PDA

View Full Version : 41 kechilik uzun chush (6-dawami bar)



Milletchi
15-11-06, 15:52
bugunmu chush korushke bashlidim. eslide kureshni izdimekchi bolup chushumde yene uyqugha bash qoyghan idim. uhla-uhlimayla kureshni izdeymen dep kitiwetip bir gherip qebristanliqqa kirip qaptimen. bu qebristanliqtiki qebrilerning hich biride qebre teshi kurunmeytti. hetta tuzukrek belgimu quyulmighan, yerdin azraqla perqlinip turidighan zomchek-zomchek tupraq beshi, sapla yantaq besip ketken, shunchilik gheribane bir makan idi. men eshu tupraqlarni arilap kitiwetip majralishiwatqan ikki kishige yoluqup qaldim.
ular bir birige qattiq ochmenlik blen hujum qilishmaqta idi. birining uchisida Uyghurche kiyim, yene birining uchisida bolsa, natunush bir hil yawayi kiyim -yeni beshida yoghan sella, bir pushqiqigha besh adem kiriwalsimu sighip ketkidek shalwur ishtan, tizidin eship turidighan perenje ton, korunushidin yaki Afghanliq, yaki pakistanliq idi. likin her ikkisila uyghurche tillishiwatatti. men heyran bolup ulargha yeqinlashtim. ular baqi alemdiki erwahlar iken. towa didim ichimde, baqi alemdimu urishidighan ishlar bolidikine. bu lar zadi nime taliship mushunchiwala ghewgha qilishidighandur. men ulargha diqqet qilip seyritish niytide tehimu yeqinlashtim. ularning parangliri mundaq idi:

hey ahmaq adash, sen Allah yolida mustehkem turmay, iwo kinochi, ertislerning keynidin kitip qalding. murted bolap oldung. sini obulqasim dise tonimaydighan adem yoq. bu alemdimu nurghun kishiler tonuydu. biraq sen yoldin azding.

hey kalwa mehsum, sinimu putun alem bilidu. minimu bilidu. likin sen bizni murted deydighan zadi qaydaq asasing bar? biz Allah yolida mangmay achangning yolida mengiptuqmu!

hey telwe, aghizingni buzma! men digen butun ilimlerni tamamlap, ali maqamgha yetken olima kishi. manga til tekkuzgenlik Allahning peyghembirige haqaret qilghan bilen ohshash. senler Allah korsetken yolda mengishmay, weten- Milletni azat qilimiz, diyiship imandin juda bolushtung. biz bolsaq Allahning dinini ustun qilish, butun dunyadiki kapirlarni yoqitip, dunyada Allahning hukumranlighini jari qildurush uchun jengge atlinip shehid bolduq. perq mana.

hey sarang poq saqal, sen kuchung yetmeydighan ishqa beshingni urushtung. taqqa usup haram ulushtung. sanga butun dunyadiki kapirlar zadi nime qilghan? kapirlarnimu Allah yaratqan tursa! sining ularni olturidighan nime asasing bar?

hey qara nadan! eqli imadin ajrap ketken murted! Allahning chaqirqini inkar qilamsen? " kapirlarni tapqan yerde olturunglar!" digen ayetke nime dimekchi sen! mana biz ashu oluq yolda butun dunyadiki kapirlarni olturup, dunyani islam qilish yolida shehit bolduq.

sen kalwa Allahning oluq chaqirqini hata chushunup, Allahni qatilliqqa shirik qilmaqchi bolushtung. Allah mezkur ayette senler eytqandek qatilliqqa chaqirmidi. belki Musulmanliqqa qarshi we uni yoqitishqa urunghan dushmenlerni dushmenligi kuchtin qalghangha qeder yoqitishqa buyrighan hukumdur.

