PDA

View Full Version : Prof Dr: Sultan Mahmut Kashgarli ve Ahmet İGemberdi Nijati Ependimlerge Tebrik



M.Salih Hajim
12-08-07, 18:24
Assalamu alaykum HÖrmetlik wetendashlar iziz qirindashlirimiz!
Sherqiy Turkistan wehpi kultur merkizimizning bashliqi Hörmetlik Emekli Ginral Muhammed Riza Bekin Ependim bashta , Teshkilatlirimizning Mesulliri we Hörmetlik mihmanlirimiz bÜgünki issiq hawada yighilishimizni shereplendürgenlikinglar üchün teshekkürlirimizni bayan qilimiz. hörmetke sazawer dawa doslirimizdin Ahmet İgemberdi we Prof Dr: Sultan mahmut kashgarli ependilerning 70yashqa tolghan kunini we Edebi paaliyetlirining 55 yilliq hatire murasimini tebriklewatimiz .
uzun yilliq tarihlirimiz sehipilirige öchmes qelemler bilen yizilghan hemde 20-esirde Ana makanimiz sherqiy Turkistan da yitishken alimlirimizdin ataghliq yazghuchimiz merhum Turghun Almas ependimning bir ömür hayatida izdinip weten, millitige qaldurghan bibaha töhpisi, 8ming yilliq delil -ispatlar bilen mukemmel yizilghan (( Uyghurlar)) namliq tarihi esiri we nurghunlighan dangliq alimlirimizning , jenggiwar , Batur , Qehriman Ata- Bowilirimizning , İlmi Maaripchi wetenperlirimizning , Ataghliq yazghuchi -shairlirimizning bir ewlatlirige qaldurghan Öchmes -kömülmes İz, Eserlirini tehlik qilsaq, Uluq wetinimizning baghrida yitishturgen ali derjilik munewwer zatlirimizning , aqil -dena insanlirimizning shunche kopligini bileleydighanliqimiz röshendur. rohlirini shatlandurup , iz basarliq rolimizni jari qildurup , Dualirimizda yad itip turishimiz lazim we zörürdür. wetinimizde 57yildin biri Qizil Hittay komnistlirining yurguzwatqan zorawanliq , sümürgüchilik rezil siyasitining ighir -azap oqubetlirini chikiwatimiz . bu wehshi iplas düshminimizning zülmi astida yashawatqan charisiz helqimiz , bolupmu yash yigit - ewlatlirimiz miras qalghan jenggiwar rohlirini yoqatmay , wetenperwerlik , milletperwerlik bilen muqeddes dinimizni qoghdash uchun jan -pidaliq körsütüp tarihi qan düshminimizning ahirqi hile rehimsiz qanhorlargha bah egmey , shehitlik sherbini ichiwatidu. Türlük bahanilar bilen muddetsiz naheq hökümler astida yenchilip , qimmetlik hayatini chikidin ashqan zulumatlargha berdashliq birip zey zindanlarda ötküzwatidu. Ahmet igemberdi Nijadimu bir ömür hayatini weten we milletige bighishlighan ,10yillap zindan azabini chekken , ahirida wetendin ayrilip ghurbetchilik , wetensizlik kochisigha kirgenlerning biridur . prof Dr: Sultan Mahmut ependi bilen sawaqdashlighi , meslekdashlighi, niyet birliki , heqiqi dostluq bighining mustehkemliki üchün yash qutlimisi paaliyet hatirlirining bügün bu saetlerde birlikte ötküzülishige Allah nesip qildi. bu hemmimiz üchün hoshallinarliq bolghanliqi üchün tekrar tekrar tebrikleymiz .
weten milliti üchün qolidin kilishiche qiliwatqan hizmetlirini Ginral muhammed Riza Bekin bashliq ihtiyari söz alghuchilirimiz tepsili rewishte anglatti. chetellerge taralghan wetendashlirimiz , bolupmu ilim -bilim sahaside tirishchanliq körsitiwatqan ziyali yash ewlatlirimiz weten dawayimiz üchün qabiliytige yarisha hessilirini qoshup hertürlük muhim kitap , mejmue qatarliqni neshir qilip ,ahbaratchiliq sahaside hizmet körsetmekte , bolupmu tarihimizda korülmigen Qur'ani kirimning tamamini uyghur til- yiziqimizda terjime qilip helqimizning heyir-dualirigha sazawer bolghanliqi pehirlinishimizge we medhilishimizge erziydu. bu uluq hizmetlerni yanimu yahshi dawamlashturup, tihimu kingeytip yahshi netijilerge irishtürüsh - her bir Sherqiy Türkistanliqning Ada qilishqa tigishlik wezipisi. insanliq hayatida öteshke tigishlik qerzi we perzidur.


Muhammed Salih Hajim ( Artish)

İSTANBUL 11.08.2007