PDA

View Full Version : Chén chuen’go Sherqiy Türkistandiki Insaniyetke Qarshi Jinayetlerni Toxtatsun!



Unregistered
23-02-18, 23:36
Chén chuen’go Sherqiy Türkistandiki Insaniyetke Qarshi Jinayetlerni Toxtatsun!

Mesh’el Uyghur Guruppisi

https://www.change.org/p/stop-chinese-communist-dictator-chen-quanguo-s-crimes-against-humanity-in-east-turkestan

Biz Mesh’el Uyghur Guruppisi change.org da élan qilghan aldinqi üch qétimliq muraji’etnamimizde (http://chn.ge/2CAIJFR, http://chn.ge/2Dw8YAU, http://chn.ge/2Eh6k2c), xitay hökümitining Uyghurlar üstidin yürgüzüwatqan chékidin ashqan siyasetlirini toxtitishini, lagérlargha solan’ghan 1 milyon Uyghurni qoyuwétishini, «tesir mehbusliri»ni qoyuwétishini telep qilghan iduq. Biz bu muraji’etnamide Uyghurlargha qaratqan siyasetlirini chékidin ashurup yürgüzüwatqan atalmish Shinjang Uyghur Aptonom Rayoni(Sherqiy Türkistan)ning sékrétari Chén chuen’goning Sherqiy Türkistan xelqining insani heq-hoquqlirini qattiq depsende qiliwatqan siyasetlirini derhal toxtitishni telep qilimiz!

Chén chuen’go xitay kommunist hökümiti teripidin 2016-yili Awghustta tibettin Sherqiy Türkistan’gha yötkep wezipige qoyulghandin béri, özining tibet rayonini bashqurghan siyasetlirini eyni péti Uyghur xelqi üstidin yürgüzüp, Uyghurlar üstidin élip bériliwatqan basturushni tarixta misli körülmigen derijide éghirlashturuwetti.

Igilinishiche, Chén chuen’go bashchiliqidiki xitay hökümiti yerliktiki mehelle hökümet emeldarlirigha , awi’atsiye bashqurghuchiliri we xizmetchi xadimlirigha «qolgha élish jedwili» tarqitip bergen, shundaqla ulargha «hökümname» qeghizini bésip teyyarlap, Sherqiy Türkistanning her qaysi rayonlirida qolgha élinidighan kishilerning sanini we artishqa tégishlik jinayet türlirini belgilep bergen. Chén chuen’go bu usul arqiliq qisqa waqit ichidila 1 milyondin oshuq Uyghurni jaza lagérlirigha solighan bolup, bu «gunahsiz mehbus»lar Chén chuen’goning insan qélipidin chiqqan qebih zulumi astida tirkishiwatidu.

Chén chuen’goning yéqindila oydurup chiqarghini bolsa «ikki yüzlimichi» dégen yéngi «jinayet» bolup, u 2017-yildin bashlap bu «jinayet»ni Uyghurlargha artishqa bashlighan. Chén chuen’go teripidin «ikki yüzlimichi» déyilip soliniwatqan Uyghurlarning az bir qismi özige sadiq bolup ishligen, emma hazir kériki qalmighan Uyghurlardin bolsa, zor köpchiliki, biz mesh’el Uyghur guruppisi üchinchi muraji’etnamide nuqtiliq tilgha alghan, «tesir mehbusliri » din ibaret. «Tesir mehbusliri » bolsa, öz saheliride utuqqa ériship melum tesir küchige ége bolghan, wijdan mehbusliridin perqliq halda xitay kommunist hakimiyitining siyasetlirige süküt qilip kelgen shexslerdin ibaret bolup, peqet jem’iyette tesiri bar Uyghur bolghanliqi seweblik «ikki yüzlimichi» dégen jinayet artilip tutqun qilinmaqta.

Chén chuen’go teripidin tutqun qilin’ghanlar ichide 18 yashtin 50 yashqiche bolghan Uyghur erliri mutleq köp sanni igiligen. Netijide, nurghun ayallar erliridin ayrilip «tul xotun»largha aylan’ghan bolsa, balilar dadiliridin ayrilip tirik yétimge aylan’ghan. Déhqanchiliq asasi igilik bolghan Sherqiy Türkistanda térilghu yerler er emgek küchliridin ayrilghan. Shu sewebtin hazir Sherqiy Türkistan’gha ziyaretke bérip qalghan herqandaq kishi «ersiz mehelle» we «Uyghursiz kochilar»ni köreleydighan ehwal shekillen’gen.

