qilidighan köznek peyda bolidighan ehwal köp uchraydu. 200 Méga bayitliq(25 minutluq deyli) bir höjjetni tordin kompiyutéringizgha chüshüriwélish üchün zérikip kétishingiz yaki ishliringizgha tesir yétishi mumkin. Flash video-flv bilen formatlighanda yuquridiki 200mb liq höjjetning razméri yérimigha chüshidu we siz TV ni körimen -dep bassingiz sizdin chüshüriwelishni telep qilmaydu, hetta siz eza bolmighiche chüshüriwalghili bolmaydighan qilip lahiliduq. Bir tereptin chüshüridu, bir tereptin qoyushqa bashlaydu. Eger biraz duduqlap qalsa sol terep töwendiki waqitliq toxtutup qoyush konupkisini 1 minut bésip qoyup andin qayta play konupkisi-oxshash konupkini yene bir qétim bassingiz rawan qoyulushqa bashlaydu.
www.youtube.com diki filimlermu STRT bilen oxshashla Flash video formatta bolup,mausni ong bassingiz zoom in-chongaytimen,digen xet chiqidu we bassingiz chongiyidu, emma körünüsh xunukliship kétidu. STRT u iqtidarni cheklep qoydi. Eslidila 400x300 piksel chongluqta formatlan'ghan höjjetni zorlap chongayitsingiz tarilip ketken chiperquttek körünidu, u körünüg TV körgüchilerge hozur béghishlimaydu, shunga emeliy éhtiyajni oyliship mushundaq qilduq, kechürgeysiler.

STRT diki radio programmilirimu texminen 3 sékunttin 5 sékuntqiche qoyulushqa bashlaydu. Bashlandimu tügigiche tumuchuqtek sayrawéridu..mesilen:
http://tv.turkistanim.org/?rd=1933127
Men ölüp tupraqta yatsam kimler méni yad eyligey,
Dostlirim ghemkin bolup, düshmenlirim shad eyligey.
......
Bashqa soalliringiz bolsa tartinmay e-mail arqiliq ewetsingiz bolidu.
STRT gha köngül bölgenlikingiz üchün yene bir qétim rexmet éytimiz.

Roza Héytingiz mubarek bolsun, sizge we ailingizge xoshalliq tileymiz.

Hormet bilen: STRT téxnik bölümi.

Bulbullar
13-10-07, 18:33
Uyghur xelq muzikisi Bulbullar.Gittar bilen orunlan'ghan.
http://tv.turkistanim.org/?rd=1933268
Hozurlining.
Sinaq anglitish.

Heyt Namizi
15-10-07, 09:31
Istanbul Sulaymaniye jameside oqulghan Roza heyt manizi
http://tv.turkistanim.org/?tv=193349
tizimlikke qaytimenni besip beshini körüng.

Didar Ghenimet
15-10-07, 16:03
Abliz Shakir, Ebeydulla Turdining tembur-duttar bilen orunlishida naxsha
Didar Ghenimet
http://tv.turkistanim.org/?tv=193350
Weten menziriliri

Heyt Namizi-Istanbul Sulaymaniye jameside oqulghan Roza heyt namizi
http://tv.turkistanim.org/?tv=193349

STRT
http://tv.turkistanim.org

Tembur mungi
16-10-07, 07:58
Mushawrek muqamidin parchilar
Abliz Shakir, Ebeydulla Turdi tembur-duttar bilen wayigha yetküzüp orunlighan.
http://tv.turkistanim.org/?tv=193352

Weten menziriliri we Uyghur medeniyitidin Meyli dunyaning qaysi yeride bolsingiz zoq alalaysiz.

STRT
http://tv.turkistanim.org

Unregistered
16-10-07, 12:30
Mushawrek muqamidin parche
http://tv.turkistanim.org/?rd=1933271

Adil pikir
17-10-07, 10:06
Bu mawzuni Uyghur medeniyet-seniti digen digen yerge yotkiwetkiningiz nimisi?
Tayini yoq nersilernimu munazire meydanining bash qismigha qoyup qoyisiz-yu, xitayni wetinimizdin qoghlap chiqirayli, digen mezmunda radio tv echilghan xewerni qoshumche yerge yotkep qoyghiningiz nimisi?
Insap bilen ish qilinglar, ependiler.Qosaqni keng qilinglar.
Xitayni qoghla digen tema astida Uyghurning naxsha-muzikisi chiqip qalsa bir nersige putlishamdiken?

