PDA

View Full Version : 2 – Nöwetlik DUQdiki diqqetke sazawer bir qanche ish



DUQ Uyghur!
01-12-06, 23:07
2 – Nöwetlik DUQdiki diqqetke sazawer bir qanche ish



11 – ayning 24 – künidin 27 – künigiche Gèrmaniyining Miyunxèn Shehride chaqirilghan 2 – Nöwetlik DUQ da, kishilerning diqqitige sazawer towendikidek ishlar bolup otti:



Uyghur Milliy herikitining rehbiri Rabiye Qadir xanim DUQ ning reisi bolup saylandi.

6 yilgha yèqin Xitay turmisida eziyet chekken, barliqini Uyghur Millitining Erkinliki, Dèmokratiyisi we öz teqdirini özi belgülesh kürishige atighan Rabiye qadir xanim wekillerning toluq awaz testiqlishi netijiside, 2 – nöwetlik DUQ ning reislikige Saylandi. Saylamdin ilgiri Amèrika Uyghur jem`iyitining reisi, Uyghur Insan heqliri we dèmokratiye Fondining reisi bolup xizmet qilghan Rabiye Qadir xanim, 2004 – yilliq “Rafto Mukapati” ning sahibi we 2005 – 2006 – yilliq “Nobil Tènichliq Mukapati”ning namzati idi.



Yighingha 15 dölettin 59 resmi wekil toluq qatnashti we saylamdin hemme razi boldi.

Xitay hökümèti, her qètimqigha oxshash her türlik yollar bilen tosalghu peyda qilip, 2 – nöwetlik DUQ gha teklip qilinghan 15 dölettiki DUQ tarmiqidiki 25 teshkilatta wezipe alghan 59 neper resmi wekilning yolini tosushqa we bu qètimqi Qurultayning sheripini yerge urushqa urunghan bolsimu, Qurultay wekilliri her charilerge murajiet qilip, bu qètimqi Qurultaygha öz waqtida toluq kèlip qatnashti hemde Bu qètimqi qurultaydin memnun boldi. Bu qètimqi Qurultay weten ichi we sirtidiki barliq Uyghurlarni shatliqqa chömdürdi. Saylamda, Xitay hökümèti we Xitayperestler perez qilghandek jidel – majra yüz bermidi.



Sherqiy Türkistan Milliy Azatliq herikitining Stratègiyisi tüzüp chiqildi.

2 – Nöwetlik DUQ da, Sherqiy Türkistan Milliy azatliq kürishining Stratègiyisi tüzüp chiqildi we muhim qararlar qobul qilindi. Qurultay rehberlik Apparatida zor özgürüsh bolupla qalmay, Qurultay wekilliri besh goruppigha bölünüp, DUQ ning 3 yilliq xizmet pilanini muzakire qilish bilen birge, tamamen Erkin, Dèmokratik usulda öz pikirlirini we layihilirini otturigha qoyup, Uyghur Milliy azatliq kürishining ghelibisini qolgha keltürüshning chare – tedbirlirini yaratti. Muhim ichki pilanlarni küntertipke qoydi.



Rabiye Qadir xanim Gèrmaniye Fèdiral jumhuriyitining, Bawariye Shtatining we Yawrupa Parlamèntining yuqiri derijilik emeldarliri bilen uchrashti.

DUQ ning reisi, Uyghur Milliy herikitining rehbiri Rabiye Qadir xanim, Qurultaydin ilgiri we kèyin Gèrmaniye Fèdiral jumhuriyitining, Bawariye Shtatining we Yawrupa Parlamèntining yuqiri derijilik emeldarliri bilen uchrushup, Uyghurlar mesilisi heqqide ijabiy jawaplargha èrishipla qalmay, Sherqiy Türkistandiki Insan heqliri depsendichilikini emeliy misalliri bilen anglitish pursitige èrishti we bu arqiliq, Gèrmaniye hemde Yawrupa birlikide, Uyghurlar mesilisining küntertipke qoyulishining puxta asasini hazirlidi.



Gèrmaniye bash ministèri Anjila Merkil DUQ gha tebrikname ewetti.

2 – Nöwetlik DUQ gha Gèrmaniye Bash ministiri Anjila Merkil xanim Alahide tebrikname yollap, qurultayni qutluqlidi we uning ghelibisige tilekdashliq bildürdi. Bu Uyghurlargha nispeten Gèrmaniye Tarixida yüz bergen tunji qètimliq zor ish. Bash ministèr Anjila Merkildin bashqa, Gèrmaniye Ichki ishlar ministèrimu tebrikname ewetti. Shundaqla, Gèrmaniyidki her derijilik hökümet xadimliri, Partiyiler wekilliri, Insan heqliri teshkilatliri, chet`ellerning Gèrmaniyide turushluq elchixaniliri tebriknamilar ewetti. DUQ her sahedin jem`i 50 parchidin artuq tebrikname tapshurup aldi.



