PDA

View Full Version : DUQ reisi Rabiye Qadir xanim Amérika Prézidenti Bush ependi bilen uchrashti



World UyghurCongress
29-06-07, 01:31
DUQ reisi Rabiye Qadir xanim Amérika Prézidenti Bush ependi bilen uchrashti

2007-yili 6-ayning 5-küni, Amérika prezidenti George W. Bush ependi we xanimi Lora Bush Dunya Uyghur Qurultiyi reisi we Uyghur Amerika Jemiyiti reisi, Sherqiy Turkistan Milli Herkitining rehbiri, Uyghurlarning meniwi anisi Rabiye xanimni mexsus qobul qildi.

http://www.uyghurcongress.org/SiteFiles/Rabiye%20xanim%20%20Bush%20bilen%20ayrim.jpg

Chex Jumhuriyitining paytexti Praga shehride ötküzilgen "Demokiratiye we Bixeterlik" namliq xelqaraliq yighingha qatnishiwatqan Dunya Uyghur Qurultiyining reisi Rabiye xanim, yighinning 2-küni Praga waqti saat 16:30 da Amerika Presidenti Bush ependining mexsus qobul qilishigha erishti.



Dunyadiki nurghunlighan doletlerning presidentliri, bash ministrliri, tashqi ishlar ministirliri, parlament reisliri, hökumetlerning oktichi rehberliri we xelqaradiki ataghliq siyasi paaliyetchiler bulup 500 din artuq xelqaraliq siyasi erbaplar, mehshur demokiratiye paaliyetchilirining qatnishishi bilen ötküzülgen "Demokiratiye we Bixeterlik" yighini 6-ayning 4-küni Praga sheride resmi bashlanghan idi. Amerika Presdentliq ishxanisining tekliwige binaen, Dunya Uyghur Qurultiyi reisi Rabiye xanim Uyghur Amerika jemiyitining muawin reisi Rushan Abbas xanimning hemraliqida Praga shehrige yetip keldi.



6-Iyun künigiche dawam qildighan bu yighining 2-küni , yeni 5 - Iyun küni Amerika presidenti G.W.Bush ependi, saat 16:00 de guldiras alqishlar ichide yighin meydanigha kirip keldi we Dunyadiki demokiratiye we Bixeterlik mesililiri heqqide toxtulup ötti. Kishni intayin hayajangha salidighan tarixiy hadise shu boldiki, Bush ependi sözide dunyada demokiratiye, kishilik hoquq uchun kuresh qiliwatqan pidakar jengchilerge, qehrimanlargha hormet bilduridighanliqini ipade qilip, Rabiye Qadir xanimning ismini we uning balilirini alahide tilgha elip, mundaq didi; "Bugun men korushmekchi bolghan yene bir erkinlik bayraqdari - Rabiye Qadirdur. Biz uning oghullirining qolgha elinishini bu xanimning kishilik hoquq uchun ilip barghan koreshlirige qarita öch ilish herkiti dep qaraymiz. Rabiyege oxshash er we ayallarning Jasariti we talanti ularning doletlirining eng qimmetlik baylighi bolup, uning qimmiti ular yashighan diktatura doletlerning armiyisining qoralliri we yaki yer astidiki nifit bayliqliridinmu nechche hesse ustun turidu. Amerika, oxshash bolmighan kozqarashlarni boghidighan hakim mutleq tuzumdiki herqandaq doletni oz puqralirigha salghan zulumni axirlashturup, xelqighe ishinip, ulargha tegishlik erkinlik birishke chaqiridu". Bu waqitta putun zaldiki 500 din artuq yighin qatnashquchiliri ornidin turup Rabiye xanimni guldiras chawakliri bilen qarshi aldi. Rabiye xanim ornidin turup ulargha salam berdi.

Presdent Bush epending sozi axirlashqandin kiyin, Bush ependi we xanimi Lora Bush xanim Rabiye xanimni ayrim mexsus qobul qildi. Bu qobul qilishta Rabiye xanim Presdent Bushqa "Sherqiy Turkistandiki umumi weziyet heqqide qisqiche melumat bergendin kiyin, özining Uyghur xelqining demokiratiyesi, erkinligi, kishlik hoquqi uchun elip barghan paaliyti sewebidin Xitay hokumiti teripidin 8 yilliq qamaq jazasigha hokum qilinghanda, Amerika hokumiti, Presdent ependining uzini qutquzup Amerikigha elip kelgenligi uchun, Uyghur kishilik hoquq mesilisge kongul bolgenligi uchun cheksiz rexmet eytidighanliqini bildurdi. Rabiye xanim yene Uyghur xelqining awazini hör dunyagha anglitish uchun elip beriwatqan paaliyiti sewebidin ailisining tehdit astida qalghanliqi, 2 balisining qamaq jazasigha hokum qilinghanliqigha oxshash, onminglighan Uyghurning oxshash pajiege duchar boliwatqanliqini, shunga Prizdent ependining Uyghur xelqini bu pajiedin, balirigha oxshash onminglighan biguna insanlarni xitayning turmisidin qutuldurup berishni ümüt qilidighanliqini izhar qildi.

Prisdent Bush ependi, Rabiye xanimgha rexmet eytidighnaliqini, Rabiye xanim we Rabiye xanimgha oxshash demokitratiye, erkinlik qehrimanliri bolghanliqi uchunla, ularning paaliyetliri we heydekchiligi özining demokiratiyige teximu kop xizmet qilishigha turtke buliwatqanliqini eyti. Uyghur xelqi duch kiliwatqan weziyettin uzining xewerdar ikenligini, mewjut weziyettin intayin epsuslinidighanliqini, ezilgen milletlerning chuqum erkinlike, demokiratiyege erishidighanliqini tekitlidi.

Rabiye xanim Bush ependige Uyghur doppisini hediye qildi. Bush doppini elip, Rabiye xanimgha bolghan memnumiyitini bildurdi. Bu jeryanda intayin qiziqarliq bir ehwal yuz berdi. Rabiye xanim teqdim qilghan doppa Bush ependining beshigha kichik kilip qaldi. Shundaq bolsimu Bush ependi kulup turup, "bu doppa manga kichik kilip qalghan bolsimu, bu doppini kiyip, siz bilen birge resim chusheyli" dep, Rabiye xanim bilen bir-qanche parche resimge chushti.



Bu uchrushush jeryanida kishining eng kop diqitini tartqini, Presiden Bushning xanimi Lora xanimning Rabiye xanimgha bolghan semimiyiti, qiziqishi boldi. Loura xanim Rabiye xanim bilen intayin dostane keypiyat ichide sohbet elip bardi.




President Bush we Lora xanimning Rabiye xanimgha bolghan bu semimi dostluq iltipati her qaysi doletlerdin kelgen her derije dolet erbapliri we demokiratiye paaliyetchilirining heyranliqini we qiziqishni qozghidi.

President Bushning Rabiye xanimni qobul qilishi we uni demokiratiye, erkinlik qehrimani dep teriplishi, Dunya Uyghur Qurultiyi reisi Rabiye Qadir xanim riyasetchilikidiki Sherqiy Turkistan milli herikitining ghelibisi, Xitay hokumitining uzun waqitlardin buyan xelqarada Rabiye xanimgha, DUQgha, Sherqiy Turkistan Milli herikitige qaratqan shiddetlik hujumlirining meghlubiyetke uchrushi bulup hésaplinidu!



Dunya Uyghur Qurultiyi Neshiryat-Teshwiqat Merkizi

2007-yili 6-ayning 5-kuni


http://www.uyghurcongress.org/Uy/news.asp?ItemID=1181075709