manika obulaho, biz shuning uchun silerni murted dawutimiz. Allah kapirlarni yoqitishqa zadi buyruptimu , yoq? hebbelliiii, hazir iwo imrika iwo yawrupa kapirliri iraqtiki musulmanliqni, afghanistandiki musulmanliqni, pelestindiki musulmanliqni, chichenistandiki musulmanliqni, iwo lubnandiki musulmanliqni yoqitish uchun her kun yuzligen idemlerni uttiriwatsa, yana u kapirlargha qarshi turush uchun biz Allahning chaqirqigha awaz qushap, jenge atlansaq biz poq saqal bulap kittuqma! hey murted inde sozliye qine!

sen kalwa mehsumning imani ashu iraq,pelestin, lubnandin halqimaydu. sen ereplerning pulini hejligen bolghach, jeningnimu erepler uchun tesedduq eyliding. sining imaningmu ashular uchun beghishlanghan. sen musulmanchiliqni erepke hizmet qilish, erep uchun jan pida qilish menasida chushending. erepler bolsa sanga ohshash chushenmidi. erepler imanni weten, mIllettin ayrimidi. ereplerning wetinige ejnebiler kirse, ejnebilerni qoghlap chiqirish uchun janni, malni pida qilishni iman dep itiqad qilishti.hazir afghanlarmu ejnebiler tiklep qoyghan hakimyetni oz hakimyitimiz dep qarimighachqa, iraqliqlarmu ejnebiler qurup qoyghan hakimyetni oz hakimyimiz dep qarimighachqa, herkuni yuzlerche pidailar kokrikige bomba tengip, jandin juda bolmaqta. ular wetenni hakimyetni ejnebilerdin tamamen qutquzush uchun shundaq qiliwatidu. emma sanga ohshash poq saqallar oz wetinini dushmenge tashlap birip, oz qerindashlirini kapir dushmenge solap birip, hayatini ereplerning afghanlarning wetini we millit uchun pida qilishti. qeni inde sen sozliye! poqawash.

hey qarayuz imansiz! az walaqla! biz heqiyqi kamil musulmandurmiz. kamil musulmanning wetini, milliti bolmaydu. butun dunyadiki Musulmanlar qerindashdur. butun dunyadiki musulman yashaydighan zimin allahning ziminidur. yene sen bilip qalki, sining " Millitim" diegnliringni musulman digini bolmaydu. ularning imani yoq. biz jenimizni pida qilghan erepler, Afghanlar allahning heqiyqi bendiliridur! ular yashiqghan ziminmu uluq zimindur. biz bu uluq jenimizni heqiyqi jayida serp qilduq. sen bolsang, ishwo iman islamni bilmeydighan mehluqlar uchun pida qilding. shunga sini we sendeklerni murted deymiz aynika! yene bilip qalki weten Millet dep olgenler bir zembil gosh bulap sesiydu halas. i

hey ebleh, sen qaraqosaq, nadan. sende heqiqi bilim digen nerse yoq. sen allahning Qur,anini uzengmu hata chushengen, bashqilarghimu hata chushendurgen iding. bilemsen kalwa. uluq yol bashchimiz hezirti muhemmed eleyhisalammu islamni tarqitishta aldi bilen oz qewmidin, oz tuprighighdin bashlighan, azat qilghandimu oz qewmini we oz tuprighini dushmendin qutqazghan. bizge hazir periz bolidighinimu kapirlarning ayaq astida izilip, jazaliniwatqan, horliniwatqan, dinidin mujburi ajirtiliwatqan ashu helqimizni wetinimizni dushmendin qutquzushdur. bizning qewmimiz dunyadiki eng isil musulmanlardur. ular muqeddes islam dinimizni peqet eqide we itiqat supitide tunup keldi. ular dinni herqachan hichbir menpetliri uchun waste qilishmidi. sining erepliring bolsa muqeddes islamni, muqeddes qur,anni herhil menpetliri uchun waset qilip kelmekte. shu muqeddeslikke ishinimenki bizning qewmimiz uluq islamni oz mahiyti bilen uluqlaydu. wetinimiz azat bolghanda uluq isalm helqimizni toghra yolgha bashlaydu. helqimiz parlaq hidayetke irishidu. biz eneshu ghaye uchun toghra yolda shehit bolduq.

