PDA

View Full Version : Xitay Hökümitining Biz Bilmey Kelgen bir Siri



Oghuzhan
19-11-06, 07:52
Xitay Hökümitining Biz Bilmey Kelgen bir Siri

(RFA teyyarlighan Xitay we Hendistan hökümetliri arisidiki Aqsay rayoni meselisige ayit maqalini oqughandin keyin)


Hazir Xitay Hökümiti bilen Hendistan hökümiti arisida yüz beriwatqan Aqsay rayoni zimin majrasida melum bir nuqtida turup, xitay hökümitining meydanini quwetlesh kerek.chunki bu zimin Uyghurlarning zimini.Xitay hökümiti bu rayonni besiwalghan emes.Uyghurlargha wakaliten egilik hoquqi yürguziwatidu,biz segek bolishimiz, meselilerge soghaqanliq bilen pikir yürguzishimiz, "Aqsay" rayononing igilik hoquqi meseliside Beyjing Hökümitini yiterlik pakitlirimiz bilen quwetlishimiz,ejdatlirimiz qanche ming yillardin beri igidarchiliq hoquqi yürgüzüp kelgen bu rayonning menggü Uyghurlargha tewe ikenliki heqqidiki meydanimizni ipadilishimiz lazim.hergizmu xitay hökümitige bolghan naraziliqimiz tüpeyli, öz ziminimizni desmiy selip achchiqimizni ipadileshke bolmaydu.Tariximizda bu zimin heqqide qimmetlik materiyallar bar.hazir xitay bilen Hendilar otursida yuz beriwatqan surkilish tarixtin beri Uyghur we hendilar arisida yuz berip kelgen.eng addiysi 62-yildiki, bu zemin heqqidiki majrada, Üch wilayet dewride hayat qalghan milliy armiymizning issiq qanliri derya bolup aqti....ular bu zimin uchun qan tokti, hayatini qurbanliq qildi.bu ziminning hazirghiche Uyghuristanning chigirisi ichide bolup turishigha sewep bolghanlar xitay emes Uyghurlardur...eger bu ziminni hindistan bizdin talship urush qilip qalsa yenila eng awal urushqa kiridighanlar bizning xelqimiz yene Uyghurlar bolidu.....mumkun bolghan ziminlirimizning her turluk sewepler bilen bashqa milletlerge beriwetilishige qarshi turayli.milly menpeetimiz üchün birlikte qilidighan ish bolsa, zörur tepilsa xitay hökümiti bilen birliship qilsaq xata bolmaydu.... xitay hökümitige ziyan salimen dep achchiqta teximu zor ziyan tartip oltursaq bolmaydu...Aqsay rayoni qedimdin tartip Uyghurlarning zimini, buninggha her bir dewirdin yazma pakitlarni tapqili bolidu....bu bir inkar qilghili bolmaydighan heqiqiet! Hindistan bizning teximu köp zimin dawasi qilmighanliqimizdin xushal bolsa bolidu... u bir keng hem muqeddes zimin, ziminning nime ikenlikini, egidarchiliq hoquqining nime ekenlikini taza biliwatimiz.mushu zimin üchun her iki terep her yili milyart dollarliq sodisidin waz kechiwatidu....özimizning zimini heqqide ikki eghiz heqaniy sözlep qoyush XUAR diki we dölet siritidiki teshkilatlirimizning bash tartip bolmaydighan buruchi dep qaraymen!
Xitaylar bizge uqturup-uqturmay, nechche yüzming kuwadirat kilometir ziminlirimizni, milliy musteqilliq kurishimizge birlikte qarshi turush sherti bilen Qazaq, Rus, Özbek, Tajik, Afighan we pakistangha beriwetti.Uyghurdin chiqqan toxa yurek qonchaq emeldarlar arqiliq bolsimu xelqimizdin meslihet sorimidi.chunki xitaygha derhal kerek bolghini tinch bir xelqara weziyette Uyghuristanliqlarning maddiy we meniwiy bayliqlirini weyran
qilish bolup,ularning konglide, ete Uyghuritangha egilik hoquqi yurguzeleydighan yaki yurguzelmeydighanliqigha ayit eniq san bolmighachqa, etiki quyruqtin bügünki öpkini ela bilip, Uyghurlarning ziyini bilen hergiz hesapliship baqmidi.mana bu xitayche xarakter...................ularning meqsidi ichkiy we tashqiy dushmenler bilen birliship, Xelqimizni her tereptin talan taraj qilishtin bashqa nerse emes.

