PDA

View Full Version : Parlament Ezasi Peggy Nash Huseyin Jelil Mesilisi Heqqide Toxtaldi



uyghur1.com
03-10-06, 21:38
http://www.uyghur1.com/uyghur/viewtopic.php?t=6441


Parlament Ezasi Peggy Nash Huseyin Jelil Mesilisi Heqqide Toxtaldi


Kamil Tursun



http://www.parl.gc.ca/information/about/images/PARLINFO_img/18844.jpg

Surette Parlament ezasi Peggy Nash



Kanada Parlamentidiki Tibet dostluq guruppisining ezaliridin bolghan Peggy Nash Hüseyin Jelil Ozbekistan dairliri teripidin Xitaygha otküzülüp bérilgendin keyin,bu heqte oz namida bayanat élan qilip ve maqale yezip, Kanada jamaitini bu mesilige kongül bolüshke chaqirghan Yengi Demokratlar Partiyesi Parlament ezasidur.
Kanada parlamentidiki tort chong partiyening biri bolghan Yengi Demokratlar Partiyesi Hüseyin jelil mesilisi heqqide ikki qetim bayanat élan qilip, Kanada hokumiti ve Kanada bash ministirini bu mesilige jiddi muamile qilishqa devet qilghan ve Hüseyin jelil mesilisini hel qilish üchün derijisi yoquri bolghan bir omekni derhal xitaygha evetishni teshebbus qilghanidi.

Tovende biz Parlament ezasi Peggy Nash bilen Huseyin Jelil mesilisi heqqide sohbet elip barduq.

Ziyaritimizni qobul qilghan Peggy Nash Kanada Yengi Demokratlar partiyesining Hüseyin Jelil mesilisige ehmiyet berivatqanliqini ve Kanada hokümitining Hüseyin Jelilning hoquqlirini qoghdash mejburiyiti barlighini eskertip :

Biz birinchidin, Hüseyin Jelil ependining ehvalining zadi qaysi derijide ikenlikini éniqlash üchün yoquri derijilik deplomatlardin teshkil qilinghan bir omekni derru Xitaygha evetishni, ikkinjidin,Kanada Bash ministiridin Kanada puxrasining teqdirige shexsen kongül bolüshni teshebbus qilivatimiz. Hüseyin Jelil mesilisi alahide mesile. Chünki u siyasi panalanghuchi salahiyiti bilen Kanadagha kelgen. Shunga Kanada hokümitining Xitayda ziyakeshlikkke uchravatqan Hüseyin Jelil ependining hoquqlirigha kapaletlik qilish ve uni qoghdash mejburiyiti bar.
Dolitimiz pütün dunyadin Kochmen ve siyasi panalanghuchilarni qubul qilidighan dolet. Eger siyasi panaliq tiligichiler burunqi dolitige qayturulup, ziyankeshlikke uchrisa, bundaq ehvalda Kanada oz puxrasigha yardem qolini sunalmisa, bu Kanadaning obrazigha ziyan elip kelidu,dedi.

Peggy Nash Xitay hokümitining Hüseyin Jelilni sotlimaqchi bolghanliqidin bashqa hechqandaq uchur bermigenliki, shunga uning teqdiri heqqide herxil soz- chocheklerning otturigha chiqivatqanliqini otturigha qoyup:

Men federal hokümetning Hüseyin Jelil heqqidiki paaliyetlirining nime üchün hazirghiche ünümi bolmayvatqanliqini bilmeymen. ama biz ularni bu mesilige intayin jiddi qarashqa hemde imkaniyetning bariche bu heqte tiz herket qilishqa ündevatimiz. Kopligen Kanadaliqlar Hüseyin Jelil ependining teqdirige kongül bolivatqanliqi üchün Kanada hokümiti bu mesilige ehmiyet bérivatidu. Lekin biz texiche Hüseyin Jelil ependining ehvalining zadi nedin negichiligini bilmeymiz. Meningche,buninggha peqet Xitaydiki demokratik pirinsiplargha yat bolghan- hemmini yeng ichide elip baridighan siyaset sevep bolivatidu. Shunga Heli uning pat arida olümge hoküm qilinidighanliqi heqqide xever otturigha chiqsa, heli uninggha palan yilliq qamaq jazasi hoküm qilinghanliqi heqqide xeverler tarilivatidu. Bularni delilesh teske toxtavatidu,dedi.

U Xitay hokümitining Hüseyin Jelilning Kanada puxraliq salahitini ret qilghanliqining Xitay bilen Kanada otturisida qatmalliq veziyiti shekillendürgenlikini otturigha quyup :

Eniq bir nerse shuki, Hüseyin jelil ependi Kanada puxrasidur. Shunga biz, Kanada ozining mejburiyitini ada qilish kerek dep qaraymiz.Uning üstige u qanunluq ve Kishilik hoquq sahesi boyiche Kanada puxrasi bolghan. Eger xitay hokumiti Hüseyin Jelil ependini sotlimaqchi bolidiken,bizning chuqum buningdin xevrimiz bolishi,.u yerdiki qanuni resmiyetler choqum uchuq ashkara elip berilishi shert .Shundila Kanada bulargha ishineleydu,ama hazirqi ehval buning teturisiche bolivatidu. Xitay hokümitining Hüseyin Jelil arqiliq nime mexsetke yetmekchi bolghanliqi hazirghiche bizge qarangghu bolivatidu,dedi.

Peggy Nash Xitay hokümitining uninggha terorchi qalpighi keygüzüshke urinivatqanliqi heqqide toxtilip:

Hokümetler üchün browgha terrorist qalpighini keygüzüsh arqiliq uning hoquqini ret qilish intayin asan.Biz bundaq qalpaq keygüzidighan ishlargha alahide deqqet qilishimiz kerek. Xitay Hokümiti Hüseyin Jelil ependini qanuni meslihetchisi bilen bilen korüshtürüshi, qanuni resmiyetler boyiche ish qilishi kerek. biz Xitayning olüm jazasi bérish xatirisige alahide diqqet qilimiz.Xitayda nurghunlighan kishiler dini etiqatliri ve erkinlikni teshebbus qilghanliqi üchün olüm jazasigha uchrap keldi.. Biz Kanada puxrasi bolghan Hüseyin Jelil ependining ulardin biri bolup qélishini zadila xalimaymiz,dedi.

Tibet mesilisige kongül bolgen ve Dalay Lamagha Kanadaning pexri puxraliq salahiyitini berishni aktip teshebbus qilghanlarning biri bolghan Peggy Nash Tibet ve Uyghur mesilisining Kanadadiki Kubek mesilisi bilen oxshashliqi barliqini eskertip:

Tibetlikler ve Uyghurlarning ehvali bilen Kubekliklerning ehvalini selishturushqa bolidu.Meyli qaysi xelq bolsun ularning ozi hazir teve bolivatqan dolette yashash yaki ozlirining milli doletlirini berpa qilishqa qarar qilish hoquqi bolidu. Hazir Kubek xelqining bu xil hoquqi bar.Biz Tibet ve Uyghur xelqighimu bu xil hoquqning bérilishini umüt qilimiz,dedi.