Chén chuen’go türme we jaza lagéri sirtidiki Uyghurlarnimu öz haligha qoyuwetmigen. U «qoshmaq tughqan bolush» tüzümini yolgha qoyup, «xitay tughqan»larni Sherqiy Türkistanning chong-kichik yéza-sheherliridiki Uyghur a’ililirige mejburiy orunlashturghan, we ular arqiliq Uyghurlar üstidin yürgüzüwatqan nazaretni her bir Uyghurning a’ilisigiche emeliyleshtürgen. Hetta a’iliside erliri yoq bolghan «tul xotun, yétim balilar»mu bu xitay «tughqan»liridin qéchip qutulalmighan. Biz hetta bezi er «tughqan»larning tul xotun, yétim qizlargha zorawanliq qilghanliqidek jinayi qilmishlarning yüz bergenlikige da’ir uchurlarni igiliduq. Zorawanliqqa uchrighan Uyghur xanim-qizliri yerlik hökümetke erz qilghanda «muqimliqqa tesir yetküzgen» dégendek bohtanlar bilen qolgha élin’ghan. Bu xil mejburiy tughqandarchiliq siyasiti «tughqanliq»qa orunlashturulghan xitay puqralarghimu bésim élip kelgen. Uyghurlargha ishench qilalmighan xitay hökümiti her bir Uyghur a’ilisige orunlashturghan xitay «tughqan»lirining sanini köpeytken. Atalmish xitay «tughqanlar» bolsa Uyghur «tughqini»din shübhilinip, kéchiche nöwetliship közette turghan.

Chen chuen’go bir milyondin artuq Uyghur «gunahsiz mehbus» lirini jaza lagérlirigha solapla toxtap qalmay, Sherqiy Türkistanning herqaysi jaylirida «qayta terbiyelesh merkizi» namidiki jaza lagérlirini üzlüksiz qurmaqta. Buning bir misali hazir ürümchidila 7000 kishilik 4-jaza lagéri qurulushi élip bérilmaqta. Téximu éghir bolghini, bu bir milyon «gunahsiz mehbus» larning jaza lagérlirida insan qélipidin chiqqan mu’amililerge duchar bolushidur.

Biz yéqinda emdila türmidin qoyup bérilgen bir Uyghurning öz éghizidin, u yéngidin tutqun qilin’ghanda qa’ide-tüzümlerni bilmigenliki sewebidin qattiq urulghanliqini, «men térrorchi!»démigiche tayaqning toxtimaydighanliqini, hajetxanigha kirmekchi bolsimu «men bir térrorchi, men hajetxanigha kirettim» dep ruxset sorimisa tayaqqa bésilidighanliqini, ong qoli sol putigha zenjir kishen bilen chétip qoyulghanliq sewebidin beden sheklining pütünley özgirip ketkenlikini, bir yildin kéyin qoyup bérilginide, peqet ömilepla mangidighan, tüz turup mangalmaydighan bolup qalghanliqini angliduq.

Sherqiy Türkistanda tughulghan we 12 yilning aldida qazaqistan puqraliqigha ötken Ömürbek Éli xizmet sewebi bilen Sherqiy Türkistan’gha kelginide tutqun qilinip, her xil lagér we türmilerge qamilip, 8 aydin kéyin qazaqistan hökümitining ige bolushi bilen qoyup bérilgen. Ömürbek Éli shu 8 ayliq mehbusluq hayatida nurghun qétim ten jazasigha uchrighan, jismaniy we rohi azablardin u 40kg oruqlap her-xil késellerge giriptar bolghan (https://www.rfa.org/english/news/uyghur/kazakh-01302018161655.html).

Türkiyede yashawatqan qeshqerlik tijaretchi Abduraxman Hesen ependim özining chet’elde yashawatqanliqi sewebidin tutqun qilinip jaza lagérida ten jazasigha uchrap janliri qiyniliwatqan anisi we ayali üchün, xitay hökümitige «anam bilen ayalimni étip béringlar, oq pulini men bérey!» dep chaqiriq qilghan (http://freedomsherald.org/ET/unb/). Erkin Asiya Radi’osi yéqinda, jaza lagérida xitay dölet naxshisining mezmunini xitay tilida yadliyalmay özini öltürüwélishqa mejbur bolghan bir yashning xewirini bergen. Mushuninggha oxshash türme we jaza lagérlirigha tirik kirip ölük chiqiwatqan Uyghur «gunahsiz mehbus»lirining sani barghanséri köpiyiwatqan bolup, biz Mesh’el Uyghur Guruppisi Chén chuen’go we uning hökümitining Uyghur xelqige qarita insaniyetke qarshi jinayet ötküzüwatqanliqigha sheksiz ishinimiz.

