PDA

View Full Version : Ablikim Baqi Iltebir ependining wapatigha chongqur teziye bildürimiz!



moderator9
09-08-19, 08:42
Essalamu eleykum, qedirlik wetendashlar!

2019-yili 8-ayning 8-küni (peyshenbe) seher tonulghan zhurnalist, edib we ijtima’iy pa’aliyetchi Ablikim Baqi Iltebir aka alemdin ötti. Bu xewer muhajirettiki Uyghurlarning, jümlidin Amérikadiki Uyghur jama’itining yüreklirini titretti!

Merhum Ablikim Baqi meyli wetende ötken yillirida bolsun, yaki Türkiyede yashighan mezgilliride bolsun we yaki Amérikada yashighan 19 yilliq hayatida bolsun, weten we millet üchün qolidin kélidighan tirishchanliqlarni körsetti.

U muhajirettiki milliy dewa sépide özining bir kishilik hessisini qoshupla qalmastin, belki yene yash ewladlarni terbiyelep yétishtürüsh, Uyghur tarixi, edebiyati we medeniyitige da’ir kitab - maqalerni yézish shundaqla ijtima’iy pa’aliyetlerni teshkillesh hemde jama’etlik ishlarda yétekchilik qilish qatarliq jehetlerdimu nurghun xizmetlerni ishlidi.

Ablikim Baqi aka yene Erkin Asiya Radiyosining Uyghur bölümide tehrir bolup ishligen uzun yillar dawamida Uyghurlargha da’ir eng yéngi xewer we maqalilerni tehrirlep, Uyghur tilidiki taratqularning weten sirtida ölchemlishishi we qéliplishishi üchünmu özining yürek qénini serp qildi.

Ablikim Baqi aka özining arzu-armanliri üchün dawamliq küresh qiliwatqan bir bir mezgilde késel sewebi bilen 70 yéshida alemdin ketti. U Uyghur xelqi öz tarixidiki eng qabahetlik dewrni béshidin ötküziwatqan, erkinlikning, hörlükning we musteqilliqning qimmitini eng chongqur derijide hés qilghan bir dewrde alemdin ötti. Emma uning hayat sepiride wetini we xelqi üchün qaldurghan bir qatar xizmetliri menggü untulmaydu.

Amérika Uyghur birleshmisi merhum Ablikim Baqi Iltebir akining wapatigha chongqur qayghusini bildüridu. A’ile twabi’atlirigha sebir-taqet tileydu. Shuning bilen bir waqitta yene merhumning hayatida weten we milliti üchün körsetken tirishchanliqliri hem töhpilirini semimiylik bilen esleydu.

Ulugh Allahdin merhumning rohigha meghpiret tileymiz. Yatqan yérining jennette bolushi üchün du’a qilimiz.

Hörmet bilen,

Amerika Uyghur Birleshmisi idare hey’iti
2019- yili 8- ayning 8- kuni