PDA

View Full Version : Merhum Sisiq Toxtini Esleymen!



A. haji kerimi
31-08-07, 12:59
Merhum sidiq toxtini esleymen
merhum sidiq toxti mekit nahiyisidin idi. 1969 – yili 8 - ayning 21 - küni mekit zerepshan polki bilen bille, sughunchazida düshmen teripidin esirge chüshken jengchilerdin idi.
1970 - yili 7 - ayning 18 - küni qeshqerdiki höküm élan qilish chong yighinida ölüm jazasigha höküm qilin'ghan yette kishining birsi idi. Shu küni pütün sherqiy türkistanning hemme wilayet we sheherliride birla waqitta 78 kishige ölüm jazasi bérip, ijra qilghan idi. Bu kün sherqiy türkistan tarixidiki untulghusiz éghir musibet küni bolup sanilidu.
Men merhum bilen qeshqer wilayetlik türmide bir yildek bille yatqan idim. Bir – birimizdin hal sorushup turattuq. Men u kishini "bowayi qember" dep chaqirattim. Chünki uning özige yarishimliq qapqara saqili bar idi. Gep ـ sözlirimu dini ölimalardek natiq idi. Men merhumning qehrimanliqi heqqide köp paranglarni anglighan idim. Merhum pishqedem eskerlerdin bolup, muhemmed imin qadirning polkigha özlikidin kélip tizimgha aldurup esker bolghan iken. U polkning ataqliq plimutchisi iken. Köp urushlarda düshmenning eskirini plimutning zerbisidin bash kötürgüzmey, qisimning ilgirilishi éüchün yol achqan iken. Bolupmu maralbishining chasa budüyini muhasirige élip, qorallirini bulighanda, xitay armiyisining bashliqlirini indekke keltürüshte, jesurluq körsetken iken. Merhum alemdin ötkende 55 yashta idi. Men uninggha bérilgen jazaning sewebini diqqet bilen anglap turghan idim.
― qoral yaraq bulighan, biguna xenzu ishchi ـ xizmetchilirini öltürgen. Xelq azadliq armiyimizning kadir – opitsirlirini haqaretligen we öltürgen..... Dégendek jinayetlerni uninggha artqan idi. Emma kimni öltürdi. Nechchini öltürdi tepsili éytmighan idi.