PDA

View Full Version : Merhum Nizamidinni Esleymen!



A.Haji Kerimi
26-08-07, 16:01
Merhum nizamidinni esleymen
merhum nizamidin qeshqer shehiridin bolup, qeshqer wilayitining sabiq walisi abdurrehim petekning oghli idi, u 1969 - yili 8 - ayning 23 - küni atushning qarajüldiki jengde düshmen teripidin shéhid qilin'ghan eng yash jengchimiz idi. U shéhid bolghanda téxi 18 yashqa toshmighan yash gödek, sebi bala idi. Uning dadisi abdurrehim petekmu, merhum axunopning yéqin sepdashliridin bolup, sherqiy türkistan xelq inqilabi partiyisi merkizi biyruning ezasi, qeshqer shöbe biyruning alahide teptishi idi. Nizamidin dadisining alaqe ishlirini qilidighan mexsus alaqichisi idi. Dadisini xitay eskerliri 1969 - yil 8 - ayning 18 - küni tutqili kirgende u oyde iken. Dadisining tutulush waqtidiki düshmenning dadisigha qilghan muamilisi yash nizamidinda ghezep – nepret, chungqur öchmenlikni qozghaydu, shu wejdin bizning qoralliq qozghilanggha özlükidin telep qilip qatniship, dadisining qisasini almaqchi bolidu. Nizamidin ailisi tarixtin biri xitay tajawozchilirigha qarshi qozghalghan tarixiy heriketlerde aktip ipade körsitip, héch némisini ayimighan bir shereplik aile hésablinidu. Qumuldin qozghalghan 32 - yilliridiki ghoja niyaz haji qozghilangchiliri qeshqerge kelgende nizamidinning bowisi nurghun depne – dunyani iane qilip, xitay tajawozchilirigha qarshi bu büyük herikette bir hesse ülüshini qoshidu. Düshmen'ge chish ـ tirniqi bilen qarshi turidighan bu aile perzenti özini bu qétimqi musteqilliq inqilabigha atap, baturlarche shéhid bolghan idi. Men uning eau waqittiki jan üziatqan halitini hilimu yadimdin chiqiriralmaymen. U mende chungqur tesirat qaldurghan idi. Merhum axunop uningdin:
― séi buyerge kim élip chiqti? Dep ikki kün burun sorisa,
―méi wijjdanim élip chiqti, déyeligen idi.
U yene qandaqtur axunoptin xapa bolghan ahangda: dadamni düshmenler tutup ketken tursa, men dadamning intiqamini almamtim? Dep domsiyip qarapmu qoyghan idi. Merhumning yatqan yéri jennette bolsun, amin!