Nöwette Uyghur xelqi ajiz we yardemsiz qaldi. Shu sewebtin, biz xitay hökümitining wehshiylikliri aldida özimizni qoghdashqa amalsizmiz we mewjutluqimiz üchün boluwatqan bu küreshni yalghuz qilalmaymiz. Biz dunya jama’etchilikining qollishigha mohtaj! Eger dunyadiki minglighan, onminglighan heqsöyer kishiler bu muraji’etnamige imza qoysa, Birleshken Döletler Teshkilati belkim bizge köngül bölüshi we bu qilmishlarni toxtitish heqqide xitay kommunist hökümitige we Chen chuen’gogha bésim ishlitip Uyghurlar üstidin yürgüzüwatqan insan heqlirini depsende qilish siyasetlirini toxtitishqa mejburlishi mumkin.

Bizning sépimizge qoshulung, bu muraji’etnamige imza qoyung we tarqitip qoyung. Sherqiy Türkistanda yüz bériwatqan ademni chöchütidighan zorawanliq qilmishlirini toxtitishqa yardem qiling! Rehmet sizge!

Towendiki ulanmini chekip imza qoyung:
https://www.change.org/p/stop-chinese-communist-dictator-chen-quanguo-s-crimes-against-humanity-in-east-turkestan

Unregistered
24-02-18, 09:46
What is action after this? Assume you have 1500 signatures, what is the next step?

Unregistered
24-02-18, 11:12
What is action after this? Assume you have 1500 signatures, what is the next step?

it's nothing but is like "表态" what our people doing in homeland. outside of China they are showing their position like this, whereas inside of China they are also showing another position. real two-faced people, that's how Uyghurs survive through the history.

Unregistered
25-02-18, 01:15
Everyone wants to survive. What do you do if it is the only way for survival in this harsh world?


it's nothing but is like "表态" what our people doing in homeland. outside of China they are showing their position like this, whereas inside of China they are also showing another position. real two-faced people, that's how Uyghurs survive through the history.

Unregistered
25-02-18, 02:16
Everyone wants to survive. What do you do if it is the only way for survival in this harsh world?

Exactly! This kind of "表态" is used to identify people with "thought problems" in order to get them. It is a strategy to get people and it has been used forever, e.g. "大鸣大放运动," to bring down millions of people, mainly intellectuals at that time and afterwards. That include influential people in every respect and profession, such as religious figures, successful business people, outspoken individuals.

Even in international Uyghur community, very few Uyghurs have protection from their respective governments. In the last few years we haven't seen one Uyghur individual released from Chinese prison despite Amnesty International campaign. It is difficult to know how this kind of petitions will reap any fruit from the UN. Off course oppression is not making any Uyghur happy. But people must be able to differentiate between helplessness and willingness of doing something in the current political atmosphere. The UN and other human rights organizations would understand the situation if all kinds of facts reach them.

Unregistered
25-02-18, 04:16
Absolutely agree with what you said.
UN is useless or UNable to do anything.
The west and muslim countries who contributed for China‘s today.
But please tell me then what we need to do survive from Chinese oppression ?



Exactly! This kind of "表态" is used to identify people with "thought problems" in order to get them. It is a strategy to get people and it has been used forever, e.g. "大鸣大放运动," to bring down millions of people, mainly intellectuals at that time and afterwards. That include influential people in every respect and profession, such as religious figures, successful business people, outspoken individuals.

Even in international Uyghur community, very few Uyghurs have protection from their respective governments. In the last few years we haven't seen one Uyghur individual released from Chinese prison despite Amnesty International campaign. It is difficult to know how this kind of petitions will reap any fruit from the UN. Off course oppression is not making any Uyghur happy. But people must be able to differentiate between helplessness and willingness of doing something in the current political atmosphere. The UN and other human rights organizations would understand the situation if all kinds of facts reach them.