Siyasi Meydan
17-10-07, 10:19
Janabi tor betingizning ustidiki Quick Links digen yerge
leniti shinjang uyghur aptonom rayonluq partikomning teshwiqat epkari bolghan tianshan tor betining adresini chiqirip qoyupsiz:
http://www.xj.cninfo.net/

Sherqiy Turkistan Radio Televiziyisi munazire meydanida naxsha-usul qataridin orun elishqa mejbur boptu. Buni bir chushendurup baqqan bolsingiz, bashqurghuchi yaki ministir ependi-xanim?
Dushmenning teshwiqat tor betini sherep taxtisigha chiqirip qoyisiz, STRT omumi munazire meydanida tursa nomus silamdikensiz? Kok bayraq yaki dolet belgisi we yaki anti xitay jumliler tiken bolup tuyuldimu?
Wetinimizning mubarek namini toghra atighan sanaqliq tor beti bar, biliweling. Qilghan qiliqingizning xarakteri anche yenik emes.Insap qiling we bu mawzuni jayigha yotkep qoyung.Xalimisinbgiz ismingizni elan qiling we sewebini cheshendurung.Meydaningizni ashkarilang.

Weten Bulbuli
18-10-07, 08:14
Weten
Naxshini Sultan Memet orunlighan.
http://tv.turkistanim.org/?rd=1933279
Hejep peyzi oquptu.Allah omrini uzun qilsun.

Anglighuchi
21-10-07, 05:05
Bu naxshidin hozurlining.
http://tv.turkistanim.org/?rd=1933281

Wetenni söymeslik we qoghdimasliq haram.
Xitaygha qarshi turmasliq, siyasetke arilashmaymen,digenni bahana qilip xitaygha qarshi turmasliq, xitayni astiritin medhiyilesh, xitayni küchlük körsütüsh, xitaydin ayrilalmasliq neziriyisi, yüksek aptonomiye neziriyisi qatarliqlarni teshebbus qilish, xitaylarni qoghlap chiqirishni, tajawuzchi düshmenlerni yurtimizdin qoghlap chiqirishni, musteqilliqni tilgha almasliq yaki egip ötüp ketish -haramdur.Undaq qilish weten xainliqi, dinimizgha xainliq qilghanliqtur.Insan heqliridin bashqini telep qilmasliqmu weten xa'inliqining pedazlan'ghan sheklidur.
Rehmetlik Hesen Mexsummu bu heqte toxtulup mundaq digen idi:
http://tv.turkistanim.org/?rd=1933280

Dramma
25-10-07, 09:20
Yaghach At- Radio Dorammisi.
Uyghur Ösmürlerning ana tilida radio anglash iqtidarini ashurush üchün elan qilindi.

http://tv.turkistanim.org/?rd=1933283

STRT
http://tv.turkistanim.org

HakimHassa
24-08-08, 18:24
Ezaliq bétige kirgendin kéyin STRT din sizge uqturush, yéngi xewerler ewetip bérilidu. Radio programmisi (.mp3) yaki téléviziye programmisi (.flv) ni öz kompiyutéringizgha chüshürüwélish hoquqigha érishisiz.

FLV to MP3 converter (http://www.ripzor.com/flvtomp3.html) :)

STRT-Radio
19-04-09, 10:19
Bulbullar-Uyghur xelq naxshisi.Dilber Yunus orunlaydu.
http://www.eastturkistan.tv/radio/2-qanal/rd/?/rd/115/Uyghur-Xelq-Naxshisi---Bulbullar
STRT-radiodin hozurlanghaysiz.
STRT-Radio ikki qanal qilip tesis qilindi, birinchi qanal kona yeziqche, ikkinchi qanal yengi yeziqche.
Munderije(Menu) diki (konupka)uchurlarni besip xalighan turdiki programmini we yaki izdesh iqtidaridin paydilinip putkul bet ichidiki programmilar ichidin sizge yaqidighan mezmunni tapalaysiz.
Internet Explorer ishlitishni untup qalmang.
Radio 1-qanal
http://www.eastturkistan.tv/radio/
Radio 2-qanal
http://www.eastturkistan.tv/radio/2-qanal/
Her ikkilisi Uyghurche, emma programma ichide bashqa tildiki awazlarmu elan qilinidu. Mesilen (Quran) Erepche, Turkche,Qazaqche,Qirghizche wb...
TV
http://www.eastturkistan.tv/
Xal'ghan qanalda turup bashqa qanalgha yotkielleysiz.

Ana-Radio
29-01-10, 15:45
http://www.eastturkistan.tv/radio/2-qanal/rd/?/rd/501/Qedirdan-Anamni-Eslep

http://www.eastturkistan.tv/radio/2-qanal/



Qeshqerde Roza Heyt namizi.
http://tv.turkistanim.org/?tv=193345
STRT-1