PDA

View Full Version : Méning Héslirim - (5)



Kök Tiniq
01-07-07, 18:38
Méning Héslirim - (5)

UAAning Tor béti buzuldi. Xitay jasusliri Téléfun urushni dawamlashturiwatidu. Uyghur Milliy herikiti sépidiki Aktip küchlerge xetler yézip, ularni özlirige boy sundurushqa térishiwatidu. Jaylardiki jasusliri arqiliq, birlik – ittipaqliqimizni buzushqa uruniwatidu. Qisqisi, Dölet küchige tayinip, milliy herikitimizni weten ichidila emes, chet`ellerdimu ujuqturush yolida küchining yétishiche heriket qiliwatidu.

Bir qérindéshimiz, téxnikiliq tereptin kimning nime yéziwatqanliqini emdi xitayning bilip turalishi mümkinlikini otturigha qoydi. Bu gepning asasi bar. Bir chaghlarda, biz yashawatqan döletning mexpi saqchisimu, xitayning sün`i hemra arqiliq qol téléfunimiz ochuq turghan ehwal astida, bizning mushu chet`eldiki geplirimiznimu angliyalishi mümkinliki eskertken idi. Biz éhtiyat qilidighan tereplerde, téléfunimizning méyini chiqiriwétip sözlishishke adetlengen iduq. Démek, UAAning Tor bétining buzulishining tasadipiyliq emesliki xiyalimizgha kiriwatidu.

Men xitay jasusluq orginining xétini tapshurup alghuchilarning birsi. Méni Uyghur diyarida yüz bergen alemshumul özgürüshlerge mehliya qilishqa térishqan idi. Eger xalisam, pütün chiqimlirimni özliri üstige élip, Uyghur wetinini ziyaret qildurmaqchi boldi. Bixeterlikimge mutleq rewishte kapaletlik qilidighanliqini wede qildi. Démekchi bolghini; “sen hazirqi tereqqiyatni bilmeysen. Uyghurlar bay boldi. Sen tesewwur qilghandek milliy zulum mewjud emes, sen chet`eldiki bezi düshmen döletlerning jongguogha bolghan süyqestlirining qurbanigha aylinip kétiwatisen. Ular séni tarixtikige oxshashla kozur qilip oynaydu xalas. Sen öz wetiningning bügünki halini körüp, közüngge ishenmey qalisen. Ishenmiseng, wetiningni közüng bilen körüp ketkin…”. Heyran qalarliqi, ular özliri éyitqangha oxshash, méning ehwalimni besh qoldek yaxshi bilishetti....

Men uninggha heywisi sunghidek, reswa bolghidek, öti yérilghudek jawap berdim. Bu xet we méning bergen jawabimni yoli kelgende ashkare élan qilimen.

Gherip elliri bügün Xitayning déginining hésap bolmaydighanliqini Xitayning semige sélishqa jür`et qiliwatidu. Dalay Lamaning ziyaritini qobul qilishni xalimighan Yawrupa Parlaménti qesten Uyghurlarni qobul qilip, Xitayning chishigha tegdi. Bush ependimu Rabiye Qadir xanimni qobul qilip, Amérika dölitining kishilik hoquq meydanini we özlirining xitaydin artuq turidighan tereplirini namayen qilishqa bashlidi. Rabiye qadir xanimning terjimihalining neshirdin chiqishi munasiwéti bilen, Gérmaniyimu quyruqini silkip, Xitayning zitigha tégidighan bir talay siyasiy teshwiqat bilen shughullandi. Xitay shuni ochuq hés qildiki, Uyghurlar mesilisi emdi yétim milletning mesilisi emes, belki xelq`araliq bir mesile haligha kélish qedimini basti!

Men oylaymen; gherip siyasiy sehniside xitaygha bésim qilish qurbitini namayen qilishning shert – sharaiti tughulghan bolushi mümkin. Yuqirida yüz bergen hadisiler bizni qanchilik söyündürmisun, bu peqet biz bésip ötidighan musapining deslepki bir basquchi. Buning bilen Uyghurlar mesilisining hel bolup kétishi natayin. Dalay Lamaning béshigha kelgen künlerni biz emdi körüshimiz mümkin.

Dalay Lama shuni dimesliki mümkinmu?