Chet`ellik Uyghurshunaslar we Xelq`ara insan heqliri teshkilatlirining rehberliri yighinda muhim doklatlar teqdim qildi.

Bu qètimqi DUQ gha, xelq`aradiki meshhur insan heqliri teshkilatliridin “Xelq`ara kechürüm teshkilati”, “Xeter Astidiki Milletlerni qoghdash teshkilati”, “Chigrasiz insan heqliri teshkilati” qatarliq muhim teshkilatlarning mes`ulliri we meshhur Uyghurshunaslar qatniship, Uyghurlarning nöwettiki Pajielik teqdirige munasiwetlik delil – ispatliq melumatlarni we Uyghurlarning kèlichiki heqqide az körülidighan qimmetlik teklip – pikirlerni otturigha qoyup, yighin ehlining qelbide küchlik tesir qozghidi.



Rabiye Qadir xanimgha “Uyghur Mukapati” we 100 ming euro teqdim qilindi.

DUQ ning reisi, Uyghur Milliy herikitining rehbiri Rabiye Qadir xanimning Uyghur millitining erkin – azatliqi yolida serip qilghan ejri we pidakarliqigha rehmet èytish yüzsidin, DUQ muhajirette tunji qètim tesis qilinghan “Uyghur Mukapati”ni we 100ming Euro pulni Rabiye Qadir xanimgha teqdim qilip, Uyghur Millitining öz liderige bolghan söygüsi hem teshekkürini bildürdi. Rabiye Qadir xanim, bu 100 ming Euro pulni DUQ fondigha iane qiliwetti.



Rabiye Qadir xanim we Erkin Aliptèkin ependilerge Ton keygüzüldi.

Merkizi Asiya xelqining hörmet we salamlirini èlip kelgen Qazaqistan wekilliri DUQ ning reisi, Uyghur Milliy herikitining rehbiri Rabiye Qadir xanim we meshhur siyasiyun Erkin Aliptèkin ependilerge Ton keygüzüp, Ottura Asiya Uyghurlirining, weten istiqlaliyiti yolida qurbanlar bèriwatqan liderlerge bolghan qollash hem himaye qilish hèssiyatlirini ipadilep, küchlük alqishqa sazawer boldi.



Xitay hökümètining Türlik hile – mèkirliri berbat boldi.

Xitay Hökümèti 2 – nöwetlik Dunya Uyghur Qurultiyining Gèrmaniyide chaqirilishini tosup qèlish we Rabiye Qadir xanimning Gèrmaniye Yuqiri derijilik hökümet xadimliri bilen uchrushishigha chek qoyush üchün barliq charilerge bash urghan bolsimu, meqsidige yitelmidi we eksiche, Gèrmaniye Hökümet dairiliri teripidin Jasusluqta eyiplinip, sotqa tartilish xewpige duch keldi. Gèrmaniye met`buatliri Xitayning jasusluq qilmishlirini qurultay resmi bashlinishtin ilgila ashkarilap, Xitay hökümètining obrazini yerge urdi.



Gèrmaniye we chet`el metbuatlirining küchlük diqqitini qozghidi.

Hazirgha qeder Gèrmaniyide chaqirilghan Qurultaylarning Gèrmaniye _ Xitay otturisidiki munasiwetke dexli bermesliki nezerde tutulup, Gèrmaniye metbuatliri we TV qanallirida tigishlik ornini alalmighan idi. 2 – nöwetlik DUQ Axparat sahesining küchlik diqqitige ulashti we hazirgha qeder her xil teshwiqat wastilirida bes beste körsütilip kelmekte.



DUQ Neshriyat - Teshwiqat Merkizi



2006 - yili 12 - ayning 01 - kuni



http://www.uyghurcongress.org/Uy/news.asp?ItemID=1164980388

Unregistered
02-12-06, 04:52
Buni xewer qilip qoyghiningizgha rehmet.

Mumkin bolsa DUQ tiki eshu xewerni yazghuchi "è" ni "é" qilip tüzitip yazghan bolsa boptiken ... buni burunmu bireylen otturigha qoyghan idi biraq yaxshi niyette pikir qilghan u kishini beziler bihude tillap ketken. Tuzitip qoyarsiler...

Bir Uyghur