Bu qetim xitay yene mustemlikige aylanduruwalghan Uyghuristan ziminini Hendilar bilen bolghan tenchliq kelishimi uchun setip, özlirining milliy xarakteridiki peskeshlikni yene bir qetim ashkarilishi mumkin.
Bu degenlik, Aqsaychin qedimki diyar Chini machin(Xoten)da, bolupmu Hendistan Uyghuristan chigirisida emes, Uyghuristan bilen Qazaqistan, Qirghizistan, Tajikistan, Afghanistan we Pakistan chigirillirida bolghan bolsa alla burun Uyghuristan teritoriyesi bolush alayidilikidin mehrum qalghan bolatti.chunki Xitay bu kichik namrat, tereqqiy qilmighan qalaq döletler bilen bolghan sodida özliri kutken mexsetke asan erishkini uchun ziminimizning kuzige qarimayla ilgirkidek yatlargha textim qiliwetetti.Xitaylar derslik kitawida dölet tupriqini Engilizlargha satqan Zuzungtangni "weten satquch" dep eyipleydu.emma Uyghuristan ziminini satqan Mau, Ding, Zhang qatarliqlarni weten satquch demeydu.neme üchun? chunki Uyghuristan xitaylarning wetini emes, besiwelinghan, tajawuzchiliqqa uchrighan, ichkiy we tashqiy dushmenlerge yem boliwatqan zimin. Xitaylar bilen bashqa ottura asiya memliketliri ottursida yuz beriwatqan Uyghur ziminini bölüshiwelish pilani asan emelge ashiduyu, neme uchun Hendi we Xitay arisida emelge ashmaydu?Xitay wetinimizni qoghdawatamdu!?Hendilar heqqaniyet meydanida turup, Uyghurlargha hesidashliq qiliwatqamdu!? Yaq her ikkisi bu meselide bizge dushmen.ularning bu sodisining emelge ashmasliqida Hendiya bilen Xitay ottursidiki öz-ara muhtaj bolmaydighan, bir-biridin ustunluk talishidighan xarakter asasiy rol oynawatidu.waqti kelgende özlirini asiyadiki hökümaran chaghlawatqan Xitay xuddi quldek Hendilarning aldida tiz chöküp, Uyghurlarning musteqilliq dawasigha birlikte qarshi turush sherti bilen Hendistangha bu ziminni ikki qollap ötkuzup beridu.(mana bu xorluq we numusqa qalsimu hakimiyet we milliy rohni qedirleydighan, insan tebiyitige qarmu qarshi bolghan xitay millitining rezil epti beshirisi.)Emma Hendilarning buninggha qandaq jawap qayturidighanliqi Uyghurlarning xelqaradiki nam abroyining kötürülishi we chushushige yeni bu dawada utush terepkimu, utturush terepkimu qarap mengishi bilen munasiwetlik.Tarixiy tejiribilerdin qarighanda Hendilar Turkiy xeliqler , Jumlidin Uyghurlar bilen mengguluk reqip bolup yashashni xalimasliqi, bizge paydiliq bolghan melum mewqede turushi ehtimalgha yeqin....emma hemme ish yenila özimizge baghliq...tarix haman tarix....Hendilarning Xitaygha "Aqsaychin" silerning emes degini toghra, emma Ular herqandaq chaghda Aqsaychin Uyghuristanning zimin tewelikige kiridighan zimin emes deyelmeydu.
Anglashlargha qarighanda 40-yillardiki Uyghuristan inqilawi meghlup bolup, aldinqi ewlat inqilapchillirimizdin Mesud Sabiri, Memtimin Bughra, Eysa Aliptekin qatarliqlar wetenni terik qilip Hendistangha kelgende, Hendiy Hökümiti Ularning Aqsaychinni igilep, u yerde özining musteqqilliq herikitini dawamlashturushqa izna bergenken.( xuddi Darasalamni igilep yatqan Tibetlerge ruxset qilghandek). emma bizningkiler weziyetni xata mölcherlep, Turkiyede "sowup qaptu",Turklerning yardimi bolmay turup qandaq bu chöllikte bash kötergili bolsun dep, u ziminni tashlap chiqip ketken iken. Ish bilidighan Hendi musulmanlar, bu köchmenlerning nahayiti chong siyasiy xataliqqa yol qoyghanliqini, ularning semige selishqan iken. eger wetenning busughisida Xitaylar biwaste basturup kirelmeydighan kichikkine bir teritoriyemiz bolghan bolsa , su chiqmas qaqas yer bolghan teqdirdimu qanchilik yaxshi bolghan bolar idi he!?

