PDA

View Full Version : Murajetnamiler néme üchün mohim?



Unregistered
25-03-18, 00:27
Murajetnamiler néme üchün mohim?

Abduweli ayup

Uyghurlarning zulumgha qarshi qiliwatqan namyish, eriz we imza paaliyetliri 2018-yildin kéyin bir dolqun yaratti. Sélishturup qaraydighan bolsaq buning ichide 2018-yili yanwardin bashlan'ghan murajetname élan qilip imza toplash paaliyiti barghanche qollashtin qélip, nezerdin saqit boluwatidu. Mushu waqitqiche besh qétim murajet élan qilindi. Imza sani barghache azlap kétiwatidu.

Her qétimliq murajette ejellik bir mesile pakitliq otturigha qoyuldi. Bu murajetler dunya jamaitige uyghurlarning derdini bildüridu, uyghur weziyitining xetirini chüshendüridu, uyghur xelqini bir millet süpitide yoqatmaqchi bolghan xitayning uyghur xelqige qiliwatqan zulumni pakit bilen achidu. Bu murajetler teshkilatlirimizni kishilik hoquq organlirigha, xelq'ara teshkikilatlargha we özliri turushluq döletlerdiki kishilik hoquq organlirigha sunidighan dokilat bilen teminleydu. Shu seweptin bu murajetler uyghurche, én'gilizche, fransozche, erebche, türkche, ispanche, xitayche qatarliq sekkiz xil tilda tarqitiliwatidu.
Murajetnamilerge uyghurning imza qoyushi néme üchün mohim?

Murajetnamilerge imza qoyush uyghurlarning murajetnamide otturigha qoyulghan shu pakitlargha qoshulidighan, shu erizlerni méningmu erzim dep bilidighan, shu ziyankeshliklerge menmu uchrwatimen deydighan shahitliqni namayen qilidu.

Murajet uyghurlar heqqide bolghachqa buni tarqitidighan, teshwiq qilidighan, bashqilargha yetküzidighan kishilerning uyghurlar bolushi dunyagha bizning heqiqi zulumgha uchrighuchi ikenlikimizni ispatlaydu. Biz derdimiz bar dep meydan'gha chiqmisaq, zulumgha uchrawatimiz dep shahit bolmisaq, zulumning emeliy pakitlirini otturigha qoymisaq, zulumdin qutulush heqqide izdenmisek zulum özligidin yoqap ketmeydu.

Murajette ekis etkini eqil bilen, qelem bilen, tinchliq bilen qilinidighan köreshning sunmas rohi. Men uyghurning dunyagha yigha awazi, tekbir sadasi, miltiq nawasi bilen emes qolida heqqani dawaning pakitlirini kötürgen, aghzida insaniyetke bolghan söygü, adaletke bolghan ishench we erkinlikke bolghan shertsiz teleplirini jakarlighan halda tonulishini arman qilimen. Shunga toxtimay eriz qilish, toxtimay murajet qilish, toxtimay heqni sözlesh hemmimiz üchün her daim mohim.