PDA

View Full Version : Beijing Dairliri Kanada Bash Ministiri Stephen Harperning Hujintao bilen Korushush Te



uyghur1.com
15-11-06, 00:10
http://www.uyghur1.com/uyghur/viewtopic.php?t=8011

http://www.uyghur1.com


Beijing Dairliri Kanada Bash Ministiri Stephen Harperning Hujintao bilen Korushush Telivige Soghuq Muamile Qildi


Kamil Tursun

Kanada Hokümiti Xitay dairliridin bu ayning 18-19-küni Vetnamda otküzülmekchi bolghan Asiya Tench Okyan ixtisadi hemkarliq yighini mezgili jeryanida, bash ministir Stephen Harperning Hujintao bilen korüshüshini telep qilghan bolsimu, Xitay terep bu telepke hazirghiche hichqandaq javap qayturmidi.

http://www.rfa.org/uyghur/xewerler/tepsili_xewer/2006/11/13/stephen-harper.jpg
Kanada Bash Ministiri Stephen Harper

Kanadadiki analizchilerning qarishiche, Bu Xitay hokümitining Konservatiplar hokümitidin narazi bolivatqanliqining signali iken.
Xitayning Kanadada turushluq bash elchixanisining bir xadimi Kanadadiki “Globe and Mail” gezitige “Hokümitimiz bu mesile üstide muzakire qilivatidu. Hazirche, axirqi netijidin soz échish texi baldur,digen. Amma elchixanining bu xadimi Xujintaoning nime üchün Stephen Harper bilen uchrushushqa texiche qoshulmighanliqi heqqide izahat bermigen.
Yoqurqi gezitning melumatigha qarighanda, Kanada Hokümiti buningdin xeli burunla Xitay dairliridin bu telepte bolghaniken.
Xitay hokümiti bu yighin jeryanida Hujintaoning Amerika prezdenti George Bush ve Yapuniye bash veziri Shinzo Abe bilen ayrim –ayrim korüshidighanliqini élan qilghan bolsimu,amma Kanadaning telivige javap bérishni arqigha sozup kelmekte.
Buningdin ilgiri Kanada metbuatliri Stephen Harperning Vetnamde otküzilidighan asiya tench okyan ixtisadi hemkarliq yighini mezgilide Xitay dolet rehbiri Hujintao bilen korüshüp,Xitayda tutup turilivatqan Kanada puxrasi Hüseyin Jelil mesilisini hel qilidu yaki bu heqte mohim bir qedem basidu,dep perez qilishqanidi.



Xitaynng Kishilik Xatirisini Tenqit Qqilip Kelgen Bu Hokümet Bilen Xitay Dairlirining Munasiviti Yirikleshmekte





Kanadadiki Karleton Universiti Norman Pateson xelqara munasivet orning mesuli Fen Hampson Hujintao axirqi hesapta Stephen Harper bilen ayrim korüshüshke qoshulghan teqdirdimu,bu telepning bunchivala arqigha sozulishi heqiqeten kishini endishige salidighan ish, deydu.

Kanada konservatiplar partiyesi hakimiyet béshigha kelgen 9 aydin buyan, yüz bergen birqanche veqe Xitayni biaram qilghanidi. Bulardin Tashqi Ishlar ministiri Peter Mackayning 1000din oshuq Xitay jasusining Kanadada paaliyet qilivatqanliqini ashkare tenqit qilishi ve Kanadaning Dalai Lamagha pexri puxraliq salahiyitini berishi qatarliqlarni sanashqa bolidu. Kanada dairlirini xapa qilghan mesile bolsa, Xitayning Kanada puxrasi héseplanghan Hüseyin Jelilni Ozbekistandin üntünsiz tutup ketishi ve bu heqte Kanadagha héchqandaq chüshendürüsh bermigenliki bolghanidi.
Uningdin bashqa,Bu Hokümetning yoquri derijilik emeldarliri hazirghiche Xitayni ziyaret qilip baqmidi.Gerche Kanada xelqara soda ministiri David Emersonning bu ay ichide Xitayni ziyaret qilidighanliqi élan qilinghan bolsimu,amma bu ziyaretmu axirqi hesapta kechiktürüldi.



Ikki Doletning Yoquri Derijilik emeldarliri Otturisida Uchrushushlar Boldi ,Amma Mesililer Hel Qilinmidi


