PDA

View Full Version : Murajetnamidin Tughulghan Héslar



Unregistered
23-03-18, 23:25
Murajetnamidin Tughulghan Héslar

Tarhan Iltebir


Wetinimiz sherqiy türkistanda yüz bériwatqan tarixta misli körülmigen zulum éghizda éytilghan bilen qeghez yüzide zulumgha uchrighuchilar teripidin inkar qilinmaqta.

Künimizde qelem körishi elem körishining aldinqi shert bolup köz aldimizda namayen bolmaqta.
Yéqinqi bir qanche aydin buyan tor muhitida paaliyet qiliwatqan mesh'el guruppisi wetende yüz bériwatqan zulumlarni pash qilip arqimu arqa murajetname chiqirip muhajirettiki uyghurlarni bu zulumlargha shahit bolushqa chaqirghan bolsimu, bu chaqiriq "xitaylar bizge zulum qiliwatidu, insan heqliri qeyerde?" dep shuar tolawatqan dawa igiliri teripidin inkar qilinmaqta.
Dunya intérnét téxnikisi bilen kichik yézigha aylinip qalghan künimizde mewhum tor dunyasigha yollan'ghan her nerse birer delil, melumatqa aylinidu.

Wetendiki zulumgha qarshi muhajirettikilerning qeghez yüzide shahit bolushni ret qilishi kishini heyran qalduridu.
Kishiler sanliq melumatlargha, yazma delillerge bekrek ehmiyet bériwatqan bügünki dunyada bu chaqiriqqa awaz qoshmasliq, bashqilargha xitaydiki zulumning éytilghandek unche éghir emesliki, buning peqet bir uchum kishilerning sepsetisi ikenliki, köp sanliq uyghurningmu bu bir uchum kishilerni qollimasliq bilen emeliy jawap bériwatqanliqi tuyghusini peyda qilidu.
Bügünki dunya éghizdiki sözni emes, resmiyetke ige bolghan höjjetni nezerge alidu.

Bu chaqiriqlargha qol qoyghanliq wetende boliwatqan zulumgha shahit bolghanliqtur. Bu shahitliq bilen xelq'arada xitay hökümitining epti beshrisini échip tashlighili, wetende yüz bergüsi qarshiliq heriketlerning térrorluq herikiti emes, yolluq qoghdinish, kishilik heq - hoquqini qoghdash körishi ikenlikini ispatlashta muhim rol oynapla qalmastin, xitay hökümitining uyghurlarni térorchi qilip körsitishining aldini alghili bolidu.

Bezi qérindashlarning bu murajetname bilen héch ish hel bolmaydu, dégenlikini anglighandek boliwatimen.
Belkim shundaqtu, déginingizdek bir mesile hel bolmasliqi mumkin. Emma nemrut ibrahim üchün yaqqan gülxan öchürüsh üchün bir tamche suni élip atlan'ghan chümile ( yaki qush) u gulxanning bir tamche su bilen öchmeydighanliqini biletti, lékin meydanim éniq bolsun dep yolgha rawan bolghanidi.

Bu künlermu ötüp kétidu, emma tarix bolup qalidu. Emma bir künler kélip balingiz yaki newringiz weyaki bashqa birsi sizdin bu "éghir künde qandishing, wetendishing, dindishing üchün sen néme ish qilding? " dep sorighanda bergüdek bir jawabingiz bolsun!

Sewep bizdin netije allahtin!

Imza qoyush tor adresi:
https://www.change.org/o/group_of_uyghurs_living_abroad

Imza qoyush usuli:
http://www.freedomsherald.org/ET/cmp/Imza-qoyush.mp4

Unregistered
24-03-18, 16:35
Murajetname elan qilish bilen wetendiki zulumni derhal tosup qalghili bolmaslighi mumkin, emma, bu chetelde biz qilalydighan ishlardin biri. Bu arqiliq teximu köp kishler wetende boluwatqan zulumni bilidu, xitayning zalim we zorawanlighini chushinidu. Sunglashqa men tunji murajetname elen qilinghandin bashlap,hemme Murajetnamilerge qol qoyup keliwatimen. Gerche murajetname yezish qolumdin kelmigini bilen, uninggha imza qoyush qolumdin kelidu. Bashqa Uyghurlar üchünmu shundaq.

Yoghan ish qolumizdin kelmise, bashqa pidakar wetendashlar qilghan ishni mengsitmey, kichik körüp qollimisaq durus ish bolmaydu. Murajetname elan qilish we uni qollash, hich ish qilmay qarap turghandin, ijtimai taratqularda zulumdin shikayet qilipla olturghandin köp ewzel.