PDA

View Full Version : Kormey kalmang. Yengi temigha erziydiken.



Unregistered
15-08-07, 14:20
Dangliq Ölima We Milliy Ustazimiz Sidiq Qari Hajimning Taliplirining Mutleq Köp Qismi Xitayning Ziyankeshlikige Uchrighan

ETIC ning wetendin igellishiche, buyil 8 – ayning 10 – küni ( jüme ) 90 yéshida alemdin ötken Kucharliq ömila, shundaqla teqwadar, wetenperwer ustazlirimizdin Sidiq Qari Hajim öz hayatida 600 din artuq Uyghur yashqa diniy telim bergen bolup, unung taliplirining köpünchisi Xitay hakimiyitining ziyankeshlikige uchrap, beziliri ölüm jazasi berilip shehid qilinghan, beziliri muddetsiz we muddetlik qamaq jazalirigha uchrighan, beziliri bolsa ana wetinidin ayrilip chetellerge qéchip kétishke mejbur bolghan.

Sidiq Qari Hajimning Sherqiy Türkistan xelqi ichidiki inawiti we tesiri nahayiti yuquri bolghini üchün, Xitay hakimiyiti xelqning isyan qilishidin ensirep ununggha biwaste qol tiqalmighan bolsimu, emma siyasi we ijtimayi jehettin chetke qéqish, iqtisadi jehettin jazalash usolini qollanghan.

Xitay hakimiyiti ilgiri – kéyin bolup ununggha 80 ming yuandin artuq jerimane qoyghan.
Sidiq Qari Hajim bolsa Xitay hakimiyiti eng qattiq nepret qilidighan shexislerning biri bolup, chünki unung taliplirining 80 pirsentidin köpireki Sherqiy Türkistandiki milliy musteqilliq heriketlirige biwaste qatnashqan we hette asasliq qarshiliq körsütüsh teshkilatlirigha rehberlik qilghan.

Mesilen, Sidiq Qari Hajimning oqughuchisi, Kucharning 4 – rayonida olturushluq Hesen Qarim bolsa 1990 – yilidiki barin inqilawining asasliq ishtirakchilirining biri bolup, Barin inqilawidin kéyin qolgha élini türmige tashlanghan we türmide qiynap öltürülgen.

Yene asasliq milliy qarshiliq körsütüsh herikitining bashlamchiliridin Himit Talipmu Sidiq Qari Hajimning oqughuchisi bolup, umu 94 – yili Xitay hakimiyiti teripidin < milliy bölgünchi > dep étip shehid qilinghan.

Sidiq Qari Hajim 1917 – yili Kuchar saqsaqta tughulghan bolup, 7 yeshidin étibaren diniy telim – terbiye elishqa bashlighan, unung ustazi bolsa Qeshqerdiki Dangliq ölima Abduqadir Damollamning shagirti Musayip Damolla bolup, Sidiq Qari Hajim wapat bolghanda, unung jinazisigha 100 mingdin artuq kishi qatnashqan, hetta unung jinazisigha, pakistan we senudi erebistan qatarliq ellerdinmu mehmanlar kélip qatnashqan.

Sidiq Qari Hajim, Xitayning tili bilen éytqanda, < Bölgünchi terbiyilesh pishiwasi >, Xelqimizning tili bilen éytqanda Yashlirimizning diligha weten, millet we imanning uruqini chachqan qedirdan ustaz idi.