Kanada Tashqi ishlar ministiri Peter Mackay Kanadadiki Xitay bash elchisining ozi bilen korüshüsh telivini 8 aydin beri arqigha sozup, uning bilen texi yeqindila korüshkenidi.
Soda sahesidikiler Konservatip partiyesi Hokümitining Xitay bilen aktip berish kelish qilmighanliqidin narazi bolmaqta. Chünki ular ikki dolet munasivetliridiki yiriklik soda munasivetlirige selbi tesirlerni élip kelidu,dep ensirimekte.
“Globe and Mail” gezitning ashkarilishiche,novette parlamenttiki herqaysi partiyeler yilda bir qetim otküzilip kelgen, Kanada Xitay kishilik hoquq diyalogini bu yil otküzüsh kerekmu yoq, degen mesile üstide munazire qilmaqta iken.
Uning üstige,Konservatip Partiyesi parlament ezaliri Xitay hokümitining kishilik hoquq xatirisi ve Teyvenge qaratqan siyasitini izchil tenqit qilip kelmekte.
Bu yil yazda Stephen Harper Rossiyede otküzülgen, 8 dolet bashliqlirining yighinida Xujintao bilen qisqila korüshkenidi.
Péter Mackay Xitay tashqi ishlar ministiri Li Zhao Shing bilen ikki qetim uchrushush pursitige erishken bolsimu,buningdin bir netije chiqmidi.Peter Mackayning Xitayning bu ministiridin alghan javabi bolsa,uning Hüseyin Jelilning veqesidin xeversiz ikenliki boldi..



Stephen Harper : Xitay Hokumiti Kishilik Hoquq ve Bashqa Sahelerde Islahat Elip Berishi Kerek



Stephen Harper aldinqi ayda, Kanadada chiqidighan “Shing tao” gézitining ziyaritini qobul qilghanda,Asiya Tench Okyan ixtisadi Hemkarliq yighini mezgilide Hujintao bilen uzaqraq ve ayrim paranglishish arzusini ve Kanadaning Xitaygha qaratqan siyasitini eniq otturigha qoyup:
Biz Xitay bilen soda,meblegh selish arqiliq, ixtisadi munasivitimizni kücheytishni arzu qilish birge, yene Xitayda siyasi islahatning ilgiri sürülishini, shuning bilen birge Kanadaning demokratiye,erkinlik,kishilik hoquq ve siyasi tereplerdiki qimmet qarishining olumlishigha yol quyulishini ümit qilimiz.Biz Xitayda kishilik hoquq ve bashqa sahelerde islahat élip berilishini arzu qilimiz.Bu qimmet qarishi Konservatip Hokümet üchün intayin muhim.U melum dolet bilen bolghan sodini kozde tutup,oz eqidsini ozgertmeydu.Bizning kishilik hoquqni ilgiri sürüsh heqqidiki teshebuslirimiz ikki dolet otturisidiki soda munasivetlirige tesir qilmasliqi kerek,digen.



Stephen Harper : Hokümitimiz üchün eng Mohim Bolghini Xitayda Tutup Turulivatqan Puxrayimiz Huseyin Jelil Mesilisidur

http://www.rfa.org/uyghur/xewerler/tepsili_xewer/2006/06/27/Huseyin-Jilil.jpg

Urumchidiki Xitay dolet bixeterlik nazaritining turmisida tutup turilivatqan Kanada puxrasi Huseyin Jelil

Yoqurqi gezitning Sizning novette Xitaydiki kishilik hoquq mesilisidiki endishingiz nime degen sualigha javap bergen Stephen Harper:
Hokümitimiz üchün eng mohim bolghini Xitayda tutup turilivatqan Kanada puxrasi Hüseyin Jelil mesilisidur. Hokumet hadimlirimiz Xitay kesipdashliri bilen bu mesilide tekrar-tekrar alaqe qilmaqta.Xitay Hokümiti bizning endishilirimizge javap qayturdi. Biz Hüseyin Jelilning Kanada puxrasi ikenligini davamliq tekrarlaymiz. Xitay qanuni boyiche bolghandimu u yenila Kanada puxrasidur.. Shuning üchün u bir terep qilinishi kerek..degenidi.
Aldinqi ayning otturliri Stephen Harper Torontoda, Hüseyin Jelilning ayali ve uning perzentlirini qobul qilip,Kanada hokümitining Hüseyin Jelilni hamini qayturup kelidighan iradisini qayta bildürdi.


Hujintao Huseyin Jelil Mesilisidin Ozini Qachurghan Bolishi Mumkin


Karleton Universiti xelqara munasivetler bolümining bashliqi Fen Hampsonning qarishiche,Xitay Hokümitining Stephen Harperning korüshüsh telivini javapsiz qaldurishi-- uning oz elchisini uzun saqlatqan Kanada hokümitige inkasi iken.
Fen Hampson :
Bu bir taktika bolushi mümkin,diplomatic uyun bolishi natayin,deydu.
Bashqa bir mulahizichining qarishiche bolsa, Xitay dolet reisi Hujintao --ikki dolet munasivetlirini kriziske elip kélivatqan-- Hüseyin Jelil mesilisidin ozini qachurush yolini tallighan bolsa kerek.
Kanada metbuatliridiki mulahizilerge qarighanda Kanada Hokümitining telivi axirqi hesapta emelge eship,Stephen Harper Hujintao bilen korüshken teqdirdimu, amma uchrushushta mahiyetlik mesililerning hel qilinishi natayin iken.