PDA

View Full Version : 15-oktebir kilishim namisi



A.Haji Kerimi
09-08-07, 05:10
qarajuldiki jeng namliq kitaptin parchilar

15, 10 kélishimi
1967 – yili 10 - ayning 15 – küni, qeshqer tarixidiki xatirileshke erziydighan chong kün, chünki bu kün, qeshqer shehiri bilen bashqa nahiye sheherlerning keldi ـ bardisi eslige kélip, tosaqlar élip tashlinip, yollar rawanlashturulghan kün idi, ürümchidin kélip xoten'geb baridighan minglap mashina, sughunchazidin bashlap, atushning yollirida, qeshqer shehirige kirelmey yatqili nechche aylar bolghan idi, xoten, yekendin kélip, ürümchige qaytalmay, yéngisheher bilen yeken ariliqida turup qalghan mashinilarning hésabi yoq idi, qisqisi jenup bilen shimalning munasiiwiti bir mezgil toxtapla qalghan idi.
Yéngisheherge toplan'ghan qachaqlar bilen sheher ichidikilerning ziddiyti künsayin yamanliship, pütün qatnash yolliri qamilip kirish ـ chiqish toxtighili uzun bolghan idi, bu düshmenlik halitide turghan tereplerni muresse qilish üchün, jenubiy shinjang herbiy rayon bilen alaqidar tarmaqlar arigha chüshüp, 10 nechche künlük talash ـ tartish netijiside 10 - ayning 15 - küni bir kélishim hazirlighan idi, kélishimning asasi mezmuni: pütün tosaqlarni bikar qilip, yollarni rawanlashturush, terepler özide bar qorallarni shu piti pichetlep saqlash, düshmenlishish halitini özgertip, oq chiqarmasliq, herqaysy idaridiki ishchi ـ xizmetchiler öz ish ornigha qaytish, qaytip kelgenlerni kemsitmeslik, haqaretlimeslik, tutup qilin'ghan ish heqqini toluqlap birish..... Dégendek mezmunlar kirgüzülgen bolup, 10 - ayning 15 – küni etigen saet 10 da yollarda, qatnashning nurmallishishigha her ikki terep kapaletlik qilghan idi, sheherdin mashna- mashinida ademler, uruq tughqan yari buraderlirini yoqlap yéngisheherge kelgili turdi, yéngisheherdikiler, sheherge kirishke bashlidi, shuning bilen qeshqerning weziyiti bir nechche kün qoral – yaragh awazi anglanmay tinch ötti, bizmu yéngisheherni tashlap, özimizning idarisi tewelikidiki, sheher etrapidiki jaylargha bérip orunlashtuq, qeshqer shehirining etrapidiki yizilar, mektepler yenila bizning tayanchi ponkitlirimiz idi, gerche kélishmde qoral ishletmeslik déyilgen bolsimu, üch kündin kéyin yenila qoral awazi anglinishqa bashlidi, kiche ـ kichilep, gümbür güm, topning awazi, zembirekning awazi, pilimutning awazi nelerdindur anglinatti, terepler sheherge toplashqandin kéyin ziddiyet buruiqidinmu keskinleshti. Düshmenleshken terepler biri – birining ademlirini tutiwilip urup zexmilendüridighan ishlar ewj alghili turghan idi. Bolupmu bir idarida ishleydighan ademler bir- birini tutiwilip, nechche qoraling bar? Kim - kimler néme ishqa mes'ul? Undaq ـ bundaq dep qesten sürkélish hasil qilatti. Birer adem tutulghan bolsa, qarshi terep derhal bayanat élan qilip, bizning palani renglik adimimizni palani teshkilat tutuwaldi, ikki saat yaki üch saat ichide qoyup bersun! Eger qoyup bermeydiken jiddi heriket qollinimiz! Dep, ularning adimini yaki ular turghan yerge ushtumtut hujum bashlap, urush qilatti, qeshqer shehirining ichide yuqiri bésimliq labaning kasapitidin kéchisi xatirjem uxlighili bolmaytti.

selam
09-08-07, 07:38
Kerindaxlarselam