PDA

View Full Version : Xitay jasusluq organlirining yéngi tedbiri



Vancouver Canada
05-11-06, 02:36
http://www.rfa.org/uyghur/xewerler/tepsili_xewer/2006/11/03/jasusluq/?simple=1


Xitay jasusluq organlirining yéngi tedbiri
2006.11.03
Ixtiyari muxbirimiz ekremning bu heqtiki melumati
Awaz köchürüsh
D u q xadimlirining yéqinda wetendin biwaste igiligen melumatlirigha asaslanghanda, xitay jasusluq organliri chetelde yashap, xitaygha qarshi siyasiy paaliyetlerde aktip rol oynawatqan yaki uyghur siyasiy teshkilatlirining paaliyetlirini maddiy we meniwiy tereplerdin qollawatqan uyghurlargha qarita yéngi bir tedbirni yolgha qoyup, uni ijra qilishqa bashlighan.

Bu tedbirning asasi mezmuni: chetelde yashawatqan uyghurlarni shu dölet höküméti bilen déplomatiye söhbitige tayinip wetinige qayturup ekilishtin ibaret bolup, xitay jasusluq organliri buning üchün, chetelde yashawatqanlarning ata – anisining namida, öz perzentini qayturup ekilip bérish toghruluq xitay hökümitige sunghan iltimas sheklide teyyar bir höjjet hazirlighan. Höjjette, ata – anilar imza atqan ehwal astida, xitay hökümiti ularning cheteldiki perzentini ekilip bérishke térishidighanliqi ekis ettürülgen.

Bu xil ehwaldin xewiri bolghan zibibullah ependining éytishiche, xitayning bir süre guwahchilarni egeshtürp kirip, teyyar höjjetke imza étishqa dewet qilish herikiti ata – anilarni chöchütken we ularning telepliri ata – anilar teripidin deslepki qedemde ret qilinghan. Zibibullah ependi, bu hadisining özi bilidighan bir kishining ailiside yüz bergenlikini tilgha aldi.

Gérmaniyidiki uyghur ziyalisi tursun ependi, xitay jasusluq organlirining cheteldiki uyghurlargha qarita bundaq bir chare qollunishidiki sewep heqqide toxtaldi. Tursun ependining éytishiche, xitay hökümitining bu yéngi tedbirining meqsiti, yalghuz cheteldiki uyghur siyasiy herikitini parchilash we yétim qaldurush, uyghur siyasiy panahliq tiligüchilerge qarita tosalghu peyda qilish hem özining uyghur millitige qarita yürgüzüwatqan zulumlirini yalghangha chiqirishtinla ibaret bolup qalmastin, belki gherb döletlirining xitaygha qarita, xitay qachqunlirini tizginlesh heqqide ishlitiwatqan bésimlirige ijabiy jawap qayturushtin ibaret iken.

Bu xil tedbirni yalghuz uyghurlargha tedbiqlash arqiliq, xitay hökümiti bir tereptin chetellerdiki uyghurlarning siyasiy paaliyetlirige dexli yetküzüsh meqsidige yetse, yene bir tereptin, xitaydin bizar bolup chetelge qéchiwatqan uyghurlarni tizginlesh meqsidige yétidiken. Shundaqla, cheteldin qayturup kélingen uyghurlarni chetelni yamanlap, xitayning chet döletlerdinmu yaxshi ikenlikini teshwiq qildurush üchün xizmet qilduralaydiken.

Xewerlerge qarighanda, bu yil gérmaniyidin xitaygha qayturulghan muxter tiliwaldi we musa hajidin ibaret ikki neper uyghur, bu jehette öz rolini jari qildurushqa mejburlan ghan.