_ Hey Amérika, Heý Gherip dunyasi, sen bizni musteqilliq emes, belki Aliy Aptonumiye telep qil. Shundila biz sanga yardem bérishning qanuniy asasigha ige bolimiz, déding. Men shu yolda 50 yil riyazet chektim. Tibet mesilisini bilmeydighan adem qalmidi. Emma, Tibetliklerning teqdiride nime özgürüsh boldi? Oxshashla zulum ichide yashawatidu. Sen bügün xitayni Tibet sergerdan höküméti bilen Dialog qurushqa mejburliding. Dialog dawam qiliwatidu. Buningdin nime paydigha érishtuq? Xitaylar waqitni arqigha sozup, méning ölümimni kütiwatidu. Men ölsem, tibetliklerning hali téximu xarap bolidu. Bölünish we zeiplishish meydangha kélidu. Men qachanghiche sen üchün kozur bolup bérimen?…..”

__ Belkim, Aliy Aptonumiyidin chöchümigen xitay, Musteqilliqtin chöchüshi mümkin. Aliy Aptonumiye telep qilghan Tibetliklerning tarixi wezipisi ada boldi. 50 yildin béri ulardin alghan menpietimizmu yiterlik. Emdi Musteqilchi Uyghurlarni bir Oynap qoyayli. Uyghurlar Qan we jan bedilige öz wetinining musteqilliqi yolida küresh qilishqa teyyar. Xitaylarni obdanla chöchütken qanliq tarixi bar. Uning üstige, merkizi asiyadiki türkiy milletler ulargha qan – qérindash. Yoli kelgende, ular Uyghuristanning musteqilliqini desteklishi mümkin. Xitayning chong endishisimu shu. Yene kélip, Uyghurlar Qoralliq naraziliq bilen xitaylarning bu wetendiki mewjudluqigha tehdit sélish qabiliyetlirini namayen qilip kéliwatidu. Qéni, bu ishni Uyghurlarning Lideri Rabiye qadirni xelq`ara Insan heqliri yighinida qobul qilip, Xitayning tomurini bir tutup baqay we Uyghurlarning jasariti körüp baqay…..

shundaq oylighan bolushi mümkinmu janabi Bush ependim?


Bilmeymiz. Rabiye Qadir xanim gerche gherip siyasiy sehniside Uyghurlarning axirqi meqsidi heqqide “Uyghurlarning dèmokratiye, erkinlik we kishilik hoquqqini qolgha keltürüsh” dewatqan bolsimu, gherip metbuatliri Uyghurlarning Musteqilliqi we Sherqiy Türkistan heqqide he dep mubalighilik pikirlerni otturigha étiwatidu.

Biz özimizning qimmetlik bir kozur ikenlikimizni untup qalmayli. Buningdin alidighan paydimiz heqqide bekrek bash qaturayli. Kozur bolmasqa amalimiz yoq. Emma nerqimiz undaq töwen bolup ketmisun. Chünki, tökülgen qanlargha we tölengen bedellerge yüz kilelmey qalimiz.

http://www.uyghuramerican.org/forum/images/misc/progress.gif

Unregistered
02-07-07, 08:46
assalam qerindashlar,you tube diki bazi uyghurcha muhim dap bilghan mazmonlarni chushuruwalay digan biraq qandaq chushuruxni bilalmidim,bilidighan dostlardin yardam sorayman,bilsanglar bu yarga yezip qoysanglar,alla razi bolsun

Erwagha jawap
03-07-07, 14:02
ismingizni qandaq ozgertishingiz, qaysi imla sheklini qollinishingiz we qaysi temini otturgha qoyihsingizdin qetiy nezer, siz manga nisbeten heliqi Erwa. eger eqil-hoshingiz jayida bolsa, bundin keyin Rabiye hanim heqqide bir nerse diyishtin numus qiling! siz eytqandek" hitay jasusliri sizgimu alaqe qilghan,"biraq buni siz eng yolida we dushmenge paydiliq shekilde ipadilep, hanimning yurigini zede qildingiz;eger hanimgha we dawa beshidiki kishilerge pikringiz bolsa, ocuq meydanda emes, ashularning ozige qoyung. sizmu ashu Rehberlik guruppi ichidiki biri bolghankin........men sizni izdewatimen. tuzaqqa chushup qalmang......siz Teleponning batariysini chiqiriwetip, paranglishishni adet qilghan yerde menmu bar idim.....endi tor yighilip, oz tilingiz bilen ilmekke ilinishqa azla qaldingiz......pehes bolung! kok tiniq Erwa