PDA

View Full Version : UAAning 2018-yilliq jumhuriyet bayrimimizni xatirlesh pa'aliyiti heqqidiki uqturushi



moderator9
21-10-18, 20:19
Amérika Uyghur Birleshmisining 2018-yilliq jumhuriyet bayrimimizni xatirlesh pa’aliyiti heqqidiki uqturushi


Essalamu’eleykum hörmetlik qérindashlar,

Hemminglarni pat arida yétip kélidighan jumhuriyet bayrimimiz bilen qutluqlaymiz!

20-esirde wetinimizde qurulghan ikki qétimliq Sherqiy Türkistan jumhuriyiti Uyghur xelqining hör we erkin hayatta yashash shundaqla musteqil milliy dölet berpa qilish yolidiki tewrenmes milliy iradisining yimirilmes tarixiy delilidur.

1930-yillarning bashliridiki milliy qutulush inqilabining netijisi süpitide Qeshqerde qurulghan Sherqiy Türkistan Islam jumhuriyiti (1933-1934) we 1944-yilidiki Ili inqilabining netijiside Ghuljida élan qilin’ghan Sherqiy Türkistan jumhuriyiti (1944-1949) oxshash bir künde, yeni 11-ayning 12-küni dunyagha jakarlan’ghan.

Shundin buyan 12-noyabir Sherqiy Türkistan xelqining jumhuriyet bayrimi süpitide xatirlinip kelmekte.

Amérika Uyghur Birleshmisi bu munasiwet bilen 2018-yilliq jumhuriyet bayrimimizni xatirilesh pa’aliyiti ötküzüshni qarar qildi. Xatirilesh pa’aliyitide aldi bilen mesh’hur tarixchilirimiz ikki qétimliq jumhuriyitimizning tarixi, hazırqi tesiri we buningdin elinghan sawaqlar heqqide mexsus léksiye sözlinidu. Andin klassik we hazirqi zaman muteppekkurlirimizning eserliridin jewherler tallinip déklamatsiye qilinidu. Pa’aliyitimizge eger özlikidin nomur teqdim qilishni xalaydighanlar qérindashlirimiz bolsa qizghin qarshi alimiz.

Eziz qerindashlar, pat arida yétip kélidighan jumhuriyet bayrimimizni birlikte menilik ötküzüsh üchün Amérikida yashaydighan barliq Uyghur qérindashlarni we ularning a’ile tawabiatlirini teklip qilimiz.

Jumhuriyet bayrimimiz bizning hem sizning bayrimingiz, shundaqla pütkül Uyghur xelqining bayrimidur.

Orni: 4401 sideburn rd, Fairfax, VA 22030

Waqti: 2018-yili 11- ayning 11- küni (Yekshenbe) sa’et 2:00-7:00 pm

Hörmet bilen,
Amerika Uyghur Birleshmisi idare hey’iti

2018- yili 10-ayning 21-kuni