D u q rehberlirning qarashlirigha asaslanghanda, xitay hökümiti yéqinqi bir qanche yildin buyan, cheteldiki uyghurlarni téléfun söhbiti we xitay elchixanisi arqiliq, özlirige ishleshke mejburlash weqelirini köp qétim sadir qilghan. Wetenge ziyaretke barghan uyghurlarni özliri üchün ishleshke köndürüp, andin ularning ziyaritige ijazet bérish yolini tutqan. Bu uyghurlar özi yashawatqan döletke qayitqandin kéyin, hazirgha qeder xitaygha melumat bérish wezipisini ada qilip kéliwatqan bolsimu, bularning mutleq köp qismi, özlirining xitaygha ishlewatqanliqini uyghur teshkilatliri mesullirigha melum qilip qoyghan we xitayni aldap kelgen. Bu seweptinmu xitay jasusluq organliri, cheteldiki uyghurlarning paaliyetlirini ünümlük tizginlesh meqsidige yételmigen. Eksiche, uyghurlarning xitaygha qarshi siyasiy mujadilisi dunya siyasiy sehniside barghansiri tigishlik ornigha kötürülgen. Xitay hökümiti üchün, uyghurlarni tizginleshning eng muwapiq yoli, ularni öz wetinige qayturup kélip, hem gherb ellirining künséri köpiyiwatqan xitay qachqunlirigha chek qoyush heqqidiki bésimidin qutulush hem uyghur teshkilatlirining küchini ajizlitishtin ibaret bolghan. (Ekrem)

Uyghurche

--------------------------------------------------------------------------------

© 2006 Radio Free Asia

Unregistered
05-11-06, 02:43
xitayning qiliwatqan bundaq ishliri bek jiq. mushu Canada'da xitay jasusliri bolsa inqilapchilarni hem teshkilatchilarni siyaset sozlimeslik, ozlirining iddiyisini bashqilargha tanglasliq digendek/qatarliq bisimlarni qiliship, Uyghur xelqining Canada'diki siyasiy paaliyetlirige tosqunluq qilishmaqta....

biz Uyghur xelqi dunyaning qeyeride bolmayli Sherqiy Turkistan hem Uyghur digen geptin chetke chiqalmaymiz. chunki emiliyet shughu? bu xitay jasuslirigha bosh kelmeslik kirek jamaet. undaq ittipaqliqningmu bizge kiriki yoq!

Yashisun Sherqiy Turkistan! Yashisun Uyghur xelqi! Yoqalsun qizil pachaq satqun hem jasus uyghurlar!

Unregistered
05-11-06, 11:22
Xita xalighinini qilidighu hemmimiz bilimiz. bu yengiliq emes
Xitayning diginige egeshken Uyghur saq uyghurmu?
bek mohim sual del mushu.
yoq yerdin bashqa Uyghurlarni qorqutup, ularning rohigha soghaq su sepken uyghurni nime deymiz.
bundaq Uyghur hemmidin bek Toronto'da jiqmiki deymen.

Oghuz ewladi
05-11-06, 12:33
Qerindishim,
bundaqlar hemme yerde bar. Ularning usuli we teshwiqati oxshash: Siz weten uchun sozlisingiz ozingizge, bizning ozimizning koz qarishi bar, xitay kuchluk dowlet ulargha qarshi turux mumkin emes, uyghurlar osal ademler, biz siyasige arilashmaymiz, aldimizda siyaset sozlemeng wahakazalar. Yeni ular uyghurlarni siyesetke arilashmasliqqa, wetenperwerlerni qollimasliqqa undeydu.

Unregistered
05-11-06, 13:24
eytqiningizning bezi yerliri toghra, bezi yerliri oylinishqa tegishlik, bezi yerliri umutsizlik, bezi yerliri ?

5~10 yilda ozgurep turidighan siyaset???

xitaylar biz chetellerdiki Uyghurlarni yoq qiliwetimiz, chetellerdiki Sherqiy Turkistan dawasini yoq qiliwetimiz, dep xilmu-xil herketlerge urunmaqta. buning ichide bizge bir qeder eghir kiliwatqini del ozimizning ichidiki Uyghurlarni ishqa selip, chetellerdiki Uyghur paaliyetlirini basturushtin ibaret.