men ularning majlarini shunchilik qiziqip anglimaqta idim. kimdur biri yenimdila pihildap ornidin turdi,de u kishi Erkin Alptekin ependim iken. men derhal uning yenigha kelip, yuz yeqiship kurushtum. u mendin : ukam ozliri kim bilidila? dep sorap qaldi. men sel aghringhandek qilip: ependim sili mini tunuylighu deymen didim.
- yoqsu, men silini tunja qetim kuriwatimen.
: yaq ependim, biz aldinqi qetim mining chushumde kurushken iduq.
- hahahaha. ukam, sili qarimaqqa ziyali kishidek turila, biraq bu gepliri zadila oyghun bolmidi. chushni ozliri koruptila. men kormisem yaki. hahahaha.
men sel hijil bolup:
ismem jahan kezdi supurge bolidu deptimen yene tusattin yalghan eytip.
: he mundaq disile supurge hajim. men uning bu sozidin bildimki umu shu qetimqi chushumde shirik iken. shuning bilen derhal deptimen:
ependim aldinqi qetimmu ismemni mushundaq diegn idile. sili mini tunimighan we ismemni anglimighan bolsila nimishke bu qetimmu shundaq deydila?
- ukam supurge hajim, chush gigen shundaq bolidu. dadam rehmetlik deydighan: oghlum erkin! adem balisi oz hiyalini chishide koridu, sen chushliringge bek birilip ketme.dep. endi silimu mini bekrek hiyal qilidighan ohshimamla supurge hajim.hahahahah.
: shundaq bolsa kerek, Erkin ependim.
-he oz gipimizge kileyli ukam. bular nime heqte taliship qaptu, sili chushendilimu, men zadila perq itelmidim.
men ependimge ularning munazirlirini qisqiche sozlep bergendin keyin chahchaq arliash mundaq deptimen:
ependim bularnimu yanjuqlirida edeplep qoysiliri qandaq bolarkine.
- ukam supurge hajim bu geplirini zadila chushinelmidim. yanjuqta edeplesh digen qandaq gep uzi?
men uning bu geplerni chushenmigidin bildimki u ismemni undaq eytqini bilen aldinqi chushumde uchrashqanlighimizni rastinla bilmeydikende. shuning bilen yanjuqta edeplesh taktikisi heqqidiki hikayini bir birlep sozlep biriptimen. u kulup teliqip ketti we ukam mining ishitimmu yoq, dadam rehmetlik deydighan: oghlum ishit beqish yahshi adet emes, ishitni chush kurushmu yahshi emes,dep. endi sili mini tola hiyal qilidikendila ukam. meqsetlirini uchuq eytqan bolsiliri, digudek u, konglimdikini sezgendekla.
: gepning uchighini eytsam, hormetlik erkin ependim, janabiliri mushu qetimqi qurultay saylimida Rabiye hanimgha qandaq muamilide bolmaqchikin, shuni ghem qilimen.
- ukam supurge hajim, Apimiz disili yahshi bolidu. anglishimche hanimgha telipun qilip" Apa, hemme kishi silini apimiz dawaptu, shunga menla qaptimen, menmu apa disem qubul qilamdila" deptikenla. hanim hursen bolup" jenim balam, sen mining heqiyqi balam sen, mini daim apa dep chaqirsang, men bala derdini unutqandek bolidkenmen" deptiken. hazirmu apam digen sozni unutmisila.

biz shundaq qilip uzun paranglishiptimiz. ahirida ependim mundaq digudek:
ukam supurge hajim, men qesemni yahshi kormeymen. eger qesem qilishqa toghra kelse, bu qetim Rabiye hanimni Bash Re,islikke saylash yaki bey,et bilen Bash Re,is dep elan qilish heqqide qararimni qesem bilen ipadilymen. men daim eytattimghu , Rehbirimiz wetende, turmide,dep. he eneshu kishi animiz Rabiye hanimdur. endi yene kimni kutimiz! bu mining qararim, hatirjem bolsila ukam. u heqiqeten semimi, qeti idi. shundaqtimu men yene bir az ikilinip deptudekmen:
ependim, hazirghu shunchilik qeti sozlidile, biraq bu gepler mining chushumdiki parang tursa, kiyin " chushni sen korupsen, men sini nede korgen " disili , men bu chushlirimdin bekla nepretlinip kitimen.

