PDA

View Full Version : Harvardning Oqushtin Qalghan Oqughuchisi Milyardérgha Aylandi



Unregistered
23-07-07, 17:45
Biliwal 29-iyun xewiri. En’gliye axbarat wasitilirining yéqindiki xewiridin melum bolushiche, bu yil 23 yashqa kirgen Mark Kzorkberg Harvard Uniwérsitétining oqushtin qalghan oqughuhisi idi, u köngül qoyup layihilep chiqqan FACEBOOK namliq ijtimaiy munasiwet torbétining bahasi hazir bir milyard fundstérlinggha chiqqan. Gerche Mark milyardérgha aylan’ghan bolsimu, yenila wélsipitige minip u yaq-bu yaqqa qatnap yüridu, turushqa kichik bir yataqni ijarige élip olturidu.
Xewerde yézilishiche, Mark Kzorbérg Amérika NyuYork Shitatidiki bir chish doxturining oghli iken. U Harvard Uniwérsitétida Psixologiye Fakultétining 2-yilliqida oquwatqanda, programma tüzüshke qiziqip qalghan. Mark mektepning ishchi-xizmetchiliri we oqughuchilirining uchur munderijisini kishilerning paydilinishi üchün torda élan qilmaqchi bolghan, emma bu telep mektepning ret qilishigha uchrighan.

Shuning bilen Mark “Xakkér” bolup mektepning mulazimétirigha kirip, uchur we süretlerni kompyutérigha yükliwélip, yéngidin qurghan torbétige qoyghan. U mundaq dégen: “Méningche bu uchurlardin téximu nurghun kishi paydilishi kérek, Harvard intayin dostane bolmighan bir jay”. Deslepte, Mark kishilerni tor bétige kirip Harvardtiki qaysi oqughuchi eng chirayliq ikenliki bahlap chiqishqa teklip qilghan, buning bilen qisqighine 4 saet waqit ichide nechche yüzligen ziyaretchini qobul qilghan. Kéyin Harvard Uniwérsitétining bashqurush tarmaqliri bu tor betni bayqighandin kéyin, uni mejburiy taqiwetken. Shuningdin kéyin, Mark özining ijtimaiy munasiwet orbétini qurush oyidin zadila waz kechmigen.
2004-yili 2-ayda, FACEBOOK dep atalghan deslepki torbétini qurup chiqqan, bir ay waqit ichide, 6000 neperdin köprek oqughuchi bu torbetke tizimlan’ghan, uning torbétining ezaliri domulawatqan qar pomzikidek köpiyiwergen.
Oqushtin Qélish “Ijtimaiy Munasiwette Bösüshke Atlinish”
FACEBOOK torbétini téximu yaxshi tereqqiy qildurush üchün, Mark Microsoftning qurghuchisi Bil Géytiske oxshash oqushtin yérim yolda toxtap, özining ishlirigha kiriship ketken. Mark Harvard Uniwérsitétidin ayrilghandin kéyin, aliy mekteptiki ikki aghinisini Krémniy Jilghisigha bashlap bérip igilik tikleshke kiriship ketken. Markning torbéti heyran qalghudek netijige érishken, uning bir yilliq élan kirimi 25 milyon fundsérlinggha yetken. Mark mundaq deydu, Harvardtiki waqtimda FACEBOOK ni qurushtiki meqsitim tétil-dem élish künliri xejligidek az-tola pul tépish, el-aghiynilirimning qiz dost tépishigha yardem qilish idi. Markning oylimighini, uning torbéti pütün dunya miqyasida “intimaiy munasiwet inqilabi”ni qozghishi idi. Yawropa-Amérikidiki 25 yashtin töwen yashlargha nisbeten éytqanda, FACEBOOK torbétige özining “Terjimihali”ni qaldurup qoyush ijtimaiy munasiwette qollinidighan zörür wasitisi bolup qalghan. Hazir, FACEBOOK torbétining dunya miqyasida 25 milyon qollanchisi bar, u élxet, yanfon qisqa uchuri, téléfon we xetlik qisqa del’uchur wasitiliridin kéyin barliqqa kelgen yéngi bir türlük ijtimaiy alaqe usuligha aylandi.
En’gliyide shirket xojayinlirimu bu torbétige kirip, öz shirkitige kirishke iltimas qilghuchilarning ehwalini igileydighan bolghan. Hetta saqchilar bilen muxbirlarmu FACEBOOK torbétige kirip, öz xizmetlirige dair uchurlarni izdeydighan bolghan. FACEBOOK torbéti saqchi terepke hemkarliship weqe sadir qilip qoyup qéchip yürgen shopurni we Bushni öltürimen chaxchaq qilghan bir gumandarni tutqan.
Sétishni Ret Qilip, Dawamliq Tiriship Ishlesh
Hazir Markning torbétige kishiler Bir milyard fundstérling baha qoyghan bolsimu, ademni qiziqturidighan bu bahagha Mark perwa qilmidi. Hazir Mark 200 ademni ishlitiwatidu, u ózimu kéche-kündüz démey ishleydu. U mundaq deydu: bezide men etigen saet 8 de oyghinip kétimen, bezide etigen saet 8 de andin uxlashqa yatimen, bezide üch kún’giche uxlimaydighan waqitlirimmu bolidu.


"Biliwal"tordin ilindi.