Emma Xitay Hökümiti hendi Hökümitining Uyghur köchmenlirige bergen semimiy tekliwidin özining ishenchlik jasusuliri arqiliq waxtida xewer tapqan we bir bahane sewepler bilen Hendilar bilen özining arisida Aqsaygha munasiwetlik bir ziddiyet tughdurup chiqip, Köchmey qalghan milliy armiyening xitay armiysige aylandurulghan poliklirini, chandurmay Hendilar bilen qanliq jenggi jidel ichige selip qoyup, öz-ara qanliq qisas shekillendürüsh arqiliq, kelguside yüz berish ehtimali bolghan, Hendilarning Uyghuristan musteqilchillirige qanat yapidighan zimin teghdim qilish ehtimalliqining aldini ustiliq bilen alghan we milliy armiyeni qattiq eghir halsiratqan.Xitay bu epchil charini tuzup emelge ashurishta Uyghur satqunlarning kuchi we heqiqiy ehwaldin xewiri bolmighan Sherqiytürkistan milliy armiysining qalduq polikliridin paydilanghan. Yighinchaqlighanda 40-yillardin keyin yene bir qetim köklep mewe berish aldida turghan musteqilliq deriximiz, tajawuzchi Xitay kommenistlirining bir qolluq pilanlishi bilen özimu, sepimu Uyghurdin bolghan bir qanliq palta bilen kisip tashlanghan. Bu hadesini tup yiltizi bilen Hendistangha chüshendürüp qoyidighan adem chiqmighan, her zaman musulmanchiliqni qoghdaymen dep yirtiq ishtanliq qongimizni achidighan teqwaliqimiz, özimizge paydiliq bolghan, yuz yillar ilgiridin tartip hazirghiche, hazirdin yene hem yüz yillarghiche Xitaygha dushmen bolidighan, bizge hesidashliq qilish imkaniyiti bolghan musulman bolmisimu bizge ziyansiz, jessur bir milletni özimizge oylimighan yerdin düshmen qilip qoyghan....tepsilatqa alaqidar materiyallar heqqide qerindashlirimizning teximu keng izdinip, bar imkaniyetlerdin paydilinip Hendilargha bolghan teshwiqatqa ehmiyet berip, tarix tetqiqatimiz arqiliq musteqqilliq ishlirimizgha tegishlik payda yetkuzishlirige tilekdashliq bildurimiz.

Demek Uyghuristanliqlar Rus we Xitaylar teripidin arqa-arqidin bir qanche qetim zangliq qilinghandek oynutilghan. shu arqiliq dost milletler we qerindash milletler bilen düshmen bolidighan, dostlarni dushmen dep qaraydighan qechip qutulghili bolmaydighan dehshetlik riyalliqqa muptila qilip, xelqimizge essir-esirlep kelidighan ziyanni tolduriwalghusiz derijige yetküzgen.
(Axirida Uyghurgha wakaliten sözlewatqan RFA Radiosining Aqsaychin meselisi heqqidiki maqalisini yene bir qetim oqup chiqip, bu heqte ularning tutqan passip pozitsiyesining qandaq bolghanliqi heqqide pikir qilip beqishinglarni iltimas qilimen.)

18.11.06 (Tügidi)

Oghuzhan
19-11-06, 07:56
Yoqarqi maqalini öchuriwetmeng, pikiringiz bolsa yazma halette deng, munazirilishing,eger alahidemesele bar dep qarisingiz awal ish bilidighan ziyalilirimizning meslihetini elip beqing we aptur bilen yüz turane tel. yaki internet arqiliq pikir almashturup beqing.eger yana shundaq qilsingiz bu mesele heqqide köpraq bir mesrse deyiship qalimiz.

_____Apturdin

Unregistered
19-11-06, 09:13
Yoqarqi maqalini öchuriwetmeng, pikiringiz bolsa yazma halette deng, munazirilishing,eger alahidemesele bar dep qarisingiz awal ish bilidighan ziyalilirimizning meslihetini elip beqing we aptur bilen yüz turane tel. yaki internet arqiliq pikir almashturup beqing.eger yana shundaq qilsingiz bu mesele heqqide köpraq bir mesrse deyiship qalimiz.

_____Apturdin


Admin efendi, Kechurung, set ish boldi.men texi "Xitay Hökümitining Biz Bilmey Kelgen Bir Siri" degen eserni,meydandin chiqiriwettimikin dep oylap qaptimen.maqaligha alahide köngül bölgenligingizge rexmet eytimen.mumkin bolsa,bu maqalining men ikkinchi qetim yollighan bu nusxisini pikirler bilen qoshup öchuriwetsingizken. rexmet, sizge utuqlar tileymen.
_________Aptordin