- hahahahaha. ukam supurge hajim qeti hatirjem bolsila, chushning bezenliri Rohi ilhamdur, deydighan dadam rehmetlik. bu chushlerni gerchi sili koriwatqan bolsilirimu, mangimu ayan bir rialliq. bu chushlirini yahshi bir tebirchige urup bersile. andin tebirini hemme dostlirigha eytip bersile. men yene deymenki hayatim buyche hich kimni yanjuqta jaylimidim. belkim shundaq bir ehwallar korulgen bolsa, gunah mende emes, ashu yanjuqlirimgha kiriwalghan yaranliride.
men ependimge shunchilik hormet tuyghum bilen baqattimki bundin burun uni kop hallarda hata chushengen kenmen. uninggha yeqinshilip, qoltighidin yoliwaptimen we ichimdin chiqiwatqan bir semimi soygum bilen " ependim, mini bundin kiyin reqip kormisile, yanjuqlirigha kiriwalghan aghinilirim mining heqqimde shikayet qilsa, bekmu adap ketmisile, men hich qachan silini yamanlighan emes,deptimen. u kozige liqqide yash elip, lewliri titrigen halda hemme ish utep kitidu, emma semimiyetlikla sahlinip qalidu, deptudek.

men ependim bilen hoshlishiwetip, shat-huramliq ilkide: kuresh olmeydu, kuresh olmeydu... dep nahsha towlaptimen. biraq uzem towlighan nahshidin uzem tesirlinip kitip, isedep yighlighanche oyghunup kitiptimen.

Yawayi
15-11-06, 20:04
„Milletchi“ge pikrim (1)

Milletchilik bügün Milliy mujadilimiz üchün bir enggüshter. Milletchilikke bügün biz herqandaq zamandikidinmu bekrek muhtaj. Herqandaq bir Uyghur Uyghurluq sheripige layiq yashaymen dise, öz millitini söyüshi, öz milliti üchün xizmet qilghan Uyghurni söyüshi kèrek.
Milletchilikning eng eqelli shertliridin biri, öz milliti üchün xizmet qilghanlarning tigishlik qedrini qilishta ipadilinidu. Uyghur üchün xizmet qilmighan Uyghurning xitaydin nime perqi?
Emma Milletchilikni Süy`istimal qilip, millet shenige haqaret qilidighan naehlilerni kechürgili bolmaydu. Milletchi uningdek bolsa, bolghinidin bolmighini tüzükrek.

“41 kèchilik uzun chüsh” qoynida qara bèsip, ala – joqa jöylüwatqan, özini “milletchi” atiwalghan bu mexluqning haman chüsh qoynida yashap kèliwatqènini bilettim. Uning hich qachan oyghnaghènini körgen emesmen. 10 yildin ashqan bir zaman, gheripning ebjesh medeniyetliri qoynida hayat kechürgen bolsimu, uning rohigha ne medeniyet iznaliri, ne tepekkur uchqunliri yuqmighan. Eksiche, öz millitining güzel en – eniliridinmu chetnep, gheripche heset we töhmetxorluq kèsilige gèriptar bolghan.

