PDA

View Full Version : DUQning "Dolqun Eysaning Istifasi" heqqide Izahati



DUQ izahati
17-07-07, 14:56
DUQning "Dolqun Eysaning Istifasi" heqqide Izahati

http://www.uyghurcongress.org/Uy/news.asp?ItemID=-1133081294

DUQ reisi, Sherqiy Turkistan Milli Herkitining rehbiri, meniwi animiz Rabiye Qadir xanim rehberligidiki Dunya Uyghur Qurultiyi paaliyetlirining küchlinishi, xelqaradiki tesiri we obrazining kündin-künge yuquri kötürilishige egiship, Xitay hökümiti Dunya Uyghur Qurultiyining obrazini xunikleshtürüsh, shundaqla paaliyet we tesir dairsini taraytish mexsitide her xil siyasi oyunlarni oynimaqta.

Yeqinqi waqitlardin buyan Internet tor betliride, Dunya Uyghur Qurultiyi bash katibi Dolqun Eysaning wezipisidin istifa qilghanliqi heqide namelum shexisler teripidin yezilghan tetur teshwiqatlar otturgha chiqti. Qurultiyimiz hazirghiche Munazire meydanida yezilghan tetir teshwiqat, pitne-pasatlargha itibar bermeslik puzisiyesini tutup kelgen bolsimu, bu xata uchurlar bir qisim insanlarning kalisida uqushmasliqlarning sadir bulusigha sewep bolghanliqi we „Dolqun Eysa Istifasi“ning rast-yalghanliqi heqqide yeqinqi künlerdin buyan Qurultiyimiz nurghunlighan telifun we E-xetlerni tapshurup alghanliqi uchun Dunya Uyghur Qurultiyi Ichki Ishlar Komititi bu heqte bir izahat berishning zörürligini his qildi.

Dolqun Eysa, Dunya Uyghur Qurultiyi bash katipliq wezipisini ustige alghandin buyan, reisimiz Rabiye xanimning quligha qol, putigha put bulup Dunya Uyghur Qurultiyining tereqiyati, Milli dawayimizning kuchlinishi uchun jan-pidaliq bilen küresh qilip kelmekte. Wezipisidin bir saatmu ayrilghini yoq.

Dunya Uyghur Qurultiyining rehberliri dunyaning herqaysi döletliride, musapide bir-biridin uzaq bulushtek tebi’i tosalghularni halqip öttüp, oz-ara alaqige ehmiyet berip, yuksek hemkarliq we ghayet zor pidakarliq bilen, milli mesulyet tuyghusi ichide, reisimiz Rabiye Qadir xanimning etrapigha zich uyushup, pütün Qurultay rehberliri bir mush bulup öz wezipilirini muhapiqiyetlik orunlap kelmekte.

Xitay dairlirining yalghan xewer tarqitish, Qurultay rehberlirining obrazini xunikleshturush, arisigha zidiyet selish, pitne-pasat tughdurushtek hile-mikirliri Dunya Uyghur Qurultiyining paaliyetlirini aqsitalmaydu, pulatek birlikni buzalmaydu. Dunya Uyghur Qurultiyi, Sherqiy Turkistan Milli Herkitining birdin-bir tuluq hoquqluq merkizi orgini bulush salahiyiti bilen paaliyetlirini uzluksiz dawamlashturidu.

Pütün Sherqiy Turkistanliq wetenperwerlirimizni yalghan xewer, tetur teshwiqatlargha ishenmeslikke, Xitay dairlirining her xil siyasi oyun, hile-mikirlirige sezgür bulushqa, shundaqla Dunya Uyghur Qurultiyining paaliyetlirini maddi, meniwi we pikir jehettin qollap quwetlishke chaqirimiz!


Dunya Uyghur Qurultiyi Ichki Ishlar Komititi

2007-yili 7-ayning 17-küni