PDA

View Full Version : DUQ bash katibi Asyani Demokiratiyeleshturush Dunya Platformi yighini tugutip qayti



copychi
29-09-07, 00:18
Asyani Demokiratiyeleshturush Dunya Platformining 2-nöwetlik yighini axirlashti

2007-yili 9-ayning19-küni Filippinning paytexti Manilada bashlanghan Asyani demokiratiyeleshtürüsh Dunya Platformining 2-nöwetlik yighini, 9-ayning 21-küni ghelbilik axirlashti.

3 kün dawam qilghan yighin jeryanida Asya döletlirini asas qilghan halda, dunyaning herqaysi jayliridin kelgen demokiratiye we kishlik hoquq mutixesisliri, xelqara teshkilatlirining mesulliri, demokitariye we kishlik hoquq paaliyetchiliri, shundaqla bezi döletlirining hökümet, parlament we siyasi partiyelerning yuquri derijilik rehberliri Asyadiki demokiratiye we kishlik hoquq mesiliri heqqide muzakirler elip bardi. Demokiratiye we kishlik hoquq xatirisi nachar bolghan Asya döletliride Demokiratiyeni ilgiri sürüshning yolliri we kiyinki 2 yil jeryanidiki paaliyet pilanliri tüzüp chiqildi.

Yighinda, Dunya Uyghur Qurultiyi bash katibi Dolqun Eysa söz qilip Sherqiy Turkistandiki umumi weziyet heqqide melumat berish bilen birge noxtuluq halda Xitay hökümitining Uyghurlargha qaratqan asmilatsiyeni tizlitish mexsitide Uyghur qizlirining Xitaygha yotkep kitish ehwali, Uyghur mediniyiti, tili we milliy maaripini yoq qilish siyasiti, Sherqiy Turkistan ichi we sirtidiki siyasi paaliyetchilerning demokiratik paaliyetlirini „terorisim“ qalpighi bilen qarap, siyasi suyqet qilish ehwaliri heqide toxtaldi. Yighinda, Demokiratiyeni kuchlendurushge yardemlishish komiteti, ötkünchi demokiratiyege yardemlishish komiteti we yepiq jemiyetning demokiratiyelishishige yardemlishish komiteti qatarliq 3 komitet buyuche muzakire elip berildi. Dolqun Eysa yepiq jemiyetning demokiratiyelishishige yardemlishish komitetining yighinigha ishtirak qildi. Yighin jeryanida tarqitilghan, Dunya Uyghur Qurultiyi teripidin teyarlanghan Sherqiy Turkistandiki Insan Heqliri weziyiti, Xitayning yengi Asmilasiye siyasiti namliq dokilat yighin qatnashquchilirining kuchluk diqitini tarti.

Dolqun Eysa yene yighin jeryanida nurghunlighan xelqaraliq teshkilatlarning wekilliri bilen ayrim-ayrim sohbetlishish bilen birge, Filippin prezidentining bash meslihetchisi Jesus Dureza, Malaysianing sabiq muawin bash ministiri Anwar Ibrahim, Filippin Leberal Patiyening reisi Benigno Aquino qatarliq siyasi erbaplar bilenmu ayrim-ayrim körüshüp ulargha Sherqiy Turkistan weziyiti heqqide melumat berish pursitige erishti.

Yighining axirida Manila Xitapnamisi bilen birge Asyani demokiratiyeleshturush Dunya Platformining 2007-2009 yilliq paaliyet pilani qobul qilindi. Dunya Uyghur Qurultiyi teripidin tewisiye qilishi bilen Sherqiy Turkistan heqide towendiki 4 maddiliq lahiye qobul qilindi.

„Uyghurlar, Xitay Xelq Jumhuryitining ayrimchi we asmilasiye siyasiti astida öz dolitide az sanliq halgha chushup qalmaqta. Bu noxtini asas qilip, Uyghurlarning öz teqdirini-özi belgilesh herkitige yardem qilish üchün, Asyani Demokiratiyeleshturush Dunya Platformi täwendiki xizmetlerni elip baridu;

Uyghurlarning tinchliq we demokiratik yollar bilen Sherqiy Turkistanning siyasi kelichigini hel qilishi kürishini qolaydu we buning uchun jiddi yardem herkiti qanat yayduridu.

Xalighanche tutqun qilish, siyasi we siyasi bolmighan bolmighan tutqunlargha qarita ölüm jazasining emeldin qaldurlishi, jümlidin Rabiye Qadir xanimning oghullirining qoyup berlishi uchun jiddi herket qanat yayduridu.

Xitay hökümitining Uyghur qizlirini mejburi halda Xitaygha yotkep kitish ehwalining toxtutulishi uchun jiddi herket qanat yaydurush.

Xitay hökümitining Uyghur mediniyiti, tili we milliy maaripini yoq qilish siyasitige qarshi jiddi seperwerlik elip baridu.

Yighining yepilish murasimida ilan qilinghan Manila xitapnamisidimu Sherqiy Turkistandiki weziyetken kongul bölüsh alahide tilgha elip ötüldi.

9-ayning 21-küni Dunya Tinchliq küni bolghanliqi munasiwiti bilen, yighining yepilish murasimida Manila xitapnamisi uqulup ötülgendin kiyin, Islam, Xiristian, Buddis we Hindi dinlirining wekilliri ayrim-ayrim sehnige chiqip Dunya tinchliqi uchun dua qilishti. Filippin ölimalar birligining reisi ustaz Mahmod Alido qurani kerimdin ayetler uqup, janabi Allahqa dunya tinchliqi uchun dua qildi.


Dunya Uyghur Qurultiyi Neshiryat-Teshwiqat Merkizi

2007-yili 9-ayning 22-küni

http://www.uyghurcongress.org/Uy/news.asp?ItemID=1190443714