U, Millet üchün yashaymen,dep turup, milletke haqaret qilidu. Milletni söyüshni tekitlep turup, milletning söyümlik insanlirigha töhmet artidu. U bu xil naehlilikini yillardin buyan dawamlashturup keldi. Bir chaghda taqiti toshqan bir Uyghur: “hemme nersini otturigha tashlap, xitaygha ashkarilap bèrishke anangning heqqi barmu!” dep qoyiwèdi, shuan peryat kötürüp: “Anamni haqaretlidi!” dep ingrap ketken idi. Bu qètim yene birsi chiqip: “hey xumsi, Uyghurlar ichidiki mexpiyetlik Uyghurlar ichide qalsun! Xitay bu uchurlargha pul xejlepmu èrishelmeywatidu, hemmini sorungha töküshke achangning heqqi barmu!?” dèmisila bolatti?

Insan bu qeder tuzkor bolmas – he!
U özining uzun chüshide tilgha alghan, eyipligen, töhmet artqan, dartmilighan insanlar, eslide uninggha rehmet qollirini sunghan idi. U sersanliq hayat ichide tinep – temtirep yürgen chaghlirida qèrindashliq mèhrini bergen, bèshini silighan idi. Emma u ularni ghajashni izchil dawamlashturup keldi. U bügün, chüsh sheklini öz “ijadiyiti”ge waste qilip, dèyishke tègishlik bolmighan geplerni dewatidu we eyipleshke tègishlik bolmighan insanlarni yene eyiplewatidu. Arida peyda bolghan “tebirchi” ependining “chüsh tebiri” arqiliq nesihet qilip qoyushini ümid qilip, pikir bayan qilmighan idim. Lèkin “Tebirchi” ependim “Tebirname” izdep yüremdu yaki özimu chüsh körüwatamdu, èytawur közdin ghayip boldi. Men bu yerde ikki kelime nesihet qilishni layiq kördüm.
Elwettiki, “Milletchi”ning kim bolghanliqini èniq bilimen. Shunga, mèning pikirlirim peqetla uninggha mensup. Bashqilar bu uzun reddiyige nezer aghdurup özini aware qilmisimu bolidu.

Mèning kimlikimni bilip qèlishingni xalaymen. Pikirlirim sanga kim bolghanliqimni bildüreleydu. Chüshüngde töhmet toqup, ongungda bazargha sèlishliringgha iren qilmisammu bolatti. Sèning daim özüngdin yoghan tèmilargha èsiliwèlip, axirini xeyirlik tamamliyalmay reswa bolidighanliqingni bilettim. Biraq, heddingdin èship, muqeddes dewayimiz yolida xizmet qiliwatqanlargha haqaret we töhmet qilishqa bashliding. Düshmen bilmise yaxshiraq bolidighan nersilerni küchüngning biriche sorungha sörep chiqting. Lèkin men, sèning hazirgha qeder Xitayni biwaste eyiplep birer eser yazghiningni bilmeymen. Sen büyük tèmilarni öz esiringning tesir küchini ashurushqa we namingni chiqirishqa desmi qiliwatqan bolsangmu, bu tèmilarning axparat tüsige ige nazuk mesililerge chètilidighanliqini nezerge almiding. Sèning: “bu yerdiki xitay tehditini oylisa, ademning tènige titrek olishidu” dègen reswa iqraringni anglighan kündin buyan, sendin nepretlinettim. Bu gepni sen hör dunyada yashap turup dègen iding. Uyghur bolghanliqing üchün, sanga yenila keng qorsaqliq bilen muamile qiliwatattim. Bu qètim undaq qilalmaydighandek turimen. Men sèning xitayni eyipleshke qarighanda, öz millitingni we öz millitingning yaramliq ademlirini eyipleshke jasaret körsitishingge sewep boliwatqan amillardin bekrek, sèning qandaq bir “Milletchi” ikenliking heqqide köprek toxtilimen. Men sanga waqtim chiqqanda, milletchilikning qandaq bolidighanliqi heqqide az – tola sawat bèrimen. Özümni milletchilik nezeriyisining danishmenliridin sanimisammu, eqidemge, exlaqimgha, wijdanimgha munasip yashap hasil qilghan tejribilirimni anglitimen. Sen anglashqa mejbur bolisen!