PDA

View Full Version : Murajietname



Rabiye Qadir
07-12-06, 16:48
Murajietname

Eziz wetendashlar;

12 – aynig 10 – künining „Xelq`ara Insan heqliri küni“ bolushi munasiwèti bilen, DUQ we uning terkiwidiki Teshkilatlar her yili bu künni xatèrilesh yüzsidin Namayish yaki Ilmiy yighilish paaliyetlirini uyushturup, Xitay mustebitlirining Millitimiz üstidin yürgüzüp kèliwatqan insan heqliri depsendichilikige qarshi iradilirini bildürüp kelgen idi.

Xitay tajawuzchiliri Millitimiz üstidin dawam qilduriwatqan Siyasiy, Ijtimaiy, Iqtisadiy sahelerdiki zulmi we Maarip, Medeniyet, Sen`et, Til qatarliq jehetlerde èlip bèriwatqan Assimilatsiye hem Medeniy qirghinchiliqliri tarixta misli körülmigen bir rewishte yuqiri pellige kötürülgen bügünki künde, Xelq`ara kishilik hoquq ehdinamilirini ayagh asti qiliwatqan Xitay mustebitlirining zorawanliqlirigha qarshi turush hem Milliy iradimizni Dunya jamaitige üzlüksiz ipade qilish bizning bash tartip bolmaydighan mejburiyitimiz bolmaqta.

Bu munasiwet bilen DUQ terkiwidiki barliq teshkilatlargha, muhajirettiki barliq wetenperwer qèrindashlirimgha shuni texirsiz murajiet qilimenki, her qaysi ellerdiki qèrindashlirimiz derhal omumi seperwerlik dolquni qozghap, 12 – ayning 10 – küni özliri turushluq dölettiki Xitay konsulxaniliri aldida namayish qilish, Ilmiy yighin uyushturush yaki Bayanatlar èlan qilish qatarliq her xil shekiller arqiliq, „Xelq`ara Insan heqliri küni“ ge bolghan qollash iradisini we Xitay hökümètining insaniyetsiz qilmishlirigha, dehshetlik zulumnlirigha qarshi meydanimiz ipadileshni asas qilghan, Xitay Turmilirida azap chèkiwatqan Bigunah tutqunlarni qoyup bèrish, Ölüm jazasini emeldin qaldurush, Xitay Dölet Tèrrorini axirlashturup, Uyghur Millitining Erkinlik we Dèmokratiyidin ibaret eng eqelli heqlirige hörmet qilishning Insan heqlirining addiy shertliridin ikenlikini Xitay hökümètige her zaman bildürüshni muhim mezmun qilghan halda, bu qètimqi paaliyetni jiddiy bir wezipe qatarida Ijra qilghaysizler!

Türlük sewepler tüpeyli kèchikip èlan qilinghan bu murajietke, her qaysi ellerdiki teshkilat mes`ullirining we DUQ wekillirining biperwa muamile qilmasliqini, Dunyawiy diqqetke we ètibargha ige bu künning Uyghur Millitige nispeten tarixi ehmiyitining pewquladde zorliqini angliq tonup, pütün imkanliri bilen heriketke kèlishini yene bir qètim tewsiye qilimen.

Hörmet bilen:

Rabiye Qadir
Dunya Uyghur Qurultiyi reisi

2006.12.07

Unregistered
08-12-06, 03:05
garqa arilighimiz yirak bolsimu RABIYA ANA qokum katniximiz

bir watan soyar uyghurdin.

Unregistered
08-12-06, 18:39
elmy yiginy cakerish degan sherhilangan bolsa