PDA

View Full Version : Merhum jelil Qarimni Esleymen!



A. haji kerimi
01-09-07, 08:24
Merhum jélil qarimni esleymen
merhum jélil qarim 1970 – yili 7 – ayning 18 – küni qeshqerde ölümge höküm qilin'ghan yette kishining birisi idi. Men jélil qarimni 21 - awghust kéchisi qeshqerdin chiqqan qumandanliq shitabining mashinisigha olturup, bir mashina bilen sughun'gha barghanda, etisi tang atqanda körgen idim. Merhum kélishken uzun boy, kalta saqal, yadangghu kelgen, gep ـ sözidin teqwadar musulmanliqi chiqip turidighan, salapetlik bir insan idi. Qarajülge yitip barghan küni etigende bamdat namizini oqup bolup duagha turghanda hemmimizni yighlitiwetken idi. Esli ismi abdullah qari iken. Yer islahati mezgilide bu kishige pomishchik unsur qalpiqi kiydürülgen bolghachqa, nazarettin qéchip, bir ömür öz yurtida sergendar – sersan bolup, qéchip yürgen kishi iken. Ismini ukisining namigha özgertip jélil qarim nami bilen ürümchi, ghulja, kuchar... Qatarliq yerlerde hüner – kesp bilen jahansazliq qilip yürgen iken. U zamanlarda pomishchik qalpiqi bar adem bir yerdin yene bir yerge bérishqa toghra kelse, choqum gung'enjüning ruxsitini élishi kérek idi. Shu wejdin merhum ukisining namida hayat saqlap kelgen iken. Merhum merkizi biyruning qeshqerge ewetken alahide alaqichisi bolup, muhim ishlar jélil qarim arqiliq merkizi biyrugha melum qilinatti. Merhum qarajüldiki jengde baturluq bilen jeng qilip, düshmenni köp öltürgenlerning birsi idi. Men merhum bilen qeshqerning wilayetlik türmiside bir nechche künla bille bolushqa nisip bolghan idi. U kishidin köp dini bilimlerni öginiwalghan idim. Merhumning éytishiche yaqa yurtta 20 yildek sergendar bolup, mexpi hayat kechürgen iken. Jaza meydanigha bille chiqtuq. Emma u kishi u alemge kétip qaldi. Merhumning yatqan yéri jennette bolsun, amin!