ehwal bundaq iken, Sherqiy Turkistan'ning musteqilliq dawasigha, Uyghurlarning chetellerdiki paaliyitige tosqunluq qiliwatqan we qilidighan herqandaq kuchni bizmu oxshashla yoq, yoq, yoq qiliwetishimiz kirek. gerche ularmu ozlirini Uyghur hisaplisimu, Uyghur xelqining menpetini xitayning qolida, Xinjiang xitayning ayrilmas bir qismi digen koz qarashta iken, bu Uyghur xelqi uchun paydiliq emes. mesile ularning buni qobul qilish yaki qilmasliqida qalghini yoq! undaq shexsiy menpeetchilerning tuptin oylaydighini wetenge xatirjem berip kilish, kopraq pul tepip ozini korsitishtin bashqa nerse emes. bundaq ehwalda yitishken ziyalilarning koz qarishiche, turmushining yaxshilinishi Uyghurlarning menpeeti hisaplinidu. likin 4 kishining turmushi asasi qatlam xelq we dihqanlar ular uchun hich nime emes....

Siyaset heqqide ikki eghiz soz qilipsiz. yana bir eghiz soznimu mening qisturup qoyghum kiliwatidu, eyipke buyrimang.

bizning teshkilatlirimizmu biraz qattiq qol bolidighan yerde xenim supet boliwalmasliqi kirek idi. xitayning bizni yoqutushqa chiqarghan ghalcha uyghurlirinimu bizmu her xil yollar bilen chirayliq yoq qiliwetishimiz kirek. dawamliq at-chap emes, biraz zamangha maslashqan halda, ilgharraq usulni qollunush kirek. Rabiye apimizni xitay suyqest qilip mashina soqiwetti, likin itirap qilmidi. Turkiye'ning burunqi presdenti Turgut Ozal 3 aydin kiyin tesir qilidighan zeher bilen olturuldi. Urumchidiki XY bir bayning inisi AIDS kisili bolup qelip, putun ailisi we XY'ning shirkiti weyran boldi.... YX'ning ozi we ayali xiroin'gha uginip qelip, putun ailisining shirkitini hem bextini weyran qilishti....

chetellerde bizning kok bayraqni koturush, xitaygha qarshi paaliyet qilish qanuniy jehettiki heqqimiz, hoquqimiz. bizning siyasiy chushenchimiz weyaki kok bayriqimizni kemsitidighan solamchi uyghur bilen urishimiz. biz bu weten dawasigha hayatimizdiki eng qimmetlik yashliqimizni, qenimizni, waqtimizni, pulimizni hem eqlimizni berip, ghurur bilen kirduq. hich kishi bizning kok bayriqimizni kemsitelmeydu, depsende qilalmaydu, yoqutalmaydu. bizning kok bayriqimizni yoqatmaqchi bolghanlarni bizmu yoqitimiz! kozimizni yummay turup yoqutimiz, meyli uyghur bolsun yaki uyghur beqip chong qilghan xitay bolsun, yoq qiliwerimiz.... yana dep qoyay, kok bayriqimizni yoqitidighan chetelliklernimu hem yoq qiliwetiwerimiz, gerche George Bush bolsimu oxshash.... bizning kok bayriqimiz 35 milyon xelqning bayriqi.... bizning kok bayriqimiz qan bilen tiklengen bayraq.... kirek bolsa biz bayraqni tiklesh uchun olimiz.... emma bayriqimiz yashaydu....

Unregistered
05-11-06, 19:03
men eng yèqin bir kishimning xitaygha sètilghanliqini bildim. deslepte bu heqte uchur alghan chèghimda, biaram bolup bir kiche köz yummighan bolsammu, "undaqmu emestu, pakitlar tèxi toluq emes, her halda biraz imkaniyet qaldurup qoyay" dègenni oylighan idim. axiri pakitmu toluq boldi. emdi men, nime qilarimni bilelmigen bir ehwalda turiwatimen. özüm turushluq döletning qanun organlirigha melum qiliwidim, "eger u bizning milliy menpietimizge ziyan yetküzmise, biz uninggha chare qollanmaymiz" dèdi.
"emma, bu choshqa, biz uyghurlarning milliy menpietimizge ziyan yetküziwatidu!" dèwidim, mürisini chiqirip qoydi.
men emdi qandaq qilay?